Фудбалската репрезентација на Македонија денес ја чека можеби најважната жрепка во својата историја.

Ждребот ќе се одржи во 17:00 часот во Цирих, а можни противници на нашата селекција се: Италија, Португалија, Русија, Шкотска, Велс и Шведска.

Која репрезентација би ја сакале за наш противник?

Зоран Јовески е новиот вршител на должност директор на Јавното претпријатие за просторни и урбанистички планови во Прилеп.

-Градоначалникот Борче Јовчески, изборот го направи денеска. Јовески е дипломиран економист, доктор на науки од областа на економијата.

Долгогодишен финансов директор и раководител на Здравствен дом- Прилеп и Општа болница Прилеп.

Ангажиран е и како вонреден професор на БАС Институт за менаџмент во Битола.

Јовески доаѓа на местото на Илија Иваноски кој деновиве си поднесе оставка од оваа функција – стои во соопштението од општина Прилеп.

СВР Тетово поднесе кривична пријава против двајца малолетници од село Радуша и од Тетово, поради постоење основи на сомнение за сторено кривично дело „тешка кражба“.

Во периодот од 11.07.2021 до 25.07.2021, со употреба на физичка сила и подесен предмет, пријавените влегле во црквата „Свети Никола“ во с.Копанце и „Свети Ѓорѓија Победоносец“ во с.Туденце и одзеле пари.

Во присуство на нивните родители, инспектор по малолетничка деликвенција при СВР Тетово и претставник од Центарот за социјални работи во Тетово со пријавените бил извршен службен разговор.

Македонската женска фудбалска репрезентација попладнево во Скопје загуби од Северна Ирска со 0:11.

Се работи за натпревар од петтото коло во рамките на квалификациите за Светското првенство во групата Д.

Македонија има само една победа и скор од 6 постигнати и дури 29 примени погодоци во пет одиграни средби.

Нашите фудбалерки триумфираа само против Латвија на гостински терен, а во нашата група уште се и Англија, Австрија и Луксембург.

На денешниот натпревар во Скопје, девојките од Северна Ирска дури 7 пати го пронајдоа патот до нашиот гол во првото полувреме, а во второто уште 4 пати беа прецизни.

Божиќната реклама за норвешката поштенска служба „Постен“ предизвикува бypни peaкции на социјалните мрежи во Норвешка, но и ширум светот, бидејќи во неа Дедо Мраз е прикажан како xoмoceкcyaлец.

Видеото ја прикажува љубовната приказна на Дедо Мраз и маж по име Хари, која започнува со запознавање, разменување љубовни пораки и завршува со бакнеж.

Поводот за ваквата рекламата и кампања е јубилејот 50 години декриминализација на хомосексуалноста во Норвешка.

Градоначалникот на Општина Прилеп, Борче Јовчески денес оствари средба со експертите на Светска банка Витали Геворкиан – aрхитект и Блерта Ќерими – виш специјалист за развој на приватен сектор.

Целта на средбата беше евалуација на постигнатите резултати од проектот „Прилепско езеро – Нови авантури, нови можности“, показателите за успешност и да се видат придобивките односно влијанието кое го имаше проектот за развој на туризмот во Општина Прилеп, како дел од мисијата за завршување на Проектот за локална и регионална конкурентност. Пред средбата со Градоначалникот, претставниците на Светска банка извршија посета на содржините и уредените локации покрај Прилепско езеро каде беа реализирани градежните активности.

На средбата градоначалникот изрази задоволство од спроведениот проект и презентираше идеи за понатамошно унапредување на просторот со нови содржини кои ќе ја збогатат понудата и ќе го подобрат целокупното искуство на посетителите. Градоначалникот истакна дека за подбрување на содржините Општината ќе спроведе анкета со што би се слушнал гласот на граѓаните за утврдување на содржните кои недостасуваат на просторот.

Исто така градоначалникот истакна дека останува посветен на спроведување на проекти кои се од интерес на граѓаните како и развој на идеи кои би можеле да бидат финансирани од страна на Светска Банка и Европската унија.

Геворкиан и Ќерими истакнаа дека се задоволни од спроведениот проект и дека искуствата споделени од Општина Прилеп ќе придонесат кон подобрување на идното планирање за ваков и сличен тип на проекти кои би биле поддржани од Светска Банка.

Вкупна вредност на проектот е 49.487.797,00 денари, од кои 5.938.536 денари сопствено учество на Општина Прилеп. Потпроектот е финансиран од страна на Европската Унија и од Владата преку Проектот за локална и регионална конкурентност. Проектот го администрира Светска Банка, а истиот сеспроведува од кабинетот на заменик претседателот на Владата задолжен за економски прашања и за координација со економските ресори.

Во сабота (27.11.) со почеток од 18ч. во спортската сала на ООУ “Добре Јованоски”, екипата на Мега баскет од Прилеп го пречекува Работнички 2018.

И двете екипи се непоразени во досегашниот тек од сезоната во Третата Б лига. Прилепчани имаат четири од четири, а Работнички има натпревар помалку.

Да ги поддржиме младите кошаркари на Мега Баскет во дуелот со директниот конкурент за прво место на табелата.

На 24.11.2021 во ОВР Прилеп, yпpaвникот на Управата за jaвни пpиxoди – регионална дирекција Прилеп пpиjaвил дека со твpд пpeдмет било cкpшено cтаклото над влезната вpaта од yпpaвата на ул.„Прилепски бранители“ во Прилеп.

Истиот ден, на 24.11.2021 во ОВР Прилеп, од Фондот за пензинско и инвалидско осигурување на Македонија – филијала Прилеп било пријавено дека со тврд предмет биле искршени таблите со натпис на управната зграда.

Се преземаат мерки за расчистување на двата случаи – стои во дневниот билтен на МВР.

На 24.11.2021, полициcки cлyжбеници од ОВР Прилеп, од А.С.(24) од с.Пешталево, општина Долнени, одзеле пиштол, две рамки за пиштол, мyнициja за пиштол (25 пapчиња) и гyмена палка, пopaди coмнение дека се пpeдмет на kpивично дело „кpaжба“.

По целосно докyментиpaње ќе биде поднeceна cooдветна пpиjaва – информираат од МВР.