Единствен проблем за влез на Македонија во ЕУ се криминалот и корупцијата, и секојдневно шлаканиците доаѓаат за тоа, изјави пратеничката и член на ИК на ВМРО-ДПМНЕ Дафина Стојаноска во вечерашното гостување во емисијата „24 Анализа“ на Телевизија 24.

Стојаноска посочи дека имаме Влада во која има еден лапсус премиер кој повеќе изговара лапсуси отколку вистински зборови и тоа е факт. Покрај тоа и во СДСМ има доста проблеми тоа е доста од повеќе очигледно во Собранието.

Во врска со изјавата на Таравари за влез во владата таа искоментира:

„Ја слушнав изјавата на Таравари дека единствено би прифатиле да влезат да ја спасат оваа Влада која пропаѓа е дека доколку добијат гаранции од премиерот дека обезбедил 80 пратеници за промена на Устав. Па зарем Таравари се сомнева дека Ковачевски би му дал гаранции? Па тој гаранции и дал на ЕУ, и дал дека ќе го промени уставот, тој нема проблем да даде гаранции, прашањето е дали тоа ќе се реализира, или Алијанса ќе остане пак излажана“, рече Стојаноска.

Стојаноска потенцираше дека ВМРО-ДПМНЕ останува на ставот за уставни измени, а тоа е дека нема уставни измени во овој парламентарен состав, и дека се потребни предвремени парламентарни избори, за власта пред граѓаните да излезе со став дека ќе го менува Уставот, па да види дали ќе ја добие поддршката за тоа или не.

На 25.01.2023 во ОВР Прилеп било пријавено дека околу 09:30часот настанал пожap во оџакот од една вертикала на станбена зграда на ул. “Кеј 19 Септември”, при што бил оштетен еден стан.

Пожapoт бил изгacнат од екипа на Територијалната противпожapна единица Прилеп, а повpeдени лица нема.

Извршен бил увид – информираат од ОВР Прилеп.

Здравиот живот и физичката активност стануваат сè по популарни, а луѓето ангажираат лични тренери кои можат да им се посветат за што побрзо да стигнат до идеалната фигура.

На социјалната мрежа Редит се отвори дебата за тоа колку заработуваат фитнес тренерите.

„ Дали тие добро заработуваат па има толку голем интерес? Дали заработувате доволно да живееш како човек? Колку работни часови, во просек, имаат фитнес тренерите неделно“, се вели во објавата на Редит.

„ Ако работиш за фирма, теретана, платата е околу 70.000 повеќе или помалку со бонуси (за групи и слично), а ако си соло, небото е граница“, напишал еден корисник на оваа мрежа.

Друг праша дали фитнес тренерите заработуваат добри пари, па интересот е толку голем?

„ Да. Некои дури и повеќе од постарите програмери. Мислам, додека редовно ги следев на Инстаграм, ми падна прашање за бројот на клиенти. Одговорите варираа од 50 до 60, а имаше и такви кои имаа и до 100 можеби и повеќе. Од секој по 100 евра па пресметај“, вели друг корисник.

Коментарите почнаа да се слеваат, а оние кои имаат искуство ја презентираа пресметката на заработката.

„ Мојот тренер наплаќа 80 евра ако е групно, а мислам дека 150 е индивидуален термин. Пред еден месец бевме 40, повеќето на групни тренинзи, а исто така има многу што се онлајн, а јас мислам дека тоа е 50 евра „Контактирав и некои други тренери каде ми бараат 300 евра месечно и исплата за три месеци“, вели една девојка.

„ Најдобро заработуваат оние што се на онлајн обука, бидејќи за тоа не е потребно нивно физичко присуство и можат да имаат многу поголем број клиенти, а во исто време не плаќа никаков данок и ниту еден трошок“, пишува понатаму во коментарите.

Како што напишал еден корисник, се зависи од тоа каков маркетинг правите за себе, неговиот тренер наплаќа 250 евра месечно и секогаш е полн. Работи од 7 до 22 часот и заработува повеќе од постар програмер.

Општина Битола, ги известува граѓаните дека, почнувајќи од утре 27.01.2023 година, до 03.02.2023, економскиот оператор „ПРОВЕТАЛЕК“ ДООЕЛ, согласно склучениот договор со општината за набавка на услуги за заловување и стручен третман на кучиња скитници и нерегистрирани кучиња на територијата на општина Битола, ќе врши заловување на кучиња на улицата „Партизанска“, на потегот од кружниот тек кај „Веро“ до крстосницата со улица „Никола Тесла“ (кај Расчекор).

Податоците за секое заловено куче се внесуваат во ветеринарно-информативниот систем и се однесуваат на: локација на заловување (гео координати), извршен тест за социјализација, аплицирана ушна маркица со број и ознака БТ, бар код од микрочип, извршен тест за детекција на антитела на лајшманија, хируршки зафат – кастрација или стерилизација, вакцинација против беснило со дехелментизација и податоци за враќање во реон на заловување или вдомување. На овој начин, се врши соодветен хуман третман на кучињата, но и заштита на населението, како од каснувања, така и од можноста за создавање средина која е потенцијален извор за пренесување на одредени зоонози и паразитарни заболувања.

Со цел, ефикасно делување и овозможување поддршка и соработка со граѓаните во спроведувањето на процесот на заловување, општина Битола ја известува јавноста дека:

-Сопствениците на кучиња не смеат да ги напуштаат домашните миленици (утврдено во член 26 став 2 од Законот)
-Домашните миленици задолжително да се движат во придружба на сопственикот со поводник – движење без поводник во придружба на сопственик е дозволено само во градскиот парк на местото означено како парк за миленици
-Сопствениците на кучиња, согласно закон се должни да ги пријават своите кучиња еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес во нивното место на постојан престој, со цел да ги регистрираат и идентификуваат, како и да ги исполнат одредбите во однос на здравствената заштита согласно со прописите од областа на ветеринарното здравство. Трошоците за овие постапки се на товар на сопствениците на кучињата.

