Денеска не’ очекува постудено утро со можност за појава на утринска магла во пониските котлини. Преку денот времето ќе биде сончево со мала до умерена локална облачност и слаб јужен ветер.

Утринските температури ќе се движат од -3 до 4 степени додека дневната ќе достиге до 21-от степен.

Во Скопје, утрото ќе биде свежо и магливо во делови од котлината, а преку денот претежно сончево со слаб југоисточен ветер.

Во наредните денови, под влијание на висок воздушен притисок, ќе следува период на стабилно и суво време. Утрото ќе биде постудено, а дневните температури постепено ќе растат, особено за време на викендот. Претпладне ќе има услови за појава на магла по одделни котлини и речни долини.

Во срцето на Старата прилепска чаршија, на познатата цветна улица, се наоѓа бутикот BABY BOOM – вистински рај за малите модни ѕвезди и нивните родители.

Тука ве очекува нова колекција која совршено ја спојува удобноста, стилот и квалитетот – облека што ги следи детските насмевки, чекори и авантури во секој ден.

Од модели за бебиња, до мали момчиња и девојчиња, во BABY BOOM ќе најдете сѐ што им е потребно на вашите најмили: нежни бодиња и комбинезони, модерни блузички и панталончиња, топли јакни и палтенца, фустанчиња што пленат со шарм, како и слатки аксесоари – шалчиња, капчиња и ракавички кои гушкаат во зима.

Секој модел е внимателно изработен од најквалитетни материјали што обезбедуваат топлина, мекост и заштита.

Токму затоа, BABY BOOM веќе одамна е брендот на прилепската чаршија кога станува збор за детска облека – познат по љубовта кон деталите и посветеноста кон секое дете.

Посетете го BABY BOOM и откријте ја новата колекција eсен-зима, каде секое парче облека е создадено со љубов за најдрагите мали луѓе во нашиот живот.

Светската туристичка организација на Обединетите Нации упати искрени честитки до Универзитет Скопје за обновената акредитација на Факултетот за туризам за додипломски и постдипломски студии.

УTМС е единствениот Универзитет од Македонија член на оваа престижна институција.По извршената еваулација, проф.д-р Антонио Карлес од Валенсија и меѓународен ревизор за квалитет во високото образование ангажиран во Обединетите нации порача дека Универзитет Скопје е меѓу 100те најдобри во светот во студиските програми за туризам.

„Да се постигне бараниот квалитет не е воопшто лесно. Мора навистина да задоволувате многу компетенции како програма за туризам. Ова е сертификат што претставува висок квалитет во образованието во областа на туризмот на универзитетските програми, особено во додипломските, после дипломските. Аспектите што се евалуираат се поврзани со различни области од програмите, како на пример, поврзаноста со индустријата, областа на студентите, содржината односно курикулумот на програмите, како и професорите. Наставниот кадар е еден од клучните столбови на која било програма, па затоа овој аспект темелно го разгледуваме. Понатаму, се разбира, контролата на квалитетот на програмите и на организацијата, тоа исто така се евалуира” објаснува професорот од Валенсија ангажиран како ревизор за квалитет во високото образование ангажиран во Обединетите нации.

Професорот Карлес истакнува дека на Универзитетот Скопје во изминатите години е завршено многу работа со цел да го достигне потребниот прогрес во областите кои беа анализирани од страна на Светската туристичка организација.

Универзитет Скопје е носител на диплома за квалитет во високото образование, кој ја доделува Светската туристичка организација на Обединетите нации. Овој сертификат обезбедува гаранција за квалитетот на програмите за едукација за туризам.

На 28.10.2025 во 11:21 часот во ОВР Прилеп, Ј.С.(57) од Прилеп пријавила дека од домот се оддалечил нејзиниот брат T.A.(59) oд Прилеп, кој имал здравствени проблеми.

Се преземаат мерки за пронаоѓање на лицето – информираат од СВР Битола.

Во театарот „Војдан Чернодрински“ во тек се пробите за претставата „Ловец во р’ жта“ (The Catcher in the Rye) по истоимениот роман на Џ. Д. Селинџер. Претставата е дел од годишната програма за работа на тетаарот за 2025 година.

Режисер е Мартин Кочовски, кој вели дека претставата ќе преставува еден вид кратка историja на подемот и падот на индивидуата од средината на минатиот век до денес, со субjективна визиja за судбината на индивидуата во блиската иднина.

