Репертоар на театарот „Војдан Чернодрински“ – Прилеп

Во четврток 27.04.2023, со почеток од 20.00ч ќе се одигра претставата „Мистерија Буфо“.

Влезници на телефонскиот број: 076 442 378

Пратеникот и потпретседател на ВМРО-ДПМНЕ Александар Николоски се обрати пред Советот на Европа од каде истакна дека Бугарија со години одбива да ги спроведе 16-те пресудите на Европскиот суд за човекови права поврзани со Македонците во Бугарија.

-Ова е многу важен извештај. Како што јасно се вели во неговото резиме: „Оваа работа се појави во контекст на зголемената меѓусебна поврзаност помеѓу улогите на Европскиот суд за човекови права, националните уставни судови и Судот на правдата на Европската унија. Со оглед на отсуството на јасна уставна хиерархија меѓу овие јурисдикции, ние се занимаваме со еден вид „конституционализам на повеќе нивоа“.

Човековите права во Европа не се тринасочна улица, тоа е еднонасочна улица! Националните уставни судови, како и Судот на правдата на ЕУ, мора да бидат во согласност со Европскиот суд за човекови права, како најважен европски суд за заштита на човековите права. Исто така, потребни се подобрувања за да се осигура дека домашните судови соодветно се ангажираат со судската пракса на Европскиот суд за човекови права при примената на човековите права на домашно ниво – вклучително и преку тоа да се направат достапни насоките од Судот на сите јазици на Советот на Европа.

Една земја – членка – Бугарија не е посветена на своите обврски како членка на Советот на Европа. Бугарија со години одбива да ги спроведе пресудите на Европскиот суд за човекови права. Има 16 пресуди на Судот поврзани со Македонците во Бугарија кои не се спроведуваат. На Македонците им е забрането да го користат и да го учат својот мајчин јазик, ограничено им е на правото на собирање, како и учество на избори. Овие пресуди мора да се спроведат! Националниот устав и судовите на Бугарија не можат да бидат над пресудите на Европскиот суд за човекови права. Кога домашните институции не успеаја да ги заштитат човековите права на Македонците во Бугарија, тие го гледаат Стразбур како своја надеж за почитување на основните човекови права.

Во извештајот јасно е напишано дека – речиси сите земји одговориле дека нивните судови се повикуваат на Конвенцијата кога одлучуваат за прашањата за човековите права, во истата реченица во извештајот за Бугарија и неколку други земји се вели – сепак, степенот до кој Конвенцијата и/или одлуките на Европскиот суд за човекови права се почитуваат, се разликува.

Се согласувам со овие позиции во извештајот и мислам дека тие треба да бидат поцврсти во формулацијата и подиректно да бараат од земјите како Бугарија целосно да го прилагоди својот политички систем и истиот да биде во согласност со Европската конвенција за човекови права и да ги почитува човековите права на сите националните малцинства, вклучително и Македонците. Бугарите се многу гласни за случаи надвор од границите на нивната земја, но со години не спроведуваат ниту една пресуда на Судот. Ова не е прифатливо.

Целосното почитување на Конвенцијата и националниот уставен поредок не е антитетично, туку е целосно комплементарно. Собранието треба да смета дека приоритет во Советот на Европа треба да биде зајакнувањето на правниот и моралниот авторитет на Конвенцијата.

Со кампања под мотото „Денарот го славиме!“, Народна банка одбележува 31 година од монетарната самостојност, односно воведувањето на денарот како национална валута и осамостојувањето на централната банка.

– Прогласувањето на монетарната самостојност на 26 април е значаен настан за нашата држава, а воедно и значаен чекор во заокружувањето на нејзината независност. Низ годините Народната банка се градеше и се воспостави како современа, кредибилна и меѓународно призната, независна централна банка, но и како институција којашто ја поттикнува научната мисла и работа, постојаната едукација и финансиска писменост. Оттаму, во рамките на неделата на чествување ќе биде доделена и Годишната награда за млади истражувачи за најдобар труд од областа на макроекономијата и банките и банкарските системи, соопшти НБ.

За патот на креацијата и воспоставувањето на македонските книжни пари, се изработени два едукативни видеозаписа од страна на вработени во Музејот на Народната банка, Маја Хаџиманева, Ефтимија Павловска и Дијана Ванчевска. Видеозаписите, ќе бидат доставени и до училиштата ширум земјата за да послужат во натамошниот едукативен процес за нашата историја и валута.

