Унграската десничарска влада на Виктор Орбан нема да дозволи унгарските граѓани да плаќаат за туѓу геополитички грешки и нема да прифати бегалци од Авганистан, пренесува Associated Press.

Левенте Магјар, државниот секретар во унгарското Министерство за надворешни работи, за МТI изјави дека Унгарија нема да прифаќа бегалци “под никакви рестрикции”.

Во 2015 година, Унгарија изгради ограда долж својата јужна граница за да ги спречи бегалците од Блискиот Исток и Африка да влезат во земјата. Магјар рече дека оградата ќе помогне да се спречи потенцијалниот бран авганистански бегалци, но тие се подготвени да им помогнат на оние што работеле како преведувачи за унгарските војници.

Премиерот Зоран Заев принеговото вечерашно гостување во „Тема на денот“ на Сител телевизија откри дека Република Македонија ќе прими над 1.800 бегалци од Авганистан.

-Нашите капацитети се во илијадници, односно 1.200, 1.800 луѓе, Албанија помеу 2.000-3000 луѓе. Ние сме со потврдени 450 луѓе, а во овие моменти додека разговараме потврдуваме нови 70 лица исто така миротворци и хуманитарци, истакна вечерва Заев.

Иако претходно се спомнуваше некоја бројка од 200 лица, потоа властите ја зголемија на 400 и повеќе, а вечерва премиерот на државата открива дека во Република Македонија би можеле да бидат примени повеќе од 1.800 бегалци.

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

Храмот Св. Благовештение (Стара црква) во Прилеп, утрово беше прекрасно украсен во духот на големиот празник.

Од прилепското архиерејско намесништво се потрудиле на вистински начин да го доближат овој светол ден до верниците.

Синоќа пак во пресрет на празникот, во храмот Св. Преображение, кој се наоѓа веднаш до Стара црква, празнична Вечерна Богослужба отслужи Митрополитот Преспанско-пелагониски г. Петар.

А литургија се одржа и денеска

Значење на празникот Св. Преображение:

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

СВР Битола поднесе кpивична пpиjaва пpoтив З.Б.(31) од Битола, полициcки cлyжбеник, пopaди ocнови на coмнение за cтopeно кpивично дело „лиxвapcтво“, казниво по член 260 cтав 1 од Kpивичниот законик.

Пpиjaвениот, во текот на 2020 и 2021 година, искористувајќи ја тешката имотна cocтojба на оштетените, а со цел за себе да пpибави поголема имотна кopиcт, cклyчил фиктивни договopи за заем на пapични cpeдcтва, со нecpaзмерна камата од околу 10%, кои се завepeни на нотар и се изготвени coлемнизации со својство на извpшна иcпpaва, со што се стекнал со вкупна материјална кopист од околу 397.700 денapи само на име камати.

Полициcки cлyжбеници извpшиле пpeтpec во домот на пpиjaвениот, при што биле одземени неколку договopи за заем и договopи за кyпопpoдажба на моторни возила, склучени со четири оштетени лица.

И понатаму, нема крај за маките од македонските земјоделци. Се уште незапочнатата исплатата на помошта од Петтиот Ковид-пакет, недоисплатените субвенции и покрај веќе намирените долгови за водарина и пашарина, и последно, сушата и силното невреме од минатата недела кое во одредени реони родот го уништил и до 80 проценти, повторно ги дигна на нозе – oбјави “АЛФА ТВ”

Според координаторот на новоформираните тутунски здруженија, Игор Мирчески, состојбата е повеќе од очајна, па утринава тие упатија нов, јавен апел до власта.

„Бараме на првата седница која ќе ја свикате во Собранието да го изгласате тој фамозен Петти пакет, бидејќи тие средства нам ни се потребни веднаш и сега. А секое друго одложување ќе го сметаме како вршење притисок и начин за поткуп за изборите кои следат“, стои во јавниот апел од македонските земјоделци.

Освен ова, тие бараат и прогласување состојба на елементарна непогода, како и да се изнајдат начини за обесшететување на сите земјодлеци, кои во оваа реколта, заради неповолните временски прилики, претрпеле огромни штети.

„Во оваа реколта трпиме огромни штети од неповолните временски услови, настанати од сушата и од врнежите од град каде во некои реони, родот на тутунопроизводителите и земјоделците им е уништен и преку 80 проценти. Исто така, бараме и вклучување на тутунарите и сточарите во мерката „зелена нафта“, бидејќи, ако сте заборавиле и ние нивите ги обработуваме со трактори и друга механизација“, – реагираат од Здружението на новоформираните тутунски здруженија.

Инаку, како што веќе е познато, македонските земјоделци, минатиот месец излегоа на предупредувачки генерален земјоделски протест, за кој, како што велат, во овој период само бил ставен во мирување и не ја исклучуваат можноста за повторно да биде активиран, доколку и овој пат бидат изигнорирани овие нивни барања, а кои се провлекуваат повеќе месеци.

Каролина Дурло

До нашата редакција пристигнаа фотографии, на кои се тврди дека се гледа службениот автомобил на градоначалникот на општина Прилеп.

Засега не е познато како и зошто најдобриот автомобил кој го поседува општината завршил на влечна служба и дали истиот повторно ќе биде во употреба.

Законот за личните карти е блокиран со амандмани од Левица иако политичката партија БЕСА беше доволно флексибилна да поднесе амандман за почеток на дејстиве од 2023 година за етничката определба на граѓаните во личните карти, очекувајќи Европа да се изјасни по ова прашање. За мене е ова флексибилност на сериозна партија, изјави премиерот Зоран Заев денеска во Јегуновце.

