Времето денеска ќе биде променливо облачно со сончеви периоди и релативно топло. Ќе дува умерен до засилен, а во западните делови повремено силен (над 70 км/час) ветер од југозападен правец. Попладне наместа ќе биде нестабилно со пороен дожд и грмежи, особено во источните делови.

Во Скопје променливо облачно со сончеви периоди. Попладне во делови од котлината ќе биде нестабилно со пороен дожд и грмежи. Ќе дува умерен, повремено засилен ветер од југозападен правец.

ВРЕМЕТО ВО СЛЕДНИТЕ ДЕНОВИ:

Во недела ќе има повремен локален дожд. Во понеделник под влијание на нов влажен и постуден бран ќе има врнежи од дожд, попладне на повеќе места пообилни (над 30 л/м2). На планините и на некои повисоки места во западните делови врнежите ќе бидат од снег. Потоа во следните два дена ќе преовладува студено и ветровито време со повремен дожд, а на повисоките места од снег.

Во рамки на 32-то коло од Евролигата, Партизан го дочекува Реал Мадрид во белградската “Штарк арена”.

Џабе им е НБА лига на Американците, ваква громогласна атмосфера може да има само на Балканот.

Слушнете како звучи химната на црно-белите од околу 20.000 грла:

Партизан игра одличен натпревар и понесен од огромната поддршка на домашната публика води на полувремето.

Полициски службеници од СВР Битола вчера (30.03.2023) на ул.„Краварски пат“ во Битола запленија околу четири килограми марихуана и лишија од слобода пет лица: Г.К.(54) и В.И.(38), двајцата од Битола, А.Д.(34) и А.С.(23), двајцата од с.Мало Турчане, гостиварско и А.Џ.(36) од Гостивар.

Имено, од страна на полициски службеници од криминалистичката полиција при СВР Битола, во с.Кравари, битолско, забележано е патничко возило „мерцедес“, со кумановски регистарски ознаки, а едно лице кое се превезувало со возилото во близина на влез во фабрика за производство на медицински канабис, подигнало ќеси со марихуана. Откако возачот ги забележал полициските службеници, од возилото исфрлил две ќеси со марихуана.

Од страна на криминалистичката полиција при СВР Битола, во содејство со Комисијата на за оценување на исполнетост на условите по однос на простор, опрема за чување и складирање на медицински канабис при Министерството за здравство, по претходно издадена Наредба од Основен суд Битола, извршен е претрес во правното лице во с.Кравари, при што се констатирани низа неправилности во поглед на производство, одгледување и складирање на медицинскиот канабис, за што ќе бидат поднесени соодветни поднесоци.

Акатист кон Пресветата Мајка наша Богородица. Мајко на целиот човечки род, моли го Севишниот да ги прими нашите молби и даренија, за здравје и спасение на нашите семејства и нашиот народ.

Во текот на великиот пост, во петоците кога се чита Акатистот на Пресвета Богородица, верниците носат петолебие (пет лепчиња), вино, масло, и пченица за благослов на семејството, градот и државата.

Светите отци за Петолебието велат: „ Овој, пак, благословен леб има разни дарови, ја прекинува температурата, кога се прима со вода, ја прогонува секоја ужасна слабост и кон рожба поттикнува“.

Слично зборува и свети Симеон Солунски: „ На оној кој ги прима со вера( лебовите и виното), му пренесуваат благодат, исцеление и други дарови“.

Значи, голем благослов е овој леб од петолебието и треба да го примаме со вера. Но, да не го сведеме нашиот духовен живот само на обреди, туку должни сме како христијани да постиме, да се молиме, да се исповедаме, да се причестуваме, да доаѓаме редовно во црква, да бидеме почесто во друштво на ангелите и светителите кои се присутни во храмот, и тогаш сите обреди ќе дејствуваат на нас и ќе ни бидат за здравје и спасение.

Денеска во прилепските црковни храмови се пееше петтиот и последен Акатист кон Пресвета Богородица во овој Велик пост.

-Нека Пресветата го моли Својот Син, нашиот Господ Исус Христос, да ги прими нашите молитви и даренија, а ние постојано да и благодариме и да ја величаме, зашто Таа е застапник на целиот човечки род. На здравје и спасение, на нашиот православен народ – напишаа на ФБ од црквата Св. Благовештение.

Храмот беше исполнет со верници, слика која зрачи со посебна духовна убавина!

