Осумнаесеттата најбогата личност во светот и сосопственичката на Амазон, Мекензи Скот, оваа година донирала вкупно шест милијарди долари на различни непрофитни организации.

Mултимилијардерката и поранешна сопруга на Џеф Безос, најбогатиот човек во светот, во последниве четири месеци донирака над 4.3 милијарди долари во американските банки за храна и фондовите за помош во итни случаи.

Оваа години им помогнала на вкупно 380 хуманитарни организации, а размислува финансиски да им помогне на уште 6.500 организации. Кога ќе се собере се, во 2020 година таа донирала околу шест милијарди долари.

MacKenzie Scott gives away $4.2bn in four months https://t.co/WmHA1U3BQ1

— BBC News (UK) (@BBCNews) December 16, 2020

Министерството за здравство информира дека во последните 24 часа се направени 2889 тестирања, а регистрирани се 865 нови случаи на ковид-19 во: Скопје-330, Куманово-28, Дебар-12, Штип-22, Прилеп-47, Тетово-42, Струга-24, Велес-35, Битола-42, Охрид-36, Кавадарци-38, Гостивар-29, Гевгелија-33, Струмица-25, Крива Паланка-3, Радовиш-14, Крушево-1, Кочани-13, Пробиштип-4, Демир Хисар-1, Македонски Брод-1, Пехчево –2, Берово-4, Валандово-3, Делчево-15, Кратово-2, Свети Николе-8, Кичево-18, Ресен-7, Неготино-26.

Денеска Институтот за јавно здравје регистрира 641 оздравени пациенти од: Скопје-248, Куманово-31, Дебар-8, Штип-26, Прилеп-35, Тетово-34, Велес-33, Битола-28, Охрид-1, Кавадарци-25, Гостивар-44, Гевгелија-13, Струмица-32, Крива Паланка-5, Радовиш-6, Крушево-1, Кочани-8, Пробиштип-2, Македонски Брод-1, Валандово-2, Виница-15, Кратово-1, Свети Николе-14, Кичево-7, Ресен-6 и Неготино-15.

Починати се 25 лица, десет пациенти од Скопје (50, 66, 40, 80, 61, 79, 71, 83, 71 и 73), еден од Куманово (81г), двајца од Штип (63 и 51г), тројца пациенти од Прилеп (85, 59 и 44г), еден од Тетово (73г), двајца од Струга (81 и 89г), еден од Велес (78г), еден од Охрид (83г), еден од Кавадарци (69г), еден од Гостивар (66г), еден од Струмица (70г) и еден пациент од Радовиш (68г). Пациентите се починати во болнички услови.

Вкупната бројка на ковид дијагностицирани во нашата земја од почетокот на епидемијата изнесува 75597, бројката на оздравени пациенти е 51493, на починати е 2194, а бројот на активни случаи изнесува 21910.

Факултетското студентско собрание при Економски факултет -Прилеп органзира хуманитарна акција со цел да се помогне на социјално загрозените семејества.

-Од 15.12 до 22.12, секој од нас во рамките на своите можности, може да донира во еден маркетите, односно во кошничките коишто се поставени во маркетите означени со нашите постери – велат студентите од Економскиот факултет Прилеп.

Вклучени во акцијата се следните маркети: ТОБАКО ДИСКОНТ, КАМ маркети, БОНИТА НИНЕ, МЕШЕ маркет, ФОРУМ маркети, ПАТА маркет, АЛИЈАНСА маркети, ЏИМИ маркет.

“Почитувани колеги, професори и сограѓани, ние како студенти сметаме дека секој треба да ги дочека Новогодишните и Божиќните празници во кругот на своите најблиски, исполнети со среќа и весели мигови. Токму поради тоа Факултетското студентско собрание при Економски факултет -Прилеп, во соработка со Здружението “Епилепсија – Македонија”, ja oрганизира оваа хуманитарна акција за собирање на храна, средства за лична хигиена, на начин што од 15 до 22 декември секој во рамките на своите можности може да донира во некој од маркетите, односно во поставените кошнички во маркетите означени со нашите постери. Сите собрани производи ќе бидат соодветно распоредени и поделени на оние семејства на кои што најмногу им е потребно. За таа цел го замолуваме секој оној кој што е во можност да земе активно учество во оваа хуманитарна акција и да допринесе за нечија насмевка”, велат студентите.

Помалку предмети, повеќе размислување, истражување и анализа, изборни предмети и интензивни воннаставни активности предвидуваат новите реформи во основното образование, најави денеска министерката за образование и наука Мила Царовска, oткако вчера се одржа онлајн презентација на новиот концепт на основното образование. Со новиот концепт предвидено е предметите: биологија, хемија, физика и географија да се сведат под еден предмет “природни науки”, а предметите: историја, граѓанско образование и географија да бидат исто така еден предмет “општествени науки”.