Со цел да се споделат историскиот процес и вредностите од кои се воделе носителите на политиките при монетарното осамостојување, подготвени се видеоизјави на дел од оние кои учествувале директно во процесот на воспоставување и градењето на монетарната независност, сопствената валута, но и придонесле и придонесуваат за афирмација на Народната банка како современа и кредибилна институција. По пвод 31 година монетрана самостојност, на социјалните мережи ќе бидат објавени изјави на сите досегашни гувернери Борко Станоевски, Љубе Трпевски, Петар Гошев, Димитар Богов, Анита Ангеловска-Бежоска, на други општествени чинители како Џевдет Хајредини, Трајко Славески, Михаил Петковски, Абдулменаф Беџети, Таки Фити, Глигор Бишев, Ванчо Каргов, како и видувањата вицегувернерките Емилија Нацевска и Ана Митреска.

Во рамките на чествувањето ќе бидат објавени и документи од Архивот на Народната банка, поврзани со монетарното осамостојување, коишто имаат непроценлива историска вредност за македонската историја.

На денешен ден пред 31 година државава монетарно се остамостои и воведе сопсвена валута – денар.

„Република Македонија воведува сопствена парична единица што ќе го носи името денар и еве задоволство ми е да видите како тие парични единици се печатени“. Со овие зборови првиот премиер на државава Никола Кљусев од собраниската говорница го претстави денарот како национална валута која официјално беше воведена на 26 април 1992 година (Велигден).

Тогаш, Собранието донесе пакет закони со кои државата се осамостои монетарно. На почетокот беа воведени вредносни бонови кои ги заменија тогашните југословенски динари во однос 1:1. Замената почна на 27 април 1992 година и траеше три дена. Веќе на 29 април престанаа да важат југословенските книжни пари, а кованите пари од 1, 2 и 5 југословенски динари останаа да важат уште една година.Вредносните бонови од 25, 50, 100, 500 и 1000 имаа ист дизајн и се разликуваа само по бојата. На нив не го пишуваше името на новата национална валута. На предната страна, основниот мотив беше Македониумот, а на задната тутуноберачите.

Името денар е добиено по истоимената античка римска валута (лат. denarius), која се користела на оваа територија и во минатото. Името го има дадено академик Петар Илиевски, а како предлози во тој период биле разгледани и „македонски динар“ и „лав“. Првите денари беа пуштени во оптег следната година. Во 1993 година беше пуштена серија од банкноти во вредност од 10, 20, 50, 100 и 500 денари, а во 1996 година биле воведени и банкноти во вредност од 1000 и 5000 денари. Во 2016 година биле воведени и банкноти од 200 и 2000 денари. Истовремено, книжните пари со апоенска вредност од 5000 денари беа повлечени од оптек како последица на нејзината незначителна примена во секојдневните трансакции и намалената побарувачка од страна на банките. Во 2018 година, Народната банка, која го има правото да издава книжни и ковани пари, ги замени банкнотите од 10 и 50 денари со нови полимерни банкноти. Почнувајќи од 1996 година, НБРМ издава и јубилејни монети за колекционерски цели.

Денес, во земјава како платежно средство се користат книжни банкноти од 10, 50, 100, 200, 500, 1000 и 2000 денари и метални монети во вредност од 1,2,5,10 и 50 денари. Банкнотите од 10, 50 и 100 денари се печатени во земјава, додека банкнотите од 500, 1000 и 5000 денари (издание 1996 година), се печатени во „Thomas De La Rue“ во Лондон. Последното издание на банкнотите од 500 и 1000 денари од 2003 година е исто така изработено во TDLR. Монетите се ковани во ковалницата „Сувенир“ во Самоков и се ликовно и техничко решение на Димче Бошкоски и Снежана Атанасова, вработени во ковалницата. Македонските банкноти содржат повеќе заштитни елементи како што се воден печат, заштитен конец, инталјио печат, скриена слика, микро текст, двоен пасер и оптички променлива боја.

Триесет и една година подоцна, денарот останува стабилен и покрај низата кризи и премрежија низ кои помина државата. Првите години од монетарното осамостојување се одликуваа со хиперинфлација, рецесија, недоволно ниво на девизни резерви, макроекономска стабилност… Во октомври 1995 година беше воведена монетарната стратегија на стабилен девизен курс на денарот во однос на тогашната германска марка, а од јануари 2002 година курсот на денарот се поврзува со еврото. Монетарните политики што беа водени за време на конфликтот од 2001 година, глобалната финансиска криза од 2008 година и пандемијата на Ковид-19 не дозволија денарот да девалвира.

