Во време кога сме преплавени со вести врзани со пандемијата, црни сценарија и константен страв оваа убава приказна дефинитивно ќе ви стопли срцата.

Впрочем, во текот на вчерашниот ден на скопскиот аеродром се случила една ретка љубовна приказна која веднаш ги преплави социјалните мрежи.

Со транспарент на кој пишувало „Доцниш 1.399 дена“, солзи во очите и со букет прекрасни рози, мажот ја пречекал својата сакана на аеродромот, по 4 години разделеност.

Како што се гледа на фотографиите, и двајцата не можеле да ги сокријат своите емоции, а ниту ние не останавме имуни на оваа голема љубов.

Фото: Moments Production

Kaпитенот и тренер на македонската ракометна репрезентација, легендарниот Кире Лазаров, имаше деби од соништата на како играч-тренер совладувајќи го светскиот шампион Данска. За сајтот на Европската ракометна репрезентација Лазаров раскажува за својата кариера, за своите успеси и за својот живот.

“Доаѓа време кога човек се наоѓа на раскрсница. Имам полни 40 години и уште многу работи сакам да ги направам. Имам глава полна со спомени, емоции, но и соништа и очекувања за иднината. Можеби постигнав многу голови, кренав многу трофеи и се уште ќе бидам гладен за победи по неколку месеци, но наскоро тоа ќе биде минато. Минатиот месец бев назначен за селектор на Македонија. Ми значи најмногу на светот, но не стигнав тука преку ноќ“, раскажува Лазаров.

“Моето патување почна на улиците. Но, не со ракометот, туку со кошарката. Едноставно беше да се игра со двајца или тројца заедно. Прв идол ми беше Тони Кукоч, а бројот седум на неговиот дрес додека играше за Чикаго булс го избрав и во мојата кариера.

Ако кошарката беше моја прва љубов, ракометот беше љубовта на мојот живот. Татко ми беше одличен ракометар и се сеќавам дека често ги следев неговите тренинзи. Бев најмал во тимот, но се чувствував природно во таа средина. Инспирација за бројот на дресот не е ми беше само Тони Кукоч, туку и мојот прв тренер со кој пораснав, Илија Јанев, исто така носеше дрес со бројот “7“. Тогаш мислев дека сите левораки спортисти го носат овој број, па заглавив со него“, вели за себе Кире и додава:

“Потоа дојде времето да станам лидер. Нешто за што некои мислат дека сум се родил да бидам. Од деновите во Пелистер кога имав само 18 години досега, 22 години подоцна, имав лидерска улога без разлика каде и да играв.

Некои луѓе тежнеат да бидат лидери цел живот. Да бидат храбри и да постигнат кога е потребно, да имаат самодоверба и сила да донесат важни одлуки. За мене, тоа доаѓаше природно. Никогаш не се форсирав себеси и можеби тоа е поврзано со мојот карактер и дисциплината на моите родители Благоја и Милка.

Моите родители ме научија да ги почитувам другите и никогаш да не се откажам од своите соништа. Па си дадов едноставна мантра: постави си цел и фокусирај се да ја оствариш. Да, можеби изгледам како цврст човек, но постојано имам желба да се докажувам себеси.

Татко ми беше клучната личност во мојот живот. Тој сакаше јас и брат ми да растеме со дисциплина и многу ретко ми кажуваше дека е горд на мене. Но, кога за првпат се преселив во Загреб, можев да ја почуствувам оваа емоција кај него“.

Загреб бил и големата пресвртница во неговата кариера затоа што таму сретнал луѓе кои го обликувале како човек и играч, луѓе како Златко Сарачевиќ, еден од неговите идоли и Лино Червар, неговиот прв странски тренер.

“Тогаш сфатив што значи да си странец во спортот. Секогаш живеев со мисла дека некој инвестирал во мене и има очекувања кои не сакам да ги расипам. Тоа ви прави притисок, но мојата желба да им докажам дека направиле вистинска одлука што ме ангажирале е нешто што ми помогна да играм ракомет на највисоко ниво сите овие години.

Кога патувате низ Европа и менувате клубови, често го напуштате домот за да играте на гости, важно е да знаете од кај ви се корените. Пријатели, семејство. Ги ценам. Се обидувам по секоја цена да избегнувам луѓе со негативна енергија.

Морам да признаам дека би можел и би требало да бидам подобар родител на моите две деца, Благојче и Лана. Поради ракометот пропуштив неколку родендени и важни семејни настани. Тоа е животот на професионалните спортисти. Веројатно го компензирам моето отсуство со тоа што сум “добриот“ родител во семејството. Тоа понекогаш ја излудува мојата сопруга Љубица која сака децата да израснат на вистинскиот пат. Но, ја обожавам Љубица. Цела кариера таа беше најголема поддршка која некој играч некогаш ја посакал и покрај тоа што беше најголемата жртва на ракометот. Таа е тука и во добро и во лошо повеќе од 20 години. Се грижеше за семејството и многу сум и благодарен за тоа“, со емоции за своето семејство раскажува Лазаров.

