Фејсбук статус на независната советничка во Советот на општина Прилеп, Мирјана Стеваноска:

-Вечерва се враќам од Скопје и, како и секогаш, со мерак очекувам од далечина и од височина да ги видам светлата на мојот Прилеп.
Ама… Прилеп го немаше.
Црна темница. Тука-таму по некоја светилка, па на момент си помислив:
„Боже, зарем некој ми го украл цел град?!“
Не. Никој не го украл.
Само некој успеал да му го изгаси сјајот.
Од град што се гледаше оддалеку, направивте град што оддалеку изгледа како заборавено село без струја.
Срам да ви е, локално раководство!
Го уништивте најубавиот град — Прилеп.
А најтажно е што не ви треба ни прекин на струја за да биде темно.
Доволно е вие да раководите.

Прилеп за продолжениот викенд ќе живее во посебен ритам. Градот ќе биде центарот на празнувањата по повод 11 Октомври, а со тоа доаѓаат денови исполнети со луѓе, музика, дружење и добра атмосфера.

А токму кога Прилеп ќе врие како кошница, AVRA – Bites & Cocktails подготвува викенд во кој музиката и доброто уживање одат едно со друго.

ПЕТОК, 09.10. – THE HOUNDS

Петокот е резервиран за најпознатите прилепски рокери – THE HOUNDS. За нив веројатно и не треба посебно претставување. Името кое со години е препознатливо на прилепската музичка сцена за првпат доаѓа во AVRA, што само по себе е доволна причина петочната вечер да биде нешто посебно.

Се очекува преполн локал, одлична рок атмосфера и вечер во која ќе се бара место повеќе, па доколку планирате петокот да го поминете во AVRA, резервацијата е најсигурниот избор.

САБОТА, 10.10. – POP ART BAND

А саботата носи уште едно музичко изненадување – POP ART BAND. Составот е познат по енергичните настапи и репертоарот исполнет со познати хитови, а нивните настапи се создадени за добра забава, пеење и танцување.

Две вечери, две различни музички приказни и една локација.

Сето тоа во префинетиот амбиент, со внимателно подготвената кујна на AVRA, богат избор на храна и секако огромниот избор на коктели кои се веќе еден од препознатливите моменти на ова место.

Ова е викенд за добро друштво, добра храна, коктел во рака и музика која ја носи вечерта.

Резервации на: 078 564 477

Се гледаме во AVRA!

Прилеп во сабота, 10 октомври, ќе биде домаќин на еден од најголемите џудо настани во регионот. Во Спортската сала на СОУ „Ристе Ристески – Ричко“ ќе се одржи 16. Меѓународен традиционален турнир во џудо „Прилеп Град Херој-2026“ – ЦЕВИТАНА КУП, во организација на Џудо клубот „Сеишин“ – Прилеп.

На турнирот се очекува да настапат над 300 натпреварувачи од 9 држави – Србија, Бугарија, Грција, Косово, Албанија, Турција, Црна Гора, Словенија и Македонија.

Турнирот традиционално се одржува по повод 11 Октомври – Денот на народното востание, како дел од програмата за одбележување на националниот празник на ниво на Општина Прилеп.

На татамите ќе се натпреваруваат млади џудисти во категориите деца, помлади пионери и пионери, во машка и женска конкуренција.

Борбите ќе се одвиваат истовремено на четири борилишта, а покрај домашни, натпреварите ќе судат и судии од странство.

Свеченото отворање е закажано за 10:00 часот, додека борбите ќе започнат во 10:30 часот.

Прилеп и оваа година го продолжува спортскиот дух на „Градот Херој“, со уште еден голем меѓународен настан кој на едно место ќе собере стотици млади спортисти од регионот.

Со доделувањето на наградите на најдобрите, заврши годинешното 29.издание на Фестивалот „Денови на комедија“ во Куманово, кој оваа година се одржуваше од 23 септември до 5 октомври. НУ Народен Театар Битола доби две награди и тоа за најдобра режија: Марјан Георгиевски и за најдобра костимографија: Андреј Георгиевски, за претставата „Секстет“.

Со својата изведба екипата на оваа претстава повторно ја воодушеви и ја насмеа до солзи публиката која ја исполни салата до последното столче. „Секстет“, комедијата од Марк Камолети, и овојпат покажа дека добрата комедија не познава граници – се игра, се чувствува и се споделува со публиката.

Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски. Сценографијата е на Влатко Чачоровски, музика -Александар Димовски.

Во текот на фестивалските денови, публиката имаше можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведбата на театрите од Македонија и земјите од регионот. Фестивалот беше затворен со претставата надвор од конкуренција, „Не можам да платам, не сакам да платам“ на Театар Куманово, посветена на годинешниот лауреат Игор Џамбазов,

Фестивалот е поддржан од Министерството за култура и туризам и од Општина Куманово.

Честитки за целата екипа, да се множат успеси и убави претстави!

Постојат моменти кога храната не е само дел од прославата, туку станува дел од целокупното доживување. Токму таков впечаток остава Inn Ketering од Прилеп, млад, креативен и искусен тим кој знае како една обична трпеза да ја претвори во вистинско мало уметничко дело.