– Индивидуата во рамките, спрегите и режимите на времето за кое имаме напишани докази и нивните остатоци на кои сме современици. Претставата ке прави врски на моменти конфликтни меѓу поетиката и неjзината наjблиска форма – анархиjата; врски меѓу импресионизмот во текстот и костимографиjата и експресионизмот во актерската игра и сценографиjата; и на семиотичко ниво врски меѓу интимното и општественото. Во време каде што безимените автори (кои не се многу, а меѓу нив најпопуларни се оние кои ги напишале “светите” книги), губат смисла, причина и функција, се издигаат автори, кои се условно речено, наши современици.

Во интерес на проклетството или досадата на егзистенцијалната повторливост, претставата ќе минува низ времето, тоа значи дека визуелно ке се менуваат епохите, музичката слика ќе се развива или деградира, и радоста од актерската игра ќе менува фокус, т.е. претставата ке има 5 жанрови. Ќе осцилира од вистинска психолошка драма до современ музички еп – вели режисерот Мартин Кочовски.

Драматизацијата е на Лидија М. Ѓорѓиовска, за сценографијата е задолжен Филип Јованоски, за костимите Јулијана Војкова, а за музиката Пеце Трајковски – Брада.

Играат Димитар Ѓорѓиевски, Игор Трчески, Даниела Иваноска, Наташа Ачанска, Ангела Наумоска, Марија Спиркоска Илиеска, Катерина Чакмакоска Клинческа, Јасмина Мицовска Станкоска, Илија Волчески, Александар Тодески, Михајло Миленкоски и гостите Здравко Стојмиров и Теона Крстеска, Премиерата е планирана за декември.

Во рамки на одбележувањето на Розовиот октомври – месецот на свесност, поддршка и превенција од рак на дојка, Здружението Центар за развој и едукација, во соработка со СОУ „Ѓорче Петров“ – Прилеп, организираше настан посветен на значењето на раното откривање и превенцијата од оваа болест.

Настанот беше исполнет со едукативни активности, инспиративни пораки и симболично засадување на розови хризантеми, како потсетник за важноста на заедништвото, поддршката и солидарноста. Во пријатна атмосфера и отворен разговор, присутните упатија силна порака на охрабрување и поддршка за сите жени кои се соочиле или се соочуваат со рак на дојка.

Лидерот на ВМРО-ДПМНЕ, Христијан Мицкоски денеска во посета на крушевските населени места заедно со кандидатот за градоначалник, Нико Чонески.

-Денеска заедно со кандидатот за градоначалник од ВМРО-ДПМНЕ, Нико Чонески бевме во село Норово, Крушево. Со срце полно гордост и вера во народот, се среќавам со чесни и вредни луѓе кои ја носат Македонија во душата. Обединети, решителни и со јасна цел во недела ќе го правиме вистинскиот избор! За подобра иднина на граѓаните во Крушево – напиша Мицкоски.

Општина Битола до крајот на учебната година ќе постави фотоволтаични системи на уште три згради на основните училишта во градот. Со оваа мерка, локалната самоуправа продолжува со активностите за зголемување на енергетската ефикасност и користење на обновливи извори на енергија во образовните установи.

Во текот на овие денови, се вршат теренски проверки на состојбата на покривите на училиштата, како и проценка на можностите за најсоодветна позиција за поставување на соларните панели.

По завршувањето на анализите и објавувањето на тендерските постапки, ќе следува и реализацијата, односно поставувањето на новите фотоволтаични соларни централи за производство на електрична енергија во три нови битолски училишта.

Со воведувањето на фотоволтаиците, се очекува училиштата да остварат значителни заштеди во трошоците за електрична енергија и да придонесат кон намалување на јаглеродните емисии во општината.

Во моментов, на 10 објекти на основни и средни училишта во општина Битола, се поставени сончеви панели. Кон крајот на 2023 година, на објектот на училиштето и градинката во населбата Долно Оризари беше поставена првата фотоволтаична електрична централа во училиштата, по што во 2024 беа поставени уште девет, од кои три на средни училишта и шест на основни училишта.

Поранешниот селектор на италијанската репрезентација, Лучијано Спалети, ќе го преземе Јувентус, објави инсајдер Фабрицио Романо.