Тој вели дека се оженил двапати, еднаш со Љубица и еднаш со националниот тим на Македонија.

“Тоа е како врска. Долго време сме заедно и кога сме разделени, сме несреќни. За мене, играњето за мојата земја е свето – и кога сте капитен тоа чувство е уште поголемо. Да го водиш тимот на терен и да ја пееш националната химна е голема работа. Бликам од гордост секојпат кога излегувам на терен“.

Кире Лазаров сега има нова задача, да игра и да ги води младите ракометари на Македонија. Тој сега ќе носи уште поголеми одлуки, а дебито синоќа против Данска ја покажа неговата големина.

“Голем чест е да седам на клупата на мојата земја. Дали има притисок? Секако, затоа што секогаш сакаме да славиме успех. Но, само затоа што сум Кирил Лазаров, не значи дека успехот ќе дојде преку ноќ. Каков тренер ќе бидам, ме прашуваат. Червар, Душебаев, Пасквал, сите имале влијание врз мојот развој како играч и како човек. Време е да креирам сопствен модел и да ги најдам моите белешки од пред 20 години. Ракометни тактики, спортска психологија, мотивација, одржување на врвот после победа, сите идеи ми се тука. Тие ми помогнаа за големи соништа и уште поголеми победи“, зборува Кире.

“Ми требаа 15 години да го подигнам трофејот во Лигата на шампионите. Тоа беше сон кој го остварив во мојот омилен клуб Барселона. Освојувањето на Лигата на шампиони носејќи го дресот на Барса беше совршено. Сега, тие раскрницата е блиску. Можеби неколку месеци или неколку години, се уште имам да одиграм, но после тоа, почнува нов живот.

Она што е најблиску до мене, секогаш ќе биде тука за мене: моето семејство, мојата земја и се разбира, ракометот“.

извор: eurohandball.com

Македонскиот голман Никола Митревски одигра фантастичен меч против Данска во квалификациите за ЕП.

Митревски запиша 13 интервенции против Данска, а ена од нив се најде во топ-5 на колото.

А ЕХФ ги издвои и овие одбрани на Митревски од првото полувреме со Данска:

Во последните 24 часа се направени 4.373 тecтиpaња, а peгиcтpиpaни се 1.031 нови cлyчаи на Koвид-19 во: Скопје – 492, Прилеп – 64, Кавадарци – 53, Велес – 47, Тетово и Гостивар – по 45, Охрид – 31, Битола – 30, Куманово и Неготино – по 29, Гевгелија – 25, Струмица – 20, Штип – 16, Струга – 13, Берово – 12, Ресен, Радовиш и Крушево – по 9, Кочани – 8, Свети Николе, Пробиштип и Валандово – по 7, Крива Паланка – 6, Демир Хисар – 4, Кратово – 3, Кичево, Богданци и Демир Капија по 2, Дебар, Виница, Македонски Брод, Пехчево и Дојран – по 1.

Регистрирани се 241 оздpaвен пациент од: Скопје – 152, Гевгелија – 20, Велес – 15, Куманово – 14, Гостивар – 13, Битола – 9, Штип – 6, Ресен – 4, Валандово – 3, Струмица – 2, Кичево, Радовиш и Свети Николе – по 1.

Приjaвени се вкупно 20 починати лица, на возраст од 50 – 93 години и тоа: 9 пациенти од Скопје, 3 лица од Прилеп, Велес и Битола – по 2 починати лица и по едно починато лице од Куманово, Гостивар, Кавадарци и Кочани. Сите пациенти се починати во болнички ycлови.

Направени се 4.373 тecтови преку: ИЈЗ-777, ЦЈЗ Скопје-109, Авицена-403, Биотек-364, Жан Митрев (Филип Втори)-193, Систина-337, лабораторија Лаор–437, Судска медицина-46, ЦЈЗ Битола-91, Клиника за инфективни болести и фебрилни состојби-1, Синлаб-158, Ремедика-39, лабораторија болница Козле-13, ЈЗУ и ПЗУ (рапид тест) – вкупно 1.399, УК Пулмологија со алергологија–6, ГОБ 8-ми Септември-0.

Досега во земјата се направени вкупно 563.394 тecтиpaња на Koвид-19.

Вкупната бpojка на KOBИД-диjaгнocтицирани лица во нашата земја од почетокот на епидемиjaта изнесува 112.107, бројката на оздpaвени пациенти е 97.166, починaa 3.300, а бројот на активни слyчаи изнесува 11.641.

Денес се одбележува 40 години од формирањето на Единицата за специјални задачи Тигар.

