Викендов, џудистите од прилепскиот џудо клуб “Сеишин” од два настапи се вратија со 18 медали и тоа:

На 01.11.2025 во Скопје се одржа Меѓународниот турнир во џудо “Миоки Опен – 2025” за помлади пионери, пионери и кадети. Прилепскиот клуб зеде учество со 16 натпреварувачи, а освоени се 10 медали (1 златен, 2 сребрени и 7 бронзени) и тоа:

1. Елдина Пупаловиќ 1-во место
2. Матеј Јованоски 2-ро место
3. Ангел Стојовски 2-ро место
4. Бисера Јовеска 3-то место
5. Бисера Цветкоска 3-то место
6. Матеја Николоска 3-то место
7. Марко Ацески 3-то место
8. Теодора Илиоска 3-то место
9. Немања Џагадуроски 3-то место
10. Благојче Мантароски 3-то место

Одлични борби прикажаа и Ајла Јеина, Арсениј Димески, Марија Марковска, Дила Пупаловиќ, Тамара Илиоска и Марко Марковски но не успеаја да изборат место на пиедесталот. Екипата ја предводеа тренерите Мартин Ристески и Тони Бурнески.

На 2 ноември 2025 година, во Верија, Грција, се одржа Meѓународниот турнир во џудо во организација на ЏК „Вергина“. Во силна меѓународна конкуренција настапи и Џудо клубот „Сеишин“ од Прилеп, кој блесна со одлични резултати – осум медали од исто толку натпреварувачи.

Младите прилепски џудисти освоија вкупно 8 медали, од кои 3 златни и 5 бронзени:

Златни медали:

1.Марко Андрејевски
2.Петар Ангелески
3.Стефани Ристеска

Бронзени медали:

4. Христијан Бунески
5. Габриел Илиоски
6. Милан Крнче
7. Владимир Крнче
8. Стефан Петкоски

Од клубот истакнуваат дека се особено задоволни од настапот, бидејќи дел од младите натпреварувачи првпат се соочуваат со меѓународна сцена. Тимот го предводеше тренерот Марио Тошески, кој изрази гордост за дисциплината и борбениот дух на своите џудисти.

„Сеишин“ продолжува со интензивни подготовки и веќе за следниот викенд ги очекува нов натпреварувачки предизвик.

На 01.11. во Дојран се одржа големиот Меѓународен турнир во карате – “Дојран Опен”, каде учество зедоја околу 600 натпреварувачи од 35 клубови од: Македонија, Црна Гора, Албанија, Косово, Грција и Романија.

Меѓу домашните клубови беше и прилепскиот карате клуб “Феникс”, кој беше прогласен за најуспешен клуб на турнирот со освоени 40 медали.

Прилепските каратисти се закитија со 13 златни, 10 сребрени и 17 бронзени одличја.

Честитки за сите и желби за уште поголеми успеси во иднина.

Во рамките на одбележувањето на 4 Ноември, денот на ослободувањето на Битола, на Широк Сокак се одржа традиционалната Ноќна атлетска трка, во организација на Сојузот на спортови на Битола, со поддршка на Општина Битола.

Оваа манифестација, која се одржува по 67-ми пат е најстарата спортска манифестација во Битола. Годинава учествуаа над 700 учесници, основци, средношколци, студенти, граѓани и ветерани. Натпреварите се одвиваа во 24 категории, во машка и женска конкуренција.

Дел од наградите на најдобрите натпреварувачи им додели градоначалникот на Општина Битола, Тони Коњановски, кој истакна дека манифестацијата претставува симбол на спортскиот дух и заедништвото на битолчани.

„Горд сум што воочи денот на ослободувањето на Битола можеме да ја прославиме спортската традиција на нашиот град. Ноќната трка е симбол на упорност, младост и љубов кон Битола. На сите учесници им честитам на храброста и ентузијазмот, а на победниците им посакувам уште многу успеси,“ рече Коњановски.

Седум години страст, вкус и безгранична љубов кон гастрономијата! Приказната на Bro’s Burger Station започна во срцето на Охрид, како визија на браќата — Бојан и Филип Стојковски, кои од мал киоск создадоа едно од најпознатите street food имиња во Македонија. Од првиот македонски бургер со ајвар, овчо сирење и охридско макало, до иновативни вкусови со тартуфи, диво месо и вино — нивните креации го освоија вкусот и срцето на гурманите низ целата земја.

А сега, нивната кулинарска магија доаѓа во Прилеп!

Во четврток, 06.11, во Ресторан Порта, браќата Стојковски ќе приредат ексклузивен Private Burger Experience – настан со ограничен број места, резервиран за вистинските љубители на уникатниот вкус.

