дома блог страница 1752

Партиски функционер лапал адвокатски услуги без исав? (Видео)

Општо позната тајна е дека СДСМ брзаа да дојдат на власт за да ги сместат нивните фирми да работат за државните институции и на тој начин да заработуваат пари. Тоа е случај и со адвокатските друштва во СДСМ, истакна на денешната прес-конференција портпаролот на ВМРО-ДПМНЕ Димче Арсовски.

Во продолжение интегрален текст и видео од прес-конференцијата на Арсовски:

-Класичен пример е адвокатското друштво ДЕ ЛЕГЕ, кое преку 5 државни институции по основ на месечни или повремени паушали во периодот од 2017 јуни до декември 2021 година, инкасирале околу 55.000 евра.

Имено, адвокатското друштво ДЕ ЛЕГЕ е во сопственост на адвокатите Снежана Калеска – Ванчева и одредена адвокатка Виолета Василева.

Снежана Калеска – Ванчева е пратеникот од редовите на СДСМ, инаку претседател на форумот на жени во СДСМ. Исто така како пратеник голем таканаречен борец за правда држава која што гледаме дека не функционира.

Министерство за образование и наука, Национална агенција за европски образовни програми, Агенција за енергетика, Државен студентски центар и Агенција за странски инвестиции, се институциите на чии сметки е закачено адвокатското друштво ДЕ ЛЕГЕ.

Како е можно баш ова адвокатско друштво да земе за 3 и пол години 55.000 евра?

Кој е одговорот на пратеничката Снежана Калеска – Ванчева што токму адвокатското друштво каде што е таа основач и содружник до пред да стане пратеник, земало над 55.000 евра од овие институции во текот на овие три и пол години?

Очигледно е.

Ова е начинот на СДСМ како заработуваат пари на грбот на граѓаните.

Калеска во Собрание објаснува за правните норми и правна држава, а позадински нејзиното адвокатско друштво што го основала претходно, пред да стане пратеник земала 55.000 евра од државни институции по основ на паушали.

На кој начин овие институции, каде и во најголем дел од директорувањето бил само еден човек директор од СДСМ и цело време токму оваа фирма ги добива паушалите? На кој начин токму оваа фирма ги добивала паушалите?

Почитувани,

СДСМ има вакви безброј канали за испумпување на парите на граѓаните по било кој основ. Тоа мора да се прекине

Ја повикуваме Антикорупциската комисија под итно да отвори постапка и да провери дали сето ова е направено во рамките на законот. Можеби е направено во рамките на законот, но дали има судир на интереси и дали е етички морално и по законот за судир на интереси,рече Арсовски.

Oлеснување за лекapите и персоналот во Инфективното одделение во Прилеп: Поставен мобилен рентген апарат, болните ќе се снимаат во кpeвет

Чекор напред во олеснување на работата на персоналот во инфективно одделение, но и олеснување за тешките болни кои се хоспитализирани.

-Од денес сместивме мобилен рентген апарат во склоп на инфективно одделение кој направивме напори да биде поврзан со РИС системот.

Така тешките болни ќе ги снимаме во кревет, а електронски рентгенологот ја добива сликата па дава стручен извештај на инфектолозите.

Ова е големо олеснување во дијгностички цели, но и следење на текот на пнеумониите настанати како последица на Ковид инфекцијата – информираат од прилепската болница “Борка Талески”.

Владата со одлука го намали периодот на изолациja од Koвид-19

Владата на денешната 7-ма редовна седница донесе одлука за намалување на периодот на изолација за лицата кај кои лабораториски е утврдено присуство на КОВИД-19 како и периодот на самоизолација/карантин на лицата кои биле во близок контакт со потврден случај со КОВИД-19.

Согласно овие препораки на лицата кои се лабораториски потврдени на КОВИД-19 (со PCR тест или со брз антингенски тест), а кои не развиле симптоми на болест односно се асимптоматски случаи на КОВИД-19 им се одредува домашна изолација од седум дена од денот на тестирањето. По завршување на периодот на изолацијата, потребни се дополнителни три дена строго почитување на мерките за лична заштита (носење заштитна маска N95/FFP2 при престој во затворен простор со други лица или на отворено кога не може да се држи растојание од два метри, честа дезинфекција на раце, избегнување на групирање).

За лицата кои се лабораториски потврдени на КОВИД-19 (со PCR тест или со брз антингенски тест), а кои развиле клиничка слика соодветна на вирусот, односно се симптоматски случаи да им се одредува изолација седум дена од денот на тестирањето плус три последователни денови доколку лицето е без покачена телесна температура.

Според овие промени, лицата кои имале блиски контакти на потврдени случаи на КОВИД-19 се упатуваат во домашна самоизолација/карантин во траење од седум дена од денот на последниот контакт со потврдениот случај, а по завршување на периодот на самоизолацијата/карантинот потребно е дополнителни три дена строго да ги почитуваат мерките за лична заштита.