Во касарната Илинден, државниот врв предводен од претседателот на владата Зоран Заев положи свежо цвеќе пред споменикот изграден во чест на загинатите припадници на ЕСЗ Тигар.

Во делегацијата беше и министерот Артан Груби кој не се поклони пред споменикот.

ВИДЕО: “А1оn.mk”

Како се наближуваат новите локални избори, добро е да се потсетиме што се’ ветуваа и колку од ветеното реализираа актуелните градоначалници

Еве кои беа “приоритетите” на актуелниот градоначалник на општина Прилеп, Илија Јованоски, кога пред 4 години ја бараше и ја доби довербата на прилепчани:

„Europe Elects“ е лидер на пазарот во анализата на анкетите и податоците за изборите во Европа.

Германската старт-ап контекстуализира бесплатни податоци за 120.000 следбеници на Фејсбук, Твитер, Инстаграм и Јутјуб и обезбедува анализа за Ал Џезира, Еуронеа, Фондацијата Хајнрих-Бул, Универзитетот во Грузија и други големи меѓународни актери.

„Europe Elects“ објави и истражување за довербата на граѓаните во политичките партии во Македонија.

Според оваа анкета спроведена на почетокот на март со 1109 испитаници, ВМРО-ДПМНЕ ќе победи на изборите во Македонија со 34,7 проценти.

СДСМ 31,9 проценти, ДУИ 10,4 проценти, Алијанса за Албанците-Алтернатива 8,9 проценти, Движењето БЕСА, 1,7 проценти и Левица, 6,6 проценти.

Додека општината се луксузира, село Десово во долненско доби бетонски контејнери?

Оваа рурална општина која е под раководство на градоначалник од ДУИ постојано е тема во медиумите. Неасфалтирани патишта, разурнати училишта, несредени низа инфраструктурни проблеми кои секојдневно ги тиштат граѓаните во мултиетничката општина Долнени.

Пред некое време и “ТВ АЛФА” праша: “Дали партиската припадност и роднинските врски се пресудниот услов за вработување и во малата, рурална општина Долнeни?!”

Oд телевизијата излегоа со информации за низа партиски и роднински вработувања во општината и во институциите, но и покрај тоа одговор од надлежните во општината немаше.

Прилогот на новинарката Каролина Дурло за “АЛФА ТВ” можете да го погледнете во продолжение:

А за оваа “инвативност” која наликува на НЛО очекуваме ваши коментари…

Прилеп изминатите години беше препознатлив по многу работи, но највпечатливи беа широките и пространи плоштади со преубави фонтани, зеленило, урбана опрема и други пропратни содржини – порачува на Фејсбук поранешниот градоначалник на општина Прилеп, Марјан Ристески.

“Плоштадите беа магнет за сите генерации Прилепчани (од возрасни до најмлади), преполни со живот, културни манифестации, детска смеа, љубов…

Оваа прекрасна глетка воодушевуваше и привлекуваше многу посетители во градот под Марковите кули и не случајно бевме прогласени за Општина со најголем напредок во туризмот.

Ова го истакнува поранешниот градоначалник на Прилеп, Марјан Ристески, кој објави видео кое е доказ колку градот е уништен поради негрижата на локалната власт.

Неговиот Фејсбук статус го прнесуваме во продолжение:

Но убаво викаат: “Тешко се прави, а многу лесно се расипува” или пак “Она што е направено, овие Власти не можат да го одржат!”

После неколку години резултатот е следен… да почнеме со ред:

Плоштадот “АЛЕКСАНДРИЈА”-претходно: со преубава фонтана и прв споменик на Александар Македонски, со прекрасно партерно уредување и модерно осветлување…

Сега: мрачен и неосветлен, најчесто со расипана и раштимана фонтана, бројни искршени плочки и неосветлен ѕид за културни настани, а во близина неисчистен и неосветлен параклис св.Никола-заштитник на градот…

АРТ ПЛОШТАД (плоштад на уметноста)- претходно: претставуваше плато за прошетка пред Домот на културата, потсетник на богатата култура и уметност што градот ја собрал низ вековите со споменици и фигури во бел мермер и испишани имиња на најголемите на “Патеката на славните”…

Сега: пропадната и хаварисана фонтана, руинирана “Патека на славните”, уништено “Шах-плато”, без фигури неосветлено и неисфарбано, подзаборавена и запупштена фонтана и катче -Тоше Проески, насекаде прегорени и уништени светилки…

ПЛОШТАД “МЕТОДИЈА А.ЧЕНТО” – претходно: нивелирано- партерно уреден и осветлен со огромен споменик на “Крал Марко”, вековен симбол на нашиот град…

Сега: преплавен со искршени и пропаднати плочки од возила кои непречено движат низ него, ископана дупка која зјае со месеци на него…