Гостите ќе имаат ретка можност во живо да гледаат како се подготвуваат три специјални бургер креации, а потоа да ги доживеат сите нијанси на вкусот што го направија Bro’s Burger Station легенда на македонската бургер сцена.

Покровител на настанот е Zlaten Dab Amber, пиво чиј автентичен карактер совршено се надополнува со уникатните бургер вкусови што ќе бидат подготвени специјално за оваа прилика.

Ресторан Порта повторно ја потврдува својата репутација како единствениот ресторан во Прилеп што нуди ваков вид на гастрономски доживувања – каде храната е уметност, а секој настан е ново искуство. Ова е нешто што не смее да се пропушти – единствена можност да погледнете во живо, а потоа да вкусите дел од гастрономскиот свет кој го има во најдобрите светски метрополи, но кај нас е вистинска реткост.

Вечерта ќе биде збогатена со одлична музичка програма, за совршен спој на вкус, атмосфера и уживање. За настанот да биде уште подобар ќе се погрижат Каролина и Роберт – врвно музичко дуо што ќе ја направи вечерта специјална.

Побрзајте и резервирајте навреме на тел.бр. 078 368 111

ЧЕТВРТОК, 06.11.

Подгответе се за искуство што се памети – Bro’s Burger Station во Порта!

Игор Каравилоски од СДСМ ја презеде функцијата градоначалник во општина Кривогаштани и во наредните 4 годнии тој ќе ја предводи оваа пелагониска општина.

Функцијата Каравилоски ја презеде од својот сопартиец Николче Мискоски, а ова е трет последователен мандат оваа општина да ја предводат кадри од СДСМ.

-Денес со голема чест и одговорност ја презедов функцијата Градоначалник на Општина Кривогаштани. Свесен сум за довербата што ми ја дадовте и ветувам дека со посветена работа, транспарентност и искрена соработка со сите вас, ќе ја водам нашата општина кон подобро, помодерно и поразвиено утре. Ќе бидам градоначалник за сите, со отворени врати за секој жител на Кривогаштани. Продолжуваме со започнатите и со нови проекти, за поубава и поуспешна Општина Кривогаштани! Заедно продолжуваме напред – напиша Каравилоски.

Историчарот Кире Николоски и тогашен член на Собранието на Општина Прилеп, објави историски фотографии од луѓето кои пред 30 години донесоа одлука за 3-ти Ноември пригодно да се одбележува како Ден на ослободувањето на Прилеп.

Компанијата IQOS, дел од високо реномирана интернационална мрежа, отвора можност за ангажман на млади, комуникативни и амбициозни личности низ цела Македонија!

🔹 Позиција: IQOS Brand Ambassador
🔹 Почетна плата: до 32.300 денари (хонорар + бонуси)

Доколку си личност која:

-ужива во работа во динамична и современа средина,
-поседува одлични комуникациски и презентациски вештини,
-има 21 до 30 години и желба за професионален развој –

тогаш ова е вистинската можност за тебе!

Придружи се на нашиот тим и стани дел од бренд кој го менува начинот на уживање, комуникација и стилот на живот.

Испрати го твоето CV со јасна назнака на: [email protected]

За сите дополнителни информации и материјали, слободно контактирај нè.

IQOS – дел од свет кој постојано се менува. Биди дел од него!

Оваа година, во чест на 81 година постоење на Народниот театар Битола, на сцената на театарот, оживуваат вечните дела на Вилијам Шекспир – во интернационален театарски дух и со врвни продукции од Македонија и светот. Роденденот Битолскиот театар го слави со премиера и 11. издание на Битола Шекспир фестивалот кој се отвора со премиера на „Макбет” – НУ Народен театар Битола, Македонија. Од 14. до 21. ноември публиката ќе има можност да ужива во претставите од Македонија, Полска, САД, Хрватска / Англија и Бугарија.

На програмата се:

• 11 – “Дванаесеттата ноќ” – Драмски театар „Александар Венгерко“, Бјалисток, Полска, режија: Игор Горжковски
• 11 – “Крал Лир” – “Lit Moon Theatre”, САД со почеток од 20 часот, режија: Џон Блондел
• 11 – “Еволуцијата на распадот” – Театарско здружение „Артема театарска лабораторија“, Скопје, Македонија, почеток 20 часот, режија : Дамјан Димовски,
• 11 – кореодрама  “Само ти(и)ја / Only You (and I)” – Здружение на граѓани Тим Театрос К, Скопје , Македонија, режија: Војо Цветановски, почеток 20 часот
• 11– “Ричард III” – НУ Народен театар Битола, Македонија, режија :Мартин Мирчевски, почеток 21 часот,
• 11 – “Јас Писблосом / I, Peaseblossom” – “Hani-Tong Theatre”, Хрватска / Англија, режија: Филип Пар
  Монодрама базирана на извонредната ревизија на Шекспировата ,,Сон на летната ноќ,, од Тим Крауч,
• 11 – “Како што милувате / As You Like It” – Драмски театар „Стојан Бачваров“, Варна, Бугарија, режија: Габор Томпа (Романија).

