На 09.11.2021 во ПС Крушево, 46-годишен жител од Крушево ја пpиjaвил Д.Н., женско лице од Скопје за сторена измама.

– Според пријавеното, тие оствариле контакт на социјалната мрежа Фејсбук и по кратко време тој ѝ го испратил изводот од неговата банкарска сметка, по што таа ги искористила неговите лични податоци и подигнала брз кредит од 207.000 денари од финансиско друштво.

Се преземаат мерки за расчистување на случајот – велат од МВР.

Министерството за здравство информира дека направени се 3.597 тестирање, а регистрирани се 656 нови случаи на ковид.

Скопје – 257, Битола – 38, Куманово – 34, Прилеп – 31, Штип – 30, Кавадарци – 27, Тетово – 26, Велес – 24, Кочани – 23, Охрид и Крива Паланка – по 18, Струмица, Неготино и Делчево – по 13, Гевгелија – 12, Кратово – 11, Радовиш – 10, Ресен, Пробиштип и Демир Хисар – по 8, Струга – 6, Кичево, Свети Николе, Крушево и Македонска Каменица – по 4, Берово, Виница, Богданци и Демир Капија – по 3.

Регистрирани сe 273 оздравени пациент од: Скопје – 153, Куманово – 20, Кочани – 16, Прилеп – 14, Кавадараци – 12, Велес – 10, Битола, Штип и Крива Паланка – по 6, Тетово и Неготино – по 4, Делчево – 3, Струмица, Струга, Гевгелија, Радовиш, Виница, Пробиштип и Крушево – по 2, Гостивар, Охрид, Ресен, Кратово и Демир Хисар – по 1.

Во текот на изминатите 24 часа регистрирани се 13 починати лица: 4 починати лица од Скопје (67, 76, 80 и 86), 2 починати лица од Куманово (65 и 70) и по едно починато лице од Гевгелија (71), Кавадарци (84), Охрид (76), Прилеп (71), Радовиш (70г, Свети Николе (83) и Штип (74). Од пријавените лица сите се починати во болнички услови.

Дополнително, согласно Регистарот на умрени лица со дијагноза КОВИД-19 од Мој Термин, се пријавени осум починати лица со датум на смрт од 31.10.2021 до 08.11.2021. Регистрирани се починати лица од Скопје (4), Прилеп (1), Охрид (1), Кавадарци (1) и Велес (1) на возраст од 49 до 89 години, од кои 2 се починати во домашни услови и 6 во болнички услови.

Направени се 3.597 тест преку: ИЈЗ-355, ЦЈЗ Скопје-79, ЦЈЗ Битола-110, ЦЈЗ Прилеп-52, ЦЈЗ Тетово–86, ЦЈЗ Куманово-54, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–337, Жан Митрев (Филип Втори)-90, Авицена-124, Биотек-166, Систина-64, лабораторија Лаор-110, Синлаб-15, Ремедика-26, Плодност–45, Генеа-7, Никоб лаб-250, ВФВ Медикал-46, Ели Медика-46, Ројал Медика –18, Спектра-ММ-4, Рапид Лаб – 3, ЈЗУ и ПЗУ (рапид тест) – вкупно 1.510.

Досега во земјата се направени вкупно 1.415.992 тестирања. Вкупната бројка на дијагностицирани лица во нашата земја од почетокот на епидемијата изнесува 207.566, бројот на оздравени пациенти е 191.922, на починати е 7.276, а бројот на активни случаи изнесува 8.368.

Според епидемиолошки анализи во моментов, во Прилеп активни се 395 случаи, а во Битола 580.

СВР Битола поднece кpивична пpиjaва пpoтив М.Б.(64) од Прилеп, пopaди пocтoeње ocнови на coмнение за cтopeно кpивично дело „фалcификyвање иcпpaва“ – информираат од МВР.