Без разлика дали станува збор за свадба, крштевка, роденден, свеченост, приватна прослава или корпоративен настан, Inn Ketering посветува внимание на секој детаљ, од изборот и распоредот на храната, до начинот на кој таа е презентирана.

А токму тука се препознава нивниот потпис. Богатите даски со сувомеснати производи, сирења, свежо овошје, јаткасти плодови, зеленчук и внимателно избрани детали не изгледаат само вкусно, тие изгледаат како да се создадени за фотографирање. Секоја маса е внимателно осмислена за да изгледа убаво, раскошно и префинето, но истовремено да остане топла и привлечна за гостите.

Тоа е она што In Ketering го прави поинаков, не сервираат само храна, туку создаваат атмосфера.

Зад целиот концепт стои млад тим со енергија, идеи и искуство, кој знае дека на еден важен ден ништо не треба да биде препуштено на случајноста. Тие се тука за домаќините да можат да уживаат во својот настан, додека за изгледот и презентацијата на трпезата се грижат професионалците.

Од елегантни свадбени трпези до богати кетеринг поставки за деловни настани, Inn Ketering се прилагодува на поводот, просторот и желбите на клиентите, со посебно внимание на деталите кои на крајот ја прават разликата.

Ако планирате свадба или прослава во 2027 година, добро е да не чекате последен момент. Термините за 2027 година веќе се пополнуваат, па доколку сакате вашата прослава да има трпеза која ќе биде една од работите за кои гостите долго ќе зборуваат, време е да го направите првиот чекор.

Телефон за резервации и информации: 079 266 284

Вашиот настан е еден и единствен, нека и трпезата биде таква!

Неверојатна семејна приказна поврзува три генерации од семејство со потекло од Прилеп, дедо, син и внук кои го делат истиот датум на раѓање.

Како што пишува британскиот медиум Liverpool Echo, Кристофер Павлоски е роден на 6 октомври 2018 година, токму на истиот датум кога се родени и неговиот татко Филип и неговиот дедо Киро.

Оваа година приказната станува уште поспецијална. На 6 октомври Кристофер ќе наполни осум години, неговиот татко Филип ќе наполни 42, а дедо му Киро ќе го прослави својот 70-ти роденден.

Филип е роден во Прилеп, а денес живее во Велика Британија со своето семејство. Киро и понатаму живее во Прилеп, па токму затоа оваа година трите генерации ќе имаат голема семејна прослава во Македонија.

На прославата, која е планирана за крајот на октомври, се очекува да присуствуваат меѓу 60 и 70 членови на поширокото семејство. Ќе има три роденденски торти, музика, подароци и, секако, заедничко славење на трите родендени.

За Филип, сепак, ова не е само необична случајност со датумите. Откако и самиот станал татко, вели дека многу повеќе ја разбира улогата и значењето на неговиот татко Киро.

„Кога ќе станеш татко, сфаќаш колку е важно да имаш татко и да поминуваш време со него. Бидејќи татко ми живее во друга држава, секој момент кога сме заедно ни значи многу“, раскажува Филип за Liverpool Echo.

Тој вели дека токму раѓањето на неговиот син му помогнало уште повеќе да ја цени жртвата и љубовта на неговите родители.

Денес Кристофер веќе е доволно голем за да разбере дека неговиот роденден е нешто навистина посебно. Ова е првата година во која активно го очекува својот роденден и разбира дека истиот ден го слават и неговиот татко и дедо.

Момчето расте во повеќејазично семејство и зборува македонски, бугарски и англиски јазик. Филип со него зборува македонски, неговата мајка Цветомира бугарски, додека англискиот го користи со својот брат и пријателите во училиштето.

Во изминатите осум години семејството се проширило и со уште еден член. Филип и Цветомира имаат уште еден син, петгодишниот Христијан.

Но, според Филип, најголемата промена не е во бројот на членовите на семејството, туку во неговото сопствено разбирање на татковството.

Тој раскажува дека редовно им кажува на своите родители дека ги сака, затоа што знае дека еден ден нема да бидат тука. Кога се родил Кристофер, му се заблагодарил на својот татко за сè што направил за семејството.

Кога Киро ќе отпатува во Велика Британија, семејството времето го поминува едноставно – заедно готват, јадат надвор кога дозволува времето, играат фудбал и поминуваат време со децата.

Немаат посебни традиции или раскошни прослави. Она што им е најважно е времето поминато заедно и создавањето спомени.

А оваа година, три генерации ќе имаат уште една причина да се соберат, на ист датум ќе ги прослават 70-тиот роденден на дедо Киро, 42-риот на Филип и осмиот роденден на Кристофер.

Приказна која започнала како неверојатна случајност, а со текот на годините станала симбол на едно семејство и неговата поврзаност низ три генерации.

Со шаховски турнир во ООУ „Манчу Матак“ во Кривогаштани денеска беше одбележан Светскиот ден на наставниците.

