Капитенската лента на Кристијано Роналдо која заврши на тревата на белградска Маракана по квалификациската утакмица за Мундијалот, беше купена од страна на МоцартБет за 7.500.000 динари, пари кои ќе бидат донирани за лечење на малиот Гаврил Џурџевиќ.
Последната и најголема понуда за капитенската лента на Кристијано Роналдо на сајтот “Лимундо” изнесуваше 7.500.010 динари и неколку минути пред крајот на лицитацијата која беше навистина бурна победата ја извојува “MozzartBet”.
– Одлучивме да учествуваме на аукцијата првенствено поради тоа што се работеше за хуманитарна акција, со желба да ја пробудиме општествената одговорност кај поединци, фирми и организации, истакна Борјан Поповиќ, директор на секторот за корпоративни комуникации во компанијата Mozzart.
