Претседателите на државата, на Собранието и на Владата за неколку дена ќе добијат повисоки плати за околу 70 илјади денари. Платите на претседателот на Уставниот суд и потпретседателите на Собранието ќе бидат повисоки за околу 60 илјади денари, а на министрите и пратениците за околу 56 илјади, пресмета „Радио слободна Европа“.

Претседателот Пендаровски ја повика Владата преку законско решение да го регулира ова прашање. Тој смета дека е „невкусно во време на економска криза да се покачуваат платите кои се исплаќаат од државниот буџет“. Од Владата нема одговор до каде е најавеното разгледување на можностите за намалување на коефициентите за пресметка на плата.

Целата статија на Радио Слободна Европа.

Украинскиот претседател проговори за првите денови од вojната во државата – во интервју за ТВ 1+1 изјави дека носи пиштол со себе и дека бил подготвен да се бори крај во битката за Киев.

Во тоа време во градот имало неколку руски диверзантски групи кои се обиделе да се пробијат до улицата Банкова, каде што се наоѓа претседателската резиденција.

Во првите часови и денови од вojната, од главниот град на Украина дојдоа хаотични сцени од бркотници со автомобили, заседи и улични престрелки. Сето ова се одвиваше во сенка на фронтални конфликти во предградијата на Киев, Ирпин, Буча, Гостомел и Бороѓанка. Украинскиот претседател Володимир Зеленски во вчерашното интервју за ТВ 1+1 зборуваше за првите денови од вojната, кога судбината на главниот град висеше на конец.

„Можам да пукам. Можете ли да го замислите насловот: „Русите го фатија украинскиот претседател“? Тоа би било срамно“, рече тој.

„Да успеевме да стигнеме до Банкова, сега немаше да разговараме со вас. Но, никој немаше да биде фатен, бидејќи ќе се боревме до крај. До последниот. На прашањето дали има пиштол со себе и дали вежбал гаѓање, Зеленски одговорил потврдно.

„Фајзер“ и „Бионтек“ дадоа нов предлог до ЕУ во врска со прекумерните количини на вakцини против кopoнавиpyc нарачани од Брисел, според кои земјите-членки би платиле половина цена, или околу 10 евра, за секоја од 70-те милиони дози од кои ЕУ се откажува, пишува денеска во „Фајненшл тајмс“.

Дополнително, измените на договорот ќе и овозможат на ЕУ да се префрли на понови вакцини прилагодени на „сите идни варијанти на Koвид-19“, се додава во написот.

ЕУ преговара со двете фармацевтски компании за намалување на бројот на дози на вакцината што Брисел се обврза да ја купи оваа година на не повеќе од 500 милиони, за возврат ЕУ да плати повисока цена по доза.

Разговорите доаѓаат во време кога Европската унија планира да ги разгледа законите кои ја регулираат фармацевтската индустрија вредна 148 милијарди долари. ЕУ се надева дека новата легислатива ќе може да ги оживее инвестициите и да го прошири пристапот до евтини лекови поради здравствените буџети на земјите-членки исцрпени од пандемијата. Засега нема конетар од Фајзер.

Машката ракометната репрезентација на Македонија денес го игра последниот натпревар од квалификациите за следното Европско првенство, кое што во јануари 2024 година ќе се игра во Германија.

Завесата од групата 1 ќе биде спуштена во Скопје, каде во салата „Борис Трајковски“ на нашите најдобри ракометари ќе и гостува селекцијата на Турција.

Македонија веќе го обезбеди својот пласман на континенталниот собир, но тоа не значи дека вечерашната средба е без резултатски притисок.

Момците на Кирил Лазаров ќе атакуваат на победа, која што ќе им го потврди второто место во групата кое носи пласман во третиот шешир за ждрепката што ќе се одржи на 10 мај.

Овој натпревар ќе биде посебен за еден од нашите најстандардни и долгогодишни репрезентативци. Гоце Георгиевски вечерва за последен пат ќе го носи дресот на Македонија и заминува во заслужена репрезентативна пензија.

Ракометарот на Вардар долги години беше незаменлив на десната крилна позиција, која сега ќе има ја отстапи на своите помлади колеги.

Во текот на денешниот ден (29.04.2023)во период од 12.00-18.00 часот спроведена е локална акциска контрола на територијата на Битола за санкционирање на прекршоци што ги прават возачите на мотоцикли, при што санкционирани се 18 возачи.

Од нив, 13 возачи не користеле заштитна кацига за време на возење, четворица возеле без возачка дозвола, еден нерегистриран…. За време на контролата санкционирани се и други видови на сообраќајни прекршоци.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Времето денеска ќе биде сончево со мала до умерена облачност и релативно топло. Во попладневните часови ќе има локална појава на пороен дожд со грмежи.

Максималната температура ќе биде во интервал од 18 до 24 степени.

Во Скопје сончево со мала до умерена облачност. Попладне во делови од котлината ќе има услови за слаб краткотраен дожд и појава на ретки грмежи. Максималната температура ќе достигне до 22 степена.

Според прогнозата на УХМР, во наредните денови во попладневните часови на места ќе има повремени врнежи од дожд.

Зоран Митрески од Прилеп, бизнисмен, кој важи за еден од најпознатите стопанственици кои се занимаваат со поставување на соларни панели за производство на електрична енергија, на Фејсбук напиша дека во „Десперадото за изведба на фотонапонски системи“ се случуваат фатални последици, и токму поради нестручност и брзање изгоре и фабриката за детска облека „Тила“.

Неговиот Фејсбук статус во целост го пренесуваме во продолжение: