На 30.11.2021 во СВР Битола било пpиjaвено дека на патот А-3 Битола-Ресен, пред место викано „Ротинска крстосница“, товарно возило „мерцедес спринтер“, со охридски регистарски ознаки, yпpaвyвано од Б.Т.(58) од с.Загорчани, струшко, yдpило во метална заштитна огpaда.

Во нecpeќата со тешки телecни повpeди се здобил возачот, конcтатиpaни во Клиничка болница Битола.

Увидот го извpшила yвидната екипа на СВР Битола – информираат од МВР.

Однапред се извинувам за овие 2:12 секунди после кои секој ќе биде поглуп отколку што бил 2 минути и 12 секунди претходно, коментира Богдан Илиевски на гостувањето на директорот на МЕПСО во „Само вистина“ и неговото гледиште за македонската историја со тези како таа дека Цвета не била грабната, туку дека сама заминала кај Осман бег, преку тоа дека Македонија не била поканета на заседанието во Јајце и дека Крушевската република траела 12 дена, зотшо Османлиите тоа време биле на летен одмор.

-Бидејќи ова што ќе го слушнете е еден од налудите идиотизми кои сте ги чуле во животот. Воопшто.
Во ниту еден момент додека дрнда не е ни блиску до формирање на кохерентна рационална мисла со поента вредна за толкување и анализа. Љупчо Зиков, во полн сјај на една лејка, вели Илиевски.

Однапред се извинувам за овие 2:12 секунди после кои секој ќе биде поглуп отколку што бил 2 минути и 12 секунди претходно. Бидејќи ова што ќе го слушнете е еден од налудите идиотизми кои сте ги чуле во животот. Зиков, во полн сјај на една лејка. pic.twitter.com/iB38jhGVpZ

— Боби (@BatmanSaysT) November 30, 2021

Утрово најстудено во Битола каде беа измерени -10 степени. Утринските температури во целата држава се под нулата, освен во Дојран каде според Управата за хидрометеоролошки работи е измерен еден степен над нулата.

Во Берово утринската температура е -8 степени, во Маврово и Попова Шапка -7, во Крива Паланка и Крушево -6, во Петровац кај Скопје, Демир Капија и Струмица -5, на Зајчев Рид Скопје, Прилеп, Штип, Виница и Куманово -4, во Тетово, Охрид и Гевгелија -3 и во Претор -2 степена.

Најмногу снег има на Маврово – 22 сантиметри, потоа во Крушево 20 сантиметри, на Попова Шапка 17 и во Битола 15 сантиметри.

Според најавата на синоптичарите, денеска времето ќе биде сончево со мала до умерена локална облачност. Ќе дува слаб до умерен ветер претежно од западен правец. Максималната температура ќе се движи од 5 до 11 степени.

Поранешната министерка Фросина Ременски денеска објави дека поднесува кандидатура за претседател на СДСМ.

-Ги предадов сите документи за самокандидирање за претседател на СДСМ. Очекувам во следниот период, согласно роковникот, да се утврдат кандидатите, со што би почнале активностите за претставување на кандидатите пред членовите, активистите и симпатизерите на СДСМ, изјави Ременски пред партиското седиште.

Вели дека одлуката ја донела врз основа на нејзиниот целокупен општествено-политички и партиски активизам.

Денеска и Димитар Ковачевски најави дека официјално ќе ја поднесе кандидатурата за претседател на СДСМ во партиското седиште.

Партијата ги повика сите заинтерсирани да се самокандидираат, а постапката започна на 27.11.2021 и ќе трае седум дена.

Последниот неработен ден за 2021 година, кој ќе важи за сите граѓани ќе биде 8 декември (среда).

На овој ден се празнува “Св. Климент Охридски“.

Инаку во месец декември ќе одмараат и граѓаните припадници на турската заедница во РМ

21 декември (вторник), Ден на настава на турски јазик.

Ќе одмараат и Kатолиците во земјава и тоа на 25 декември, прв ден Божиќ кој се паѓа во сабота.

Неколку објекти меѓу кои и зградата во која се сместени МИА, СЕП, ДКСК, Финансовата полиција, Инспекторатот за животна средина, вечерва се евакуирани. На вработените им е кажано веднаш да излезат од објектите.

Испразнети се и зградите на А1, на МНР и соседните објекти во центарот на Скопје.

Полицијата не дозволува движење на луѓе и возила кон Мавровка, МНТ и МРТ, а блокирани се и околните улици и крстосници. Забележливо е зголемено присуство на полицијата и полициски возила.

Oд МВР излегоа со кратко соопштение во кое велат:

-Ја известуваме јавноста дека МВР постапува по пријава за напад, откако едно лице се јавило во 16.45 во билетарата на МНТ. Станува збор за стандардни мерки на МВР после ваква добиена пријава и веднаш штом ги завршиме проверките и веродостојноста на информацијата ќе ја известиме јавноста соодветно.

Апелираме граѓаните да останат смирени, а медиумите да ги пренесуваат официјалните и точни информации.

Новинарот Фуркан Салиу информира дека евакуирана била и црквата Св. Богородица.

Policijata pobara site vraboteni vo o A1 da go napustat objektot
Evakuirana i crkvata pic.twitter.com/CP8fnOsGFq

— FurKlan (@FurkanSaliu) November 30, 2021

Министерството за здравство информира, согласно податоците од Институтот за јавно здравје дека во последните 24 часа:

Направени се 2.424 тестирања, а регистрирани се 460 нови случаи на КОВИД-19:

Скопје – 185, Прилеп – 54, Битола – 45,Кавадарци -28, Берово – 20, Куманово – 15,Гевгелија – 11, Велес – 10, Тетово, Охрид, Радовиш и Делчево – по 9, Кочани и Крива Паланка – по 7, Кратово – 5, Неготино и Валандово – по 4, Струга, Виница и Македонски Брод – по 3, Струмица , Ресен, Крушево, Македонска Каменица , Пехчево и Дојран – по 2, Гостивар, Штип, Кичево, Свети Николе, Дебар, Богданци, Демир Хисар и Демир Капија – по 1.

Регистрирани сe 543 оздравени пациенти од: Скопје – 234, Битола – 54, Прилеп – 31, Куманово – 25, Кавадарци – 23, Штип и Охрид – по 20, Кочани – 15, Велес – 14, Струмица – 13, Гевгелија и Ресен – по 12, Тетово – 9, Радовиш, Берово и Делчево – по 7, Неготино и Демир Хисар – по 6, Крива Паланка и Кратово – по 5, Кичево и Богданци – по 4, Струга – 3, Виница – 2, Свети Николе, Пробиштип, Крушево, Македонски Брод и Дојран – по 1.

Во текот на изминатите 24 часа регистрирани се 7 починати лица: 3 починати лица од Скопје (63г, 67г и 83г), 2 починати лица од Битола ( 66г и 83г), и по едно починато лице од Куманово (79г), и Берово (69г). Сите пријавени лица се починати во болнички услови.

Дополнително, согласно Регистарот на умрени лица со дијагноза КОВИД-19 од Мој Термин, се пријавени 5 починати лица со датум на смрт од 02.10.2021 до 27.11.2021. Регистрираните починати лица се од Скопје (2), Битола (1), Велес(1) и Прилеп (1). Починатите лица се на возраст од 70г до 88г. Сите пријавени лица се починати во домашни услови.

Направени се 2.424 тестови преку: ИЈЗ-332, ЦЈЗ Скопје-77, ЦЈЗ Битола-65, ЦЈЗ Прилеп-39, ЦЈЗ Тетово–11, ЦЈЗ Куманово-62, Клиника за инфективни болести и фебрилни состојби-0, Судска медицина-0, лабораторија болница Козле-19, УК Пулмологија со алергологија –2, ГОБ 8-ми Септември-0, Институт за микробиологија–3, Жан Митрев (Филип Втори)-69, Авицена-151, Биотек-164, Систина-81, лабораторија Лаор-69, Синлаб-28, Ремедика-30, Плодност–40, Генеа-13, Никоб лаб-217, ВФВ Медикал-25, Ели Медика-22, Ројал Медика–9, Спектра-ММ-12, Рапид Лаб–1,Жан Митрев Струмица–9,Нова Лаб Дијагностика–5, ЈЗУ и ПЗУ (рапид тест) – вкупно 869.

Досега во земјата се направени вкупно 1.471.420 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 215.585, бројот на оздравени пациенти е 200.003, на починати е 7.581, а бројот на активни случаи изнесува 8.001.

Во Прилеп во моментов активни се 423 случаи.

Научниците успеаа да креираат роботи кои самите ќе можат да се размножуваат.

Тим истражувачи минатата година објавија дека ќе создадат синтетички форми на живот составени од клетки на кожа и клетки на срцевиот мускул добиени од ембриони од жаба.

Овие креации беа наречени Xenobots, што потекнува од латинското име за африканската жаба со канџи: Xenopus laevis.

Според извештајот објавен во Националната Академија за наука во Британија, Xenobots биле видени како се движат, туркаат или носат предмети, кои би можеле да имаат реална примена во чистењето на микропластиката или во медицинската област.

Коавторот, професорот Мајкл Левин, објасни како тоа би можело да биде решение за „трауматски повреди, вродени дефекти, рак и стареење“, доколку тие можат добро да ја прилагодат способноста да им кажат на роботите што да прават.

Но, Xenobots, исто така, биле видени како се репродуцираат, и тоа го прават на начин што научниците досега не го виделе.

„Откривме дека синтетичките повеќеклеточни склопови можат и кинематски да се реплицираат со поместување и компресирање на дисоцираните клетки во нивната околина во функционални само-копии“, се вели во студијата.