Сите вработени во јавниот сектор, а кои не сакаат да се вakцинираат, ќе мора секоја недела да даваат пари за да направат ПСР тест, за да го приложат на своето работно место.
Министерот за здравство, д-р Венко Филипче потенцираше дека тој е единствениот начин за да бидат сигурно дека индивидуата без вakцина, е безбеден за работната средина која има примено Koвид-вakцина.
Инаку, мерките ќе стапат на сила десетина дена откако Владата би ги усвоила, за да има време, како што рече Филипче. фирмите и луѓето да се прилагодат на новонастанатата ситуација.
Владата деновиве ќе исплати 300 милиони денари поддршка на 19.060 тутунари во рамки на пакетот за намалување на последиците предизвикани од КОВИД-19.
Како што информира на денешната прес-конференција владиниот портпарол Душко Арсовски, секој тутунар ќе добие по три денари за килограм произведен и продаден необработен тутун од втора класа, како и 16 денари по килограм за произведен и продаден необработен тутун од трета и четврта класа.
– На оваа финансиска поддршка и претходеше исплата на субенции за произведен и предаден тутун во висина од 1,7 милијарди денари, со што владината поддршка за тутунопроизводството во година на светска здравствена и економска криза изнесува две милијарди денари, рече тој.
На ваков начин, според Арсовски, се дава придонес за благосостојбата на голем број граѓани, чие производство на тутун е една од главните земјоделски и економски гранки кои имаат важно учество во бруто домашниот производ. /МИА/.
Ракометарите на Еурофарм Пелистер вчеравечер близу Атина ја остварија првата победа во ЕХФ Европската лига откако со 30:27 славеа на гостувањето кај АЕК.
Македонскиот претставник наметна свое темпо од самиот почеток и на крај успеа да стави крај на позитивната серија на противникот, кој победи на првите два меча во групата Д.
Битолчани по три кола имаат по една победа, пораз и реми, а тренерот Жељко Бабиќ е задоволен од прикажаната игра против АЕК.
– Одгравме перфектен натпревар. Поставивме одлична одбрана и брз контра напад. Момците завршија голема работа, горд сум на нив. Игравме одлично и завршивме голема работа. Не го гледав натпреварот на АЕК против Олимпијакос, но детално ги проучивме нивните адути со кои ги победија Татабања и Ним. Можеби малку изменив, игравме човек на човек врз нивниот најдобар ракометар и добро го неутрализиравме. Задоволство беше да се игра во Грција, истакна Бабиќ.
Советниците на ЛДП и ДОМ во Советот на Град Скопје на денешното гласање му дадоа поддршка на професорот Трајко Славески од ВМРО-ДПМНЕ да биде нов Претседател на градскиот совет.
На гласањето, Славески доби поддршка и од мнозинството Советници во највисокиот орган на главниот град кој според претходно направениот коалициски договор го сочинуваат советниците на ВМРО-ДПМНЕ, Алијанса и Алтернатива и Левица.
Советниците на независната листа на Зелен хуман град гласаа воздржано.
Двајцата советници на коалицијата на Одлучно за промени на ЛДП и ДОМ потенцираа дека нивната поддршка за Славески е само слика за нивната конструктивност во Советот. Најавија дека во иднина ќе делуваат како независни советници кои првенствено ќе бидат во опозиција
На седницата на Советот на општина Ѓорче Петров, одржана на 15-ти ноември 2021 година на предлог на советничката група на ВМРО-ДПМНЕ и градоначалникот Александар Стојкоски се донесени неколку одлуки кои се од големо значење за граѓаните. Имено, предвидено е намалување на трошоците кои се поврзани со потребите на градоначалникот, советот и администрацијата. Целта за ваквата одлука е да се обезбедат седум милиони денари за доизградба на градинката во Волково со што ќе се намали проблемот со листите за чекање, изјави советничката во Советот на општина Ѓорче Петров од редовите на ВМРО-ДПМНЕ Наташа Менкиноска.
-Донесена е и одлука за користење гранд средства МСИП-2 проектот, за изведба на проектот за партерно уредување на просторот околу локалитетот „Крст“ кај село Кучково фаза еден. Со ова ќе се уреди просторот кај крстот во Кучково и ѓорчепетровци ќе добијат прекрасно место за спорт и рекреација. Ова беше еден од носечките проекти во нашата програма, исто така во грантот МСИП-2 се предвидени на средства за набавка на комунално возило за зимско одржување на улици и патишта. Новото кипер возило со плуг и соларка ќе обезбеди навремено чистење на снегот во зимските денови. Повеќе граѓаните нема да се соочуваат со неисчистени улици во снежните денови а со тоа дирекно ќе се заштедат многу средства кои досега беа трошоци за оваа намена, а кои со оваа набавка на ова возило ќе се искористат за реализација на други проекти во интерес на граѓаните, рече Менкиноска.
