Во Прилеп летово е највесело во четврток, а за тоа се погрижија од локалната самоуправа преку поддршка на проектот “Од 0 до култура”. Повеќемина изведувачи и групи досега настапија на камената бина на плоштадот “Александрија” со свои настапи во чест на домашни и странски изведувачи.

Но, најмногу народ да собере на едно место се чини му успеа на младиот вокал Алекса Петрески, кој во четвртокот настапи со свој “трибјут” за Тоше Проески.

Стотици прилепчани, од најмладо до најстаро, заедно со Алекса ги пееја сите најголеми хитови на нашиот ангел. Но, најбројни беа најмалите, кои беше убаво да се видат распеани и насмеани.

Одличниот вокал на Петрески беше надополнет со клавијатурите на Дејан Трајкоски, тапаните на Филип Јездиќ, гитарата на Христијан Ристески и бас гитарата на Емануел Петрески.

Ви пренесуваме дел од атмосферата пред камена бина низ фотографии:

Македонскиот активист Стилијан Самарџиев од егејскиот дел на Македонија сподели на Фејсбук инструментална изведба на македонското Пуштено (Пушчено) оро од леринско, од страна на млади музичари на виолина и на хармоника, на катедрата за музичка наука и уметност при Универзитет „Македонија“ од Солун.

Kaко и изминатите две години, и оваа година свештенството од храмот Св. Никола во Крушево ќе одржи литија со моштите на Св. Климент Охридски и други светители низ улиците на градот.

Во продолжение поканата од храмот до сите верници кои сакаат да земат учество на настанот:

-Благочестиви христијани, на 06.08.2023 година, недела, во 17:30 часот во храмот „Свети Никола“ – Крушево, ќе се отслужи Вечерна богослужба во спомен на патронот на нашата Македонска Православна Црква – ОА, Свети Климент Охридски. После Вечерната богослужба, со неговите мошти и моштите од другите светители, ќе се одржи свечена Литија по улиците на градот Крушево. Затоа Ве покануваме благочестиви христијани, да се поклониме на моштите на нашиот патрон и заштитник на целиот наш Македонски народ, светиот Климент Охридски! Литијата ќе започне од храмот „Свети Никола“ и ќе се одвива по главната улица на нашиот град и повторно враќање при храмот.

Секторот за внатрешни работи Битола – ОВР Прилеп поднесе кривична пријава против П.Т.(29) од Прилеп поради постоење на основи на сомнение за сторени кривични дела „тешка кражба“ и „спречување службено лице во вршење службено дејствие“. Имено, на 04.08.2023 околу 03.00 часот, П.Т. со употрена на подесен алат влегол во стан во населба Точила во Прилеп и одзел пари, но бил затекнат од полициски службеници. Притоа, тој се обидел да избега и ги нападнал полициските службеници, но набргу бил совладан и лишен од слобода.

По консултација со јавен обвинител поднесена му е пријавата, а од страна на судијата на претходна постапка определена му е мерка притвор и бил спроведен во Казнено – поправната установа Затвор Скопје за издржување на мерката.

На 04.08.2023, полициски службеници од Надворешната канцеларија за криминалистички работи при ОВР Прилеп, по преземени оперативни мерки, го лишиле од слобода Д.М.(25) од Прилеп.

Тој се сомничи дека на 03.08.2023 на паркинг пред зграда во Прилеп со запалива течност предизвикал пожар во патничко возило „опел астра” со прилепски регистарски ознаки, сопственост на Р.П.(50) од Прилеп.

Со него бил извршен службен разговор во полициска станица, при што го признал делото. По целосно документирање на случајот против него ќе биде поднесена кривична пријава по член 288 од Кривичниот законик.

– За време на праксата лично се уверив дека СН Осигурителен брокер како општетсвено одговорна компанија го почитува потенцијалот на младите. Секојдневно учам многу работи, методи, стекнувам нови знаења кои понатаму ќе значат многу во идниот кариерен развој. Сфатив што значи самостојност во работата, но и тимска работа, вели практикантот Дарко Филевски.