Од Народната банка уверуваат дека и во актуелната ситуација со војната во Украина, денарот е стабилен и во иднина ќе остане сидро на стабилност на македонската економија. Девизните резерви растат, а банкарскиот систем е стабилен, ликвиден, доволно капитализиран и може да обезбеди кредитна поддршка за економска активност.

Денеска (25.04.2023) од страна на криминалистичката полиција при СВР Битола лишен е од слобода А.Ј.(23) од Битола.

При претрес извршен со судска наредба во неговиот дом во Битола, пронајдени се и одземени марихуана и две дигитални ваги.

Лицето е приведено во полициска станица и по документирање на случајот против него ќе биде поднесена соодветна пријава.

Градот под Марковите Кули веќе една година е дом на 250 млади и талентирани личности кои работат за глобалната компанија Таскфорс која има свои кацеларии на два континенти, САД и МАКЕДОНИЈА.

На листата градови со нашиот Прилеп се и Чикаго, Ноксвил, Чарлстон, Загреб, Скопје и Битола, а тимот во Прилеп во континуитет се проширува, заради растот на комапнија, но и заради одличните услови кои ги нуди за работа. Модерни простории направени по највисоки стандарди за пријатен работен амбиент, одличен тим кој се дружи преку организирани активности, можности за кариерен раст.

Таскфорс е глобално позната компанија во светот на осигурување, здравствена заштита, финансии и логистика и сервисира големи клиенти. Со неколку канцеларии во Македонија, таа е горда што нуди модерен работен простор со одлична заедница и тимски дух за амбициозни личности кои сакаат динамична и убава канцелариска работа. Нашите канцеларии во Прилеп се одлично место за талентирани поединци од сите возрасти, а ние посветено компанијата инвестира во успехот на вработени.

„Возбудени сме што нудиме можности за вработување во областа на грижата за клиентите, во секторот на здравствена заштита и осигурувањето, а бараме и поединци кои течно зборуваат писмен и говорен англиски јазик, имаат основни компјутерски вештини и се флексибилни со работното време, кое е прилагодени на нашите американски клиенти„- истакнуваат од комапнијата.

Според TaskForce, нивниот тим е составен од 31% личности на возраст од 18-34 години, а 52% од вработените во Прилеп се на возраст од 25-34 години. Проширувањето на компанијата во Прилеп е дел од постојанатаа заложба на компанијата за раст и успех и уверена е дека зголемувањето на тимот ќе биде вредно дополнување на нејзиното портфолио.

Денес разговаравме со Кирил Илиески – ИТ сектор

Кога започна твојата кариера во Taskforce?

-Мојата кариера во Taskforce започна во септември 2021.

Дали се сеќаваш на интервјуто и што би избрал како интересен миг од истото?

-Се сеќавам на интервјуто, каде што бев прашуван за моите претходни работни искуства и како со тоа би се вклопил во компанијата,исто така при крајот на интевјуто почнавне да правиме муабет за летниот одмор каде што разменивне неколку дестинации. Како интересен миг e моментот кога ми беше поставено прашањето за моето Resume..Зошто аплицирам за позицја Insurance Specialist а моето Resume e целосно поврзано со IT светот.

Како реагираше кога ја доби информацијата дека си селектиран за работа во Taskforce и со кој прво ја сподели оваа вест ?

-Кога добив информацијата дека сум селектиран за работа во Taskforce,прво ја споделив веста со моите најблиски. Бев многу возбуден и благодарен за можноста, бев уверен дека тоа е правилниот избор.

Дали имаш хоби или некои интереси, кои влијаеле врз работата во Taskforce?

-Да, имам… работата со компјутери и се што е поврзано со нив, ме интересираат секакви новитети кои се поврзани со IT светот и сите тие нови работи сакам да ги имплементирам во секој мој работен ден. Сите овие интереси ми помагаат да го подобрам својот креативен и аналитички размислувачки процес, што има влијание врз мојата работа во Taskforce.

Дали неодамна си читал книга или гледал филм што те инспирирал да растеш како личност или професионалец на своето работно место ?

