дома блог страница 1643

Петков: Нема да го укинеме, туку ќе го „поместиме“ ветото за Македонија

Бугарскиот премиер Кирил Петков вели дека никогаш не сметал дека треба да се укине ветото за Македонија за ЕУ, туку дека требало да се помести.

Промената на уставот (во Македонија -н.з.) мора да се случи пред првото поглавје и треба да ги ставиме на колосек за Европа, но критериумите што треба да ги исполнат мора јасно да бидат поставени од нас, изјави за Нова ТВ Петков.

Тој посочи дека во 2020 година бугарската влада гласаше за „пуштање“ на Македонија во Европа, но во моментов сме една од ретките земји што може да си го дозволи тоа.

Според него важно прашање се правата на Бугарите во Македонија. Доколку се загарантирани со амандман на Уставот и се дел од пакетот мерки воведени во договорот за РСМ, за нив би било обврска да го изменатУставот.

Според Петков, владата на Димитар Ковачевски е подготвена да тргне на патот кон Европа.

-Ѝ даваме пат на РСМ кон Европа, но овој пат е поплочен со барања и обврски, јасно врамени и кои ги користи цела Европа за да обезбеди напредок што сите сакаме да се случи таму, нагласи тој.

Петков објасни дека Бугарија ќе ја пушти Македонија кон Европа, а прв услов е да мора да се смени Уставот, тоа веќе ќе биде договор со ЕУ и мора да го исполни не само затоа што тоа го сака Бугарија.

Премиерот рече дека претседателката на ЕК Урсула фон дер Лајен јасно ставила до знаење дека европските партнери се подготвени да бидат гарант.

Тлото не пpecтанyва да се тpece: Eве колкy земjoтpecи беа регистрирани во текот на ноќта во БиХ

Повеќе од 30 земјотреси со послаб интензитет се регистрирани во Херцеговина во текот на ноќта, покажаа податоците на Републичкиот сеизмолошки завод на Србија кои ги пренесува Кликс.ба.

Најсилниот бил утрово во 4:20 часот, кој бил со јачина од 4,4 степени според Рихтеровата скала.

Во 2:59 часот бил 4,3 степени, во 2:02 бил 2,6 степени, а во 1:55 бил 2,9 степени според Рихтеровата скала.

Епицентрите на сите земјотреси биле кај Столац.

Денеска е Велика Сабота – денот меѓу cмpттa и вocкpeceнието

Велика Сабота е Денот меѓу cмpтта и воскресението, меѓу петок и Велигден, денот што ги спојува распнувањето и радоста.

Православните верници ги прават последните подготовки пред вечерашното прославување на најголемиот христијански празник – Велигден.

Велика Сабота е ден на исчекување, ден на свештен трепет пред Христовото Воскресение.

Денешниот ден, Велика Сабота, според христијанското учење е ден на свештен трепет пред Христовото воскресение, кое точно на полноќ ќе го означат биењето на камбаните и радосниот восклик „Христос воскресе“.

Вечерва се оди во црква каде што секој носи црвено јајце. На полноќ сите присутни со песната „Христос воскресе” трипати ја обиколуваат црквата. Во црквата се останува за големата литургија, а потоа се причестуваат, се кршат со јајцата и се омрсуваат.

Празникот на Христовото воскресение Велигден е празник на љубовта и мирот. За христијаните, Велигден е триумф на животот над смртта и доброто над злото, ден кога Исус Христос воскреснал од мртвите по неговата смрт со распнување, и ја докажал божествената моќ.

На Велигден верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе.

Велика Сабота е ден на покојот, ден на покојникот, ден на најголемиот покој и на најголемиот покојник.

Денот на големиот покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк.

Ова е денот на оплакувањето на покојникот. Тогаш, Мајка Му – Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица.

Велика Сабота е определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

Ова е ден за прославување на неискажливата љубов од Богочовекот кон луѓето.

Силен земjoтpec предмалку во Босна – Се почувствува и во Македонија

Силен земјотрес предмалку е почувствуван во Македонија.

Според првичните информации земјотресот бил со јачина од 6 степени, а епицентарот е регистриран во Босна и Херцеговина на 44 километри од Мостар, поточно во

Потресот бил на длабочина од два километри.

Земјотресот е почувствуван и во земјите од регионот.

Масовно одбележување на Велики Петок во Корча, Албанија (Видео)

Православните христијан и од Корча, град во Р.Албанија масовно го прославуваат Велики Петок.

Со величенствена литија денот беше одбележан и во Корча, Република Албанија, град каде живеат голем број Македонци.

Mитрополит Петар богослужеше во „Св. Димитриј“ во Битола: „Оче, прости им, оти не знаат што прават!“

Митрополитот Преспанско-пелагониски г. Петар, отслужи Утрена богослужба на која се читаат Дванаесетте Страдални Евангелија, во соборниот храм „Свети Великомаченик Димитриј” во Битола.

-Отче, прости им, оти не знаат што прават! Денес се собравме во храмот не со цел да слушнеме нешто ново. Правдата секогаш е една, била и ќе биде. Ние се собравме, за да си спомнеме за доброволното страдање на Христа, да земеме учество во Неговото крстоносење, да се помолиме со Него за Распнувачите, плачејќи и жалејќи за своите гревови, кои сè, и остануваат главна причина за жртвеното истоштување на Спасителот наш Господ Исус Христос, истакна митрополитот г. Петар.

Пред верниците присутни во Храмот, митрополитот г. Петар нагласи дека причината за страшното и гревовно зло, Спасителот ја гледа во човечкото незнаење: „Не знаат што прават”.

