Твитерџиите направија шега со победничките прес конференции на Влатко Ѓорчев, па во неговите набројувања го додадоја и Палермо, а тој си го сподели твитот и напиша:
“Да, победивме во Палермо”.
Советничка на СДСМ во општина Ѓорче Петров излегла да одржи партиски прес, па неочекувано и’ се појави градоначалникот Бобан Стефковски.
“СДСМ мора да и погледне на вистината во очи. По најавите за прес конференција на СДСМ пред општина Гази Баба излегов надвор со цел пред јавноста да ги соочиме фактите и аргументите во интерес на вистината.
Вистината е дека:
Околу 750.000 евра се потрошени за привремени вработувања во времето на мојот претходник од СДСМ. Покрај ова склучувани се договори на дело со надоместок од 91.500 денари по лице.
СДСМ манипулира, а граѓаните имаат право да ја знаат вистината. Општина Гази Баба ќе продолжи да работи во интерес на граѓаните. Времето на недомаќинско трошење на народните пари во Гази Баба заврши”, напиша Стефковски на ФБ.
И покрај тоа што во изминатите 2 недели зачестија акциите на полициjaта за сузбивање на дрвокрадците во Прилеп и прилепско, се чини дека на пустошењето на шумите им нема крај.
Само во изминатите два дена во атарот на село Гостиражни запленети се над 40 кубни метри со огревно дрво.
Совесни жители и доцна синоќа пријавиле за нов обид за дрвокрадство, но за жал сторителот на сечата останува непознат.
Дрвата биле преземени од подружницата на ЈП Македонски шуми “Црн бор” од Прилеп, од каде апелираат граѓаните и жителите на населените места да ги пријавуваат ваквите појави со цел да се зачува шумскиот фонд.
Општина Прилеп ги известува граѓаните дека водата од мерното место Плетвар – крајпатна чешма Че – водоводна мрежа, локален водоснабдителен систем Беловодица – јавна чешма – водоводна мрежа, л.в.с. Плетвар – јавна чешма – водоводна мрежа, л.в.с. Ореовец – јавна чешма сред село – водоводна мрежа и водата од л.в.с. Алинци – Петрески Киро – водоводна мрежа не одговара за употреба.
Исто така водата од л.в.с. Канатларци – бензинска – водоводна мрежа, л.в.с. Ерековци – Кочоски Пецо – водоводна мрежа, л.в.с. Лагово – Петрески Тоде – водоводна мрежа, л.в.с. Веселчани – Мојсоска Ѕ. – водоводна мрежа и водата во локален водоснабдителен систем Загорани – Ѕвездакоски одговара за употреба.
На 24.03.2022 во Битола, полициcки cлyжбеници од СВР Битола, на две локации, ги лишиле од cлобода В.К.(43) од Прилеп и Д.Р.(24) од Битола.
В.К. бил бapaн со потepница од Основен cyд Прилеп за доиздpжyвање затвopcка казна за сторено кpивично дело „тешка кpaжба“ по член 236 од Kpивичниот законик.
Додека за Д.Р. била pacпишана потepница од Основен cyд Битола со која се бapaл за доиздpжyвање казна затвop од 2 години и 5 месеци за стopeни кpивични дела „тешка кpaжба“ по член 236 од Kpивичниот законик.
Двете лица биле спроведени во Kaзнено – попpaвната ycтанова 3aтвop Битола за доиздpжyвање на казните.
Во рамките на акцијата Призма, финансиската полиција во Италија упадна во просториите на Јувентус и ги прочешла сите финансиски книги на торинскиот клуб.
Полицијата ги заплени сите хартии поврзани со трансфери, а под лупа беше онаа на Кристијано Роналдо.
Наводно, челниците на Јувентус свесно избегнале законски обврски кон државата при доведувањето на португалската „суперѕвезда“, а тоа го направиле во уште 62 трансфери.
Меѓу осомничените се првиот човек на клубот Андреа Ањели, потпретседателот Павел Недвед, поранешниот спортски директор Фабио Паратичи…
Доколку бидат прогласени за виновни, водечките луѓе би можеле да завршат во затвор, а Јувентус би можел да биде казнет со одземање бодови и да западне во огромна криза.
Цела Македонија и спортски свет се мајтапат со Италија вечерва на социјалните мрежи, откако Италијанците два пати со ред не успеаја да се пласираат на Светско првенство.
Најоригинален е Саше Љолес, авторот на химната „Одиме на Европско првенство“ која беше направена во чест на деби-пласманот на континенталниот собир.
Околу 3.000 македонски навивачи според најавите вечерва беа присутни и ги бодреа нашите момци на стадионот “Ренцо Барбера” во Палермо.
Еден од најверните навивачи на македонската репрезентација и воопшто еден од најголемите поддржувачи на македонските спортисти ширум светот, Наце Митев, го долови моментот од трибините кога Трајковски го постигна победничкиот погодок против Италија.
Фалангата едноставно остана без глас од громогласно викање….
Македонија ја елиминираше Италија и на 29. март ќе игра против Португалија за пласман на Мундијалот во Катар.
Италијанците имаа над 30 шутови кон голот на Столе Димитриевски, а најкобен можеше да биде оној на Берарди во 29-та минута од натпреварот, кога при грешка на нашиот голман напаѓачот на Италија шутираше млитаво, а Столе стигна да ја поправи својата грешка.
За оваа шанса Италијанците ќе жалат во наредните четири години.