Расте цената на кромидот, на Градскиот пазар во Штип денеска се продаваше по цена од 80 до 100 денари за килограм. Земјоделците и трговците велат дека стариот кромид е увозен и затоа сè уште држи висока цена, наспроти краставиците и доматите кои бележат мал пад на цените.

Раководителот на Градскиот пазар-Штип, Димче Колев вели дека 90 отсто од краставиците и доматите кои се нудат на пазарот се увозни од Грција и Албанија. Забележува дека домашниот зеленчук е прва класа, но го има во помали количини, наспроти увозниот, кој е втора и трета класа.

-Од увоз производите се втора и трета класа, не се прва класа и затоа ја рушат цената на домашното производство. Нашите оранжерии поради високите сметки за струја го намалија производството, плашејќи се од зголемените производствени трошоци и затоа немаме доволно количина, вели Колев.

Посочува дека цените на зеленчукот се очекува да паѓаат на крајот на април или почетокот на мај.

Денеска (31.03.2023) од страна на полициски службеници од СВР Битола на ул.„Стрчин“ во Битола лишени од слобода се А.Ј.(33) и И.Ѓ.(37) од Битола.

При преглед кај нив е пронајдена ќеса со грутчеста материја. По документирање на случајот против нив ќе следува соодветна пријава – информираат од СВР Битола.

Ниту криза ниту инфлација не ги чепка македонските функциониери по последната одлука на Уставниот суд со која нивните плати во просек ќе се зголемат за неверојатни 78%, објавува Сител.

Па така од први, Претседателот кој има највисока плата во државата ќе добие зголемување од 72.500 денари па неговата плата од околу 93.000 ќе скокне на над 165.000 денари.

Многу повеќе пари дома ќе однесат и министрите и премиерот. Нивните плати од околу 65.000 денари сега ќе скокнат за дополнителни 50.000 денари па од први на сметките секој месец ќе им префрламе по близу 2000 евра нето плата.

Зголемување ќе добијат и пратениците кои на сегашната плата од околу 60.000 денари ќе добијат плус 700 евра месечно и дома ќе однесат нето плата повисока од 1.700 евра.

Близу 80% повисока плата ќе добијат и сите заменици министри, градоначалници, директори во државни фирми и агенции. Меѓу оние кои ќе добијат повисока плата се и сите судии меѓу кои и тие од Уставниот суд кои практично со укинување на 2 члена од Законот за плати на функционерите го овозможија општото покачување.

Иницијативата до нив ја поднел адвокат од Скопје кој не сакаше да коментира. Интересно е што Уставниот суд по иницијативата одговорил во рекорден рок од само 4 месеци, додека други иницијативи пред уставните судии чекаат и по неколку години.

„Закон е закон и мора да го почитуваме“, објасни потпретседателот на Владата кој идниот месец дома ќе однесе близу 2.100 евра плата, или околу 900 евра повеќе.

Со месеци протестираме за покачувања од 2000 денари, а тие, преку ноќ платите си ги зголемија за 80%, реагира Синдикатот на вработените во јавниот сектор.

Дел од функционерите кои следниот месец треба да добијат повисоки плати, почнаа јавно да се откажуваат од покачувањето.

„Зголемувањето на платата, согласно одлуката на Уставниот суд во целост ќе го донирам за хуманитарни цели, семејства со ниски месечни примања и семејствата на уставобранителите. Имајќи ја предвид тешката економска и финансиска состојба во која живееме, почнувајќи од следниот месец разликата во платата ќе ја донирам за хуманитарни цели“, напиша на социјалните мрежи градоначалникот на Аеродром, Тимчо Муцункски.

Уставниот суд на седницата на 21 март донел одлука со која укина член од законот кој ја држеше основицата за пресметување на платите на функционерите на ниво од околу 26.000 денари. Потоа, оваа основица се множи со коефициент кој најчесто е меѓу 3 и 4 и се добива бруто платата на функционерот. Сега, по одлуката на судот, основицата од околу 26.000 скокна на над 46.000 денари а со тоа и платите на функционерите.

Од Светскиот младински уметнички институт – Центар за УНЕСКО со седиште во Троја – Франција информираат дека на учениците при Детското ликовно студио “Свети Кирил и Методиј” Битола на овогодинешниот 3О јубилеен конкурс кој овој пат ја носеше темата “Спомени од иднината – Митови и легенди од мојата земја” доделени им се 2О индивидуални Благодарници – Признанија за учество со посебен акцент на индивидуалниот уметнички пристап на 2О ученици од Детското ликовно студио “Свети Кирил и Методиј” Битола.