Исклучок од мерката домашна самоизолација/карантин да има за оние лица кои исполнуваат еден од следните критериуми:

-Вакцинирани со КОВИД-19 вакцина со две или три дози, а од последната доза не поминале повеќе од шест месеци;
Прележани со КОВИД-19, а позитивниот тест не е постар од шест месеци;

-Лицата кои се блиски контакти, а кои заради исполнување на горенаведените критериуми се исклучени од самоизолација/карантин, задолжително треба да ги почитуваат мерките за лична заштита во период од 10 дена од последниот контакт со потврдениот случај.

Датумот на последниот контакт со потврдениот случај се смета за нулти ден.

Владата пpeceче: Настава со физичко приcycтво од 1. февруари, иако дневно има над 2.000 позитивни слyчаи

На денешната седница Владата донесе одлука наставата во основното и средното образование да продолжи со физичко присуство на учениците на 1 февруари.

Оваа одлука е донесена врз основа на мислењето на Комисијата за заразни болести и согласно препораките на УНИЦЕФ, а Владата повикува на доследно придржување и спроведувањето на протоколите за одржување настава со физичко присуство.

(Фото) Прилепчанец е новиот милионер од Државна видеолотарија

Новиот милионер од Државна видеолотарија е Дејан Долгоски од Прилеп кој освои 1.336.670 денари.

Најновиот член во семејството “милионери” на Видеолотарија Касинос Австрија е Долгоски Дејан од Прилеп. Од 17-ти јануари тој е побогат за 1.336.670 денари.

Во претходната година 134 играчи ја освоиле најголемата добивка, а сумата изнесува точно 202.277.991,00 денари.

За прв пат објавена песната “Марија”, која Тоше ја испеал со групата “903” на свои 16 години (Видео)

Да беше меѓу нас вчера ќе наполнеше 41 година, но иако него го нема неговите песни, хуманост и дела живеат и денеска.

На неговиот роденден за прв пат беше објавена песната “Марија”, која Тоше ја испеал заедно со групата “903” кога имал само 16 години.

Погледнете во продолжение:

Три лица починаа од Koвид-19 во Прилеп во изминатото деноноќие: На државно ниво pyшиме црни peкopди

Министерството за здравство информира, согласно податоците од Институтот за јавно здравје дека во последните 24 часа:

Направени се 6.119 тестови, а регистрирани се 2.019 нови случаи на КОВИД-19:

Скопје – 968, Битола – 150, Кавадарци – 104, Куманово – 75, Тетово – 71, Прилеп – 64, Велес – 62, Струмица – 61, Гевгелија – 48, Кочани – 45, Охрид – 41, Штип – 38, Гостивар и Ресен – по 33, Неготино – 31, Радовиш – 27, Струга – 26, Кичево – 24, Свети Николе и Делчево – по 18, Валандово – 13, Берово – 12, Виница и Богданци – по 10, Крива Паланка – 9, Крушево, Демир Хисар и Македонски Брод – по 5, Кратово – 4, Пробиштип, Пехчево и Дојран – по 2, Дебар, Македонска Каменица и Демир Капија – по 1.

Од вкупниот број на позитивни (2.019), регистрирани се 254 реинфекции, од кои две се втора реинфекција.

Регистрирани сe 973 оздравени пациенти од: Скопје – 558, Охрид – 87, Битола – 70, Куманово – 38, Струга – 29, Струмица – 26, Прилеп – 25, Кавадарци – 20, Штип – 19, Тетово – 15, Гевгелија – 11, Ресен – 9, Кичево и Крива Паланка – по 8, Гостивар – 7, Велес, Радовиш и Крушево – по 6, Дебар – 5, Свети Николе и Берово – по 4, Кратово – 3, Кочани и Валандово – по 2, Виница, Богданци, Демир Хисар, Пробиштип и Демир Капија – по 1.

• Во текот на изминатите 24 часа, регистрирани се 15 починати лица: 4 починати лица од Скопје (61г, 70г, 85г и 85г), 3 починати од Прилеп (71г, 72г и 82г), 2 починати лица од Битола (84г и 84г) и по едно починато лице од Гостивар (72г), Охрид (81г), Кочани (70г), Свети Николе (79г), Струмица (78г) и Штип (78г). Од пријавените лица 14 се починати во болнички услови, а едно лице во домашни услови.

Согласно Регистарот на умрени лица со дијагноза КОВИД-19 од Мој Термин, пријавени се четри починати лица, од Скопје (1), Велес (1), Делчево (1) и Радовиш (1) на возраст од 72г до 75г. Пријавените се починати во период од 18.01.2022 до 22.01.2022г. Од пријавените лица три се починати во болнички услови, а едно лице во домашни услови.

Од вкупниот број на починати лица (n=19), шест лица се целосно вакцинирани, а кај 17 се регистрирани коморбидитети.

Направени се 6.119 тестови преку: ИЈЗ-533, ЦЈЗ Скопје-108, ЦЈЗ Битола-99, ЦЈЗ Прилеп-55, ЦЈЗ Тетово–16, ЦЈЗ Куманово-95, Клиника за инфективни болести и фебрилни состојби-0, Судска медицина-5, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–177, Жан Митрев (Филип Втори)-171, Авицена-237, Биотек-298, Систина-117, лабораторија Лаор-181, Синлаб-43, Ремедика-20, Плодност-97, Генеа-17, Никоб Лаб-1.114, ВФВ Медикал-113, Ели Медика-43, Ројал Медика–32, Спектра-ММ-34, Рапид Лаб–48, Жан Митрев Струмица–20, Нова Лаб Дијагностика–22, Рамус-57, ЈЗУ и ПЗУ (рапид тест) – вкупно 2.366.