На ова реагира поранешниот пратеник Илија Димовски кој напиша:

-Оооо, ќе изгинеме од неписмени… Географија е дел од природните науки… Историјата е дел од општествените науки… Тоа е како да споиш хемија и социологија…, напиша Илија Димовски на Твитер.

Оооо, ќе изгинеме од неписмени…

Географија е дел од природните науки…
Историјата е дел од општествените науки…

Тоа е како да споиш хемија и социологија…

— Ilija Dimovski (@ilijadimovski) December 16, 2020

Презентацијата за новиот концепт на основното образование на МОН погледнете ја во продолжение:

Додека претседателот Стево Пендаровски го држеше годишниот говор во Собранието, пратениците од ВМРО-ДПМНЕ излегоа со транспаренти, а потоа ја напуштија салата.

„Идентитетот се продава, Стево молчи“, „Не е мој претседател“, стоеше во дел од транспарентите од пратениците на опозицијата.

Инаку веднаш по бојкотот пратениците ја напуштија салата, а потпретседателот Александар Николоски имаше и своја прес-конференција.

Лидерот на ОМО Илинден Пирин, македонското здружение кое соседна Бугарија упорно одбива да го признае, се јави со контроверзна изјава преку својот Facebook профил.

Атанас Кирјаков, родум од Благоевград, напиша прилично контроверзна изјава на Facebook која веројатно ќе биде искористена како причина за Бугарија и натаму да продолжува со одбивањето за регистрација на неговото здружение ОМО Илинден Пирин.

„Јас сум роден тука во Пиринска Македонија, на македонска земја, под македонско небо и сум Македонец, не сум Бугарин. Мојата татковина е Македонија, а не Бугарија, Србија или Грција. Мојата татковина Македонија беше расцепката во 1913 година на три дела: Егејски дел, Вардарски дел и Пирински дел“, пишува за тој за потоа да го додаде и контроверзниот дел.

„Мојата татковина е Македонија еден ден ќе се обедини и ќе биде слободна и независна држава“, завршува Кирјаков пишувајќи на бугарски јазик. Едно од барањата на Бугарија до македонската Влада е писмено да гарантира нашата држава дека нема територијални претензии. Но, и да се откаже од македонското малцинство на кое очигледно и тоа како му е потребна помош во борбата за признавање на основните права.

Oткако вчера на средбата со министерот за земјоделство Аријанит Хоџа немаше договор, денеска тутунарите излегоа на пpoтecт и го блокираа патот Прилеп-Градско кај Заполшки мост.

Тутунарите истакнаа дека протестите ќе продолжат до петок за кога се очекува нова средба. Истовремено денеска продолжи и откупот.

Тутунарите бараат писмени гаранции од откупувачите и министерството и реална проценка на нивниот труд и мака.

Нов Зеланд е единствената земја во светот што досега целосно го елиминираше кopoнавиpycoт.

Според премиерката Џасинда Ардерн, оваа цел е постигната од амбиција, но и од страв, бидејќи дури и на почетокот на пандемиjaта, беше заклучено дека здравствениот систем нема да може да се справи со прогресивната епидемиja, пренесе АП.

Одговорот на Нов Зеланд на појавата на Koвид-19 и пандемиjaта беше меѓу најуспешните во светот, пред Кина, Тајван и Тајланд.

Оваа земја со пет милиони жители имала само 25 cmpтни случаи од кopoнавиpycoт и вкупно 2.100 зapaзени.

Според последните податоци на Евростат, Бугарија е најсиpoмашна држава во Европската унија, а по неа следува Хрватска.

Податоците на Евростат покажуваат дека девет земји-членки се над просекот на ЕУ во однос на материјална благосостојба на домаќинствата.

Најбогати се во Луксембург, што е за 35 отсто над европскиот просек. Следува Германија со 22 проценти.

Австрија, Данска, Белгија, Холандија, Финска, Франција и Шведска се во групата земји кои имаат реална индивидуална потрошувачка од 9 до 18 проценти над просекот на ЕУ.

Романија не е во таа група, но е далеку пред Хрватска, која ја престигна во 2015 година.

Таа година, двете земји беа на 58 проценти од просекот на ЕУ, а сега, според новите податоци за 2019 година, Романија е со 79 проценти од просекот на ЕУ, а Хрватска со 66 проценти.

Романија сега се изедначи со Полска и ја престигна Грција, која е на 78 отсто од просекот на ЕУ според потрошувачката.