Програмата за практиканти на СН Осигурителен Брокер АД Битола сега ја следат и студенти од Правниот Факултет во Кичево, откако претходно практична работа реализираа студенти од „Факултетот за туризам и угостителство“ во Охрид.

Како општественo одговорна компанија, СН Осигурителен Брокер АД Битола во соработка со факултетите од Универзитетот „Свети Климент Охридски – Битола“ овозможува менторство, практично надоградување и усовршување на млади кадри во соодветните струки.

Од компанијата велат дека целта е да се поддржи потенцијалот на младите, нивната креативност и амбицијата за напредување.
„Младите се незаменлив дел од работењето на секоја успешна компанија. СН Осигурителен Брокер АД Битола го препознава и вреднува потенцијалот на младите кадри и нашата цел е преку менторски програми и пренесување на вредни искуства да им дадеме дополнителна поддршка во процесот на едукација.“-велат од СН Осигурителен Брокер.

Еден од практикантите е и Дарко Филевски, кој студира на Правниот Факултет во Кичево, на дисперзираните студии во Битола, при универзитетот „св. Климент Охридски“.

„За време на праксата лично се уверив дека СН Осигурителен брокер како општетсвено одговорна компанија го почитува потенцијалот на младите. Компанијата ги исполни моите очекувања и затоа сакам да се заблагодарам за можноста да реализирам пракса токму во оваа компанија. Секојдневно учам многу работи, методи, стекнувам нови знаења кои понатаму ќе значат многу во идниот кариерен развој. Сфатив што значи самостојност во работата, но и тимска работа. И двете многу важни елементи за градење професионална кариера. Имено, би сакал да потенцирам дека имам можност да учам од вистински професионалци и секако нивните совети би ги применил во иднина. Ова е голем бенефит кој СН Осигурителен брокер го овозможува за младите.“-вели практикантот Филевски.

Претходно, практична работа во СН Осигурителен Брокер АД Битола реализираа Јован Ристевски и Јована Стојановска, студенти на „Факултетот за туризам и угостителство“ – Охрид, на отсекот осигурување. По завршувањето на програмата тие изјавија дека практичната работа им овозможила непосредно да почуствуваат што значи да се работи во секторот на осигурувањето.

„Факултетот за туризам и угостителство нуди одлични услови за нас студентите, а отсекот осигурување најмногу го привлече мојот интерес. Праксата во СН Осигурителен Брокер во Битола верувам дека многу позитивно ќе влијае на вкупните резултати од нашето студирање.“-вели Стојановска.

И Ристевски рече дека очекува голем бенефит од практичната работа. „Постојано сакам да се надоградувам во текот на моето студирање и затоа праксата многу ми значи. Стручниот тим на оваа компанија, вложи голем труд и ни пренесе вредни искуства, како едно од водечките брокерски друштва во секторот на осигурувањето.“-вели тој.

Од СН Осигурителен Брокер велат дека соработката на образовниот кадар и компаниите ги зголемува професионалните капацитети на младите, што е особено значајно на пазарот на трудот.

Министерството за надворешни работи информира дека поради големото невреме кое ја зафатило Словенија, затворени се голем број на патишта и автопатишта низ целата земја.

Ги повикуваме сите граѓани на Република Северна Македонија да ги напуштаат загрозените подрачја, особено подрачјата покрај реките. Исто така ги повикаме граѓаните кои планираат да патуваат во Словенија или транзитираат преку неа, да проверат кои патишта се слободни.

Воедно се замолуваат нашите граѓани, доколку се наоѓаат во погодените региони и имаат потреба од евентуален помош да ја контактираат Амбасадата на Северна Македонија во Љубљана, на следните телефонски броеви: +386 1 421 00 21; +386 41 544 222 или на следната е-маил адреса [email protected].

Дополнително, нашите државјани може да се обратат и до Министерството на дежурниот телефонски број +389 75 273 732 и следната е-меил адреса: [email protected].