Претставничкиот дом на Мичиген ја усвоил резолуцијата 149 со која следниот месец септември се прогласува за месец на македонско-американско наследство во оваа сојузна држава во САД каде што живеат околу 125.000 Американци со македонско потекло, објави Обединетата македонска дијаспора.

“Минатата година, гувернерката на Мичиген Гречен Витмер, го прогласи 8-ми септември за Ден на Македонците во Америка во сојузната држава Мичиген. Ова е првпат во историјата на САД државен законодавен дом да донесе резолуција со која се прогласува месец на македонско-американското наследство. ОМД се надева дека ова ќе инспирира идни напори во други држави, како и дека септември ќе биде прогласен и на национално ниво за месец на македонско-американско наследство“, соопштија од ОМД.

Обединетата македонска дијаспора му е благодарна и на државниот претставник Ричард Стинленд, демократ, кој го отслужува својот прв мандат како претставник на 22. округ, кој го опфаќа градот Розевил и дел од градот Ворен, за поднесување на резолуцијата 149 на Претставничкиот дом.

“Македонците емигрираа во сојузната држава на Големите Езера од 1880-тите, и денес сочинуваат енергична заедница во Метро Детроит и низ Мичиген, учествувајќи во сите сфери на животот. Тие се пример за сите жители на Мичиген, и како пријател на заедницата, ми беше задоволство да ги водам напорите за прогласување на септември за месец на македонско-американско наследство,” рече Стинленд.

Мичиген е дом на најголемата заедница што зборува македонски јазик во Соединетите Држави, според пописот на САД.

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

Во некои места било обичај на Преображение жени и девојки да станат пред сонце и „малку да поработат од секоја женска работа“, бидејќи се верувало дека Бог ги преобрати (преобрази)да бидат вредни, а после не работат ништо цел ден.

Шефот на словенечката дипломатија, Анже Логар, денеска изјави дека Словенија нема намера да прифаќа бегалци од Авганистан, освен максимум пет Авганистанци кои работеле за ЕУ.

Вчера европските министри за надворешни работи се согласија дека земјите -членки треба да обезбедат солидарност и помош за оние кои работеле како преведувачи за европската дипломатска служба или како локални логистичари и за членовите на нивните семејства, бидејќи сега се соочуваат со „смртна закана” во Авганистан.

„Ќе покажеме солидарност со прифаќање на соработниците во ЕУ и засега нема да пприфатиме друг товар“, изјави Логар за новинарите во Брисел.

Премиеркатѕа на Естонија, Каја Калас рече дека таа земја може да прифати 10 бегалци од Авганистан и тоа само лица кои кои соработувале со ЕУ и НАТО, како и нивните членови од фамилијата.

Maкедонскиот олимписки вицешампион Дејан Георгиевски, беше на прием на претседателот на државата, Стево Пендаровски

Деки притоа демонстрираше дел од својот репертоар во претседателскиот кабинет и тоа врз претседателот Пендаровски.

Градоначалникот на Штип, Д-р Сашко Николов, изреволтиран од протестот и пораките на протестот во Скопје се обрати преку социјалните мрежи.

-Да се критикуваат луѓето (целиот медицински персонал) кои 16 месеци без прекин 24/7, не користеле ниту ден годишен одмор, си ги запоставиле сопствените семејства, заборавиле како тоа изгледа да имаш слободен ден, ја ставиле на страна безбедноста на сопствениот живот, се со цел да го заштитат нашето здравје и нашите животи…
Па луѓе, има ли крај ова наше лудило и непочитување!!!

Поздрав и поклон до севкупниот медицински персонал:
болничари, хигиеничари, медицински сестри, лаборанти, ртг технолози и техничари, доктори, медицински админстративци и болничка логистика! – напиша Николов на ФБ.

И човекот е во право кога што се однесува до недоличните пораки на протестот против лекарите.

Но, она што остава впечаток на неговиот ФБ статус еден долг коментар кој го напиша Аљоша Иваноски од Прилеп, вработен како радиолошки технолог во прилепската болница “Борка Талески”.

“Благодарам за поздравот. Ете јас сум еден од тие шо 15 месеци секојдневно се соочуваше со ковид пациенти.
Точно, ретко кој ги почитува мерките, НО тоа е затоа што владата си игра играчки.

Не очекувајте некој да почитува мерки кои се носат од денес за утре и немаат никаква логика.
Ете јас сум здравствен работник (радиолошки технолог), па не им се лутам на луѓето затоа што не почитуваат мерки. Нормално е, кога владата не знае да се постави.

