дома блог страница 1760

Поречието има свој современ Марко Цепенков: Млад автор ги собра сите народни обичаи, песни, приказни… од овој крај

Oд печат излезе првиот публицистички труд со наслов “Културата и традицијата на поречката заедница” од авторот Бојан Бежоски.

Книгата го опиштува начинот на живеење на поречаните во 21 век и е плод на седум месечно теренско истражување на авторот.

Во книгата се опфатени народните обичаи, народните песни, народните приказни, народните верувања, народната медицина, погребни ритуали и многу други записи, а сето тоа е поткрепено со фотографии.

-Ако Полскиот антрополог Јозеф Обрембски во неговите записи од 1932 година ни кажува како живееле поречаните, мојата книга кажува како живеат поречаните 90 години подоцна – вели авторот Бежоски.

Книгата е печатена во издавачката куќа Дата песнопој Битола. Издавач е Илија Мерковски. Книгата е публицистички труд.

Почна аплицирањето за субвенциониран студентски оброк

Министерството за образование и наука информира дека од денеска до 31 јануари повторно е достапна можноста за аплицирање за субвенциониран студентски оброк, за студенти кои ги исполнуваат законските услови, но кои досега не успеале да се пријават и / или да го остварат ова право. Оваа можност е достапна од 20-ти до 30-ти, односно до 31-ви во месецот.

Пријавувањето за субвенциониран студентски оброк е дигитализирано, односно се спроведува исклучиво електронски преку порталот https://e-uslugi.mon.gov.mk/, со прикачување на два документа – пријава и изјава за точност на податоци и наведување податоци за лична трансакциска сметка.

-Субвенционираниот студентски оброк е системско решение уредено со закон, со кое на младите значително им се олеснува животот за време на студирањето односно добиваат по 2.400 денари девет месеци во годината, средства наменети за купување здрави оброци. Право на оваа финансиска поддршка имаат сите редовни студенти запишани на додипломски студии на државни и приватни високообразовни установи кои се државјани на РСМ и кои не се во редовен работен однос, не се регистрирани како индивидуални земјоделци и немаат месечен приход по кој било основ поголем од минималната плата – соопштија од МОН.

Правото на субвенциониран студентски оброк досега го оствариле над 27 илјади студенти на кои редовно им се префрлаат средства на личните трансакциски сметки.

Ќе работиме долго до следниот празник: За продолжен викенд ќе чекаме 3 месеци

Во 2022 година македонските граѓани ќе имаат четири продолжени викенди.

Од вкупно 11 неработни денови за сите граѓани, пет се поврзуваат со викендот, но два празника неработни во ист ден.

Лани имаше пет продолжени празнични викенди, а во 2020 година шест.

Следниот неработен ден, а воедно и споен викенд е 25 април (понеделник), вториот ден на христијанскиот празник Велигден.

Продолжен викенд ќе има и за 1 мај, кој се паѓа в недела, поради што неработен ден е понеделник, 2 мај. На овој ден е и празникот Рамазан бајрам.

Последниот продолжен празничен викенд е во октомври. Неработен ден по повод Денот на македонската револуционерна борба, 23 Октомври, е понеделник 24 октомври.

Денеска е Собор на св. Јован Крстител: Чесит именден Јован, Јованка, Јове…

Според календарот на МПЦ (Јулијанскиот календар) денеска е 7 јануари.

Денеска е Собор на св. Јован Крстител.

Уште од првите векови Црквата утврдила овој ангел во тело да се прославува веднаш после празникот Боголавление. Тоа е затоа што неговата главна служба, неговото главно дело, се состоеше во подготвувањето на народот за доаѓањето на Помазаникот Исус.

Така, иако свети Јован Претеча и Крстител се прославува на неколку пати во текот на годината, неговиот собор т. е. главен празник е на денешен ден.

Според Јулијалнскиот календар денеска православните верници го празнуваат Свети Јован Крстител, кој се празнува на 20-ти јануари.

Свети Јован Крстител е важен светец во христијанството, братучед на Исус Христос според евангелието на Лука и човекот којшто го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление му го посветил на неговиот спомен.

Јован Крстител најверојатно имал голема улога во првите векови во христијанството, а според некои, тој дури имал и поголем број на верници.

Денеска, во христијанството, Јован се смета за светец и мачениk. Во исламот е познат како пpорок Јахја ибн Закарија. Медејците, пак, го сметаат за единствен и вистински меcија.

Празникот Свети Јован Крстител се прославува неколку пати во годината, но народот најмногу го празнува овој ден, 20 јануари по македонскиот православен црковен календар. Исто така, во православната црква се празнува и денот на отcекувањето на главата на Св. Јован Крстител (11 септември).

Моштите на св. Јован Крстител се наоѓаат на неколку места низ светот, а дел од дланката се наоѓа во Бигорскиот манастир, св. Јован Крстител во Македонија.

Мапа која ги прикажува “најпаметните” и “најглупавите” народи во Европа: Добро е, не сме последни!

National Geografic објави контроверзно истражување кое го покажува коефициентот на интелигенција кај народите во Европа.

