–ВМРО-ДПМНЕ на последната седница на Извршниот и Централниот комитет донесе одлука за повеќе кандидати за градоначалници на општините. Се водевме од принципите за чесност, транспаретност, работливост и согласно со мислењето на членството и граѓаните, соопшти партијата.

Меѓу последните истакнати кандидати е и кандидатот на партијата за соседната прилепска општина Долнени.

ВМРО-ДПМНЕ за оваа општина го предлага Владо Глигороски, стопанственик и човек кој активно се занимава со земјоделство, човек од народот и човек кој е високо почитуван од сите етникуми во оваа мултиетничка општина.

За Општина Аеродром е предложен e Тимчо Муцунски, доцент на Правниот факултет „Јустинијан први”, актуелен пратеник во Собранието и меѓународен секретар на ВМРО-ДПМНЕ,

За Општина Карпош Оливер Зафировски, специјалист педијатар, пулмоалерголог,

За Општина Битола Тони Коњановски, специјалист епидемиолог и советник во Советот на општина Битола,

За Општина Струмица економистот Жан Дрвошанов,

За Општина Кичево доктор Александар Јовановски,

За Општина Крива Паланка поранешниот директор на Центарот за култура Александар Рангелов и

За Општина Старо Нагоричане филологот Велибор Денковски.

На денешен ден пред три години, со народни буџетски пари, власта го лажеше народот дека гласа „ЗА бесплатни здравствени услуги низ цела Европа“, потсети пратенико Антонио Милошоски, споделувајќи го добро познатиот билборд од референдумската кампања.

Денес, здравството е заглавено во неефикасност, многу грешки, жртви и истраги за морбидни трагедии, како онаа во болницата во Тетово. Големи штети има насекаде, а одговорноста ја нема никаде!, посочи Милошоски.

На 09.09.2021 во 20.40 часот во СВР Охрид било пpиjaвено дека на магистралниот пат Ресен-Охрид, на влезот за с.Свиништа, патничко моторно возило „опел“ со гевгелиски регистарски ознаки, yпpaвувано од Д.И.Ч.(93) од Стар Дојран, излетало од коловозот.

Во незгодата Д.И.Ч. се здобила со тешки телecни повpeди конcтатиpaни во Специjaлната болница „Св.Еразмо“ во Охрид.

Извршен бил yвид на местото на нacтанот од yвидна екипа од СВР Охрид – информираат од МВР.

Иако информациите не се засега потврдени, иницијалите од билтенот на МВР одговараат на Добрила Ивановска Чабриќ, харизматичната Македонка, која пред 3 години победи на популарното шоу “Никогаш не е доцна” и го освои целиот регион.

Кој дозволил објект за сместување на болни и неподвижни лица да биде изграден од запалливи материјали? Како можело да им падне на памет да употребат полиуретан (ПУР), ако се знае дека тој материјал гори побрзо од слама? – прашува на Фејсбук Проф. Д-р Дејан Трајковски од Техничкиот факултет во Битола

Второ прашање: дури и ПУР-от не може да се запали моментално, бидејќи се наоѓа во сендвич од метални лимови, колку и да се тенки. Дали имало персонал да се обиде најпрво самиот да го угасне? Дали во просторијата имало или немало доктор, сестра, болничар или чистачка? Ако имало, биле должни да гаснат по појавата на пламенот. Ако пак немало персонал, тогаш зошто немало?

Пламенот на почетокот, ако навистина избил поради куса врска или искрење на утичницата, можел да се угасне со рачен противпожарен апарат или макар со обично ќебе од најблискиот кревет.

Трето прашање. Дали во модуларната болница имале соодветен противпожарен апарат, за гаснење на пожар од дадената категорија? Дали е можно персоналот никогаш да не научил да ракува со противпожарен апарат? Па сите ние во колите имаме по еден таков апарат, а ги имаме и дома.

Четврто прашање: ако персоналот презел мерки за гаснење и не успеал во тоа, а пожарот толку бргу се ширел, тогаш катастрофата потенцијално може да се повтори во било кое време и во било која модуларна болница во Македонија – и никој нема да може да ја спречи. Дали тогаш ќе продолжат да ги изложуваат на ризик ковид-болните во државата?

Доаѓа зимата, времето на греалки, а ние многу рано видовме што може да стане во овие монтажни болници од пеколот. Тогаш подобро нека ги затворат со време.

Најлошото сценарио за членовите и гласачите на СДСМ Прилеп се случило синоќа.

Сите очекувале нови лица и само континуитет во советничкиот мандат на актуелниот Претседател на Совет, за кој е незамисливо и апсурдно да не е ни кандидат за советник.

Дали е тоа признание дека прилепските социјалдемократи биле најнеуспешна локална самоуправа во Македонија?

Но, како е возможно да е елиминирана Ташкоска, а носител на листа да е советничка, која само по 23 дена од мандатот си дала оставка во 2017. година, а сопругот и’ станал директор на јавно претпријатие.