ПЛОШТАД “ГРАДСКИ ЧАСОВНИК” -претходно: уреден со ситна калдрма, урбана опрема и зеленило, спој на сегашното и минатото…

Сега: неисфарбани и незаштитени перголи и клупи, овенато зеленило, неосветлен часовник потпрен со кафански маси и столици, прегорени канделабри…

“ЦВЕТНИ ПАТЕКИ”(преубавите пешачки зони) – претходно: исполнети со мирисот на јапонските цреши, преубавите цвеќина во жардињери со зеленило и клупи, осветлени со фенерите во колонадата канделабри…

Сега: канделабрите искривени или воопшто ги нема, уништени и пропаднати бекатон плочки, пешачките патеките од многубројните возила претворени во хаотични паркинзи, расипани клупи и корпи за отпадоци, уништена урбана опрема, застаклени летни бавчи, најчесто расфрлано ѓубре како “декорација”…

ПЛОШТАД “КАРПАЛАК” – претходно:урбан потсетник на поновата историја, плоштад со убави фонтани, споменик, модерно и атрактивно осветлување на истиот и партерно уредување…

Сега: плоштадот претворен во паркинг… со руинирани фонтани, зеленило и клупи, прегорено и уништено осветлување на споменикот и околината…

Жална е сликата на фактичката реалност со плоштадите во Прилеп, а само пред неколку години гордост и магнет за туристи и одржување на локалната економија… посебно за функционирање и живот на дуќаните во чаршијата!

Изгледа само фотографиите ќе ни бидат потсетник на убавото минато…

П.С. Ако некој претходно направил убави работи ,ТИ направи повеќе, тоа треба да е мотото на секој еден, тоа е единственото мото за напредок и развој… само така и никако поинаку!”

Во последните 24 часа се направени 3.654 тecтиpaња, а peгиcтpиpaни се 868 нови cлyчаи на Koвид-19 во: Скопје – 424, Прилеп – 72, Куманово – 42, Битола – 34, Охрид – 31, Тетово – 28, Кавадарци – 27, Неготино – 26, Велес – 21, Гевгелија – 20, Гостивар и Кочани – по 15, Штип – 14, Крива Паланка и Крушево – по 11, Струга и Берово – по 10, Струмица – 9, Валандово и Демир Капија – по 8, Богданци – 6, Кичево и Ресен – по 5, Пробиштип и Демир Хисар – по 3, Радовиш, Македонски Брод и Пехчево – по 2, Свети Николе, Делчево, Кратово и Дојран – по 1.

Регистрирани се 397 оздpaвени пациенти од: Скопје – 178, Прилеп – 36, Тетово – 20, Гевгелија – 17, Куманово и Струмица – по 16, Битола – 15, Велес – 11, Гостивар и Кочани – по 8, Берово – 5, Штип и Крушево – по 4, Валандово – 3, Ресен, Пробиштип. и Богданци – по 2, Кавадарци, Струга, Кичево, Дебар, Делчево, Виница, Демир Хисар и Македонски Брод – по 1.

Пријавени се вкупно 15 починати лица.

Починати се 5 пациенти од Скопје (86г,81г,72г,71г,64г), по 2 пациенти од Тетово (72г,59г) и Охрид (78г,57г), и по 1 пациент од Прилеп (80г), Куманово (71г), Штип (64г), Кавадарци (65г), Битола (73г) и Неготино (74).

Сите пациенти се починати во болнички ycлови. Направени се 3.654 тecтови преку: ИЈЗ-707, ЦЈЗ Скопје-70, Авицена-352, Биотек-362, Жан Митрев (Филип Втори)-201, Систина-311, лабораторија Лаор–259, МАНУ-0, Судска медицина-52, ЦЈЗ Битола-100, Клиника за инфективни болести и фебрилни состојби-4, ГАК-0, Синлаб-77, Ремедика-19, лабораторија болница Козле-17, ЈЗУ и ПЗУ (рапид тест) – вкупно 1.123, УК Пулмологија со алергологија–0, ГОБ 8-ми Септември-0, лаборатории од странство-0.

Досега во земјата се направени вкупно 559.021 тecтирања на Koвид-19.

Вкупната бројка на KOBИД-диjaгнocтициpaни лица во нашата земја од почетокот на епидемиjaта изнесува 111.077, бројката на оздpaвени пациенти е 96.925, починaa 3.280, а бројот на активни слyчаи изнеcyва 10.872.

Во Прилеп во моментов активни се 792 слyчаи позитивни на Koвид-19. Граѓаните се сведоци дека по цел ден пиштат возилата од брзата помош низ градот. Прилепчани се преплашени од новиот бран на виpycoт кој се шири многу побрзо од претходно. Сметаат дека се потребни поригорозни мерки за спречување на ширењето на зapaзната болecт, а не само полициски час од 22 до 5 часот.