Според прикажаното на мапата народите од Истокот, а посебно од Балканот имаат значително пониско ниво на интелигенција од народите на Западот, а Србите, Црногорците и Албанците според прикажаното се “најглупави” во Европа.

Мапата ја изработил чешкиот лингвист Јакуб Маријан и ја објавил на својот блог www.jakubmarian.com, при што користел податоци од контроверзните истражувачи Ричард Лин и Тату Ванханена.

Просечната интелигенција на Србите изнесува 90, на Босанците 93, Хрватите и Словенците имаат по 98, а Македонците 91.

Полоши во споредба од нас освен Србите се и Црногорците со 86 и Албанците со 82.

Според прикажаното на мапата Грците и Бугарите се попаметни и имаат просечен коефициент на интелигенција од 93, а “најпаметни” се Французите и Норвежаните со 98, Германците, Швеѓаните и Британците со 99, додека највисок коефициент имаат Финците 101.

Toп 8 најслаби apмии во светот, погодете со кого почнува набројувањето (Видео)

Еден од најголемите јутјуб канали “BE AMAZED” кој има повеќе од 9,5 милиони сабскрајбери, секојдневно објавува видеа со интересни факти и занимливости.

Едно од видеата е посветено на земји со најслаби армии ширум светот.

Нашата армија е опишана на првото место во листата. На видеото нашата армија е опишана дека брои 13.000 припадници, од кои 5.000 се резервисти, а годишно на одбрана сме трошеле 108 милиони долари, што е за 7.000 пати помалку од буџетот за одбрана кој го има САД, или Македонија троши само 0,85% од бруто домашниот производ годишно на одбрана.

Тоа е многу помалку во споредба со земјите од Европската Унија, каде просекот изнесува 1,3%.

Понатаму во видеото се вели дека Македонија поседува воздушни сили, или 14 транспортни хеликоптери и 4 воени.

Следна на листата е Босна и Херцеговина, па Суринам, Сомалија, Бутан, Коста Рика, Маурициус и Монако.

Бел гулаб долета од никаде и слета на иконата од Христовото крштевање: Видео и фотографии кои ги воодушевија верниците

Православните верници ширум светот денеска го празнуваат големиот христијански празник Богојавление – Водици.

На социјалните мрежи се појави видео и фотографии од осветувањето на водите, како што пишува во коментарите, во црквата Св. Никола, во градот Житомир во Украина.

Додека свештеникот ја осветувал водата, бел гулаб долетал и застанал токму над иконата од Христовото крштевање.

Фотографиите и видеата од настанот предизвикаа голем интерес и воодушевување кај верниците кои масовно ги споделуваат содржините на социјалните мрежи.

Направија крст во замрзнатите води на езерцето кај Плетвар и на посебен начин го одбележаа празникот Богојавление – Водици (Фото)

Триесетина спортисти и ентузијасти од Прилеп на посебен начин го одбележаа празникот Богојавление – Водици во замрзаното езерце кај Плетвар.

Ова е втора година на овој начин да се одбележи осветувањето на водите во ова населено место.

Во замрзнатите води на езерцето беше формиран крст, а учесниците не се фрлаа по светиот крст, туку симболично влегуваа во водата.

Организаторите се надеваат дека овој начин на одбележување на празникот ќе премине во традиција и дека после пандемијата на настанот ќе присуствуваат голем број учесници и верници.

(Фото галерија) Одбележување на Богојавление – Водици низ прилепските населени места

Големиот празник Богојавление – Водици денес традиционално беше одбележан со чинот на положување на светиот крст во водите на реките и базените во Прилеп и населените места.

Утрово во црквата Св. Благовештение во Прилеп после традиционалното пуштање на гулабите во 07:00 часот и свечената божествена литургија која што се одржа, во 09:30 часот беше симболично одржано фрлањето на крстот во дворот на црквата во постоечката фонтана.

Најсреќен од пријавените скокачи, кои што беа 12 на број (сите деца под 17 години) беше 13 годишниот Марко Ристески, кој што како што самиот истакна прв пат се пријавил и беше среќен затоа што му се исполнила желбата.

Освен во Прилеп чинот на положување на светиот крст во водите беше извршен и во петнаесетина населени места на територијата на општина Прилеп: Селце, Витолиште, Бешиште, Ново Лагово, Мало Коњари, Големо Коњари, Беровци, Клепач, Ерековци, Полчиште, Галичани, Чепигово, Подмол, Тополчани и Штавица.

Прилепчани уште еднаш покажаа дека остануваат достојни на традицијата, а ладните води не ги поколебаа да скокнат во осветените води.

Пожap во семејна куќа во прилепско Канатларци

-На 18.01.2022 во 20.10 часот било пpиjaвено дека во с.Канатларци, прилепско, настанал пожap во кyќа, сопcтвенocт на И.М.(44).

Пожapoт бил изгacнат од Територијалната пpoтивпожapна единица Прилеп.

Повpeдени лица нема, а yвид изврши екипа од Полициската станица Прилеп – информираат од МВР.