Чениците на ПСЖ прават се за да го задржат во своите редови најдобриот играч на сите времиња.
Француските медиуми пренесуваат дека Аргентинецот се уште не одлучил каде ќе ја продолжи кариерата, но сериозно размислува за продолжување на соработката со парижаните.
Сепак, тој постави два неверојатни услови за новиот потпис.
Наводно бара годишна плата од 40 милиони евра и загарантирано место во стартниот состав. Аргентинецот сака да биде сигурен дека ќе игра без разлика на неговата моментална форма и кој ќе биде тренер на тимот следната сезона.
„Аргентинецот сака да остане во форма, бидејќи планира да игра на Копа Америка следната година “, пренесуваат француските медиуми.
Договор се уште не е постигнат, но се очекува во периодот што следи да има преговори.
На 11.03.2023 полициски службеници од СВР Битола го лишиле од слобода Н.П. (35) од Битола, постапувајќи по претходна пријава на Д.А. од Битола дека од нејзиното паркирано возило „голф“ во Битола и бил украден паричник со пари и документи.
По целосно документирање на случајот, против Н.П. ќе биде поднесена кривична пријава за извршени кривични дела „кражба“,по член 235 ст. 1, како и „оштетување и неовластено навлегување во компјутерски систем“, по член 251 ст.1 од КЗ, затоа што Н.П. ја употребил украдената банкарска картичка која била во паричникот.
Српскиот претседател Александар Вучиќ денеска изјави дека нема да има „ниту фактичко, ниту де јуре“ признавање на независноста на Косово.
На средбата во Врање, каде што ја започна својата турнеја низ Србија како дел од формирањето на Народното движење за државата, Вучиќ рече дека знае оти претседателската заклетва ја дал за Уставот.
„Јас нема да бидам тој што ќе ја потпише независноста на Косово, срам ми е да одам низ Србија и да се правдам пред кого било. Нема предавање, нема да ја признаеме независноста на Косово ниту де фактички, ниту де јуре, но ние сакаме мир со Албанците, сакаме пристојни односи“.
Тој оцени дека по избувнувањето на војната во Украина, геополитичката ситуација во Европа и во светот се променила „подрастично и драматично“ отколку по падот на Берлинскиот ѕид, но додаде дека во Србија има „оние кои се преправаат дека не гледаат колку е тешка положбата на земјата“.
Летното сметање на времето започнува многу наскоро.
Имено последниот викенд од месец март, а тоа е на 26 март во 2:00 часот, во нашата земја ќе започне летното сметање на времето.
Стрелките на часовникот треба да се поместат за еден час нанапред, односно времето во 2 часот, ќе се смета како да е 3 часот.
До крајот на март денот ќе се зголеми, а со поместувањето на стрелки, ден ќе имаме се до 19 часот, а на почетокот на летото и до 20 часот.
Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.
Денеска во Прилеп на 66-годишна возраст ненадејно почина Петре Трајкоски, пратеник во првиот состав на Собранието на Република Македонија.
Трајкоски со 2704 освоени гласа во вториот круг на првите парламентарни избори, одржани на 25 ноември 1990 година, стана еден од петтемина пратеници од ВМРО-ДПМНЕ од Прилеп.
Имаше завршено Земјоделски факултет и порано работеше во Тутунскиот комбинат во Прилеп. Исто така во својата политичка кариера еден период ја извршуваше и функцијата Заменик министер за локална самоуправа.
Безмалку половина година, околу 600 жители на приградското прилепско село Мало Коњари, мака мачат со истекувањето на фекалиите заради дефект на моторот од селската Пречистителна станица, а која е во непосредна близина на училиштето, на амбулантата, а и на спортското игралиште. Мештаните стравуваат од ширење на зараза – објави “АЛФА ТВ”
„Од октомври месец, се’ уште беревме тутун, почна да истекува од шахтата, што значи дека напразно работеше Пречистителната станица, а вода не испушташе. Значи едноставно е затната“, кажа Слободан Дичоски, жител на с. Мало Коњари.
„Одговорните беа тука. Им предочивме дека Станицава не работи, не влечи од канализацијата. Овде се збира водата, еве ја. Амбулантата тука е, училиштето тука, фудбалиштето тука…Топката како е кога ќе влезе во фекалијата, јас да ги прашам овие горе што играат кошкарка и фудбал по канцелариите?!“, револтитрано вели Душан Ангелески, жител на с. Мало Коњари.
Камен-темелникот за оваа Пречистителна станица беше поставен уште во 2014 година, а во употреба беше пуштена во септември во 2021 и се’ уште е во надлежност на Министерството за транспорт и врски.
„Од страна на Надзорот, Министерството заклучило дека има некои забелешки коишто треба да се доработат и се’ уште ингеренциите за Пречистителната станица и самата канализациона мрежа се останати кај самиот изведувач. Се’ додека не се направи технички прием од изведувачот кон Министертсвото за транспорт, не може ПС да се префрли на Oпштината“, – објаснува Николче Кукуноски, претсeдател на МЗ Мало Коњари.
Од ЈКП „Водовод и канализација“ пак велат дека тие веќе една година укажувале на пропустите кои требало да се надминат, за потоа Пречистителната да премине во владение на општина Прилеп, односно на прилепски „Водовод“.
„Проблемот е помеѓу изведувачот и Министерството. Сега мислам дека ги имаат отстрането сите тие проблеми кои што за жал, ние не ги знаеме и се надевам дека сега многу брзо ќе биде преземањето направено“, изјави Игор Гулабоски, директор на ЈКП „Водовод и канализација“, Прилеп.
Очекувањата се дека во текот на месецов, прилепски „Водовод“ ќе го преземе стопанисувањето со целосно технички исправната Пречистителна станица, со што и проблемот ќе бидел решен.