За влез во кафана се бара потврда за вакцина, а за влез во државава НИШТО? Тоа во ред ли е?

Условување за вакцина за влез во кафана, а дали населението има избор со која вакцина сака да се вакцинира? Вакцинација да, ама со можност за избор. А не вакцинација со некоја кинеска вакцина која ни во Кина не се користи.

До пред 2 месеци се казнуваше народ за неносење маски на отворено, како да вирусот лебдеше во воздухот и чекаше од зад некоја бандера да го нападне оној кој НА УЛИЦА не носи маска.

Јас лично се шетав сам низ Битола и бев какзнет затоа што не носев маска. САМ ПО УЛИЦА !!! А оние кои седеа и пијеа кафе од страна на една маса и НЕ НОСЕА МАСКИ ми се смееа од страна затоа што ме казнуваше полицијата ?
Па нормално дека народот ќе има отпор и непочитување кон мерките.

За Бајрам пуштате слободно движење, за Велигден не. Изгледа короната само за христијански празници излегуваше, за муслиманските не.

Мерката за влез во кафана или кафич со потврда за прележан ковид ДО 45 ДЕНА е во најмала рака смешна.

Зарем оној кој прележал ковид има имунитет САМО 45 дена? И зарем антителата добиени по пат на соочување со ЖИВ ВИРУС се послаби од оние кои се примаат со вакцина? Ако е такка тогаш зошто се бара плазма од ПРЕЛЕЖАН а не од ВАКЦИНИРАН пациент?

Ете затоа народот не почитува ни мерки ни бутур, И со право. Кога владата е несриозна, зошто народот да е сериозен? Гледа народот дека си играте играчки, нормално дека му е преку глава.

А бе младоженци си дошле од Австрија позитивни, си направиле свадба… никој ниту ги запрел, ниту ги проверил на граница. А ваму трубите МАСКИИИ ААА–УУУУ, ПОТВРДА ЗА ВАКЦИНА !!!

Од утре излегува короната по кафани така? А вчера на концерт на Јелена Крлеуша во Струмица над 1000 гости без маска? Значи од утре короната ќе не посети по кафани, така?

Казнувате граѓани за неносење маска и за групирање во затворени простории, а цело раководство на ДУИ си слави роденден во едно од министерствата собрани на купче, во затворена просторија, ни маски ни крстајци. Е па не можи мерките за едни да важат, за други да не важат.

Полициски час воведувате од полноќ до 4 сабајле. Швалерајот го укинувавте или короната само после полноќ шеташе? Можеше на пример полицискиот да е од 4:30-5:00 насабајле.

А уствари полицискиот час не важеше во Тетово, Гостивар, Арачиново, Чаир, Сарај, Дебар…
Казнувате народ ако некој со решение за изолација го напушти домот, а во собрание носите пратеници за гласање кои имаат решение за изолација.

Како очеккувате рајата да го почитува законот кога вие ГОЛЕМЦИТЕ не го почитувате? Решение за изолација !!! Никаде не пишува во решението дека „Ако лицето во изолација е пратеник можи со скафандер да излези за да гласа в Собрание“.

Да редам уште за да знаете зошто народот не ги почитува мерките? Не ќе да е народот крив, туку неспособната влада да превземи мерки”.

Коментарот на Иваноски собра над 3000 лајкови, а потоа следуваше и повратен коментар на градоначалникот на Штип.

Во рамките на квалификацискиот меч за настап во Лигата на шампионите, македонскиот шампион во женски фудбал Саса Каменица, загуби од женскиот тим на Јувентус во Торино со 12:0.

Девојките на “старата дама” постигнаа 12 голови од 54 шутови кон голот на Саса од Македонска Каменица, додека нашите шампионки не упатија ниту еден удар кон противничкиот гол.

Во првото полувреме Јувентус водеше со 4:0, што ја најави катастрофата за македонските шампионки.

Стрелци на головите беа Аријана Крусо во два наврати, Росучи и Џирели.

Во вториот дел мрежата на Македонките се тресеше уште 8 пати, а за тоа заслужни беа Бонансеа, Џирели, Замаријан, хет-трик на Сташкова, Карусо стигна до уште еден хет-трик и Бонфантини.

Според традицијата штрковите секоја година на пролет доаѓаат во Пелагониските населени места, најмногу во прилепско Боротино и во Кривогаштани, а за празникот Св. Пантелејмон на 9. август заминуваат во топлите краишта.