Според Романо, 66-годишниот Италијанец се согласил да работи за клубот од Торино. Тој ќе потпише договор до крајот на сезоната 2025/26, со можност за продолжување доколку Јувентус се квалификува во Лигата на шампионите.

Последната тренерска позиција на Спалети беше во италијанската репрезентација, која ја водеше од 2023 до 2025 година. Тој исто така ги тренираше Наполи, Интер, Рома, Зенит, Удинезе, Сампдорија, Емполи, Венеција и Анкона.

Во понеделникот, Јувентус го отпушти тренерот Игор Тудор, кој работеше во клубот од март 2025 година

Скопје се поврзa со шпанската престолнина Мадрид, авиолинија која е една од дваесетте авиолинии што ги воведовме во изминатата година, истакна вицепремиерот и министер за транспорт Александар Николоски, кој заедно со амбасадорот на Шпанија во Македонија, Рафаел Сориано Ортиз и Неџат Курт, генерален директор на ТАВ Македонија, го означија првиот лет Скопје-Мадрид.

Вицепремиерот Николоски потенцираше дека ова е огромен успех за авиосообраќајот, бидејќи со воведувањето на новите линии се забележува и значителен раст на патници и туристи во Македонија.

Во продолжение интегрална изјава на вицепремиерот и министер за транспорт, Александар Николоски:

“Многу ми е драго што денеска почнува директна линија помеѓу Скопје и Мадрид, ги поврзуваме двата главни града, главниот град на Кралството Шпанија и главниот град на Македонија, нешто што е многу значајно, за развојот на туризмот, за развојот на бизнисот и за размената помеѓу двата народи, размената во културата, нешто што навистина многу значи.

Знаете дека минатата година кога беше избрана оваа Влада, седнавме заедно со ТАВ и направивме нова стратегија, околу начинот на отварање нови дестинации до скопскиот и до охридскиот аеродром. Забележавме дека се потребни иновации и направивме една иновативна политика во делот на субвенционирање, каде што ги зголемивме субвенциите и скоро отидоа дупло од она што беше претходно. Субвенциите по патник по доаѓање на скопскиот аеродром се 9 евра, на охридскиот аеродром 12 евра, и она што е многу, многу значајно, тоа е за патници по доаѓање, што значи дека стимулираме што повеќе луѓе да доаѓаат во Македонија, да расте туризмот и да се развива бизнисот. Исто така ги тргнавме ограничувањата кои што ги имаа авиокомпаниите претходно, во делот на тоа колку претходно треба да оперираат и други ограничувања кои што постоеа.

Како резултат на тоа, гордо денеска можам да споделам два факти. Прво, дека во периодот јануари-октомври, имаме вкупно зголемување на двата аеродроми од 7% по број на патници, каде што скопскиот аеродром расте за 6%, а охридскиот аеродром за цели 17% или вкупно до денес се превезени 2.862.677 патници, бројка која што далеку ја надминува бројката на жители во Македонија.

Од минатата година кога беше избрана оваа Влада до денес, отворивме 21 нова дестинација. Од Париз, од “Орли” се лета за Скопје, од Истанбул се лета за Охрид, од Дубаи ќе почне да се лета за Скопје оваа зима, од Барселона, од Лион, од Амстердам и од Љубљана се лета за Скопје, тука се чартерите на “Фрибрд Ерлајнс” кои што секој ден слетуваат на скопскиот аеродром, кои за скоро ќе бидат и по два дневно. До Охрид почна да се лета од Базел, Ларнака, Мадрид, Штутгарт, Бари, Стокхолм на главниот аеродром почнуваат овие денови. Понатаму, ја отвараме Женева, Келн, многу значајно за мене Прага, а веќе од пролет Неапол-Италија, Будимпешта-Унгарија, Катовице и Вроцлав до Охрид, и Милано исто така до Охрид.

Вкупно 21 нова дестинација, 21 нова линија, за зголемување на бројот на туристи и повеќе бизнис во Македонија. Сакам да се заблагодарам на директорот на ТАВ на неговиот тим, за одличната соработка која што ја имаме, да се заблагодарам на амбасадорот на Шпанија и да најавам дека ќе има уште дестинации од Шпанија, Барселона и Мадрид нема да се последни” истакна вицепремиерот Николоски.