Доцна во ноќта, по пристигнувањето на белградскиот аеродром „Никола Тесла“ од Мадрид, кошаркарите на Партизан кој одиграа уште една маестрална партија и го растурија Реал Мадрид со 15 поени разлика на гости (80:95), беа дочекани со овации од навивачите.

Партизан стигна до 2:0 во победи против Реал Мадрид, и тоа благодарение на двете победи на гостински терен. На српскиот тим сега му останува да триумфира уште еднаш за да се избори за место во фајнлфор-завршницата на кошаркарската Евролига.

Вториот дуел во Мадрид го одбележа големиот инцидент пред крајот на средбата, кога сите кошаркари беа дел од жестока тепачка, па судиите мораа предвреме да го завршат мечот затоа што буквално сите кошаркари на двата тима беа исклучени.

Рекордни 26 милиони евра субвенции за произведен и предаден тутун од реколтата 2022 година денеска се исплатени на сметките до 15.753 производители на тутун, информираше министерот за земјоделство Љупчо Николовски.

Висината на директните плаќања изнесуваат 80 денари по килограм за прва класа произведен и предаден тутун, 70 денари за втора класа и 60 денари за трета класа произведен и предаден тутун од реколта 2022 година.

„За прв пат тутунот достигна рекордна откупна цена од 290 денари по килограм, што е зголемување за 44 отсто во споредба со реколтата од 2021 година. Сведоци сме сите дека како никогаш до сега имавме година во која откупот помина без ниту еден проблем, а целокупното производство од реколтата 2022 беше откупено два месеци порано пред истекот на законскиот рок“, се пофали Николовски.

Тој додаде дека годинава тутунот бил со добар квалитет што придонело дури 80 отсто од тутунот да биде откупен во прва класа.

Во центарот на Охрид вчера на 27 април беше истакнато знаме со сонцето од Кутлеш во знак на поддршка за македонските уставобранители, кои во процес на политички реваншизам се осудени за терористичко загрозување на уставниот поредок на Република Македонија.

Извор: “ЕКСПРЕС.МК”

Куќата на Бетмен се наоѓа во Радовиш. Вака тврди извесна Александра Дидиќ на нејзиниот профил на Инстаграм, каде споделила видео на кое е прикажана куќа со симболот на Бетмен. Почнувајќи од оградата на дворот, па се до фасадата на куќата.

„Ако некогаш сте се запрашале каде живее Бетмен, упатете се во Радовиш во Македонија и ако ги прашате минувачите за куќата на Бетмен, сите ќе ви ја покажат точната локација, бидејќи на ова место живее само еден Бетмен. Да бидам искрена, портата е хит и јас лично би ја ставила во мојот двор. Како ви се допаѓа оваа куќа?“, стои во описот.

View this post on Instagram

A post shared by Aleksandra Didic (@didic.aleksandra)

По документирање на случајот ќе биде поднесен соодветен поднесок.

На 26.04.2023 на ул.„Богомилска“ во Прилеп, полициски службеници од СВР Битола-ОВР Прилеп го лишиле од слобода Е.А.(42) од Прилеп затоа што кај него бил пронајден предмет за кој постои сомнение дека потекнува од кривично дело по член 215 од Кривичниот законик.

Градоначалникот на општина Прилеп ја посети фабриката на “Кромберг и Шуберт” во индустриската зона “Жабени” кај Битола.

-Во официјална посета на компанијата „Кромберг и Шуберт“ во Битола се уверивме во навистина одличните услови во кои што работат во моментов околу 300 прилепчани.

Соработката со „Кромберг и Шуберт“ како една од најголемите општествено одговорни компании и нашата Локална самоуправа, сигурен сум дека ќе ја одржуваме и ќе ја продлабочиме во наредниов период – напиша градоначалникот на општина Прилеп на Фејсбук.

27 април e Светскиoт ден на дизајнот, а по повод овој ден, учениците од ООУ ,,Климент Охридски’’- Прилеп, самостојно изработија костими од рециклирачки материјали, а нивните ментори: Маја Џопа, Александра Богоеска и Александар Крстески им беа поддршка во избор на стилот и материјалите.

Светскиот ден на дизајнот има цел да ја инспирира и подигне општата свест за вредноста на дизајнот. Денот ги слави сите аспекти на дизајнот – естетика, форма и функција.

-Како училиште целта ни беше да пренесеме пораки за рециклирање, селектирање и изнаоѓање решенија за овој проблем, за зачувување на животната средина, велат од ООУ “Климент Охридски” Прилеп.

Претседателот на Турција, Реџеп Тајип Ердоган денеска им додели медал на македонските спасувачи кои учествуваа во потрагата и спасувањето на настраданите од катастрофалниот земјотрес што се случи на почетокот на февруари во Кахраманмараш и Хатај.

Во Националниот конгресен и културен центар во Бештепе турскиот највисок државен медал за пожртвуваност во име на државата го прими заменик директорот на Дирекцијата за заштита и спасување, Зулфиќар Зејнулаи.

На церемонијата на доделувањето на медалот присуствуваше и македонскиот амбасадор во Турција, Јован Манасијевски.

Претседателот на Република Турција, Реџеп Таип Ердоган денеска им додели медал на македонските спасувачи кои учествуваа во потрагата и спасувањето на настраданите од катастрофалниот земјотрес

Ердоган, пред присутните во салата, се заблагодари и им се придружи на локалните и странските тимови за потрага и спасување, кои учествуваа во потрагата и спасувањето на настраданите од земјотресите во Кахраманмараш и Хатај.

Во потрагата и спасувањето по катастрофалниот земјотрес што се случи во Турција, покрај републичките сили на Дирекцијата за заштита и спасување, учествуваа и припадници на Армијата.

Ситуација која наш читател ја начекал на бензиска пупма во Прилеп. Резервна коњска сила никогаш не е на одмет, особено кога го имаш Плетвар за качување….

На 26.04.2023, полициски службеници од криминалистичката полиција при СВР Битола го лишиле од слобода П.Т.(21) од с.Горно Оризари, битолско.

При претрес во неговиот дом, извршен со судска наредба, биле пронајдени и одземени 13 паковки со марихуана, дигитална вага и други предмети.

Лицето било задржано во полициска станица и по целосно документирање на случајот против него ќе биде поднесена соодветна пријава.