УНЕСКО оваа светска детска ликовна манифестација ја реализира 3О години а на годинешниот конкурс пристигнаа дела од над 7О земји во светот кои генерираа фонд од околу 4.ООО дела од кои 84О ја поминаа првичната селекција по која и се доделени Благодарниците – Признанијата.

Втората фаза опфати 3ОО дела по што следеше номинација на 2ОО ученици за 1ОО награди или најдобрите 1ОО во светот во детско сликарство. УНЕСКО ги најави номинациите на 8-ми март 2О23 година а ова се финалните резултати.
Од Детско ликовно студио “Свети Кирил и Методиј” Битола има 12 ученици кои се меѓу селектираните – номинираните и наградените 3ОО до 1ОО дела од 7О држави и тоа:

Фросина Полизовска [ 9 години ] – Меланија Кондовска [ 14 години ] – Велерија Костовска [ 16 години ] која го освои и третото место – бронзен медал во категоријата млади уметници од 14 – 17 години и Ангела Цветковска [ 18 години ].

Награди добија и учениците Никола Тасевски [ 1O години ] и Јана Талеска [ 1О години ] како и учениците Анастасија Наумчевска [ 14 години ] – Сара Наумовска [ 14 години ] – Ана Полизовска [ 14 години ] – Леа Стерјев [ 14 години ] – Марија Јанкуловска [ 15 години ] Сирма Спиркоска [ 15 години ] и Андреа Ресановиќ [ 15 години .]

Посебна покана за посета на церемонијата на доделување Награди има ученичката Валерија Костовска и Детско ликовно студио “Свети Кирил и Методиј” Битола на Специјална церемонија на доделување на наградите која ќе се одржи на 3 јуни 2023 година во Espace Argence во Троја – Франција.

Овој успех доаѓа во година кога Министерството за култура на Северна Македонија за УНЕСКО програмата со акцент на 24-тата светска детска ликовна изложба – конкурс и колонија во Евора – Португалија на студиото им додели нула денари финансиска помош.

Детското ликовно студио “Свети Кирил и Методиј” Битола беше единствениот претставник – учесник на УНЕСКО конкурсот за Северна Македонија за што посебно Признание добива студиото и Претседателката Елена Хаџи-Антоновска.
Патувањето на претставници од Детско ликовно студио “Свети Кирил и Методиј” Битола и наградените ученици засега како најавуваат од студиото за жал нема да може да се реализира.

Утрово во 8.05 часот пријавено е пyкање во казино на ул. „Митрополит Теодосиј Гологанов“ во Скопје.

Од МВР велат дека утрово било пријавено пyкање во близина на Млечен ресторан.

Во пyкањето има една жpтва. Во полициja е пpиjaвено дека во казиното „Вин Вин“ едно лице пyкало во Н.А. (46) од село Арачиново со кого претходно играле на апаратите, по што Н.А. им подлегнал на повpeдите.

Од Министерството за внатрешни работи најавени се детали за пyкањето од кое граѓаните од утрово се вознемиpeни.

Полициски екипи се веќе на терен и се работи на откривање на детали што точно се случило.

Турскиот парламент синоќа ја ратификуваше одлуката со која и се дозволува на Финска да се приклучи на НАТО, отворајќи го патот за Хелсинки да и се приклучи на Алијансата во време на беснеење на војната во Украина, јавија британските медиуми.

Турскиот парламент беше последниот од 30-те членки на Алијансата што го ратификуваше членството на Финска, откако унгарскиот законодавен дом го стори тоа претходно оваа недела.

Претседателот Реџеп Таип Ердоган претходно месецов изјави дека Финска ја обезбедила наклонетоста на Турција по преземањето конкретни чекори за одржување на ветувањата за сузбивање на групите што Анкара ги смета за терористи и за ослободување на извозот на воена стока.

Финска и Шведска минатата година поднесоа барање за приклучување кон трансатлантскиот воен сојуз како одговор на руската инвазија врз Украина, но процесот беше блокиран од Турција и Унгарија. Парламентите на сите членки на НАТО мора да ги ратификуваат новите членки.

Турција, од друга страна, се уште го одложува одобрувањето на кандидатурата на Шведска за членство во НАТО.