Општина Битола, ги известува граѓаните дека, почнувајќи од утре 27.01.2023 година, до 03.02.2023, економскиот оператор „ПРОВЕТАЛЕК“ ДООЕЛ, согласно склучениот договор со општината за набавка на услуги за заловување и стручен третман на кучиња скитници и нерегистрирани кучиња на територијата на општина Битола, ќе врши заловување на кучиња на улицата „Партизанска“, на потегот од кружниот тек кај „Веро“ до крстосницата со улица „Никола Тесла“ (кај Расчекор).

Податоците за секое заловено куче се внесуваат во ветеринарно-информативниот систем и се однесуваат на: локација на заловување (гео координати), извршен тест за социјализација, аплицирана ушна маркица со број и ознака БТ, бар код од микрочип, извршен тест за детекција на антитела на лајшманија, хируршки зафат – кастрација или стерилизација, вакцинација против беснило со дехелментизација и податоци за враќање во реон на заловување или вдомување. На овој начин, се врши соодветен хуман третман на кучињата, но и заштита на населението, како од каснувања, така и од можноста за создавање средина која е потенцијален извор за пренесување на одредени зоонози и паразитарни заболувања.

Со цел, ефикасно делување и овозможување поддршка и соработка со граѓаните во спроведувањето на процесот на заловување, општина Битола ја известува јавноста дека:

-Сопствениците на кучиња не смеат да ги напуштаат домашните миленици (утврдено во член 26 став 2 од Законот)
-Домашните миленици задолжително да се движат во придружба на сопственикот со поводник – движење без поводник во придружба на сопственик е дозволено само во градскиот парк на местото означено како парк за миленици
-Сопствениците на кучиња, согласно закон се должни да ги пријават своите кучиња еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес во нивното место на постојан престој, со цел да ги регистрираат и идентификуваат, како и да ги исполнат одредбите во однос на здравствената заштита согласно со прописите од областа на ветеринарното здравство. Трошоците за овие постапки се на товар на сопствениците на кучињата.

При лоцирање на испуштање на кучиња, граѓаните задолжително да пријават на телефонскиот број 047208317

Секое непочитување на Законот за заштита и благосостојба на животните да се пријави во Агенцијата за храна и ветеринарство.

Во овој период, контролата на терен ќе биде зголемена и активно ќе се преземаат законски предвидените мерки. За да може да се постигне поголем ефект во спроведувањето на мерките, неопходна е поддршка и соработка на општината и другите институции со граѓаните.

После вчерашната информација од општина Битола, до општината доставени се две пријави, од кои една за несоодветно постапување од страна на сопственик кон агресивно куче и лоциран граѓанин кој испушта кучиња во пакет во близина на Завод и музеј. Пријавите се евидентирани и по истите се постапува од страна на надлежните служби.

Шпанскиот новинар Жорди Мартин ја објави сликата на Јулија на својата приказна на Инстаграм и напиша: „Дали ја познаваш Џерард? Тогаш немој да се чудиш што Шакира го фрли целиот свет врз тебе“, а шпанските медиуми веднаш објавија за новата наводна измама на Пике.

Јулија Пуиг е 25-годишна адвокатка која работела во тимот на Пике за време на разделбата со Шакира, а исто така е роднина на Рики Пуиг, поранешниот соиграч на Пике во Барселона. Не се знае многу за неа, а откако Мартин ја пренесе приказната, Пуиг брзо го направи приватен профилот на Инстаграм.

Para ti @3gerardpique pic.twitter.com/JguzYAg2WS

— Jordi Martin (@jmpaparazzo) January 15, 2023

Мартин внимателно ја следеше приказната за Пике и Шакира и отворено ја поддржа колумбиската пејачка. Тој постојано го обвинуваше Пике за проблемите што се појавија во животот на поранешниот фудбалер и Шакира.

Лидерот на ДУИ Али Ахмети на украинска делегација со која разговарал ѝ дал совет Украинците никогаш да не се предаваат, како што не се предала УЧК во 2001 година, пренесува Инфомакс.

– Војната Русија-Украина и натаму претставува жешка зона. Се сретнав со една делегација од Украина и им реков: ‘Вие ќе ја добиете оваа војна. Бидете силни и не предавајте се никогаш, така победивме и ние, бидејќи ние не се предадовме никогаш!’ – рече синоќа лидерот на ДУИ Али Ахмети на партискиот собир во шарпланинското село Шипковица“ – објави телевизијата на албански јазик „Шења“.

За Украина тој рече дека „како земја сме се солидаризирале со оваа држава, која се наоѓа во војна, но немаме повеќе можности да сториме, освен да им испратиме музичка група“.

– Ние сме се солидаризирале со Украина морално, но само толку можеме. Бидејќи оние оружја, што ги имаме, тие не ѝ требаат на Украина. Или можеме да им испратиме музичка група, друго нешто не можеме да им однесеме – рече лидерот на ДУИ на партискиот собир во Шипковица.

Бездруго инспириран од Украина, потоа Ахмети, како поранешен врховен командант на УЧК, а сега претседател на ДУИ, евоцирал спомени од партискиот собир во Шипковица, а потоа дел и од своите „послевоени спомени“, велејќи: „ДУИ е дом на војници, бидејќи 10 илјади војници потпишаа за создавањето на овој дом со име ДУИ.“

Извор: Infomax.mk

Крадец, кој на дело е снимен на камера како краде пари од касата во месарница во Велес – oбјави порталот “tirekovmirece.com”.

