Бројот на новодијагностицирани пациенти со Ковид-19 се намалува, а во меѓувреме расте опфатот на вакцинација против Ковид-19 на возрасните граѓани. Инаку, акцентот е ставен на промоција на повик кон помладите да се вакцинираат, а поради вирусот, од вчера во изолација се ставени неколку паралелки во Велес, Штип и Прилеп, иако според надлежните, училиштата засега не се во ризик.

Министерот за здравство Венко Филипче вчера информираше дека бројот на новодијагностицирани се намалува, а мал е бројот на ученици кои се заболени. Според него, ситуацијата спласнува во овој момент.

-Овие трендови на намалување на бројките продолжуваат и на вкупниот број на новодијагностицирани. Вчера нивниот број изнесуваше околу 490, значи под 500 и се намалува и бројот на прегледи во болниците. Еден од најголемите индикатори ни се прегледите на Инфективната клиника и таму се просечно од 120, 130 кога беше големиот притисок, сега е некаде околу 90, рече Филипче.

Нема притисок во болниците таму каде што висок е опфатот со вакцинација, на пример во Кавадарци, во Неготино, во Охрид, во Битола, во Ресен, во Гевгелија, а голем е онаму таму каде што е помал опфатот на вакцинација.

Од вкупниот број пациенти кои се хоспитализирани, а вакцинирани, најголем се со само една доза. Сепак според министерот, тоа е потврда дека е потребно време да помине да се развие имунитетот.

-Со сите вакцини имаме хоспитализирани пациенти, имаме и со „Фајзер“ и со „Спутник“, имаме и со кинеската вакцина, имаме пациенти од странство кои се вакцинирале со „Модерна“. Значи, во тој дел нема некоја разлика, рече Филипче и додаде дека младите кои починаа од Ковид-19 биле невакцинирани.

Акцентот во моментов се става на важноста да се вакцинираат и помладите граѓаните.

Надлежните посочуваат дека оваа категорија е помалку заштитена, и токму тие можат да го шират вирусот во своите семејства. Затоа, во четврток ќе се отвори пункт во рамките на кампусот на Универзитетот „Св.Кирил и Методиј“ каде со кадарот од Универзитетската амбуланта ќе се врши вакцинација и на помладите.

Министерот Филипче потенцира дека вакцините на „Фајзер“ се препорачани и безбедни и за децата од 12 до 18 години.

Инаку, на самиот почеток на новата учебна година, веќе се во изолација неколку паралелки во Велес, Штип и Прилеп поради ученици кои се позитивни на Ковид-19.

Поточно, едно одделение во прилепско основно училиште од денеска е во изолација, поради ученик во деветолетката кој бил позитивен на тестот за коронавирусот. Во изолација се и пет предметни наставници кои имале контакт со него.

Одделнието за истраги при Царинската управа на Република Северна Македонија во соработка со Одделот за криминалистичка полиција при МВР, на ден 06.09.2021 година спроведе акција против нелегална продажба на режан тутун.

Предмет на акцијата беше контрола и заплена на производи кои нелегално се продаваат и коишто претставуваат акцизни добра, а поради постапување спротивно од Царинскиот закон и другите закони за чие спроведување е надлежна Царинската управа на РСМ, на две одделни локации на територија на Град Скопје привремено се одземени

280 килограми режан тутун со што избегната е наплата на акциза во износ од околу 500.000 денари. Против лицето ќе биде поднесена кривична пријава по член 279 Б од кривичниот закон.

Во паралелна независна истрага на граничен премин Табановце по извршена детална контрола на товарно моторно возило, царинските инспектори од Одделението за оперативни работи привремено задржаа 1200 пакети (59996 штеки) цигари со трговска Marble Filter de luxe.

Горенаведената стока, со вкупна вредност по фактура од 6.155.280,00 денари е привремено задржана поради основано сомневање за повреда на права од интелектуална сопственост.

Цигарите и режаниот тутун се акцизни производи, за кои се плаќа акциза, а кога ќе се најдат во малопродажба, истите мора да бидат обележани со контролни марки. Акцизите учествуваат со околу 22% во вкупните даноци кои ги прибира државата, а во буџетските приходи акцизите учествуваат со 13%, од кои над 5% се од цигари и тутунски производи. Соодветно на тоа, станува збор за значаен извор на приходи во буџетот на државата.

Сериозноста на проблемот и обемот на штетите што нелегалната трговија со тутун и тутунски производи го предизвикува, бара од нас континуирани напори за да го спречиме нелегалниот промет на акцизни добра.