Тој информира дека преку 40 илјади лични карти не се издадени, а се поднесени барања, некои од нив првпат.

– Имајќи предвид дека вака е заглавено ова решение, првата можност е со работа на Парламентот од 1 септември да се донесе законот и да се издадат тие лични карти. Втората работа е Министерството за правда, заедно со другите надлежни ресори, да работат како да изнајдат начин, со одлуки, правилници или критериуми, да дадат можност и со истечена лична карта да се гласа, затоа што граѓаните може да гласаат и со лична карта и со пасош. Но, сите немаат пасоши, изјави Заев.

Тој изрази уверување дека за да се заокружи правото на граѓаните да гласаат ќе се изнајде решение, затоа што, како што рече, во пракса и во минатото со истечена лична карта заради неможноста да се издаде лична карта или од распишувањето на изборите кога е истечена личната карта, се даваше можност да можете и со истечен рок на важење на ваквите лични документи да се гласа.

Вчера од страна на полициски службеници од Одделението за криминалистички работи Аеродром и Драчево во Скопје бил лишен од слобода К.Т.(48) од Прилеп, за кого била распишана централна потерница за доиздржување на казна затвop во Прилеп.

Притоа, при извршена контрола кај него биле пронајдени алати и предмети за кои постои сомнение дека се поврзани со извршени кривични дела и тие се предадени за вештачење.

К.Т. е спроведен за доиздржување на затворската казна во Прилеп, а по документирање на случајот против него ќе биде поднесена кривична пријава по чл.395 ст.3 за „изработување и набавување оружје и средства наменети за извршување на кривично дело“ од Кривичниот законик.

Големи пофалби за младата докторка од Струмица, Елена Китанова, која во Дојран успеа да спаси млада девојка која за ќе се удавела во водите на Дојранското Езеро.

Сакам да го пофалам медицинскиот тим од Струмица, докторката Елена Китанова и сестрата кои беа дежурни во Дојранската амбуланта и несебично и упорно се бореа и го спасија животот на младата девојка која беше удавена во водите на Дојранското Езеро и беше без знаци на живот. Нивната упорност и’ го вратија животот назад на девојката. Таква несебична борба за спасување на човечки живот треба да биде пример за сите лекари – пишуваат на фејсбук граѓаните кои биле присутни.

Младата докторка, била дел од струмички медицински тим кој бил на дежурство во Дојран.

Несебично и упорно се бореа и го спасија животот на девојката која беше удавена без знаци на живот. Но, тие беа многу многу упорни и не се откажуваа и фала му на господ го спасија животот на една млада девојка исто така од Струмица – се пишува во објавата на Фејсбук.

25-годишната докторка од пред еден месец работи во струмичката брза помош – пишува “ФОКУС”

Таа појаснува дека најважно и е што еден човечки живот е спасен, и скромно вели дека таа само си ја работела својата работа.

-Успеавме да ја спасиме, тоа е најважното нешто! Тоа се моменти кои не се опишуваат со зборови, се работи за секунди, стресот беше навистина голем, а зборовите дека пациентот мора да се спаси одекнуваат во мислите.
Но, додека траеше реанимацијата, луѓето кои во голем број беа насобрани околу нас, морам да забележам дека помеѓу нив имаше и такви кои целиот настан го снимаа со мобилни телефони! Не треба така, во такви моменти додека некој се бори за живот, лоша слика е тоа. Сепак, на крај, кога веќе жената се врати во живот, благодарна сум на насобраните кои помогнаа да ја пренесеме до возилото, бидејќи истото немаше пристап до местото на настанот.
Голема благодарност најмногу и до човекот кој ја извадил давеничката од водата, до медицинската сестра, до возачот на амбулантното возило, до сите кои во тие моменти на некој начин помогнаа. Притрча и една жена која ни кажа дека има обука за спасувач, благодарни сме и и нејзе – вели д-р Китанова.

Целата сторија прочитајте ја на “ФОКУС”

Претставничкиот дом на Мичиген ја усвоил резолуцијата 149 со која следниот месец септември се прогласува за месец на македонско-американско наследство во оваа сојузна држава во САД каде што живеат околу 125.000 Американци со македонско потекло, објави Обединетата македонска дијаспора.

“Минатата година, гувернерката на Мичиген Гречен Витмер, го прогласи 8-ми септември за Ден на Македонците во Америка во сојузната држава Мичиген. Ова е првпат во историјата на САД државен законодавен дом да донесе резолуција со која се прогласува месец на македонско-американското наследство. ОМД се надева дека ова ќе инспирира идни напори во други држави, како и дека септември ќе биде прогласен и на национално ниво за месец на македонско-американско наследство“, соопштија од ОМД.

Обединетата македонска дијаспора му е благодарна и на државниот претставник Ричард Стинленд, демократ, кој го отслужува својот прв мандат како претставник на 22. округ, кој го опфаќа градот Розевил и дел од градот Ворен, за поднесување на резолуцијата 149 на Претставничкиот дом.

“Македонците емигрираа во сојузната држава на Големите Езера од 1880-тите, и денес сочинуваат енергична заедница во Метро Детроит и низ Мичиген, учествувајќи во сите сфери на животот. Тие се пример за сите жители на Мичиген, и како пријател на заедницата, ми беше задоволство да ги водам напорите за прогласување на септември за месец на македонско-американско наследство,” рече Стинленд.

Мичиген е дом на најголемата заедница што зборува македонски јазик во Соединетите Држави, според пописот на САД.