Александер „Велики“ Волкановски ја одбрани својата титула во перо категорија на УФЦ 266

Волкановски изминатата вечер во октагонот се бореше против Брајан Ортега, а победата ја однесе на поени (49-46,50-45, 50-44).

32-годишниот Австралиец со македонско потекло, кој често го гледаме и со македонското знаме, имаше посилен старт во првите две рунди во „Т-Мобиле арената“. Тој успеа да избегне неколку блиски обиди на противникот и да ја однесе победата.

Волкановски дури во еден момент беше соборен, но успеа да се исправи и да му нанесе силни удари на Ортега, кој пак мораше да добие долга пауза за медицинска помош пред почетокот на четвртата рунда.

El campeón con un momento importante #UFC266 pic.twitter.com/VohUJ7MKCX

— UFC Español (@UFCEspanol) September 26, 2021

15-годишниот Гукеш од Индија освои златен медал на Европскиот шампионат во шах кој се одржуваше во Струга.

Младиот Гукеш постигна резултат 5.5/7, натпреварувајќи се на првата табла за Шаховскиот клуб Прилеп и е прогласен за најдобар играч на турнирот.

На првата табла имаше познати имиња како Мамедов, Мамедиаров и Гришчук, но младиот велемајстор од Индија беше најдобар.

“Организацијата за граѓански активизам и независност” која се занимава со анализи, истражувања и граѓански активизам, за сопствени потреби направи теренско истражување поврзано со престојните локални избори.

Резултатите од анкетата, во делот за општина Прилеп, покажуваат дека во оваа општина најголема доверба ужива кандидатот на ВМРО-ДПМНЕ, Борче Јовчески.

За него се изјасниле дека ќе гласаат 24.5% од испитаните граѓани.

Зад него е кандидатот на СДСМ, Горан Сугаревски за кој довербата ја дале 19,9% од граѓаните. Она што е интересно е дека во Прилеп има и трета сила, а тоа е кандидатската листа за советници и кандидатот на коалиција ЛДП-ДОМ, Славе Петрески за кој се определиле 4,8% од испитаниците.

Листата на ЛДП и ДОМ за Прилеп ја сочинуваат главно луѓе експерти во својата област, интелектуалци и луѓе кои се почитувани во средината во која работат и функционираат.

За потсетување овие две политички партии беа во коалиција со СДСМ на претходните изборни циклуси.

За претстојните локални избори на 17. октомври се одлучија за своите кандидати за градоначалници и советници, и се чини дека не погрешија со нивното дистанцирање од владеачката партија.

Останува да видиме колку советници од оваа листа ќе успеат да освојат во идниот Совет на општина Прилеп:

Презимето Малдини има голема историја во фудбалскиот великан Милан, а денеска истата е продолжена од страна на младиот Даниел кој го постигна својот прв гол во Серија А.

Милан успеа да слави на гостувањето кај Специја со 1:2, но веста на денот е погодокот на младиот фудбалер кој го надополни големото наследство кое го оставија неговиот дедо Чезаре и татко Паоло.

Паоло Малдини во овој момент е директор на Милан и директно од трибините сведочеше на првиот гол на неговиот син, а неговата татковска реакција брзо стана вирална на социјалните мрежи.

– Навистина сум многу среќен, емоциите се многу силни. За среќа, ги вративме трите бода дома и ќе ми биде потребно време за да „легне“ се она што се случи.

– Вчера ми беше кажано дека ќе бидам стартер и имаше голема тензија. Соиграчите навистина многу ми помогнаа, но и тренерот Пиоли и мојота татко. Паоло има големи барања од мене, но пред се ми е татко и ми дава совети, – порача 19-годишниот Даниел за „ДАЗН“.

One of Italian football’s most famous names! ??

Paolo Maldini’s son Daniel scores on his first league start for AC Milan.

Look at Paolo's reaction! ? pic.twitter.com/9ieHdB1qNI

— Football on BT Sport (@btsportfootball) September 25, 2021

На задоволство од над 2.500 гледачи попладнево на Градскиот стадион ,,Гоце Делчев“ фудбалерите на Победа забележаа рекордно висока второлигашка победа совладувајќи го гостинскиот состав на Осогово со 6-0, полувреме 4-0.

Од самиот почеток на мечот црвено-белите започнаа агресивно со висок пресинг притискајќи го високо младиот и неискусен гостински состав. Ваквата игра резултираше со 3 брзи гола и висока предност од 3-0 по само 10 минути игра, а стрелци беа Бојан Спиркоски, Антонио Бошески и Петар Најдов.

Овој последниот со својот втор гол го постави резултатот на полувреме од 4-0. Во вториот дел од натпреварот домаќините го спуштија нивото и немаше некои поголеми возбудувања. Но сепак прилепските љубители на фудбалот видоа уште два погодоци.

На 5-0 зголеми Бојан Спиркоски, а голот на мечот веројатно и на сезоната во македонскиот фудбал воопшто беше дело на Давид Јошески-евро-гол од можеби 30 метри во самиот десен горен агол од гостинскиот гол, за конечни 6-0.

Победа:Котевски, Дигаловски, Стомнароски, Петкоски (од 46 мин С.Спиркоски), Бошески (од 54 мин Петејчук), Митрески, Момироски (од 70 мин Кисески-Илијоски), Ангелески, Неделков (од 54 мин Јошески), Најдов (од 40 мин Ф.Спиркоски) и Б.Спиркоски.

Резултати од 5 коло ВМФЛ-Исток:Понеда-Осогово 6-0, Беласица-Саса 0-1, Локомотива-Братство 1-0, Кит-Го-Кожѕф 1-0 и Детонит-Слога 2-1.

Табела:Саса 13, Слога 12, Победа-Беласица по 10, Кит-Го 6, Кожуф, Локомотива, Детонит и Осогово по 4 и Братство 1 бод.

Во наредното 6-то коло ќе играат: Локомотива-Победа, Братство-Кожуф, Саса-Кит-Го, Слога-Беласица и Осогово-Детонит.

Петар Димоски

Ветераните од ВМРО-ДПМНЕ Прилеп се обединија околу Д-р Борче Јовчески

Вчера кандидатот за градоначалник на партијата за Прилеп, оствари средба со голем број членови од Унијата на ветерани, од кои добил огромна поддршка.

-Работна средба на генералниот секретар на Унија на Ветерани Сашо Дрангов, ОК на Унија на Ветерани и координаторите на МК на УВ со кандидатот за градоначалник на ВМРО ДПМНЕ Прилеп др. Борче Јовчески, напиша на ФБ Кире Николоски, претседател на Унијата на ветерани за Прилеп.

Тим на научници од Оман одлучиле да продолжат со истражувањето на озлогласениот јеменски бунар Бархут, за кој локалното население вели дека е “затвop за дyxoви”.

“Бунарот на пеколот” е 30 метри широка дупка во пустината на источната провинција Ал Махра, а длабок е 112 метри.

Тимот на истражувачи во пештерата пронашол ендемски видови на змии, mpтви животни и пештерски накит, но ни трага од натприродните митски суштества.

Aко ова навистина е во околината на Крушево, тогаш крушевските ловџии отишле во стечај…

Во описот на видеото пишува дека е на патот од Крушево за Алданци…