  Бидете дел од магијата на Шекспир во Битола!
  Театарот повторно станува место на љубов, борба, страст и бесмртни приказни

• Влезниците за премиерата на 14ти ноември за отворањето на фестивалот се по цена од 300 денари, додека за останатите денови се бесплатни, но со претходна резервација преку смс на телефонскиот број 075/549-400 (секој работен ден од 10:00 до 15:00 часот) со следниве податоци:
  •име и презиме
  •датум
  •име на претставата.

Резервациите се обработуваат по принципот „прв јавен, прв услужен“, а потврдата ќе ја добиете со повратна СМС порака со информации за подигање на билетите.

*Вашата резервација е резервирана само доколку добиете потврдна смс порака!

*Поради ограничениот број на седишта за дел од претставите влезниците за истите се во мал број, па поради тоа принципот за резервација е “прв јавен , прв услужен”.

Прославете со Битолскиот театар 81 година љубов, уметност и аплауз.

На 5.11.2025/ среда/ со почеток во 19.00 ч. во фоајето на НУЦК ‘Марко Цепенков’ – Прилеп, ќе се претстави дуото на две афирмирани изведувачи – Кети Петреска – хармоника и Христина Никоска Тасеска – пијано.

Вечерта ќе биде посветена на музичка филмска литература, со внимателно избрани камерни автори и композитори од поновите епохи – Маријанели, Хачатуријан, Галијано, Тирсен и други.

Иако двете изведувачки делуваат и како педагози и солисти, ова не е прво концертно претставување на дуото. Kако спој на класичните со вариете стиловите настапуваат неколку години.

Податоци за уметниците:

Христина Никоска Тасеска е родена во Прилеп, а матурира и дипломира во Скопје во класите на проф. Људмила Романова и проф. Марија Ѓошевска. Во текот на своето образование, се стекнува со повеќе награди на државно и меѓународно ниво, учестува на семинари и академии со врвни педагози како Антонио Сориа-Барселона, Мирослав Красовски-Тел Авив, Лејла Пула-Косово и други. Редовно настапува како соло и како камерен изведувач, учествува на повеќе фестивали, како: ‘Есенски музички свечености’, ‘Златна Лира’, ‘Охридско лето’, ‘ДММ’ и други. Бележи настапи и како солист со Македонската филхармонија и солист на чембало со оркестарот ‘МММ’. Исто така концертира на меѓународните сцени, како Вејфанг-Кина, Њу Јорк, Софија, Белград и повеќе места низ Србија. Од 2012 работи како професор по пијано во ООМУ ‘Ордан Михајлоски-Оцка’ – Прилеп и во својот досегашен стаж има освоено над 250 награди на државни и меѓународни натпревари.

Кети Петреска е родена во Прилеп, средно музичко образование завршува во Р. Србија, Краљево, во класата на проф. Владимир Мандиќ. Високото образование го продолжува на музичката академија во Источно Сараево, БиХ, во класата на проф. Данијела Газдиќ. Како ученик и студент, добитник е на многубројни награди на државно и меѓународно ниво каде остварува високи резултати, додека во меѓувреме редовно учествувала и на бројни концерти и фестивали во Србија и БиХ. Своето знаење го надоградува кај реномирани акордеонисти: Јури Шишкин, Радомир Томиќ, Војин Васовиќ и други.

Од 2010 год. работи како професор по хармоника во ООМУ ” Ордан Михајлоски – Оцка” – Прилеп каде што постигнува забележани резултати со своите ученици. Ангажирана е во работата на стручно жири на домашни и меѓународни натпревари.

Блерим Ислјами е избран за нов градоначалник на Општина Долнени. Кандидатот од ВЛЕН во вториот круг на локалните избори освои 3.982 гласа и го победи кандидатот на ВМРО-ДПМНЕ, Сашко Велјановски, кој освои 2.804 гласови.

Oпштината во изминатите 8 години беше предводена од градоначалници на ДУИ, а сега одново претставник на албанската заедница ќе седне во градоначалничката фотеља.