-Неодамна го гледав филмот “Сноуден” (Snowden) од 2016 година, кој многу ме инспирираше и ми помогна да растам како личност и професионалец на мое работно место. Овој филм го претставува приказната на Едвард Сноуден, бивш оперативец на Агенцијата за национална безбедност (NSA), кој го објави широко познатиот шпионски скандал на САД. Филмот ме инспирираше да размислувам за значењето на приватноста и информациите во денешното друштво,особено во ИТ индустријата. Сноуден го демонстрира важноста на интегритетот и етиката во работата, како и значењето на посветеноста кон една цел. Како ИТ професионалец, гледањето на филмот ме поттикна да размислувам за начините на кои информациите се чуваат, обработуваат и споделуваат. Исто така, филмот ме поттикна да се запрашам за нашите лични права и слободи во денешниот свет на технологијата. Со целосност, гледањето на “Сноуден” ме инспирираше да се стремам кон високите стандарди во мојата професија, вклучувајќи го почитувањето на приватноста и етиката во работата. Овој филм ми помогна да се запрашам за значењето на нашите лични права и слободa и да го зголемам својот креативен потенцијал во работатаа.

Како ги балансираш твоите лични интереси и хоби со твоите работни обврски и дали имаш совет за другите кои се обидуваат да ја најдат таа рамнотежа?

-Балансирањето на моите лични интереси и хоби со моите работни обврски е многу важно за мене. Обично поставувам рутина за своите хобија во слободното време и се обидувам да ги сработам работните обврски навреме. Мојот совет за другите е да постават реални очекувања и да поставуваат приоритети во согласност со своите цели.

Која е една работа што си ја научил надвор од работата а што си можел да ја примениш на работното место и како тоа знаење ти помогнало ?

-Една работите што научив надвор од работата е тимската работа и како да се комуницира со различни личности. Оваа вештина ми помогна во работата со различни клиенти и тимови во компанијата.

Ние во Taskforce веруваме во поддршката на личниот раст и развој на Нашите вработени.Дали постои одредена вештина или хоби со кое би сакал да се занимаваш понатаму и како може компанијата да те поддржи во тоа ?

-Би сакал да се надоградувам со потребни IT сертификати кои би биле во корист и за компанијата и лично за мене. Компанијата може да ме поддржи во ова со давање на време и материјали за учење кои се поврзани со одреден сертификат.

Што прво би купил ако добиеш пари на лото ?

-Cybertruck |Tesla

Последна дестинација каде си бил и следна локација која сакаш да ја посетиш?

-Последна дестинација каде што сум бил е во Хрватска- Lošinj. Дестинација која сакам да ја посетам следно е Фиренца.

Оние кои се заинтересирани да дознаат повеќе за TaskForce или нејзините можности за вработување во Прилеп, се охрабруваат директно да контактираат со компанијата и да ги проверат моменталните отворени позиции за работа.

На следниот линк се наоѓаат слободните работни позиции во Taskforce: https://culture.taskforcebpo.com/

На 24.04.2023 во СВР Битола, од Клиничката болница Битола било пријавено дека кај нив со тешки телесни повреди бил донесен Б.К.(33) од Крушево.

Според пријавеното, тој се здобил со повредите додека извршувал работни задачи во зграда во изградба на улица „Илија Николовски – Луј“ во Битола. Увид извршила увидна екипа на СВР Битола.

Истражувачите од Баптистичкиот универзитет во Хонг Конг открија нов вид на медуза која има 24 очи.

Научниците спуштија мрежа во езеро во Хонг Конг. Кога внимателно го погледнале уловот, пронашле суштество во облик на коцка со 24 очи!

– Научниците го анализираа уловот и открија нов вид четвртасти медузи – се наведува во истражувањето.

Новиот вид Tripedalia maipoensis има проѕирно тело со мала белузлава нијанса. Според студијата, медузата, долга околу три сантиметри, има три пипала кои се протегаат од секој агол на нејзиното тело.

– Медузата има 24 очи распоредени во сетови од шест – велат истражувачите.

На секоја страна суштеството има две поголеми очи опкружени со четири помали.

– Две очи се користат за гледање слики, додека останатите четири се користат за детектирање на светлина – се вели во соопштението на Баптистичкиот универзитет во Хонг Конг.