-Пpиjaвената, вpaботена како благајник во дом за стари лица во Прилеп, ополномоштена да располага со лични средства од трансакциските сметки на корисниците во домот, во два наврата преправила банкарски налози издадени од банка и наместо подигнатите 10.000, односно 5.000 денари напишала дека подигнала по 1.000 денари, а откако ги подигнала средствата впишани на налозите, во својство на полномошник на трансакциските сметки, ги дала на главна сестра во домот – стои во соопштението во дневниот билтен на МВР.

Денес главното прашање е зошто вчера Венко Филипче и Оливер Спасовски му аплаудираа на Зоран Заев. Дали му аплаудираа дека можеби и Филипче и Спасовски ја изгубиле реалноста од изборниот пораз како што ја изгуби и самиот Зоран Заев, изјави на денешната прес конференција претеникот од редовите на ВМРО-ДПМНЕ, Антонијо Милошоски.

Тој праша дали аплаузот на Филипче и Спасовски за Зоран Заев вчера бил аплауз за зголемената инфлација, за поскапените горива, за поскапените прехрамбени производи и за енергетската криза во која што Заев ја турна цела држава, а голем дел од граѓаните ги донесе на ниво на сиромаштија?

– Дали аплаузот на Венко Филипче и Оливер Спасовски за Зоран Заев вчера е за Вице Заев кој мистериозно исчезна од кривичната пријава за рекетот во РЕК Битола, истата онаа РЕК Битола која што сега нема јаглен, не произведува струја и Македонија е една од државите на столбот на срамот на енергетската европска заедница која што краде струја од европските производители?! Дали аплаузот на Венко Филипче и Оливер Спасовски беше за немањето на одговорност за пожарот во модуларната болница во Тетово во која што за жал имаше и 14 жртви, а Македонија е на највисокото место по стапка на смртност од ковид-19. Отсуството на реалноста која што владее во Република Македонија го гледаме токму во дадениот аплауз на Венко Филипче и Оливер Спасовски за нивниот претседател во оставка Зоран Заев затоа што Македонија е на 111-то место во светот по корупција, а и каде да биде Македонија ако министерот за внатрешни работи издава 215 пасоши на светски трговци на наркотици?! Отсуството од реалноста во СДСМ се гледа и по тоа што Зоран Заев и Венко Филипче до пред извесно време во Прилеп стигнуваа со владин хеликоптер, откако тоа престана да биде привилегија за нив, Зоран Заев купи едно скапо БМВ кое што се возеше низ општините каде што ги изгуби изборите. Дали аплаузот кој што го даваше Венко Филипче беше можеби за вчера омилен директор Ден Дончев за кој што не знаеме каде се наоѓа неколку месеци или можеби аплаузот на Ковачевски и на Оливер Спасовски беше за Рашковски кој што е десна рака како генерален секретар на Владата на Зоран Заев долги години?! Зоран Заев вчера со изјавата дека дека нема да поднесе оставка и дека истата ја поместува на неопределено време, односно тој сакал но централниот одбор на СДСМ не му дозволил, уште еднаш докажа дека е најголемиот лажго во македонската политика, најголемиот манипулант на Балканот и најголемиот аболициран политичар кој што се гребе за уште еден, два или три дена во власт за да си покрие некоја од своите злоупотреби, појасни Милошоски.

Тој потенцира дека времето на Зоран Заев помина и што ќе се случува во СДСМ не ги интересира, тоа е нивна работа, но што ќе се случува во Собранието ќе види Заев уште во текот на утрешниот ден кога на Владата на Заев која е во оставка ќе и биде изгласана недоверба.

– Затоа му порачуваме на Заев премиерот во заминување и на неговите најблиски соработници Филипче и Оливер Спасовски да се спремат за мирна транзиција на власта, испорачувањето на недовербата на Владата и формирањето на ново собраниско мнозинство и нова Влада која што ќе нуди решенија за проблемите кои што ги создаде Заев, Филипче и Оливер Спасовски. Сметам дека доаѓа време за одговорност за сите нивни злоупотреби, доаѓа време за нов почеток, за поспособни луѓе, за нова Влада и за ново парламентарно мнозинство, додаде Милошоски.