–Секој од нас знае што прави, кога го умножува гревот. Знае, дека, со умножување на гревот, се крева против Самиот Бог, сака Него да го направи свој слуга, сака да го понизи, да го симни од Неговата глава венецот на вечната слава. Секој од нас знае, дека умножувајќи го гревот, прави зло, од кое се треси природата, како што се тресела тогаш, кога го видела распнат Творецот. Тогаш зошто Распнатиот говори, дека Неговите мачители „не знаат, што прават”? Тоа е нов доказ за Неговата љубов кон нас. Навистина, гревот се случува од незнаење и не влечи со себе. Првородниот грев го ослабил нашиот ум и волја, и секој направен од нас грев ги ослабува нив уште повеќе, така што е невозможно, човекот кој го умножува гревот, да си даде себеси, јасен отчет, за тоа што прави. Во тој момент човекот е подобро да биде во адот, отколку да направи грев. Така, браќа и сестри, не знаеме и ние на моменти, што правиме, кога си дозволуваме да направиме грев. „Оче! Прости им, оти не знаат што прават”. Во овие зборови нема само прозба кон Отецот Небесен за прошка на ослепениот од гревот род човечки, но и заповед за христијанската љубов, прогласена од Крстот, заповед да му простуваме на оној, кој нам ни причинува незадоволства, заповед на Новиот Завет кон непријателите, рече митрополитот г. Петар на Утрена богослужба во соборниот храм „Свети Великомаченик Димитриј” во Битола.

Заповедта за љубовта кон непријателите не е лесна, рече г. Петар и праша дали насилникот, може да го љуби непријателот? Тоа директно допира до нас, бидејќи можат да не наречат кукавици, кои не умеат себеси да се заштитат!

–Со таа состојба потребно е да се бориме. Бог никогаш не бара од човекот да го направи невозможното, и тогаш кога ни заповеда да ги љубиме непријателите и да им простуваме, тоа значи дека ние тоа можеме да го направиме, ако сакаме, порача митрополитот преспанско-пелагониски и администратор австралиско-новозеландски г. Петар.

Тренерот на ЏК “Гладијатор” Драган Шеќероски се закити со будо пасош за џудо и е избран за претседател на традиционалното џудо во Македонија

На 09.04.2022г. во Софија се одржа меѓународен натпревар во традиционално Џудо каде членовите на ЏК “Гладијатор” Кочани настапија со 3 натпреварувачи и се закитија со три места и тоа: Христијан Павлов 1 место, Дамјан Крстов 2 место, Ненад Максимов 3 место.

Исто така Дамјан Крстов беше прогласен за најдобар техничар на турнирот. Покрај овој настан, членовите на “Гладијатор” зедоа учество на семинар за бразилско џиу џицу, каде се закитија со сертификати. Меѓу другото судија беше и тренерот на “Гладијатор”, Драган Шеќероски од Прилеп.

Од страна на Меѓународната заедница на Шеќероски му беше врачен будо пасош и сертификат со кој е назначен за претседател на традиционалното џудо во Македонија. Исто така Шеќорски беше назначен и за претседатл за работа со луѓе со посебни потреби и оштетување на слухот.

Папата ја откажал средбата со рускиот патријарх: “Да не предизвикуваме конфузија”

Папата Франциско ја откажа средбата со поглаварот на Руската православна црква и долгогодишен сојузник на претседателот Владимир Путин, патријархот Кирил.

Папата и патријархот требаше да се сретнат во Ерусалим на 14 јуни, објави Ројтерс претходно овој месец.

Но, папата Франциско сега изјави дека жали што планот мораше да биде суспендиран бидејќи дипломатите на Ватикан советуваа дека таквата средба „може да предизвика голема конфузија во моментов“, пишува Sky News.

Тоа би било само нивна втора средба. Тие првпат се сретнаа во 2016 година на Куба. Од почетокот на офанзивата во Москва на 24 февруари, двајцата црковни водачи имаат сосема различни ставови.

Додека папата повика на мир, патријархот Кирил, близок до рускиот претседател Владимир Путин, во говорот на 27 февруари ја оправда воената операција, велејќи дека тоа е судир со „злите сили“ кои „го негираат историското единство“ на Русија и Украина.

(Фото) Редици верници во црковните храмови во Прилеп се поклонија и ја целиваа Светата Плаштаница со Христовото тело

Црковните храмови во Прилеп од утрово широко ги отворија портите за верниците, кои доаѓаат да се поклонат и да ја целиваат Светата Плаштаница на која е изобразено положеното тело на нашиот Спасител Господ Исус Христос.

Редици верници уште од утринава го исполнија дворот на храмот Св. Петка во населбата Точила.

Истата слика е и во останатите црковни храмови. Прилепчани уште еднаш покажаа дека ги следат духовните обичаии и традиции и на Велики петок ги исполнија духовните светилишта.

Верувања за денешниот ден: На Велики петок не јадете лук и оцет

Според некои верувања за Велики петок постојат многу обичаи кои се типични за овој голем христијански празник, кој обично верницте го поминуваат во пост и тишина во исчекување на Велигден.

На Велики петок Исун Хрисотос е распнат и подложен на големи маки, а своето тело го даде како жртва за искупување од грвот на човечкиот род.

Постојат верувања дека на овој ден не се јаде лук.

Имено оваа намирница се верува дека се користи за чистење на нечисти сили, па бидејќи ова е голем и свет ден се верува дека треба да се избегнува, зашто лошите и нечисти сили во ваков ден не можат да направат ништо.

Според други верувања пак не треба да се користи бибер и оцет, бидејќи раните на Исус биле премачкувани со оцет за да му нанесат повеќе болка.

Сепак мора да се знае дека ова се само народни верувања и никаде во библијата не е наведено ниту едно од нив.