Видеото за кратко време стана вирално на социјалните мрежи, а граѓаните реагираат дека истото лице повеќе пати е фатен во кражба.

-Добро познат е типов особено на вработените во Жито маркетите..Постојано краде и ништо не се превзема. Од неговите кражби можеме да направиме цел документарен филм – пишува во еден од коментарите.

-Незнам зошто ништо не се превзема, постојано пријавуван и пак го пуштаат, човекот е нонстоп по дуќаните и да не успее да земе нешто, зошто некој трауми да трпи секој ден – стои во друг коментар.

Фејсбук статус на Умејр Муамеди

-Не ми е јасно како се дозволува во институција на Р.Македонија да се истакнуваат знамиња на други држави. Зимаш плата од оваа држава (плус патувања, кола службена итн ако си во повисока функција) а во канцеларија носиш знаме од Албанија, САД, Турција, Србија итн.

Зошто тогаш не одите во тие земји да бидете директори, министри, градоначалници итн? Приватно можеш да се чувствуваш како сакаш но Држава и Националност се два различни поима.

Немам почит за ниту еден министер, директор, градоначалник итн, кој дозволува во инстутицијата со која раководи да се истакнуваат знамиња различни од државното знаме.

Врз основа на известувањето добиено од Јавното претпријатие за железничка инфраструктура, општина Битола, ја известува јавноста за пуштање во сообраќај на воз за превоз на патници на пругата Битола – Жабени.

Во известувањето од претпријатието се наведува следното:

„ЈП за железничка инфраструктура Железници Инфраструктура доби барање за доделување траса за патнички воз на пругата Битола – Жабени од страна на железничкиот превозник ЖРСМ Транспорт АД Скопје.

Согласно барањето, возовите се планирани да започнат со сообраќај на 1 февруари 2023 година“, се наведува во информацијата, а повеќе информации во врска со патничкиот воз може да се добијат од Железници Транспорт АД Скопје.

Се бара лице за работен однос на позиција Проектен координатор за работа во Здружение Центар за граѓанска иницијатива Прилеп.

Лицето треба да има завршено високо образование, одлично познавање на англискиот писмен и говорен јазик (ќе има тестирање), вештини и искуство за организирање и координирање на работа, комуникативност, да поседува возачка дозвола од Б категорија и да има искуство во возење.

Заинтересираните кандидати да достават биографија и мотивациско писмо до 1 февруари 2023 на e-mail [email protected]. За повеќе информации секој работен ден од 8-16 часот на телефон 070 208 367.

Неодамна Прилеп доби нова современа гинеколошка ординација каде со пациентките ќе работи д-р Јулија Јоноска.

“Фемина Вита” се наоѓа на ул. “Партизанска” бр. 2 и значително ќе ја подобри понудата и пристапноста до гинеколошки услуги во нашиот град.

Во приватната гинеколошка поликлиника „Фемина Вита” ќе се изведуваат прегледи и дијагностичко-терапевтски интервенции од сите области на гинекологијата и акушерството.

Д-р Јулија Јоноска важи за човек со огромно знаење и стручност во дејноста и лекар кој ќе ја гарантира дискретноста.

Закажете термин на тел. бр. 071 403 020. Работно време: понеделник и вторник од 11 до 19ч. / среда, четврток и петок од 07 до 15ч.

“Фемина Вита” работи со Фондот за здравство.

Секторот за внатрешни работи Битола информира дека во последниот период забележани се пријави од граѓани, сопственици или вработени лица во златарници на подрачјето на Битола, за сторени измами од лица кои нудат злато за откуп.

Од СВР-Битола посочуваат дека при проверка на откупеното злато било утврдено дека од надворешната страна е златна легура, но при пресек се утврдувало дека не станува збор за накит или предмет од злато.

-Со цел спречување на понатамошни вакви измами и злоупотреби ги предупредуваме граѓаните, посебно златарниците, да бидат исклучително внимателни при откуп и продажба на злато и златен накит, а секое сомнително лице и сомнителен настан да го пријават на телефонските броеви 192 или 112, на најблискиот полициски службеник или во полициска станица, соопштија од СВР-Битола.

Од адвокатската канцеларија Јанаки Митровски и адвокатската канцеларија Пешевски и Тимовски информираат дека утре до сите пратенички групи и пратеници ќе поднесат предлог Закон за амнестија на осудените за настаните од 27 Април 2017та година. Како што појаснуваат, со предлогот се бара сите оние кои се осудени на казни затвор до десет години да бидат ослободени од понатамошно издржување на казна, а за осудените над десет години да се ослободат од 50% казна.

– Како адвокат кој практикува кривично право, не наоѓам никакво оправдување за стореното. Но истовремено сметам дека не постои поголема неправда од селективна правда. А цела Македонија е сведок дека со Законот за амнестија од 2018та година, селективно беа амнестирани дел од осудените поради политичко лукративни причини па така Крсто е милионер, Рамчиловиќ амбасадор, Бетка демек ја судат итн. додека обичните смртници пуштени низ вода веќе шестта година скапуваат на робија.

Од тие причини, а како најголемиот дел од осудените имаат одлежано половина од изречените казни и се пет и пол години во затвор, и особено во насока на исправање на неправдата нанесена со селективната амнестија, го поднесуваме овој предлог Закон до сите пратеници од кои очекуваме да иницираат негово ставање на дневен ред.

Се разбира законското решение може и да се доработи од страна на заинтересираните пратеници, за што посочените адвокатски канцеларии стојат на располагање.