Градоначалникот на општина Гази Баба Бобан Стефковски ја разреши од функцијата директорката на градинката „Детска радост“ во општината Гази Баба. Тој на денешната прес-конференција рече дека веќе подолг временски период до него пристигнувале информации за незаконско работење на директорката.

Незaвисниот ревизор утврдил дека во градинката се работело спротивно на повеќе закони. Директорката купувала мебел за нејзиниот кабинет а не за децата, купувала храна за носење по работното време и го користела службеното возило за приватни цели.

„Направени се набавки каде што е надминат годишниот законски максимум за мали набавки кој изнесува до 12.000 евра во една година. Направени се трошоци за репрезентација. Сите овие средства се потрошени за угостителски услуги. Ако се видат фискалните сметки ќе се утврди дека повеќето од нив се направени по завршување на работното време и во сметките е наведено дека е нарачувано и храна за носење.

Извршена е набавка на мебел во детската градинка, но не мебел за децата, туку за кабинетот на менаџментот. Во моментот на набавката на мебелот, согласно донесениот Годишен финансиски план за тековната година не биле предвидени средства за ваква набавка. Со што исто така е направено прекршување на Законот.
Со извршениот увид во налозите за користење на патничкиот автомобил сопственост на градинката за службени дејствија е констатирано, користење на возилото за приватни цели“ изјави Стефковски.

Управниот одбор на градинката на 19.04.2023 година до градоначалникот доставил барање за разрешување на директорката. Членот 125 став 5 од Законот за Заштита на децата децидно вели: Градоначалникот е должен во рок од пет дена од денот на добивањето на предлогот од управниот одбор да го разреши директорот.

Стефковски го повика Министерството за труд и социјална политика и работа да застане на страната на законот, бидејќи, како што кажа, се друго ќе значи поддршка на утврдено незаконско работење.

На 11.05.2023г. (четврток) во ресторанот “Центар” во Прилеп, со почеток од 20часот, ќе се одржи голем хуманитарен и донаторски концерт, за доизградба на манастирскиот комплекс Св. Никола во прилепско Загорани.

На концертот ќе настапат повеќе познати имиња од македонската музичка естрада, меѓу кои: Дамјан Стојаноски, Елена Велевска, Миле Кузмановски, Оливер Лозаноски…

Цената за карта е 1100 денари по лице. Повеќе информации на флаерот во продолжение:

Митрополитот Петар во вечерашната Топ Тема најави дека името на Телевизијата, формирана од фирматa „Преобразба“, чиј сопственик е тој а која доби дозвола за работа и од 1 мај треба да почне да емитува програма во етер ќе биде „Вистел“ или вистинска телевизија.

-Нашата телевизија не е свештеничка телевизија, 50 % ќе има забавен карактер, 30% ќе има образовен и документарен карактер. Во образовниот дел имаме ли цркви, манастири кои се распаѓаат а се под заштита како споменици на културата? Треба ли да ги заштитиме, рече Митрополитот Петар.

Во однос на тоа кој ќе ја финансира неговата телевизија, Митрополитот Петар одговори остро: „Тоа да не го интересира никого, бидејќи ни мене не ме интересира, кој вас ве финансира.“

Чисти пари се, не се перени, ниту ќе дозволиме такво нешто, тврди Петар, порачувајќи повторно дека никого не треба да го интересира дали „Преобразба“ има доволно пари да ја финансира телевизијата.

-Луѓето свој леб јадат, туѓо гајле берат. Оставете го гајлето на нас, одговори Петар на прашањата кој ќе ја финансира телевизијата „Вистел“.

Тој демантираше дека телевизијата ја прави со Љупчо Палевски.

Петар демантираше дека неговата телевизија ќе се определува и ќе одработува за некого политички.

-Вистинска телевизија ќе го афирмира нашето културно и македонското богатство што го поседуваме. Кога велам македонско, не мислам само на МПЦ, туку општо македонско наследство. Пристап ќе имаат на нашата телевизија од сите народи во Македонија што се. Ќе има и политичка програма. Во смисла луѓе од политиката што ќе сакаат да гостуваат, вели владиката Петар.

Во однос на шпекулациите дека преку неговата телевизија ќе се шири про-руска пропаганда, митрополитот Петар, негираше дека тој зазема страна во конфликтот и осудува се што не е добро од која и да било страна.

Јас не знам за никаква руска агресија. Знам дека тоа е војна меѓу големите сили. Зошто и како, тоа си знаат тие.