дома блог страница 1759

12 починати во изминатото деноноќие: Во Битола почина пациент на 32, а во Велес на 30-годишна возраст

Министерството за здравство информира, согласно податоците од Институтот за јавно здравје дека во последните 24 часа:

Направени се 4.021 тестови, а регистрирани се 1.172 нови случаи на КОВИД-19:

Скопје – 629, Битола – 109, Куманово – 64, Охрид – 53, Штип – 36, Тетово – 35, Кавадарци – 30, Велес и Кичево – по 27, Прилеп – 25, Струмица – 24, Гостивар – 23, Ресен – 20, Гевгелија – 19, Струга – 11, Неготино – 9, Свети Николе – 7, Крива Паланка и Богданци – по 5, Кочани – 3, Радовиш и Виница – по 2, Берово, Дебар, Валандово, Кратово, Крушево, Демир Хисар и Дојран – по 1.

Од вкупниот број на позитивни (1.172), регистрирани се 145 реинфекции.

Регистрирани сe 553 оздравени пациенти од: Битола – 144, Прилеп – 65, Скопје – 53, Куманово – 40, Кавадарци – 24, Штип – 22, Велес – 20, Гевгелија и Кочани – по 19, Радовиш – 18, Тетово – 14, Кичево и Неготино – по 13, Крива Паланка и Богданци – по 10, Гостивар и Свети Николе – по 9, Делчево – 8, Демир Хисар – 7, Ресен и Валандово – по 5, Крушево, Македонски Брод и Пхечево – по 4, Струмица, Берово, Кратово и Пробиштип – по 3, Виница и Македонска Каменица – по 1.

Во текот на изминатите 24 часа регистрирани се 12 починати лица: 6 починати лица од Скопје (65г, 69г, 70г, 78г, 83г и 84г), 3 од Битола (32г, 72г и 79г) и по едно починато лице од Велес (30г), Охрид (63г) и Прилеп (62г). Пријавените лица се починати во болнички услови.

Согласно Регистарот на умрени лица со дијагноза КОВИД-19 од Мој Термин, пријавено е едно починато лице од Струмица (59г) починат на 15.01.2022, во болнички услови.

Од вкупниот број на починати лица (n=13), пет лица се целосно вакцинирани.

Направени се 4.021 тестови преку: ИЈЗ-358, ЦЈЗ Скопје-72, ЦЈЗ Битола-65, ЦЈЗ Прилеп-0, ЦЈЗ Тетово–15, ЦЈЗ Куманово-46, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–163, Жан Митрев (Филип Втори)-155, Авицена-112, Биотек-207, Систина-104, лабораторија Лаор-204, Синлаб-0, Ремедика-17, Плодност-106, Генеа-11, Никоб Лаб-484, ВФВ Медикал-69, Ели Медика-29, Ројал Медика–0, Спектра-ММ-0, Рапид Лаб–21, Жан Митрев Струмица–18, Нова Лаб Дијагностика–3, Рамус-0, ЈЗУ и ПЗУ (рапид тест) – вкупно 1.762.

Досега во земјата се направени вкупно 1.727.856 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 250.876, бројот на оздравени пациенти е 223.606, на починати е 8.166, а бројот на активни случаи изнесува 19.104.

Над 400 македонски пливачи од денеска ќе пливаат на суво, а треба да се спремаат за Светско во Јапонија

Базенот во скопскиот спортски центар „Борис Трајковски“ од денеска, 20 јануари, не работи поради дефект на системите за греење, објавија од спортскиот центар.

Ве известуваме дека поради сериозен дефект на системите за греење базенот нема да биде отворен за користење од 20.01.2022 година. По отстранување на дефектот ќе бидете информирани за повторно отварање на објектот, велат од СЦ „Борис Трајковски“.

На ова реагираа нашите најдобри пливачи, поранешната олимпијка Наташа Мешковска и маратонецот Евгениј Поп Ацев:

Во скопскиот базен тренираат околу 400 пливачи и репрезентативци од 33 клуба. Прекинот се случува непосредно пред одржувањето на Националното првенство во пливање, подготовките за Светското првенство во Јапонија и ред други меѓународни натпревари. Единствено во функција во земјава е малото корито на Олимпискиот базен во Скопје, кое ни оддалеку не може да одговори на потребите на пливачите.

Утринско пеглање од МВР: Во четири денеска поради неисправност санкциониpaни 60 возила за јавен превоз

Денеска (20.01.2022) во периодот од 08.00 до 12.00 часот Министерството за внатрешни работи во рамки на оперативната акција „Дозвола“ спроведе зајакната акциска контрола на територијата на Република Северна Македонија на возила со кои се врши јавен превоз на патници, соопшти денеска портпаролот на МВР Тони Ангеловски.

