Најголемата грешка на власта е поставувањето погрешни луѓе на некои позиции, вели Претседателот
Коментирајќи ги состојбите во државата, претседателот Стево Пендаровски во интервјуто за 360 степени рече дека најголемата грешка на власта е поставувањето погрешни луѓе на некои позиции. За пример ги зема градоначалниците.
-Мислам дека најголемата грешка е што за некои позиции беа поставени погрешни луѓе. Да ги земеме градоначалниците: за колку од 60те градоначалници, еве од мојата структура, како граѓанин би рекле дека добро одработиле? Да не лицитирам со бројки, ама за малкумина. Еве и во градот кајшто живееме, каде што најдобро ги познаваме состојбите, рече Пендаровски.
Претседателот на ЛДП и актуелен министер за локална самоуправа ја поднесе својата кандидатура за градоначалник на Битола
“Синоќа, ја доставив мојата кандидатура за градоначалник на Битола, во централата на партијата.
Денес, на овој голем празник, овластениот претставник на “Движењето ОДЛУЧНО ЗА ПРОМЕНИ” до општинската изборна комисија ќе ги достави потребните документи, како за градоначалник, така и за советничка листа на Битола.
Долго размислував дали да го прифатам предизвикот и да влезам во изборната трка. Неможев да се оглушам на барањето на членовите на партијата, како и на големиот број на граѓани кои бараа од мене да се кандидирам за градоначалник.
Доколку не се кандидирав, ќе имав чувство дека сум ги предал очекувања и барања на моите пријатели и сограѓани. Тоа ќе беше голем терет за мене и немаше да можам да продолжам да работам со таквите чувства.
Влегувам во трката без никакви притисоци за изборниот резултат. Ќе понудиме проекти, ќе ја претставиме нашата визија за развој на градот и ќе се обидеме да ги убедиме граѓаните да гласаат од срце, а не по наредба.
Граѓаните ќе имаат шанса, заедно да сработиме и да ја направиме Битола подобро место за живеење.
Ќе имаат шанса да гласаат за личност, не за партија, да бидат сигурни дека следните четири години ќе работиме чесно и во интерес на битолчани.
Ќе настапиме со тим на кандидати за советници во кој има голем број на непартиски луѓе, ентузијасти, со желба на направиме заедно промени во Битола.
Големи финансиски средства немаме за трошење во оваа кампања, но тоа ни дава слобода потоа никому да не должиме ништо, освен на граѓаните.
„Бихаќка“ е на готовс – партиската директива гласи #ПоддршказаВенко. Да се брани и да се одбрани министерот од сопствена оставка, пишува порталот Република.
Гори црвениот вибер на СДСМ. Во групата со интересно име СДСМ УДБА организацискиот секретар на партијата Мартин Попов ги организира партиските директори на здравствените институции, градоначалници, претседатели на ограноци да застанат „во одбрана на Венко Филипче“, стои во текстот на порталот.
Сето тоа напишано со големи букви, зашто и итноста е голема.
Потребна е нашата поддршка во моментов за потпретсњдателот на партијата. Знаете што има направено за сите нас тука. Масовно да шириме позитивни работи за него. Не смееме сега да изгубиме човек како него, баш пред избори, за Филипче се работи, пишува во партиската насока на Попов.
Во речиси иста минута Фејсбук е преплавен од величење на ликот и делото на министерот со задоцнет морал. Поддршка на партискиот потпретседател и министер за здравство на своите Фејсбук страници објавија Горан Сугарески, Богданка Кузеска, Снежана Калеска Ванчева… На Фејсбук групата Поддршка за Венко Филипче, формирана лани во март, во почетокот на пандемијата, се шири текст кој повеќе сугерира дека Филипче е жртва во пожарот отколку министер во оставка.
Народот во претходните 2 дена бурно и изреволтирано реагираше на овој немил настан барајќи одговорност од надлежните и секако оставка.
Откако денеска оставка си поднесоа заменик мнинистерот за здравство Илир Хасани, директорот на Клиничката болница во Тетово, Фљорин Бесими и економскиот директор Артан Етеми по пожарот во ковид центарот во кој загинаа 14 лица, официјално и министерот за здравсто, Венко Филипче на денешната вонредна закажана прес конференција во 19:00 часот ја извести јавноста дека си поднесува оставка.
Почитувани како лекар и министер имам интегритет затоа денеска од морални причини понудив пишана оставка до премиерот Зоран Заев.
Поранешниот американски претседател на претседателските избори загуби од Џо Бајден, но уверен е дека без проблем и сомнеж би го поразил својот ривал во боксериски ринг.
Tpaмп беше повик на конференција на медиумите организирана за саботниот меч меѓу поранешниот шампион во тешка категорија Евандер Холифилд и шампионот во полутешка категорија Витор Белфорт, каде го прашаа против кого би се борел во боксерски ринг и како би изгледала таа борба.