Дека ништо не е сменето е доказ и советничката од НСДП, која е и актуелен раководител на СИЗ во Прилеп. Но, тука не застанале расправиите синоќа, бидејќи мандатот го продолжува и Ивона Кузмановиќ, за која се вели дека не кажала ниту еден збор во изминатите 4 години?

Кулминација на се била одлуката добитно место да добие и Аце Китаноски, досегашниот заменик градоначалник и економ во училиштето во Обршани?

Тоа ја прелеало чашата и било повод да се коментира дека ова е приватна листа на Сугарески и Миле Талески.

Ова е причина за огромен револт во многу месни заедници на СДСМ во Прилеп, а се очекува тоа да кулминира до 17 октомври.

Причината е едноставна…тие што добиле најмногу од партијата сега се на листа за советници?

Во последните 24 часа се направени 2.778 тecтиpaња, а peгиcтpиpaни се 256 нови случаи на KOBИД-19:

Скопје – 160, Куманово – 32, Прилеп – 9, Охрид – 8, Кавадарци, Струмица и Струга – по 6, Битола и Ресен – по 5, Крива Паланка – 4, Велес – 3, Тетово, Гостивар и Кичево – по 2, Штип, Свети Николе, Дебар, Радовиш, Кратово и Македонски Брод – по 1.

Регистрирани сe 545 оздравени пациенти од: Скопје – 172, Тетово – 171, Гостивар – 50, Кавадарци – 18, Кичево – 16, Прилеп и Битола – по 12, Струмица, Штип и Свети Николе – по 10, Ресен – 8, Крива Паланка – 6, Велес, Радовиш, Делчево и Кратово – по 5, Пробиштип и Македонски Брод – по 4, Неготино и Берово – по 3, Охрид, Струга, Кочани, Гевгелија, Богданци, Демир Хисар и Македонска Каменица – по 2, Виница и Валандово – по 1.

Приjaвени се 31 починато лице: 9 починати лица од Скопје (86г, 78г, 75г, 71г, 70г, 65г, 59г, 56г и 46г), 6 починати лица од Гостивар (83г, 73г, 71г, 65г, 65г и 60г), по 3 починати лица од Тетово (68г, 67г и 62г), Куманово (84г, 78г и 72г) и Струмица (72г, 68г и 54г), 2 починати лица од Кичево (55г и 49г) и по едно починато лице од Битола (81г), Велес (76г), Гевгелија (18г), Дебар (62г) и Македонски Брод (38г).

Од пpиjaвените 27 се починати во болнички услови и 4 се починати во домашни услови.

Направени се 2.778 тестови преку: ИЈЗ-65, ЦЈЗ Скопје-56, ЦЈЗ Битола-32, ЦЈЗ Прилеп-18, ЦЈЗ Тетово–0, ЦЈЗ Куманово-27, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија – 0 ГОБ 8-ми Септември-0, Институт за микробиологија–0, Жан Митрев (Филип Втори)-78, Авицена-131, Биотек-140, Систина-80, лабораторија Лаор-0, Синлаб-9, Ремедика-0, Плодност–40, Генеа-0, Никоб лаб-606, ВФВ Медикал-63, Ели Медика-71, Ројал Медика –0, ЈЗУ и ПЗУ (рапид тест) – вкупно 1.362.

Досега во земјата се направени вкупно 1.206.597 тecтиpaње на Koвид-19.

Вкупната бројка на KOBИД-диjaгнocтициpaни лица во нашата земја од почетокот на епидемиjaта изнесува 181.875, бројката на оздpaвени пациенти е 162.060, на починати е 6.184, а бројот на активни cлyчаи изнесува 13.631.

Според неофицијалните информации на ФОКУС, осумнаесетгодишната девојка oд Гевгелија која денеска го загуби животот како последица од Ковид-19 била всушност бремена во 7 месец.

Д-р Тони Коњановски е кандидат за градоначалник на Битола од ВМРО ДПМНЕ и Коалицијата, објавија од ВМРО ДПМНЕ.

Коњановски е долгогодишен доктор, битолчанец од стара позната градска фамилија, а професионално ја продолжува традицијата на својот татко. Д-р Тони Коњановски, својот работен век го поминува во ЈЗУ “Центар за јавно здравје”, а последниве четири години ја извршуваше и функцијата советник во Советот на општина Битола.

„Коњановски е најсериозно најдобрата понуда за Битола, заради тоа што најпрвин ја познава Битола, ги познава сите проблеми на битолчани, а четиригодишниот мандат во Советот му помага точно и прецизно да ги лоцира инфраструктурните, сообраќајните и предизвиците за локален економски развој на Битола, преку нови инвестиции, нови работни места и вложување во туризмот.

Д-р Тони Коњановски, во време на КОВИД кризата, ја потврди својат висока професионалност, човечност и хуманост.

Професионалност, стручност, чесност и совесност ги одликуваат и носителот на советничката листа на ВМРО ДПМНЕ и Коалицијата, Пеце Милевски – актуелниот претседател на ОК НА ВМРО ДПМНЕ Битола и целиот тим, кој што заедно ќе учествува и ќе извојува голема победа на овие локални избори.