На овој начин не само што ја штитиме конкурентноста, го спречуваме неплаќањето на давачки кон државата, дополнително придонесуваме за заштита на здравјето на луѓето што може да биде загрозено со употреба на непроверени производи пуштени во промет на нелегален начин.

Упорност левел 100

Видеото во продолжение потсетува на Македонија пред секои избори…

Имало и по бетер од нас…

Воопшто не знаев дек Зоран Милевски Кичеец имал право на користење на таков прекин на казната поради здравствени причини, тврди денеска премиерот Заев.

„Воопшто нема никакви протекции, јас не ни знаев дека имал такво право. Од медиумите за прв пат слушнав дека господинот Зоран Милевски имал право на прекин на казната. Потоа се информирав кај Директорот на Управата за санкции“ – вели премиерот Заев одговарајќи на новинарско прашање.

Заев ги повика новинарите детално да го истражат случајот за да може сите граѓани да бидат информирани.
Зоран Милевски Кичеец минатата недела учествуваше во сообраќајна несреќа на Стража во која животот го загуби едно лице. Тој е правосилно осуден за случајот Рекет но во моментот користел прекин на казната поради медицински причини.

ВЕСТ ОД СЕПТЕМВРИ 2017 година објавена на веб страната од Министерството за транспорт и врски

Министерот за транспорт и врски Горан Сугарески заедно со потпретседателот на Владата на РМ, Кочо Анѓушев денеска остварија работна посета во Прилеп каде присуствуваа на пуштање во употреба на новата фабрика ИМП во ТИРЗ Алинци а оставрија и работната средба со претставници од Регионалната комора од Прилеп и Битола при Стопанската комора.

На средбата со претставниците од Стопанската комора, министерот Сугарески и потпретседателот на Владата, Анѓушев ја презентираа програмата на Владата и сетот економски мерки за подобрување на бизнис условите и финансиската поддршка што ја нуди Владата кон компаниите.

Министерот Сугарески ги презентираше проектите во делот на инфраструктурата кои ги реализира Владата на РМ а се од клучно значење за подобрување на условите за водењето на бизнис во Пелагонискиот регион.

Министерот Сугарески истакна дека во најбрз можен рок ќе започне да се реконструира регионалниот пат Прилеп- Битола до граничниот премин Меџитлија, а во меѓувреме преку ЈП за државни патишта ќе се распише јавен повик за проектирање на ниво на експресен пат токму за овој патен правец.

Исто така министерот Сугарески потенцираше дека обезбедени се сите средства за изградба и на експресниот пат Градско – Прилеп како еден од најзначајните патни правци во овој регион. Во однос на железничката инфраструктура, министерот изјави дека до крај на месец октомври ќе се потпише договорот со изведувач за изградба на пругата Битола до граница со Грција со што ќе се обезбеди побрз железнички транспорт.

На средбата присуствуваа претставнции од бизнис секторот од Прилеп и Битола.

Градоначалникот и кандидат за нов мандат, Петре Шилегов вели дека никој во Скопје не верувал оти ќе може толку проекти да се направат за четири години. Во гостувањето на Канал 5 рече дека многу проекти се доведени до точка од која нема враќање.

-Кога никој не веруваше дека можеме да ја завршиме Пластичарска, ние ја завршивме. Кога никој не веруваше дека може да се пробие ридот кај касарната Илинден, ние го завршивме и имаме булеварско решение со велосипедски патеки. Имаме прв булевар којшто излегува на скопската обиколница, тоа е булеварот АСНОМ…, рече Шилегов.

Тој е убеден дека за него ќе гласаат и членови на ВМРО-ДПМНЕ.

-Не знам и не верувам дека мои поддржувачи ќе гласаат за госпоѓата Арсовска, но убеден сум дека токму тоа што го направивме во изминатите четири години, многу, многу членови на ВМРО-ДПМНЕ ќе гласаат за мене за градоначалник, додаде тој, на прашањето дали е можно дел од членовите и симпатизерите на СДСМ на претстојните избори да гласаат за неговата конкурентка, Данела Арсовска, која е кандидатка на ВМРО-ДПМНЕ.

Да ја покажеме хуманата страна и да донираме за малиот Трајче.

Трајче има 7 години, функционира со еден бубрег и му е дијагностицирана следнава дијагноза Q62.2 – Конгенитален Мегалоуретер, N13.3 – Друга и неозначена Хидронефроза.