„Контролирани се 576 автобуси и други возила со кои се врши јавен превоз, а неисправност е утврдена кај 60 возила. Од нив 21 на територија на СВР Тетово, 11 на територија на СВР Штип, девет на територија на СВР Струмица, осум на територија на СВР Скопје… Од овие 60 возила, кај 42 е утврден неисправен уред за запирање, кај пет неисправен уред за управување… Возилата се исклучени од сообраќај и ќе следуваат соодветни поднесоци“, рече Ангеловски

Од страна на инспектори на Државен инспекторат за патен сообраќај и инспектори од единиците на локална самоуправа ( кои исто така учествуваа во акциската контрола) преземени се 18 мерки поради вршење на јавен превоз без лиценца.

„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, рече Ангеловски.

Жал да те фати: “Живеам од плата, не сум од тие кои имаат бизниси”, вели Димитров кој побарал апанажа

Од министрите и замениците министри кои не станаа дел од владата на Ковачевски тројца побарале апанажа, еден вицепремиер, еден министер и еден заменик.

Според А1он, станува збор за екс вицепремиерот за евроинтеграции Никола Димитров, потоа Аријанит Хоџа кој беше министер за земјоделие, и Седат Сулејмани кој беше заменик министер за култура. Тие во наредните 9 месеци ќе треба да земаат апанажа.

Димитров изјавил дека пред да влезе во владата откажал ангажман во меѓународен институт во Париз и дека живее од плата.

– Не сум од тие кои покрај работата имаат бизниси. Додека не се организирам ќе користам апанажа, изјавил Димитров за А1он.

Целиот текст прочитајте го ТУКА

Познато од кога минималната плата ќе се зголеми на 18.000денари

Минималната плата во текот на 2022 година ќе се зголеми минимум на 18.000 денари, потврди денеска министерот за економија Крешник Бектеши.

Согласно проекциите и анализите кои се направени тоа ќе се случи најверојатно во вториот квартал од годинава – рече Бектеши во одговор на новинарско прашање при денешната посета на Бирото за метрологија.

И велите тежок ви е животот а? (Видео)

Видео кое ќе ве остави без коментар…

Ако не знаете како, следете го Тимчо: Презентација на буџетот на Општина Аеродром

Презентација на буџетот на Општина Аеродром за 2022 година.

– Денеска, пред новинарите, претставниците на бизнис секторот и пошироката јавност го презентирав развојниот буџет за 2022 година на нашата општина.

Развојниот буџет за 2022 година на Општина Аеродром за капитални инвестиции изнесува 728 милиони денари, а во него се предвидени голем број на проекти кои беа ветени во програмата.

Чест ми што денеска имав можност да го презентирам јавно буџетот на Општина Аеродром. Овој буџет предвидува развој на општината во секој сегмент и решавање на голем број на проблеми со кои се соочуваат граѓаните. Ќе изградиме нови градинки, нови паркови, ќе донесеме нови ДУП-ови, проекти за младите кои ги ветивме во предизборната кампања, ќе продолжиме со засилено темпо да ги остваруваме сите тековни активности.

Не се работи само за номиналната сума на буџетот, туку и планот за негова реализација. Промените се случувааат, а со нашиот буџет ќе инвестираме во секој дел од нашата општина и ништо нема да биде изоставено, напиша на Фејсбук градоначалникот на општина Аеродром, Тимчо Муцунски.

На 101 година ја славеше втората титула во историјата на клубот: Почина најверната навивачка на бразилскиот шампион (Видео)

Страствената навивачка на бразилскиот клуб Атлетико Минеиро, Ана Кандида, почина минатата недела на 101-годишна возраст.

Светот неодамна го обиколи видео каде оваа жена страствено навива за својот омилен клуб, кој после 50 години ја израдува со втората титула во бразилското првенство.

Атлетико Минеиро прв пат бил шампион на Бразил во далечната 1971година, а пред еден месец Ана ја дочека втората шампионска титула во клубската историја.

Град Скопје почна да поднесува кpивични пpиjaви, еве кој е првиот диpeктop – Прилеп се’ уште чека!

Град Скопје по Иницијатива од Државната Комисија за Спречување на Корупција за поведување постапка за утврдување одговорност на поранешниот в.д. директор на ЈУ МКЦ Русе Арсов поради неприменување на одредбите од Законот за јавни набавки при објавување на Јавен повик за избор на коорганизатор на активностите за ,,Дочек на Новата 2020 година, ,поднесе кривична пријава до Јавното обвинителство за гонење на организиран криминал и корупција против поранешниот в.д директор на МКЦ – Русе Арсов, заради основано сомневање дека сторил две кривични дела и тоа ,,Злоупотреба на постапката за јавен повик, доделување на договор за јавна набавка или јавно-приватно партнерство,, од член 275-в ст.2 од Кривичниот Законик на РМ и ,,Злоупотреба на службената положба и овластување,, од член 353 ст.5 вв со ст.1 од Кривичниот законик на РМ. РУСЕ АРСОВ од Скопје во својство на в.д.