ВМРО ДПМНЕ со Коалицијата, со програмската и персоналната понуда, со својот непосреден пристап со граѓаните е единствената алтернатива на оваа власт што четири години ја уназади и упропасти Битола.

Затоа таков е и изборот, д-р Тони Коњановски е толерантен, чесен, еснаф – човек, разумен, со мирна реторика, тој е вистинскиот профил, и вистинската шанса Битола да добие градоначалник на сите битолчани“, пишува во образложението за својот кандидат ВМРО ДПМНЕ.

Министерот за здравство Венко Филипче се извини што толку доцна излегол на прес-конференција за вчерашната тpaгедија во модуларната koвид болница во Тетово бидејќи било потребно време да ги собире сите потребни информации за да и ги соопшти на јавноста.

Од одговорност никој нема да биде иземмен истакна тој, но не соопшти дека ќе поднесе оставка.

-Од одговорност ниту бегам ниту ќе бегам туку ќе чекам да заврши истрагата, поради тоа што и во овој период има потребна за менаџирање на кризата, посебно околу пациентите во Тетово, вели Филипче.

Кога ќе заврши истрагата додаде тој ќе донесе одлука дали ќе поднесе оставка. Тој го потврди сооштението од Владата дека странски истражители ќе ја утврдуваат причините за несреќата.

Тврди дека модуларната болница била соогласно сите светски стандарди, бидејќи е финансирана од Светска банка.

Во сабота се одбележува празник посветен на погубувањето на св. Јован Крстител што секоја година се празнува на 11 септември во народниот говор се среќава под различни имиња: Св. Јован Сечиглав, Св. Јован Отсечен, Св. Јован Опсечен итн. Поради значењето на овој светец црквата овој ден го прогласила за строг пост.

Денот на погубувањето на Св. Јован Крстител со строг пост црквата го празнува на 11 септември под името Отсекување или Отсечение на главата на Свети Јован Крстител. Иако Свети Јован е погубен пред Пасха празникот е поместен на овој ден зашто на овој ден е осветена црквата што над неговиот гроб во Севастија ја подигнале светите цареви, како што ги викал народот царот Константин и неговата мајка, царицата Елена.

Значењето на Свети Јован Крстител неговиот голем култ воопшто во христијанскиот свет оставил значајни траги и во традицијата на македонскиот народ. Па така како и другите празници посветени на овој светител и овој ден се празнува со многу внимание, со домашни, селски или поголеми свечености, со заеднички гозби (ортии) и сл. Народот на овој пост држи строг пост, не јаде не само мрсно, туку и риба и зејтин.

Останало забележано дека на овој ден луѓето не јаделе ни лубеница, домати, црвено грозје и други продукти со црвена боја што потсетувале на крвта на светителот.

Последниот старозаветен пророк Свети Јован е наречен Крстител затоа што го крстил Исус Христос во реката Јордан. Тој е наречен и Претеча што значи претходник, зашто со своето учење навистина му претходел на Исус, одел пред него, го повикувал народот на покајание и го најавувал доаѓањето на Спасителот. „Јас ве крштевам со вода, а тој што ќе дојде по мене ќе ве крсти со Дух Свети”, говорел Свети Јован додека го покрстувал народот. Многумина Јудејци доаѓале кај него за да бидат крстени, а многумина го почитувале како вистинскиот Спасител.

Јован сведочел дека Исус е синот Божји. „Он треба да расте, а јас да се смалувам! Кој доаѓа одозгора, тој е над сите, а кој доаѓа од земјата, земен е и како земен зборува. Кој доаѓа од небото над сите е”. (Јован, 3/30-31)

Почитувајќи го како најголем пророк, Црквата му посветила неколку празници во годината. Во христијанскиот календар се празнува денот на неговото раѓање (Иванден, 7.VII/24.VI) денот на неговото погубување наречен Отсечение главата на Свети Јован, потоа за голем празник се смета и денот кога Св. Јован го крстил Исуса во реката Јордан, Собор на св. Јован Крстител (денот по Богојавление 20/7.I.) на 24 февруари (с.с.) се празнува Првото и Второто, а на 15 мај (с.с.) и Третото наоѓање главата на Св. Јован кога таа е пренесена во Цариград итн. Така во христијанската вера Св. Јован е една од ретките личности покрај Исус и Пресвета Богородица кому Светата црква му посветила повеќе празници. Празникот Отсечение главата на Св. Јован Крстител е еден од петнаесетте големи христијански празници, а за подостоинствено празнување и за сочувство со страдањата на Св. Јован од страна на Светата црква одреден е строг пост.

Maкедонија вчера го одигра третиот последователен нерешен резултат. После ремито со Ерменија и Исланд, Македонија синоќа ремизираше и со Романија.

Блескавата игра на нашите момци за жал не беше крунисана со погодок. Како и секогаш на трибините не изостана поддршката од прилепчани, кои важат за едни од најголемите поддржувачи на националните селекции.