Ракометарите на македонскиот првак Еурофарм Пелистер во четврток во Париз го играат вториот натпревар сезонава во Лигата на шампионите. По триумфот над Загреб во првото коло и освоениот Супер куп со победата над големиот ривал „битолчани“ во добра атмосфера го очекуваат новиот натпревар.

-Било каков и да е ПСЖ се работи за гигантот во спортот и во ракометот. Можеби имаат и најголем буџет во Лигата на шампионите оваа сезона. Ние се подготвуваме гледајќи на самите себе, имаме своја тактика. Подобро е кога се победува, се зголемува самодовербата на играчите и добро е што ги победивме Вардар 1961 и Загреб и освоивме два бода во ЛШ. Одиме малку порастоварени на гостински терен во Париз. Било која победа или бод освоен во гости добро ќе ни дојде. Треба да ја играме својата игра, па што биде – нека биде, изјави голманот Никола Митревски.

По дуелот со ПСЖ, за шампионот ќе следува и првото дерби во домашната лига и гостувањето кај Алкалоид в недела.

Американскиот претседателски авион синоќа слета на аеродромот во Лондон, „Стенстед“, кратко по 21 часот по локално време. Американскиот претседател Доналд Трамп и неговата сопруга Меланија потоа се качија на хеликоптер за да отпатуваат до резиденцијата на американскиот амбасадор.

Американскиот претседателски пар е поканет од кралот Чарлс Трети и, како што е протоколот за секоја официјална државна посета, ќе биде угостен во замокот Виндзор.

Официјалната церемонија на пречек на двојката Трамп ќе се одржи денеска, во замокот Виндзор. Ќе ги чекаат кралот Чарлс и кралицата Камила, како и принцот и принцезата од Велс. Церемонијата ќе вклучува поздрав со топови, поворка со кочии и воени почести од вооружените сили на Обединетото Кралство, а се очекува претседателот Трамп да ја поздрави почесната гарда.

Попладне, американскиот претседателски пар ќе положи венец на гробот на кралицата Елизабета II во капелата Сент Џорџ во замокот Виндзор. Вечерта, кралот Чарлс ќе приреди државна вечера во нивна чест.

BREAKING: US President Donald Trump and his wife Melania arrive in the UK for a historic second state visit.https://t.co/fNAgKoQckP

📺 Sky 501, Virgin 602, Freeview 233 and YouTube pic.twitter.com/6hn7EGWfyu

— Sky News (@SkyNews) September 16, 2025

Во четврток, претседателот Трамп ќе отпатува во Чекерс, летна резиденција на британскиот премиер. Таму ќе има билатерални разговори со британскиот премиер Кир Стармер. Се очекува двајцата лидери да разговараат за прашања од заеднички интерес, како што се трговијата, одбраната и безбедноста, како и за меѓународни прашања, како што се ситуацијата во Украина и на Блискиот Исток.

Во услови на сериозни меѓународни кризи, како што се соборувањето на руските беспилотни летала во Полска, непопустливиот став на Русија, како што го карактеризираат аналитичарите, убиството на Чарли Кирк во САД кое загрижува многумина, подемот на крајната десница на меѓународно ниво, но и за економско – политичката криза што ја мачи Франција, која создава сериозни проблеми низ целата еврозона, посетата на Трамп на Велика Британија е карактеризирана како исклучително важна од многу аналитичари.

Впрочем, Обединетото Кралство и САД ќе потпишат договор насочен кон забрзување на развојот на нуклеарната енергија, што од една страна се очекува да создаде енергетска безбедност, а од друга страна илјадници нови работни места.

На маргините на разговорите, двајцата лидери ќе ги видат архивите на Винстон Черчил, додека подоцна ќе учествуваат на бизнис-настан со министерот за финансии, пред да одржат заедничка прес-конференција.

Во исто време, Меланија Трамп ќе учествува во посебна програма со кралицата Камила и принцезата од Велс. Ова вклучува посета на Кралската библиотека и Фрогмор Гарденс. Посетата на американскиот претседателски пар ќе заврши во четврток попладне.

Вреди да се напомене дека ова е прв пат во историјата на Обединетото Кралство лидер на една земја двапати да добие официјална покана од палатата, нешто што Доналд Трамп го опиша како „огромна чест“.

Американскиот претседател го посети Обединетото Кралство во 2019 година, за време на неговиот прв мандат, тогаш на покана на кралицата Елизабета.

The President and First Lady have arrived!🇺🇸🇬🇧 pic.twitter.com/tBwdsDk0EI

— The White House (@WhiteHouse) September 16, 2025

Претставници на СВР Битола, Општинскиот совет за превенција од малолетничко престапништво, ЈУ МЦСР Битола и родители на малолетници, се дел од вечерната мешана патрола, чија главна задача е превентивно да го следат ноќниот живот на младите лица во Битола, со цел да се подигне свеста за одговорно однесување во ноќните часови.