Директор на ЈУ МКЦ-Скопје на ден 14.12.2019 година објавил јавен повик за избор на коорганизатор на активноститеза ,,Дочек на Новата 2020 година,, додека критериумите за избор на најповолна понуда со определни бодови од страна на јавната установа биле донесени на 18.12.2019 година, односно по објавување на јавниот повик, и истите не се составен дел на јавниот повик.

Поради необјавувањето на овие критериуми потенцијалните учесници на јавниот повик не биле информирани на кој начин ќе се врши доделувањето на бодовите и изборот на најповолна понуда. На објавениот јавен повик се пријавил еден единствен правен субјект и тоа Здружение Дирекција за култура и уметност од Скопје, при што на ден 19.12.2019година Комисијата за избор на коорганизатор кој ќе ја организира избраната предлог програма на активностите за ,,Дочек на Новата 2020 година, согласно Записник од одржан состанок на комисијата, утврдено е дека апликантот Здружение Дирекција за култура и уметност од Скопје ги исполнува условите предвидени во конкурсот, при што во записникот не е извршено поединечно бодување односно не е нотирано за кој критериум колку бодови се доделуваат, туку бодовите се доделени збирно за критериумите од двата дела и од можните 60 бодови определени за критериумот – квалитет на проектот, на учесникот му седоделени 50 бода при што не може да се утврди по колку бодови за секоја ставкаод овој критериум се доделени.

Потоа, Русе Арсов како в.д. директор на ЈУ МКЦ на ден 20.12.2019 година склучил договор со Здружението Дирекција за култура и уметност Скопје, на кој начин, постапил спротивно на Законот за јавни набавки и ја искористил својата службена положба и овластување со пречекорување на границите на своето службено овластување и спротивно на правилата на постапката за јавни набавки, со објавувањето на јавниот повик и склучување на договор со ко-организатор на износ на доделените средства од Град Скопје со непрофитна организација, придонел набавките на техничка опрема за организирање на настанот во најмал износ од 83 илјади евра да се извршат спротивно на Законот за јавни набавки и овозможил настанот да се организира надвор од пропишанатазаконска регулатива.

Почитувани, посочуваме дека токму во врска со оваа постапка од страна на Државната Комисија за спречување на корупцијата побарано е од Град Скопје да се изврши ревизија во однос на спроведувањето на одредбите од договорот склучен помеѓу Град Скопје и МКЦ, со оглед дека ДКСК постапувала по пријава и оформила предмет за испитување на сите наводи. По испитувањњто на сите наводи и прибавени информации од страна на ДКСК од бројни институции, како што се Бирото за јавни набавки, Управа за јавни приходи, и сл., констатира дека поранешниот в.д. директорот на ЈУ МКЦ Русе Арсов не ги применил одредбите од Законот за јавни набавки при објавување на Јавен повик за избор на коорганизатор на активностите за ,,Дочек на Новата 2020 година,,, и ја злоупотребил својата службена положба, заради што и поднесовме кривична пријава за утврдување на негова кривична одговорност, изјави Даниел Апостоловски од Град Скопје.

“Готов сум, ќе ми изгласаат недоверба – премиерот плачел пред колегите”

Борис Џонсон, премиерот на Велика Британија, вчера плачел во приватните соби на парламентот, тврдат пратеници од редовите на Ториевците. Тој се соочи со тешки обвинувања за неговото справување со ковид-кризата, особено откако се дозна дека присуствувал на забава со стотина луѓе, пишува Нова.

– Борис плачеше пред неколкумина од нас. Постојано велеше – извини. Знае дека е готов – изјави еден пратеник за „Мејл он Сандеј“.

Околу 20 пратеници вчера одржаа состанок за да го координираат испраќањето писма потребни за да се започне со гласањето за недоверба на Џонсон. Постојат шпекулации дека прагот од 54 писма за да се иницира гласање недоверба може да се достигне уште денеска.

Иако се чини дека пристигнуваат многу писма, другите пратеници сакаат да ги почекаат резултатите од истрагата за аферата „Партигејт“ што ја спроведе највисоката државна службеничка Сју Греј, кои би можеле да пристигнат веќе во петок.

Во моментов се одржува собраниска седница, на која Џонсон одговара на бројните обвинувања од пратениците на ториевците.