дома блог страница 1757

Семејство од Прилеп ги дониpaше opганите од пациент со мозочна cмpт: Млад пациент доби cpце, двајца други добија бyбpeзи…

Вчера во претпладневните часови едно храбро семејството одлучи да ги донира органите од својот близок кај кој беше потврдена мозочна смрт, информираат од Министерство за здравство.

Kaко што неофицијално дознаваме пациентот е момче од Прилеп кое доживеало сообраќајна нecpeќа.

-По направените подготовки и координацијата помеѓу тимовите од интерните и хируршки клиники, доцна во ноќта започа експлантацијата, а веднаш потоа и трансплантацијата, најпрво на срцето, а утрово и на двата бубрега.

Еден млад пациент доби срце, а кај двајца пациенти на дијализа веќе се трансплантираат бубрезите. Уште неколку пациенти во наредните денови ќе можат да добијат коскени ткива.

Со нивната хуманост и одлуката да ги донираат органите, ова семејство подари живот на најмалку тројца пациенти, а на сите нас да ни донесе утро полно надеж.

И за тоа сме им бескрајно благодарни.

Благодарност и до медицинските тимови од сите клиники вклучени во експлантацијата и трансплантацијата, кои изминатото деноноќие неуморно работеа и се уште работат, додаваат од МЗ.

(Видео) Црногорски комичар му кажува виц на Ѓоковиќ за Федерер и Надал

Најдобриот светски тенисер Новак Ѓоковиќ деновиве се наоѓа во Жабљак каде се релаксира по сите проблеми кои неодамна го снајдоа во Австралија.

Ѓоковиќ ја искористи можноста да се сретне и со црногорскиот комичар Јован Радуловиќ, попознат по прекарот Јоџир.

Во таа прилика, Jоџир му кажа на Ѓоковиќ шега во која беа вклучени неговите најголеми ривали Роџер Федерер и Рафаел Надал.

Ѓоковиќ се пошегува на спомнувањето на името на Федерер со прашањето „Кој е тоа“, но на крајот не можеше а да не се насмее.

Исчезнатиот Матеј вчера бил активен на Вибер

Младиот Матеј Периш (27) кој исчезна на 31 декември во Белград се уште е топ тема, но и мистерија за целиот регион.

Откако 22 дена нема ниту трага, ниту глас од него, вчера еден детаљ буквално ги стаписа сите до еден. Имено вчера виберот на Матеј повторно бил активен и тоа во 21:53 часот.

Оваа информација предизвика лавина на коментари, а по тој повод се огласи и неговиот татко.

-Запознаен сум со тоа од страна на полицијата. Се работи за активности кој полицијата ги спроведува во склоп на истражувањето и сите детали за овој случај, вели Ненад.

Инаку сигналот последен пат на неговиот телефон е лоциран во 02:40 часот на 31 декември во близина на големиот воен остров каде се влева Сава во Дунав.

Оваа македонска општина доделyва 100.000 денapи за cклyчен бpaк

Брачниот пар Манчеви добија 100.000 денари од Општина Конче. Станува збор да реализирање на одлука со која секој новосклучен брак на лица над 35 години ќе биде збогатен со 100.000 денари за успешен почеток во заедничкиот животот.

Ваучерот на оваа брачна двојка, Снежана и Новица Манчеви им го предаде градоначалникот на Општина Конче, Златко Ристов.

Замина во легендите: Почина Аки Ракимовски, фронтменот на култната група “Парни Ваљак”

Пејачот на култната рок група „Парни Ваљак“, Аки Рахимовски почина денес на 67 години, потврди неговиот менаџер Дамир Осредечки.

На официјалниот фејсбук профил на групата „Парни Ваљак“ веќе се појави и фотографија од Аки, со последен поздрав со стиховите:

“Za malo nježnosti, na sve ću pristati, za malo nježnosti, da mogu zaspati”

Јанески или Божиноски за лидер на СДСМ Прилеп, Кузмановиќ ќе пресече кој?

Започна процедурата за кандидирање на претседатели аспиранти за прв социјалдемократ во Прилеп.

Членовите по месни заедници ги предлагаат своите фаворити. Досега најсериозни кандидати се Емил Јанески, поранешен директор на ЈКП “Водовод” и Валентин Божиноски вработен во УЈП, претседател на ОИК и поранешен советник.

Покрај нив како предлози се споменуваат и Сашо Дамески, директор на КПУ Затвор – Прилеп и Миле Талески, актуелен пратеник со завршена политичка кариера како најголем губитник на изборите од 17ти октомври.

Но, последниот збор при изборот се очекува да го има Ивона Кузмановиќ, член на ИО на СДСМ и најмоќна политичка фигура во Прилеп.

Со маски нема да ги пуштиме децата на училиште – велат од иницијативата на родители кои бараат укинување на оваа мерка

Иницијативата „Стоп за носењето маски во училиштата“ која обединува 12.000 родители, преку допис до медиумите тврди дека имаат поддршка од голем број доктори кои јавно зборуваат за долгорочните штетни последици од носењето маски. Во таа насока аргументираат дека претседателката на Здружението на приватни матични лекари д-рЛилија Чолакова Дервишова, алармира за зголемени психолошки, социолошки, имунолошки, респираторни и дерматолошки последици.

Децата светот го осознаваат преку изразите на лицето, комуницирањето и размената на чуствства, а сето ова не е можно да се оствари преку маска со што веќе се гледа зголемена анкциозност кај децата, вели таа.