Шефот на паравоената група Вагнер, Евгениј Пригожин денеска изјави дека има намера да се кандидира за претседател на Украина во 2024 година.
– Гледајќи сè околу мене, имам политички амбиции. Одлучив да се кандидирам за претседател во 2024. За претседател на Украина – изјави Пригожин во видеото објавено на Телеграм.
Тој додаде дека очекува да се натпреварува за оваа позиција со поранешниот претседател Петро Порошенко и актуелниот претседател Володимир Зеленски.
– Ако победам на претседателските избори во Украина, момци, тогаш се ќе биде во ред, нема да бидат потребни гранати – рече тој.
Зборувајќи за човечките загуби, Пригожин нагласи дека „борците во вojна умиpaaт во секој случај, вojната е измислена за една вojска да ybива друга“. Тој ги негираше обвинувањата дека соработувал со украинските власти и дека „поради пари и укинувањето на санкциите“ ќе ја напушти борбената зона „во вистински момент“.
Шпанското обвинителство денеска го обвини фудбалскиот клуб Барселона за корупција, бидејќи тој клуб неколку години плаќал услуги на компанијата на потпретседателот на шпанскиот судиски одбор.
Истражниот судија сега ќе одлучи дали ќе покрене обвинение против каталонскиот тим. Барселона е под лупа откако во јавноста се појавија исплатите на клубот, кои вклучуваат милиони евра. Спорните плаќања ги открил даночниот инспекторат.
Обвинителите покренаа три обвиненија против Барселона, вклучително и наводна корупција во спортот и лошо управување. Последната пријава се однесува на наводно фалсификување документи.
Шпанскиот фудбал беше потресен во последните неколку недели откако беше откриено дека даночните службеници истражувале исплата од 2,9 милиони евра од Барселона помеѓу 2014 и 2018 година на компанијата на поранешниот фудбалски судија Хозе Марија Енрикез Негреиро, член на тамошната организација на судии од 1994 до 2018 година.
Од каталонскиот клуб изјавија дека платиле за техничките извештаи на судењето, но дека никогаш не се обиделе да влијаат на одлуките на арбитрите.
Медиумите пишуваат дека Барселона платила повеќе од седум милиони евра, а сето тоа започнало во 2001 година. Денешните обвинувања се однесуваат на двајца претседатели на Барселона – Сандро Росел (2010-2014) и Жозеп Бартомеу (2014-2020).
-На 10.03.2023 во 03.20 часот во ОВР-Прилеп Б.Џ.(40) од Прилеп пријавил дека на 09.03.2023 околу 23.50 часот во Прилеп бил физички нападнат од Е.А.(43) од Прилеп.
-На 10.03.2023 во 11,00 часот во ОВР Прилеп, 21 годишна прилепчанка пријавила дека на 09.03.2023 околу 17,00 часот во Прилеп од страна на нејзиниот вонбрачен сопруг М.А. била насилно внесена во патничко моторно возило „голф“, по што тој и Д.А. физички ја нападнале, а употребиле и тврд предмет.
-На 10.03.2023 во 16.15 часот во Полициска станица Битола А.П.(40) од Битола пријавил дека на околу 15.30 часот во обложувалница во Битола бил физички нападнат од А.Р.(33) од Битола.
-На 11.03.2023 во 02.00 часот во Полициска станица Битола К.К.(27) од Битола пријавила дека околу 00.10 часот во градскиот парк пред угостителски објект во Битола била физички нападната од Р.А., со кого претходно била во врска.
-На 10.03.2023 во 19,20 часот во СВР Битола, А.С.(42) од Битола пријавил дека околу 14,00 часот во угостителски објкет во с.Долно Оризари, битолско, додека бил заедно со неговите познаници Д.Р. од Битола и В.К. од с.Карамани, бил физички нападнат од З.С и Д.С., кои со себе носеле пиштол и остар предмет.
Сè уште е рано за пакување капути, чизми и шалови, ќе има краток период на разладување од ден-два со ниски температури, во пониските предели може да има и мал снег – 15 до 16 март, изјави метеорологот Недељко Тодоровиќ за РТС. Тој посочува дека снежната бура „ледена армагедон“ која во изминатите месеци ги парализираше САД и Канада, сега пристигнува и во Европа.
Прва на удар е Велика Британија, каде температурите значително се намалија во последните денови, а се проценува дека во следните два дена ќе паднат рекордни количества снег, пишува РТС.
Метеорологот Недељко Тодоровиќ посочува дека ќе има кратко студенило од ден-два со ниски температури, кои ќе бидат потпросечни.
„Вистинската зима се уште не е завршена. „Гледајќи ги температурите, кога ќе ја поделиме годината на годишни времиња, добиваме дека март е пролетен месец, со тоа што ова е рана пролет кога покрај високите температури ќе има и краткотрајно студено време со снег. “, истакна Тодоровиќ.
Влијанието на циклонот на Балканот
Хидрометеоролошкиот институт на Велика Британија соопшти дека се очекуваат околу 40 сантиметри снег, училиштата се затворени, летовите се откажани.
Одговарајќи на прашањето дали може да се случи такво нешто деновиве на Балканот, Тодоровиќ вели дека влијанието на тој циклон со врнежи овде би се почувствувало само периферно, а тоа би било на 15 и 16 март.
За неколку дена, како што вели, доаѓа само дел од тој настан, потоа може да има снег во пониските предели, а повеќе врнежи од деновиве, а повеќе снег ќе има во планинските региони.
„Поголеми се шансите за снег, 20 до 30 сантиметри нов снег“, забележува Тодоровиќ.
Според него, вторник би бил топол ден со максимална температура близу 20 степени, што е увертира за заладувањето на 15 и 16 март.