Градоначалникот на општина Битола Тони Коњановски, беше дел од оваа мешана патрола, која посети локации на Широк Сокак и во Градскиот парк, омилени места за собирање и дружење на младите битолчани. Од 21 часот, па се до 1 часот по полноќ, синоќа на терен беше нагласена потребата од зголемена соработка на граѓаните и СВР Битола од една страна, како и подигнувањето на свеста кај младите за правилно однесување при излегувањата во вечерните часови, нагласувајќи ја опасноста од конзумирање на алкохол и психотропни супстанции.

Со вклучувањето на родителите во мешаните патроли, нагласена е потребата од зголемена превентивна активност кај родителите за потенцијалните опасности со кои се соочуваат младите во вечерните часови во однос на девијантни појави, како и на ноќното дивеење и уништување на јавните добра.

Претставниците на мешаната патрола разговараа и со сопствениците на угостителските објекти, од кои беше побарано да продолжат да ги почитуваат законските одредби согласно Кривичниот законик и Законот за јавен ред и мир.

Заменик-министерот за економија и труд, Марјан Ристески денеска оствари работни средби со претставници на бизнис-секторот и здруженија на занаетчии во Делчево и Берово.

На средбите Ристески, заедно со претставници од Агенцијата за вработување и пред присутните презентираа мерките за поддршка на македонското стопанство и компании кои ги дава министерството за економија и труд, како и Агенцијата за вработување преку Оперативниот план за активните програми и мерки за вработување и услуги на пазарот на трудот за 2025 година.

Ристески на средбите се осврна за дел од мерките кои ги спроведува Министерството за економија и труд за поддршка на микро, малите и средните претпријатија, како и за поддршката на занаетчиите и занаетчиските комори.

– Министерството за економија и труд преку програмите за работа издвојува финансиски средста за поддршка на македонските претпријатија, за зголемување на нивната конкурентност и општествена одговорност, за дигитализација во работните процеси на микро, малите и средните претпријатија, како и за воведување на меѓународни стандарди во нивната работа. И годинава стандардно даваме поддршка и занаетчиските коморите, преку поддршка на проекти, како и за занаетчиите преку обезбедување на финансиски средства за набавка на опрема и алати. Како Владата сме тука за да ве поддржиме во вашиот раст и развој, затоа апелирам да ги следите разните конкурси и јавните повици кои ги објавува Владата и министерствата и доколку имате интерес и можност да аплицирате на истите – каже заменик-министерот Ристески.

Заменик-министерот Ристески и заменик-директорот на Агенцијата за вработување, Весна Пешова апелираа до присутните на двете средби да ги пратат огласите на агенцијата за вработување и да аплицираат на јавните огласи од мерките од Оперативниот план за 2025 година, кои годинава има рекорден буџет од преку 40 милиони евра.

На средбите од страна на претставниците на бизнис-секторот беа дадени позитивни мислења за мерките на Владата и министерствата за поддршка на компаниите, а од нивна страна беа изнесени и повеќе идеи и предлози за подобар развој на стопанството во малешевскиот регион.

ФБ статус кој денеска масовно се споделува на социјалните мрежи по двојното убиство во Велес кое ја зацрни Македонија:

Ова е патот на една жена која крвнички се труди да најде правда и заштита од македонските институции, откако е физички и психички малтретирана, со месеци и месеци, од нејзиниот бивш партнер.

25.03.2025 година – сега убиената Росица пријавува дека во декември претходната година психопатот се обидел да ја задржи во стан во Скопје и и нанел лесна телесна повреда од чл.130 ст.2 од Кривичниот законик.

10.04.2025 година – Основното јавно обвинителство Велес против психопатот кој ја уби Росица, поднесува Обвинителен предлог за 2 случаи:

– Загрозување на сигурноста од член 144 ст.3 вв ст.1 за настан на 20.02.2025 година
– Насилство од чл. 386 ст.3 вв ст.1 за настан ноќта меѓу 03.03.2025 и 04.03.2025 година со нанесена полесна телесна повреда на партнер на оштетената.

Психијатриското вештачење покажало дека тој не боледува од душевна болест, бил пресметлив во моментот на сторување на делото, бил способен да го сфати значењето на своите постапки и кај него не е регистрирана патолошка опсесивност или патолошка фиксација кон Росица.
18.05.2025 – Убиецот се приближува до домот на Росица, го одзема и го пали автомобилот во сопственост на нејзиниот татко.

21.05.2025 година – Росица го пријавува монструмот за неизвршување на судска одлука, бидејќи и покрај дополнителните мерки за заштита од семејно насилство, тој не ги почитува и постојано ја вознемирува.

26.06.2025 година – издадена е наредба до МВР за обезбедување докази од телефонската комуникација, како и 4 наредби за обезбедување снимки од видео надзор од различни локации во градот. По овие наредби МВР постапува (ОД ЈУНИ – СЕ УШТЕ ПОСТАПУВА?!).

09.09.2025 година – Росица дава исказ во ОЈО Скопје и се изјаснува дека останува на предлогот за кривично гонење на осомничениот.

10.09.2025 година – Основниот суд во Велес носи пресуда со која му изрекува алтернативна мерка – УСЛОВНА ОСУДА??! на монструмот. Останува забраната за приближување и воспоставување контакти со Росица и нејзиниот партнер, определена по барање на обвинителството.