Според Др. Софијанова минатата година има регистрирано 500 случаи на ковид помеѓу децата, додека од почетокот на пандемијата нема ниту еден смртен случај.

-Последната година се забележува и зголемување на панични напади, опсесивни застрашувачки мисли и опсесивни –компулсивни нарушувања кај се помлада популација, вели Ана Чучкова, психолог, психотерапевт и проф. на факултет.

Според Д-р Ангелчо Андоновски, специјалист педијатар, бројот на хоспитализации на деца секаде низ светот, не само кај нас е многу мал и место за паника нема.

Маските кај најмалите ученици сметам дека се не функционални и се непотребни, вели тој.

-Долготрајно носење маски и вдишување на она што го издишуваме, ги зголемува шансите од горнореспираторни инфекции од бактериите кои децата ги носат, сметаат докторите.

Микробиологот и професор д-р Никола Пановски и епидемиологот Драган Даниловски исто така сметаат дека децата треба да тргнат на училиште без маски. Д-р Нико Беќаровски од Клиниката за токсикологија смета дека „барем за основците има резон да се размисли и да се овозможи родителите да одлучат или да се укине носењето“.

Од Иницијативата до властите доставено е Барање за укинување на задолжителното носење маски во училиштата. Родителите се категорични во намерата дека со почеток на второто полугодие, нема да ги пуштаат децата со маски на училиште.

Македонија и годинава ќе оди на Евровизија: Ова се песните меѓу кои ќе се избира нашиот претставник

Селектирани песните кои ќе се натпреваруваат во Националниот избор за песна и претставник на Евровизија 2022

Избраните 6 композиции, современи и оригинални авторски дела, за кои комисијата смета дека секоја од нив ги исполнува очекуваните критериуми за учество и претставување на МРТ и земјата на најпрестижната европска музичка манифестација – Евросонг, се следните:

1. Изведувач: Kaly
Наслов на композиција: „LOVE AND LIGHT“/ Автор на музика: Давор Јордановски/ Автор на текст: Весна Малинова
Аранжман: Никола Васков – Нино, Давор Јордановски, Петар Луќиќ

2. Изведувач: Yon Idy
Наслов на композиција: „DREAMS”/ Автор на музика и текст: Yon Idy/ Аранжман: Ангел Ќосев, Yon Idy

3. Изведувач: Lara
Наслов на композиција: „FLOWER OF SORROW”/ Автор на музика: Роберт Билбилов/ Автор на текст: Робин Зимбаков
Аранжман: Роберт Билбилов и Дарко Димитров

4. Изведувач: Viktor Apostolovski
Наслов на композиција: „SUPERMAN“/ Автор на музика: Владимир Дојчиновски/ Автор на текст: Владимир Дојчиновски и Виктор Апостоловски/ Аранжман: Владимир Дојчиновски

5. Изведувач: Andrea
Наслов на композиција: „CIRCLES”/ Автор на музика: Александар Масевски/ Автор на текст: Александар Масевски и Андреа Коевска/ Аранжман: Александар Масевски

6. Изведувач: Ris Flower
Наслов на композиција: „FLYING TO BERLIN”/ Автор на музика: Борис Цветановски – Ris Flower/ Автор на текст: Борис Цветановски – Ris Flower/ Аранжман: Мустафа Џанбазлар

Согласно Правилникот, велат од МРТ, за избраните 6 композиции ќе се изработат лирик видеа кои ќе бидат поставени на онлајн платформа за гласање на јавноста.

Песните ќе ѝ бидат презентирани на јавноста на 28.01.2022 (петок) во емисијата Стисни Плеј на МТВ, со почеток од 22 часот, кога ќе започне и онлајн гласањето.

Платформата за гласање ќе биде отворена 7 дена, односно до 04.02.2022 година. Победникот ќе се добие по пат на онлајн гласање, како и според гласањето на меѓународното стручно жири во сооднос 50%:50%.

Kpивични за двајца прилепчани: Со фалсификувани ПЦР тестови сакале да преминат граничен премин

Во периодот од 22.02.2021 до 26.02.2021 година, на Граничниот премин „Деве Баир“, пријавените приложиле фалсификувани ПЦР тестови.

Регионалниот центар за гранични работи Исток поднесе четири кривични пријави против четири сторители Р.А.(48) од Скопје, И.Б.(50) и Ф.Т.(35), двајцата од Прилеп и Ј.А.(46) од Македонска Каменица, поради постоење основи на сомнение за сторени осум kpивични дела „фалсификување на исправа“ и „непостапување според здравствени прописи на време на епидемиja“.

Безработицата си го прави своето: После Димитров и Шекеринска и Царовска побараа апанажа

Поранешната министерка за одбрана Радмила Шекеринска и поранешната министерка за образование Мила Царовска официјално поднеле барање за апанажа до собраниската Комисија за именување, информираат од собраниската служба.

Доколку барањето им биде прифатено, двете поранешни министерки во следните девет месеци ќе добиваат надомест од државата во износ од платата што ја добивале додека биле на функција.

Претходно, како што oбјави порталот “А1он”, барања за апанажа поднеле и поранешниот министер за земјоделство Аријанит Хоџа, поранешниот вицепремиер за европски прашања Никола Димитров и поранешниот заменик-министер за култура Седет Сулејмани.