Од билтенот се дневни настани на СВР Битола

-На 10.03.2023 во 03.20 часот во ОВР-Прилеп Б.Џ.(40) од Прилеп пријавил дека на 09.03.2023 околу 23.50 часот во Прилеп бил физички нападнат од Е.А.(43) од Прилеп.

-На 10.03.2023 во 11,00 часот во ОВР Прилеп, 21 годишна прилепчанка пријавила дека на 09.03.2023 околу 17,00 часот во Прилеп од страна на нејзиниот вонбрачен сопруг М.А. била насилно внесена во патничко моторно возило „голф“, по што тој и Д.А. физички ја нападнале, а употребиле и тврд предмет.

-На 10.03.2023 во 16.15 часот во Полициска станица Битола А.П.(40) од Битола пријавил дека на околу 15.30 часот во обложувалница во Битола бил физички нападнат од А.Р.(33) од Битола.

-На 11.03.2023 во 02.00 часот во Полициска станица Битола К.К.(27) од Битола пријавила дека околу 00.10 часот во градскиот парк пред угостителски објект во Битола била физички нападната од Р.А., со кого претходно била во врска.

-На 10.03.2023 во 19,20 часот во СВР Битола, А.С.(42) од Битола пријавил дека околу 14,00 часот во угостителски објкет во с.Долно Оризари, битолско, додека бил заедно со неговите познаници Д.Р. од Битола и В.К. од с.Карамани, бил физички нападнат од З.С и Д.С., кои со себе носеле пиштол и остар предмет.

Синоќа околу 20часот, во акција на Шумската полиција биле запленети две товарни возила со бесправно сечени дрва во атарот на селата Пешталево и Ропотово.

Според информациите кои ги дознаваме, возилото кое било запленето во Ропотово, пред да биде сопрено удpило во службено возило.

Во изминатиот период зачестени се случаите со бесправна сеча на шума во општина Долнени, а пред три дена вработени во шумската полиција, додека извршувале службени дејствија, пронашле товарно возило „там“ без регистарски ознаки и го одзеле, при што биле физички нападнати од Р.М. од с.Црнилиште и уште три лица, кои со патничко возило „фолксваген пасат“ и со тврди предмети ги оштетиле службеното и одземеното возило. Притоа, еден од вработените во шумска полиција испукал во воздух еден куршум од службениот пиштол, во знак на предупредување.

Авторот на колумната е проф. по предучилишно образование и воспитување. Вработена во 00У,,Блаже Конески,, – Прилеп

Време безвреме. Време на безвредности. Време кога никој никого не почитува. Време на тотална насилна ментална анархија, која што толку зема замав во сите сегменти на оштеството. Дојдовме во ситуација кога нашата когнитивност се сведува на анималистичко опстојување. Време кое носи уништување на нормалното расудување за тоа кои сме ние? Во што се претворивме? Каде одиме во овај лавиринт каде бихевиоризмот е примат на ,,ограничени умови,, отстранувајќи ја важноста на умот и разумното расудување. Не само посегање по материјалното и идејата за материјализам.

Навидум философска колумна која може да се поедностави во рамките на обичното живеење (време, место, култура, однесување, комуникација, соживот, професионалност, вредности и во сето тоа нашето битисување како разумни суштества). Нели ние сме ,,свесни суштества,,

Можеби најдобар одговор можат да дадат социјолозите кои стручно можат да го анализираат човечкото однесување во рамките сега – време невреме.

Неколку многу важни прашања, кои треба добро да се опсервираат и анализираат пред да се даде конечниот одговор.

-Зошто една индивидуа има оспорено право на размислување?
-Зошто една индивидуа не може да размислува поинаку од зацртаното мислење на друга индивидуа?
-Зошто другата индивидуа го користи капацитетот на едната индивидуа?
-Зошто флоскулата на другата индивидуа мора да биде прифатена по секоја цена?
-Зошто, ако не се прифати флоскулата, другата индивидуа си зема за право да наметнува свои празни демагогии, и интелектот на другата единка го прогласува за еретизам?
-Зошто тој мал дел на (флоскули -единки) им се дава толкава голема моќ да манипулираат со луѓето и ,,сопствениот успех ,, да си го препишат себе си? Зошто кога тие флоскули единки се таму поради влогот на другите кои ги востоличиле на ,,тронот,,
-Зошто фрустрациите на тие единики предизвикуваат застој во секој сегмент во општествениот живот?