Потребен е оперативен зафат или операција PSOS Hitch за која се потребни средства во износ 8.397 евра или 512.200 денари.

Нашите 100 денари многу ќе му значат на Трајче бидејќи истите може да значат нормален живот и безгрижно детство.

Телефонски броеви за донации:

143-479 – А1

143-183 – Т-мобиле

Пелагониските бизнисмени, кои подолго од деценија и пол, ургентно и приоритетно бараат автопатско решение на патниот правец Велес – Прилеп- Битола преку Бабуна, а за што од државата добија и бројни ветувања, и понатаму ќе треба да чекаат идни подобри времиња – oбјави “АЛФА ТВ”

Според министерот за транспорт и врски, Благој Бочварски, во моментов, пелагониските бизнисмени биле согласни, а и задоволни со доизградбата на Експресниот пат Градско – Прилеп, која пак најрано треба да заврши за две години. Тој, одговарајќи на прашањето на Алфа, што се случува со ова автопатско решение, не давајаќи конкретен одговор, рече дека сега сите активности биле насочени на интензивирањето на градежните работи на експресниот пат.

„Јас разговарав со сите нив, имавме повеќе средби и нив ги интересира час поскоро да имаат подобра патна врска…Јас сум убеден дека ова е од сериозно значење и ќе бидат задоволни со овој потег што го правиме и дека после изградбата на овој Експресен пат ќе ја увидат можноста да работат непречено и да го видат благодетот од патната инфраструктура во регионот…Сега, во овој момент размислуваме на динамичките планови на овој Експресен пат да го завршиме, секако размислуваме и на автопатот Прилеп – Битола и на изградбата на Екпсресниот пат Битола – Меџитлија, така што во целиот овој регион се работи и секако ќе ги следиме состојбите колкав е бројот на превезени патници, на стока, на возила по овие рути, за потоа да можеме да димензионираме, доколку е потребно проширување, на нови рути отворање понатаму, како што налагаат потребите на државата“ – рече министерот Бочварски.

Наспроти ова пак, пелагониските бизнисмени велат дека досега немале конкретна средба со актуелниот министер и дека ним и понатаму како приоритет број еден им останува автопатот преку Бабуна. Но, признаваат дека и Експресниот пат бил нешто повеќе од досегашното ништо.

„Точно е дека доизградбата на Експресниот пат е од огромно значење за нас и ако биде за две години тоа е сосема во ред. Но, ние и понатаму остануваме на нашето исклучително барање за автопатско решение. Конкретна средба со министерот сме немале, но тоа планираме да го направиме кон крајот на месецов“, – вели за “АЛФА ТВ” Мирко Велковски, претседател на Регионалната стопанска комора од Битола.

На ист став се и бизнисмените од прилепската Стопанска комора. Оттаму велат дека автопатот преку Бабуна им е насушно потребен, бидејќи преку него, покрај другите придобивки, добиваат и значително кратење на километрите.

Инаку, автопатското решение преку Бабуна беше едно од ветувањата на премиерот Заев, како и на екс-министерот за транспорт, Горан Сугарески, кој сега пак е кандидат за градоначалник на Прилеп.

Каролина Дурло

А еве што вети вицепремиерот за економски прашања Фатмир Битиќи при посетата на Прилеп во февруари годинава:

На 06.09.2021 во 06.00 часот во Прилеп, полициcки cлyжбеници од Полициcка cтаница Прилеп го лишиле од cлобода А.М.(54) од Република Албанија.

Toj се сомничи дека пpeдизвикал пожap во обjeкт на пpeвojoт „Плетвар“ на патниот правец Прилеп – Градско.

Лицето е задржано за понатамошна пocтапка – информираат од МВР.

Ополномоштениот претставник фати мува во лет што леташе околу рускиот претседател.

Снимката направена при посетата на рускиот претседател на Далечниот Исток е објавена на интернет.

Ополномоштениот претставник на рускиот претседател во Далекуисточниот федерален округ Јуриј Трутнев уби мува што леташе околу главата на Владимир Путин. Снимката е направена за време на работната посета на претседателот на Далечниот Исток – објави Russia Beyond

„Ниедна мува нема да помине покрај Путин кога е Трутнев тука“, пишува во описот на видеото објавено на „Твитер“.

Ни одна муха не пролетит мимо Путина. Когда Трутнев рядом pic.twitter.com/oPenRH2fnw

— Кремлевский пул РИА (@Kremlinpool_RIA) September 4, 2021