Турнирот е организиран во соработка со Шаховскиот клуб „Прилеп“, а на него учествуваат наставници, ученици, родители и граѓани, кои преку шахот го одбележаа денот посветен на просветните работници.

По повод празникот, градоначалникот на Општина Кривогаштани, Игор Каравилоски, упати честитка до наставниците, заблагодарувајќи им се за нивниот труд и трпение во воспитувањето и образованието на младите.

„Почитувани наставници, ви благодарам за трудот и трпението со кои секојдневно ги учите и воспитувате нашите деца. Ви посакувам добро здравје и уште многу генерации ученици со кои ќе се гордеете“, порача Каравилоски.

Од Општина Кривогаштани упатија честитки до сите наставници по повод Светскиот ден на наставниците.

Кај нас есента полека тропа на врата, а во Калитеа на Халкидики летото сè уште трае. Сонцето е тука, морето е топло, плажите се мирни, а вечерите се создадени за прошетки, добра храна и уживање.

Токму затоа, ако сè уште се двоумите каде да ги поминете престојните продолжени викенди во месец октомври,  ви нудиме одлична можност!

Калитеа со години е меѓу омилените дестинации на македонските туристи, а причината е едноставна – прекрасни плажи, чисто море, одлични ресторани и кафулиња, вечерна атмосфера и доволно можности за секој да го пронајде својот совршен ритам.

А за еден убав одмор, покрај добрата дестинација, потребно е и удобно место за престој.

Тука се издвојува Athina Mare-Sole – модерен и целосно реновиран хотел во Калитеа, создаден за пријатен, удобен и безгрижен престој.

Уште при пристигнувањето, хотелот остава впечаток со својот современ изглед, уредноста и пријатниот амбиент. Сè е организирано со мисла за удобноста на гостите, за по денот поминат на плажа да имате место каде што навистина можете да се одморите.

Собите се светли, пространи и модерно уредени, со нов мебел и пријатен ентериер. Особено внимание е посветено на креветите, кои се нови и опремени со висококвалитетни анатомски душеци – идеални за квалитетен сон и вистински одмор по долг ден исполнет со сонце и море.

Целосно реновираните бањи со нова санитарна опрема и фен за коса се уште еден детал кој придонесува за дополнителна удобност.

Ако сакате утрото да го започнете полека, во свој ритам, сместувачките единици располагаат и со опремени кујни. Утринското кафе или појадокот можете да ги подготвите во удобноста на сопственото сместување, а потоа да уживате на пространиот балкон.

Athina Mare-Sole располага со различни типови на сместување, што го прави погоден избор за парови, семејства и помали друштва кои бараат функционален и удобен простор.

Но, најголемата предност е можноста да го имате најдоброто од двата света – мир и удобност во сместувањето, а на само кратко растојание сите содржини по кои е препознатлива Калитеа.

Октомвриските денови се можеби уште поубави за уживање покрај море. Помалку гужва, пријатни температури, топло Егејско Море и вечери идеални за прошетки и дружење.

Затоа, ако календарот покажува октомври, не значи дека мора да кажеме збогум на летото.

Летото сè уште трае во Калитеа!

Ако ви треба причина за уште едно патување до Халкидики, можеби токму сега е вистинскиот момент да ги спакувате куферите, да го почувствувате морскиот воздух и да си подарите неколку денови вистински летен одмор.

Резервирајте го вашиот престој преку Booking

Athina Mare-Sole – вашето место за одмор во срцето на Калитеа!

Младиот кошаркарски судија Марио Маџоски oд Прилеп, ја отвори сезоната во Виена, каде што го имаше своето деби во АБА 1 лигата, едно од највисоките нивоа на европската кошарка.

За Маџоски ова претставува голем чекор напред во судиската кариера, но и успех кој има посебна тежина за неговиот роден град Прилеп. Со настапот во АБА 1 лигата, тој го продолжува семејното наследство и традиција.

По години посветеност, работа и напредување низ судиските категории, Марио Маџоски стигна до едно од најзначајните нивоа во европската кошарка. Неговото деби во Виена е потврда за неговиот досегашен труд и посветеност, но и убаво признание за прилепската судиска школа.

На Марио му посакуваме многу успех, одлични натпревари и уште поголеми достигнувања во неговата судиска кариера. Нека ова биде само почеток на едно успешно европско поглавје!

Од Прилеп до Виена, презимето Маџоски повторно е дел од големата судиска приказна!

Според информациите, Управата за финансиска полиција, во координација со Обвинителството, спроведува акција за нов случај поврзан со сомнежи за злоупотреби во работењето на Државна лотарија

Приведена е поранешната раководителка на финансии во Државна лотарија, како и уште едно лице. Тие се сомничат за проневера на околу 80 милиони денари, односно околу 1,3 милиони евра.

Сомнежите, се однесуваат на периодот додека со Државна лотарија раководел поранешниот директор Перпарим Бајрами.

Акцијата е во тек, а се очекува во текот на денот надлежните институции да соопштат повеќе детали за случајот, за евентуалните други лица опфатени со истрагата и за сомнителните дејствија што им се ставаат на товар на приведените.