Но, тоа не било случај со овој осамен штрк кој го забележавме денеска на еден од дуќаните во прилепската Стара чаршија.

Штркот кратко време се задржа на покривот од дуќанот, а потоа одлета, па бидејќи не изгледаше дека е повpeден ќе се пошегуваме.

Веројатно немал ПЦР тест или не бил вакциниран што останал во нашите граници…

Шегата настрана, доколку некој го забележи на својот покрив или двор нека се обиде да го згрижи, за да ги преживее ладните месеци од зимата.

Не секогаш се потребни скапи декорации, украси и аранжирања за да израдувате некого и да предизвикате насмевка на нечие лице.

Стојан Златевски ги продава најубавите букети во прилепската чаршија.

Ќе го препознаете по прекрасната плетена корпа со шарени букети од цвеќето Статица, кои се мелем за душа и паѓаат во очи на прв поглед.

Едноставно не можете да го одминете и да не купите барем едно букетче.

Столе речиси секојдневно е низ прилепската чаршија, а ние го начекавме отспротива на градскиот пазар.

Шахин и се јавил на водителката на нејзиниот мобилен телефон додека го водела интервјуто, и таа брзо го ставила на звучник и почнала да го испрашува за настаните во Авганистан, според „Сан“.

Откако потврдил дека може да ја слушне, Шахин започнал говор во кој ветил мир во земја зафатена од војна.

-Луѓето од Авганистан во градот Кабул, нивните имоти и нивните животи се безбедни. Нема да се одмаздиме на никого. Ние сме слуги на народот и на оваа земја”, рече тој.

Шахин, кој не ја исклучил можноста за јавни егзекуции и казни во форма на ампутациив додал:

-Раководството им наложи на нашите сили да останат пред портите на Кабул, да не влегуваат во градот. Чекаме мирен трансфер на власта

Портпаролот рече:

-Не можам да го кажам тоа сега. Зависи од судиите и законите. Судиите ќе бидат назначени според законот на идната влада

Тој, исто така, потврдил дека земјата ќе се врати на екстремната верзија на исламскиот шеријатски закон.

-Се разбира, ние сакаме исламска влада, додаде тој.

Исто така истакна:

-Но, ние ќе ги почитуваме правата на жените и ќе им дозволиме пристап до образованието.

Водителката била пофалена од колегите и луѓето на Интернет за смиреноста.

-Тоа интервју со талибанците е неверојатно. Јалда Хаким е апсолутна шефица, напиша на Твитер новинарката Асамах Мир.

Основното јавно обвинителство Прилеп донесе Наредба за спроведување истражна постапка против едно лице, на возраст од 31 година, за кривични дела – Полов напад врз дете кое не наполнило 14 години од член 188 став 1 и Прикажување порнографски материјал на дете од член 193 став 1 од Кривичниот законик.

Имено, јавниот обвинител оцени дека постои основано сомнение дека осомничениот, на 8 август во населбата „Тризла“ во Прилеп, заради задоволување на полови страсти, извршил полови дејствија врз 13-годишно дете.

-Делото осомничениот го извршил така што отишол пред куќата каде што живее оштетената, која седела со уште неколку деца и ја повикал да отидат да купат пиво од продавницата. Детето се согласило и заедно отишле до продавницата од каде купил пиво, па на негово барање се упатиле во близина кај гаражите од околните згради и застанале во неосветлениот парк каде почнал да ја гушка и да ја трга кон себе. Девојчето за да се спаси побарало од него 100 денари за да купи вода со ветување дека ќе се врати. Осомничениот се согласил и ѝ дал пари, па оштетената побегнала пред својот дом каде седеле другите деца. По кратко време таму дошол осомничениот кој повторно побарал да оди со него, но девојчето не се согласило. Тогаш осомничениот ги избркал останатите присутни деца, седнал до оштетената, па на мобилниот телефон почнал да ѝ прикажува видео записи со порнографска содржина, барајќи од неа да ги гледа снимките. Тој инсистирал девојчето повторно да оди со него кај гаражите, но тоа не се согласило, по што продолжил да ја гушка и допира, информираат од Обвинителството.

Надлежниот јавен обвинител поднесе предлог за определување мерка притвор до судијата на претходна постапка при Основниот суд во Прилеп. Судијата на претходна постапка го прифати предлогот и со решение на осомничениот му определи притвор во траење од 30 дена.​