При лоцирање на испуштање на кучиња, граѓаните задолжително да пријават на телефонскиот број 047208317

Секое непочитување на Законот за заштита и благосостојба на животните да се пријави во Агенцијата за храна и ветеринарство.

Во овој период, контролата на терен ќе биде зголемена и активно ќе се преземаат законски предвидените мерки. За да може да се постигне поголем ефект во спроведувањето на мерките, неопходна е поддршка и соработка на општината и другите институции со граѓаните.

После вчерашната информација од општина Битола, до општината доставени се две пријави, од кои една за несоодветно постапување од страна на сопственик кон агресивно куче и лоциран граѓанин кој испушта кучиња во пакет во близина на Завод и музеј. Пријавите се евидентирани и по истите се постапува од страна на надлежните служби.

Шпанскиот новинар Жорди Мартин ја објави сликата на Јулија на својата приказна на Инстаграм и напиша: „Дали ја познаваш Џерард? Тогаш немој да се чудиш што Шакира го фрли целиот свет врз тебе“, а шпанските медиуми веднаш објавија за новата наводна измама на Пике.

Јулија Пуиг е 25-годишна адвокатка која работела во тимот на Пике за време на разделбата со Шакира, а исто така е роднина на Рики Пуиг, поранешниот соиграч на Пике во Барселона. Не се знае многу за неа, а откако Мартин ја пренесе приказната, Пуиг брзо го направи приватен профилот на Инстаграм.

Para ti @3gerardpique pic.twitter.com/JguzYAg2WS

— Jordi Martin (@jmpaparazzo) January 15, 2023

Мартин внимателно ја следеше приказната за Пике и Шакира и отворено ја поддржа колумбиската пејачка. Тој постојано го обвинуваше Пике за проблемите што се појавија во животот на поранешниот фудбалер и Шакира.

Лидерот на ДУИ Али Ахмети на украинска делегација со која разговарал ѝ дал совет Украинците никогаш да не се предаваат, како што не се предала УЧК во 2001 година, пренесува Инфомакс.

– Војната Русија-Украина и натаму претставува жешка зона. Се сретнав со една делегација од Украина и им реков: ‘Вие ќе ја добиете оваа војна. Бидете силни и не предавајте се никогаш, така победивме и ние, бидејќи ние не се предадовме никогаш!’ – рече синоќа лидерот на ДУИ Али Ахмети на партискиот собир во шарпланинското село Шипковица“ – објави телевизијата на албански јазик „Шења“.

За Украина тој рече дека „како земја сме се солидаризирале со оваа држава, која се наоѓа во војна, но немаме повеќе можности да сториме, освен да им испратиме музичка група“.

– Ние сме се солидаризирале со Украина морално, но само толку можеме. Бидејќи оние оружја, што ги имаме, тие не ѝ требаат на Украина. Или можеме да им испратиме музичка група, друго нешто не можеме да им однесеме – рече лидерот на ДУИ на партискиот собир во Шипковица.

Бездруго инспириран од Украина, потоа Ахмети, како поранешен врховен командант на УЧК, а сега претседател на ДУИ, евоцирал спомени од партискиот собир во Шипковица, а потоа дел и од своите „послевоени спомени“, велејќи: „ДУИ е дом на војници, бидејќи 10 илјади војници потпишаа за создавањето на овој дом со име ДУИ.“

Извор: Infomax.mk

Крадец, кој на дело е снимен на камера како краде пари од касата во месарница во Велес – oбјави порталот “tirekovmirece.com”.

Видеото за кратко време стана вирално на социјалните мрежи, а граѓаните реагираат дека истото лице повеќе пати е фатен во кражба.

-Добро познат е типов особено на вработените во Жито маркетите..Постојано краде и ништо не се превзема. Од неговите кражби можеме да направиме цел документарен филм – пишува во еден од коментарите.

-Незнам зошто ништо не се превзема, постојано пријавуван и пак го пуштаат, човекот е нонстоп по дуќаните и да не успее да земе нешто, зошто некој трауми да трпи секој ден – стои во друг коментар.

Фејсбук статус на Умејр Муамеди

-Не ми е јасно како се дозволува во институција на Р.Македонија да се истакнуваат знамиња на други држави. Зимаш плата од оваа држава (плус патувања, кола службена итн ако си во повисока функција) а во канцеларија носиш знаме од Албанија, САД, Турција, Србија итн.

Зошто тогаш не одите во тие земји да бидете директори, министри, градоначалници итн? Приватно можеш да се чувствуваш како сакаш но Држава и Националност се два различни поима.

Немам почит за ниту еден министер, директор, градоначалник итн, кој дозволува во инстутицијата со која раководи да се истакнуваат знамиња различни од државното знаме.

Врз основа на известувањето добиено од Јавното претпријатие за железничка инфраструктура, општина Битола, ја известува јавноста за пуштање во сообраќај на воз за превоз на патници на пругата Битола – Жабени.

Во известувањето од претпријатието се наведува следното:

„ЈП за железничка инфраструктура Железници Инфраструктура доби барање за доделување траса за патнички воз на пругата Битола – Жабени од страна на железничкиот превозник ЖРСМ Транспорт АД Скопје.

Согласно барањето, возовите се планирани да започнат со сообраќај на 1 февруари 2023 година“, се наведува во информацијата, а повеќе информации во врска со патничкиот воз може да се добијат од Железници Транспорт АД Скопје.