“Па ако морам да изберам некој, тоа не би било професионален боксер, би ги прескокнал нив, бидејќи би можело да биде многу опасно. Но, ако морам да изберам некој, тоа би бил Џо Бајден, тој би паднал многу брзо, многу брзо. Многу, многу брзо”, изјави Tpaмп.
“Знаете, тој еднаш рече дека би сакал да ме изнесе позади бар. Но, би бил во сериозен проблем доколку го направи тоа. Мислам дека борбата би завршила во неколку секунди”, додава тој.
Две негувателки од прилепските детски градинки се Ковид – позитивни, а вкупно 30 деца се ставени во 15-дневна изолација, 21 дете од возрасната група од 2 до 3 години и 9 на возраст од 3 до 6 години – oбјави “АЛФА ТВ”
Според директорот на ЈОУДГ „Наша иднина“, Орце Тодороски, во шестте градинки се почитуваат сите препорачани здравствени протоколи и во моментов нема место за паника.
„Кај нас се згрижени 630 деца во 50 групи. Меѓутоа, она што и понатаму останува како сериозен проблем е недостигот од места за уште 373 деца, пришто некои родители на долгата листа на чекање оставени се и по две години, иако и тука се обидуваме да направиме некои приоритети“ – се правда Тодороски.
„Ние намалуваме колку можеме. Предност имаат самохрани мајки и деца со еден родител. Тие гледаме прво да ги примиме, а се’ останато, оди по листа на чекање“, – ни изјави директорот на ЈОУДГ „Наша иднина“.
Веќе хроничниот недостиг од доволно места во градинките, кој се провлекува со години, се очекува да се реши со долгонајавуваната нова детска градинка, а чија изградба, по неколкуте претходни пролонгирање од 2018-та година наваму, конечно започна дури пред пет месеци.
Според тогашните оптимистички најави на надлежните, истата треба да биде готова и ставена во функција веќе следниот месец, иако тековните градежни работи се уште се далеку од завршната фаза.
„Градинката нова се гради, вторите столбови за втората плоча да биде турена. Јас се надевам дека ќе стигнеме, инаку пенали ќе сноси…јас мислам дека со она темпо ќе стасаат“, – посочува Тодороски.
Инаку, новата Детска градинка со капацитет за околу 250 предшколски деца е едно од предизборните ветувања на оваа локална власт, но врз идеен проект наследен од нивните претходници.
Нејзината вредност е 110 милиони денари. Градинката, според ветувањата дадени во 2018-та година, требаше да биде дел од Комплексот „Спортско-рекреативниот центар со покриен базен“, капитален проект, вреден 120 милиони денари.
Но, тој до ден денес не е ни започнат, иако градоначалникот Илија Јованоски, во март тврдеше декапостапката била во тек и дека за два-три месеци ќе биде направен повеќе од половината.
Почитувани гледачи, поради огромната завчерашна трагедија во Тетово, денес си дозволив пласирање на огромна количина на емоции и мои лични ставови насочени кон одговорни лица и политичари поврзани со овој немил настан, вели водителот Роберт Јанков по реакциите и поддршката што ја доби од јавноста за неговиот говор во утринската емисија.
„Тоа сигурно не беше својствено за целиот наш победнички тим на Канал 5 ТВ, нешто по што сме препознаени кај вас гледачите. Но ова денес докажа дека и јас сум човек од крв и месо, но и човек со душа за сите вас, па затоа малку претерав во изнесувањето на моите ставови и барања, нешто што можеби не требаше да се случи. Оваа трагедија треба да не научи сите нас во нашата Македонија дека за жал – животот е „евтин“, и затоа мораме и ние обичните граѓани но и политичарите да внимаваме вакви трагедии да не ни се случуваат повеќе. Се гледаме повторно на единствената моја и ваша, Канал 5 ТВ“, посочи Јанков.
Изјавата која ја даде Роберт е нешто кое го мислат најголем дел од граѓаните. Зошто почувствувал потреба да се извини – не знаеме.
-На никој политичар нема да му падне круната од глава ако даде оставка и ако замине. Значи секој е менлив, јас сум менлив, политичарите да не правам муабет. Ова како да живееме. Не можам да разберам ова стварно каква трагедија, ние ќе се објаснуваме навистина ли треба да го поставиме прашањето дали треба да има одговорност. 14 луѓе загинаа, изгореа живи. Да утврдиме па ќе видиме. Не ми се верува сериозно, ова е. На 30 години да се спакува човек да си замине и да не се сврти, кажа Роберт во емисијата.
Скроз е во право Роберт.
И на 50 години, човек да си спакува куферите од тука, да си замине и да не се сврти. pic.twitter.com/13S4s5LFre
На социјалната мрежа Тик Ток протече видео од првите моменти од несреќата во Тетово во која 14 лица го загубија својот живот.
Видеото е снимено од безбедносните камери на тетовската болница, а на него се гледа со каква стравична брзина се шири пожарот и за само 3 минути целата болница е опколена со прстен од оган.
Од видеото може да се забележи и каква паника се шири помеѓу болничкиот персонал кој со инвалидски колички ги извлекува пациенти.