Досега во земјата се направени вкупно 1.762.045 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 261.347, бројот на оздравени пациенти е 231.179, на починати е 8.285, а бројот на активни случаи изнесува 21.883.

Прилепчанец изгopeл во викендицата во која живеел

На 26.01.2022 во 08.10 часот во ОВР Прилеп e пpиjaвено дека околу 07.00 часот нacтанал пожap во викенд куќа на м.в. Бегова ливада, прилепско, во која живеел Т.М.(89), кој починал на лице место.

Cмpт конcтатиpaл лекap од Итна медицинcка помош, а од страна на Јавен обвинител телото е пpeдадено на семejcтвото – информираат од МВР.

CERTIADRIA – Светско, а наше!

Како се станува регионален центар за сертифицирани IT обуки?

Дигитализацијата овозможи коренити промени во начинот на работењето. Се зголеми индивидуалната продуктивност, се создаде нов квалитет на сработеното. Да знаеш да работиш во Word, Excel, Outlook и PowerPoint, денес е нешто без кое не може да се аплицира за скоро било кое работно место.

Токму во полето на дигитализацијата и едукацијата, тимот на Certiadria ја согледа својата бизнис идеја – компанија која е посветена на обезбедување образовни и сертификациски услуги во нашата држава, но и пошироко во Јадранскиот регион. Тие се дел од Certiport глобалната мрежа за акредитирани компании кои вршат обуки и издаваат сертификати за познатите програми и брендови како оние на Adobe, Autodesk, Microsoft и многу други.

На што се должи успехот на CertiAdria?

„Нашите почетоци датираат од 2011 година кога го потпишавме партнерството со Certiport и Pearson VUE Business и можеме да кажеме дека сме целосно задоволни од постигнатото“- истакнува Марко Серафимовски, оперативниот директор на CertiAdria.

„Сепак нашата визија за раст и развој, требаше да биде поткрепена и со финансиска поддршка и консултантски услуги за напредок и успешно менаџирање на деловните процеси. Како мала, но динамична компанија ни одговараше соработката со Микро Инвестицискиот Фонд (МИФ) со кој управува друштвото SPMG Capital. Со инвестицијата на МИФ во 2014 година, го зголемивме присуството на пазарите и надвор од Јадранскиот регион. Веќе во 2016 година станавме авторизиран партнер за едукација (AЕП) на Microsoft и обезбедивме официјални едукативни материјали и решенија од Microsoft за академските институции ширум Јадранскиот регион. Наредната 2017 година потпишавме договор за соработка со ISQI (International Software Quality Institute) и право да ги нудиме нивните официјални испити во 12 земји – Македонија, Албанија, Косово, Босна и Херцеговина, Хрватска, Словенија, Србија, Бугарија, Црна Гора, Унгарија, Малта и Романија. Истата година, остваривме и соработка со ИАПП (International Association of Privacy Professionals) и станавме Официјален Тренинг Партнер за GDPR обуки во целиот свет.“

Она по што CertiAdria е посебна е понудата на сертифицирани обуки кои се признати на глобално ниво и со кои им овозможувате на компаниите и образовните институции да создадат врвни кадри и професионалци во дигиталниот свет.
Како ја гледате иднината на CertiAdria?

„Една од нашите цели е градење на силни врски со академскиот и индустрискиот свет, при што вработените и студентите/учениците стекнуваат компјутерски и интернет вештини кои ќе бидат потврдени и ќе бидат основа за да продолжат со понапредни обуки и сертификации. Имаме воспоставено соработка со 70 универзитети и средни училишта, 30 компании за обуки и 4 иновативни центри. И во иднина ќе продолжиме да обезбедуваме програми за врвна едукација во областа на IT технологиите и нивно интегрирање со потребите за развој на регионот.“
Образованието, покрај тоа што е благородна дејност, може да заклучиме дека и кај нас може да биде профитабилна и одржлива бизнис идеја, поткрепена секако со труд, знаење и поддршка од деловните и финансиските партнери и соработници. Дигитализацијата има неограничен простор за развој и имплементација на секое поле, а со тоа и можности знаењето и идеите во оваа сфера да ги претворите во капитал.

84-годишен прилепчанец пpиjaвил дека бил огpaбен од две лица: Му одзеле 159.800 денapи

На 24.01.2022 во ОВР Прилеп, К.Д. (84) од Прилеп пpиjaвил дека на 17.01.2022 на ул. “Димо Наредникот” бил измамен од две лица.

Според приjaвеното, oткако пpиjaвителот бил замолен од едното лице да му покаже како се вадат пapи од сметка, тој подигнал 159.800 денapи, а другото лице доведувајќи го во заблуда, му ги земало парите.

Се преземаат мерки за расчистување на случајот – информираат од МВР.