Или едноставно кажано, зошто мора одредена група на ,,врвот,, да мисли дека е во право, притоа користејќи ги безмилосно луѓето, за да потоа ги прегази со своите нови чевли кои ги заработил од изгазените?

Кој им го дава тоа право да го газат народот, што ги донел тука на тронот? И дали не е време гласот на народот да одлучи да си го земе она што им го дал?

Vox Populi, Vox Dei! Гласот на народот, е глас на Бога!

Во тотална зачмаеност, во тотален мрак, во безидејност, во страв, во навметнување на лаги и терање на народот да верува во нив, нема држава! Нема судство, нема образование, нема верување во Бог, нема вистина, нема дијалог, нема соживот, нема човечност, нема емпатија, нема култура, нема негување на традицијата, нема патриотизам кој се уништува, нема самоспознавање, нема негување на литературното творештво, нема напредок, нема љубов, нема разбирање, нема егзистенција, нема леб!

Безмилосно се уништува се’ што се градело со векови, а ние обичниот народ немоќно гледаме како грабаат сите, од она што е наше, а не само нивно.

На човек му доаѓа да стане Диоген или странецот на Ками. Едниот од двајцата!

Во секој тунел, ѕирка мал зрак на светлина…како утеха и воскреснување, како Феникс.

Народ дава, народ зема! Во ова време безвреме, тоа ќе им биде казната што се уништи се’ со предумисла, без никакво чувство за одговорност. Најголемата казна ја поднесуваме во овај момент, како никогаш досега!

Павлина С. Звездоска

Претседателот на бугарскиот клуб „Иван Михаилов“ во Битола, Љупчо Ѓоргиевски, добил две нови покани од судот во Битола, за определување и испитување на застапник.

Од добиената покана „во својство на обвинет“, вклучително и како поединец, не е јасно какво дело сторил Георгиевски. Поканата која денеска му била врачена пред 8 дена ја составил Основниот суд Битола. Судот го задолжува Лупчо Георгиевски лично да се појави и да го прими обвинителниот акт на 4 април во судот. Доколку не се појави, „задолжително ќе биде изведен пред суд“, се вели и во поканата.

СВР Битола поднесе кривична пријава против О.П.(47) од Прилеп, И.Н.(45) и А.Г.(35), двајцата од село Крушеани, прилепско, поради постоење основи на сомнение за сторено кривично дело „насилство“.

На 30.01.2023 во казино во Битола, пријавените физички нападнале вработен во казиното – информираат од СВР Битола.

На 10.03.2023 во 01.50 часот во угостителски објект на подрачјето на Центар, полициски службеници од Одделот за специјални полициски операции го лишиле од слобода Н.Ј.(20) од Прилеп, затоа што кај него била пронајдена и одземена прашкаста материја.

По целосно документирање на случајот ќе следи соодветен поднесок – информираат од МВР.

Во текот на изминатата вечер (10/11.03.2023)во периодот од 23.00 до 05.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 14 возачи. Од нив 6 на територија на Битола, 7во Прилеп и 1 Ресен. За време на контролата биле санкционирани и 21 други видови прекршоци.

Акциски контроли продолжуваат и во наредните денови. Апелираме до граѓаните да ги почитуваат сообраќајните правила.

На 09.03.2023 во ОВР Прилеп било пријавено дека во периодот од 02.03.2023 до 10.03.2023 било влезено во круг на фирма и рудник во с. Бешиште, прилепско и биле одземени разновидни алати и делови од работни машини.

Се преземаат мерки за расчистување на случајот – информираат од СВР Битола.

12-годишното момче од Босна и Херцеговина со големи емоции ги пее стиховите од старата македонска песна додека на пијано му свири наставникот Јасмин Брашњиќ, кој го објави видеото.

Изведбата на Ајдин за кратко време стана вирална низ целиот Балкан. Едноставно ќе ве остави без зборови.

Видеото погледнете го ТУКА