Пристигнаа 40.000 четириваленти вакцини против сезонски грип. Вакцинацијата ќе почне в петок, а СМС пораки ќе почнат да добиваат граѓаните кои се пријавиле на сајтот vakcinacija.mk . Ова е четврта година по ред како обезбедуваме бесплатна вакцинација за хронично болните, граѓаните над 65 – годишна возраст, бремените жени, децата и здравствените работници – пренесува МИА.

Ова денеска на прес-конференција го истакна министерот за здравство Венко Филипче, кој рече дека ставот на Националниот комитет за имунизација е дека нема никаков ризик ако двете вакцини таа за сезонски грип и за Ковид-19 се примат во исто време, а ако не се примат во исто време нема разлика колкaв временски период ќе биде дистанцата меѓу двете вакцинациi.

Вакцините против сезонски грип, појасни министерот, веќе се дистрибуираат со цел да не се мешаат групите граѓани кои доаѓаат за вакцинација за сезонски грип и за Ковид-19.

-Вакцинацијата ќе се спроведува во центрите за јавно здравје и дел од здравствените домови во Скопје каде нема вакцинација за Ковид-19. Може секој граѓанин да се пријави на сајтот vakcinacija.mk и ќе добие СМС порака со ден, време и точно место каде може да дојде да се вакцинира против сезонски грип, рече Филипче.

Освен оваа количина вакцини, потенцира, центрите за јавно здравје набавија 11 000 комерцијални вакцини од кои 4000 се во Скопје.

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило три кривични дела – Разбојништво и тоа две согласно член 237 став 4 и едно согласно член 237 став 1 од Кривичниот законик.

Во два наврати, на 24 февруари и на 8 мај, осомничениот извршил разбојништва во иста спортска обложувалница на улицата „Митрополит Теодосиј Гологанов“. Се преправал дека пополнува ливче, по што станувал од масата и со нож им се заканувал на вработените за да ги принуди да му ги дадат парите. Првиот пат одзел 21.918 денари, а вториот пат – 20.400 денари од работните фиоки зад наплатниот пулт.

На 18 мај, осомничениот 26-годишник влегол во спортска обложувалница на улицата „Никола Тримпаре“ во Скопје и на вработениот му се заканил со зборовите: „Надвор сме тројца, да не ја правиме голема, дај ги парите“. Оштетениот, исплашен дека би можеле да го нападнат, ги извадил парите од фиоките и му ги дал. На овој начин осомничениот противправно происвоил 70.000 денари и избегал од местото.

Министерот за здравство Венко Филипче не размислува да поднесе оставка поради актуелните случувања во СДСМ.

-Не, не размислувам во таа насока, кусо одговори Филипче на новинарско прашање на денешната прес-конференција на која соопшти детали за КОВИД-состобата во земјава.

На прашањето, пак, дали некој ќе понесе одговорност, морална или кривична, за трагедијата во тетовската модуларна болница од која поминаа два месеца, Филипче рече дека тоа е е прашање за Обвинителството.

Данела Арсовска новата градоначалничка на Скопје го раскина договорот за новогодишно украсување на Скопје  вреден 240,000 евра пишува СДК.МК.

Договорот е склучен од претходниот градоначалник Петре Шилегов со фирмата „Линк медиа плус“, а причината за раскинување е можната енергетска криза и можните рестрикции во снабдувањето со електрична енергија.

Прочитајте повеќе ТУКА

На 09.11.2021 околу 18.15 часот во СВР Битола било пpиjaвено дека на кpcтocница од улиците „Филип Втори Македонски“, „Ило Џокановски“ и „Цане Василев“ во Битола, мопед со битолски peгиcтapcки ознаки, yпpaвyван од малолетник, yдpил во велocипедиcт М.Р.(73), двајцата од Битола.

Во незгодата со тешки телecни повpeди се здобил М.Р., конcтатиpaни во Клиничката болница Битола. Увид на местото извpшила yвидна екипа од Полициcката cтаница Битола – информираат од МВР.