Оваа одлука на судот во Велес само што е примена во ОЈО Велес и обвинителството немало можност да се произнесе по неа со евентуална жалба!

Само 5 дена подоцна, Росица е нејзиниот татко се мртви!

Извини, ангелу најубав, што си се родила тука, во овој трул систем. Почивај во мир.

Како и секоја година, и оваа, прилепската компанија и македонски гигант во прехрамбената индустрија, АД Витаминка ги собра своите партнери и соработници на Регионална средба, оваа година во Сараево.

-Разменивме искуства, поставивме нови цели и ја потврдивме нашата амбиција – уште поголем успех за брендовите на „Витаминка“ во регионот. Преку овие состаноци, вложуваме во меѓусебна доверба, во заеднички успеси, стабилноста и континуиран напредок. Енергијата што ја понесовме од Сараево е поттик за уште посилна и поуспешна „Витаминка“ во периодот што следи – напишаа од компанијата.

Kонцерт со кој КИЦ Битола, ја заокружува летната културна сезона

Утре, среда, со почеток во 20.00 ч. на големото плато пред Офицерски дом – ќе се одржи концертот „Песни од срцата“, со врвните македонски оперски уметници Ана Дурловски и Игор Дурловски, придружувани од Камерениот оркестар „АЈГА“ под диригентска палка на Иван Еминовиќ.

Публиката ќе има единствена можност да ги проследи традиционалните македонски песни како; „Дејгиди, луди млади години“, „Разболела се Ленка Пингова“, „Што да правам, што да чинам“, „Си заљубив едно моме“, „Пајдушко“ и други во изведба на дуото Дурловски.

Влезот е слободен за сите посетители.

Најдобрите професионални боксери од Македонија и регионот ќе влезат во рингот на Simfonija Boxing Night, незаборавна вечер исполнета со возбудливи борби и незаборавна забава.

Сабота, 27. септември, ќе биде запомнет како историски ден за спортот во Прилеп. Во салата за свечености “СИМФОНИЈА” кај прилепско Ново Лагово, ќе се одржи Simfonija Boxing Night, боксерски сепктакл кој не смеете да го пропуштите.

Шест борби ќе ја одбележат вечерта, меѓу кои една за титула.

Македонскиот претставник Михаил Волканоски ракавиците ќе ги вкрсти со босанскиот боксер Недим Селимовиќ (борба во четири рунди-SUPERFEATHERWEIGHT­)

Во втората борба во рингот ќе се соочат Неро Герлек – Македонија и Бошко Мишиќ – Хрватска (четири рунди CRUISERWEIGHT)

Потоа следува борба на македонскиот гладијатор Тоше Цветков, кој ќе боксува против Јасмин Хашиќ – Босна и Херцеговина (шест рунди HEAVYWEIGHT)

Лос Бобош од Романија ќе боксува против Ѓорѓе Крсмановиќ од Босна и Херцеговина (осум рунди – MIDLEWEIGHT) – борба која е УБО КОНТИНЕНТАЛНА титула

Атмосферата буквално ќе еруптира кога во рингот ќе влезат прилепските боксери, Ице Трајкоски ќе боксува против Дејан Бубиќ од Србија (четири рунди во CRUISERWEIGHT), a Матеј Чатлески ракавиците ќе ги вкрсти со Срѓан Жариќ од Србија во борба од 4 рунди во LIGHT HEAVYWEIGHT категорија. Ова ќе биде втора професионална борба за младиот Чатлески, кој во својата кариера има младинска шампионска титула на Македонија.

Настанот е во организација на “Про Бокс Македонија” и ќе биде повеќе од спортски настан. Присутните ќе уживаат во одлични борби, адреналин, во една несекојдневна за наши простори атмосфера, вистинска комбинација на спорт и забава за која долго ќе се зборува.

Веднаш по спортскиот дел, ќе следува и забавен дел заедно со прилепскиот рок бенд LOCKDOWN.

Цените на влезниците се следни:

• Basic – 300 ден. (Високи маси)
• VIP – 1000 ден. по лице (маси веднаш до ринг за 6–10 лица, вклучено вино, шампањ и ордевер)

За резервации јавете се на телефонските броеви: 070/767-711, 075/906-263 и 078/446-654 или купете си од продажните места: Power System Shop Prilep и FitStar Gym Prilep, како и во кафулињата – Corner Cafe и Brunch Box Cafe кај болницата.

Ова е повеќе од обична бокс вечер – ова е Simfonija Boxing Night!

Утрово во скопската населба Пинтија бил запален плац со поголем број возила. На видео снимка од инцидентот може да се забележи како непознато лице со туба бензин ги полева и ги пали автомобилите.

Пожарот предизвикал голема материјална штета.

Рано утрово пред 4.00 часот изби тежок пожар во сервис за возила пред Пинтија (над Стаклара во метстото наречено Каменик) во кој имаше повеќе автомобили, уље и други запаливи предмети, информираше директорот на ДЗС Стојанче Ангелов. БППЗ Скопје веднаш излезе на лице место и со 8 возила после тешка борба со огнот, пожарот беше изгаснат пред 6.00 часот.