За само дваесет дена во Ѓорче Петров реализирани се на 20 проекти, вели Менкиноска.
-Само за дваесет дена, новата локална власт предводена од ВМРО-ДПМНЕ на чело со градоначалникот со Александар Стојкоски реализираше над 20 проекти, од кои три се носечки во предизборната програма. Продолжуваме и понатаму, да се грижиме и работиме за ѓорчепетровци, дадената доверба мора да ја оправдаме бидејќи граѓаните заслужуваат да живеат во подобра општина. Го менуваме Ѓорче, модерно, урбано, хумано, посочи Менкиноска.
Метеорскиот дожд „Леониди“ се појавува овој месец. Нашата планета секоја година во ноември поминува низ опашката на кометата 55П/Темпел-Татл и тогаш делови од опашката на кометата горат во атмосферата на Земјата. На површината, ние ги гледаме овие делови што горат во атмосферата како ѕвезди што паѓаат.
Името на метеорскиот дожд доаѓа од соѕвездието Лав, од кое изгледа дека метеорите зрачат додека ги гледаме на небото.
Во текот на овој метеорски дожд понекогаш може да се забележат над 1.000 метеори што паѓаат во еден час. Овие метеори што паѓаат се светли и многу брзи. Не се очекува овогодишниот метеорски дожд да биде толку активен, но вреди да се гледа.
Најмногу метеори треба да има ноќта помеѓу 17 и 18 ноември, кога би можеле да се видат до 15 метеори на час, но можеби тешко ќе се гледаат поради Месечината.
Метеорите најдобро може да се видат на место со минимално светлосно загадување, а се препорачува навикнување на очите на темнината за подобро да се забележат.
Приливот на странски директни инвестиции во Србија достигна 3,18 милијарди евра годинава до првата декада од ноември. Тоа го тврди гувернерката на НБС Јоргованка Табаковиќ, наведувајќи дека Централната банка проценува дека вредноста на тие инвестиции ќе изнесува околу 3,4 милијарди евра до крајот на годината.
-Очекуваме дека учеството на тековниот дефицит во БДП годинава ќе биде околу четири проценти, а на среден рок од четири до пет проценти, со се уште целосно покривање на нето-приливите на странски директни инвестиции. Зголемена е проекцијата на приливите на тие инвестиции за оваа година на околу 3,4 милијарди евра, изјави Табаковиќ на презентацијата на ноемврискиот извештај за инфлацијата.
Таа вели дека приливот на директни странски инвестиции досега го надминал целиот прилив од минатата година и дека од почетокот на годинава веќе изнесува повеќе од три милијарди евра, а повеќе од 60 отсто од овие инвестиции се насочени кон секторите со кои може да се тргува
Комисијата за заразни болести на денешниот состанок донела одлука да препорача неколку мерки кои треба да ги усвои Владата. Комисијата бара сите вработени во јавните и државни институции за да одат на работа да мора да имаат сертификат за вакцина.
-Вработените во сите владини институции мора да имаат сертификат за најмалку една примена вакцина, или ПЦР негативен тест кој ќе важи најмалку 72 часа, а ќе биде направен на сопствен трошок, или да имаат потврда за прележан ковид19 или да имаат потврда дека не смеат да примат вакцина, потпишана од специјалист, а листата на болести ние ќе ја подготвиме, изјави министерот Филипче.
Тој го повика приватниот сектор, односно приватните компании да се приклучат на овие одлуки. Воедно Филипче изјави дека Комисијата на Владата ќе и предложи вакцинацијата да биде задолжителна за сите здравствени работници. Мерките би требало да стапат на сила 10 дена откако ќе ги усвои Владата, а ќе се даде период од 30 дена за здравствените работници кои досега не се вакцинирани.
Министерот за здравство Венко Филипче денеска информираше дека утре ќе имаат состанот на Комисијата за заразни болести, на кој ќе се разговара за воведување на рестриктивни мерки за справување со пандемијата.
-Закажан е состанок на кој ќе комуницираме за какви мерки ќе се воведат. Ќе излеземе со конкретни предлози кои ќе ги доставиме до Владата. Пред се, тие ќе се однесуваат на неим*низираните, вели Филипче.
Според него, болничкиот систем во моментов е оптоварен од нив и тоа не смее да го толерираме во време кога имаме голем број дози.
-Доаѓа време на зимска сезона и настинки и не е дозволиво да не се имунизираат граѓаните, додава Филипче.
