„После неколку дена откако упатив јавна порака до Димитар Ковачевски да дебатираме за договорот за градба на делови од Коридорот 8 и 10 Д со кој сопствената држава јасно ја ставија во подредена позиција, оттаму добив целосен молк. Бега од народот на избори, бега од мене пред јавноста да се соочи за договорот од неколку милијарди евра кој тој го договори. Бега не само затоа што е кукавица, туку затоа што нема одговори за тоа дека како премиер доброволно прифати работниците од својата држава да работат повеќе часови за да се полнат џебовите на надзорот, премиер кој се согласил легалните и дивите објекти подеднакво да се обештетуваат, законите од правниот систем по кој тој работи да се суспендираат, премиер кој плаќа стотици милиони евра за аванси и пенали на приватна компанија која ја договори без тендер и во 4 очи. Еве на ова нема одговор“, истакна претседателот на ВМРО-ДПМНЕ, Христијан Мицкоски.

Мицкоски додаде Ковачевски да не се плаши од соочување, порано или подоцна ќе се случи тоа.

„Еве ќе му дадам уште една можност, уште една предност, на таа дебата нека го донесе и вистинскиот премиер Али Ахмети, и било кој министер кој смета дека му е потребен. Јас сам ќе дојдам, тој ако му е страв сам, нека дојде со цела влада. Но, важно е да дојде на дебата за да види народот кој што крие и кој е во право. Како беше она? Стани Ковачевски не се криј во глувчешка дупка, прифати дебата. На медиум кој ти сакаш, со цела влада која ти ја сакаш. Стани да те види цела јавност како се краде Македонија. Каков срам и тешка судбина им носите на сите кои живеат во оваа наша Македонија“, рече Мицкоски.

Тој посочи дека и врвот на хипокризијата е што ставаат и европски знаменца на законите за градба на овие делови од коридорите. Значи решија и да крадат во име на ЕУ. Додека полнат џебови јавноста да мисли дека тоа има врска со европската интеграција на Македонија. Европска вредност ли е работниците да ги тераат на повеќечасовна од со закон дозволена работна недела и со Устав потврдена. Европска вредност ли е да плаќаат стотици милиони евра пенали и аванси на уште не фрлена лопата. И ова е класичен, многу точен пример за тоа како ја злоупотребуваат Европската Унија.

„Треба да има одговорност и нема да се смирам додека нема правда за неправедниците за оние кои ја пијат крвта на народот и се збогатуваат на неговата мака“, порача Мицкоски.

На 06.05.2023 во Прилеп биле пронајдени М.Б.(12) и Р.В (9), за кои нивната мајка С.Д.(38) од Велес, со престој во Кичево, на 03.05.2023 во Полициската станица Кичево пријави дека се оддалечиле од домот.

Децата биле предадени на нивната мајка – информираат од ОВР Прилеп.

Еден од најдобрите македонски кошаркари на сите времиња, Перо Блажевски, денеска е во Прилеп, каде ја предводи екипата на КК Маџари во плеј-оф дуелот за пласман во Втора лига со прилепската кошаркарска екипа Мега Баскет.

Блажевски е еден од кошаркарите со најголем број настапи за репрезентацијата на Македонија, а беше стрелец на победничките поени за МЗТ Скопје во историскиот триумф над Реал Мадрид во 1996 година.

Како тренер работеше во Работнички, МЗТ Скопје, Кожув, а оваа сезона своето огромно знаење и искуство го стави во служба на КК Маџари.

Мега Баскет и Маџари ги победија двата четвртфинални дуели од плеј-оф разигрувањето, па сега меѓусебе одлучуваат кој ќе патува во повисок ранг на натпреварување.

Околу десетина пораки пристигнале на новата електронска адреса на Министерството за образование кои се однесуваат на врсничко насилство. Во соопштението е наведено дека дел од пораките се однесувале и на проблеми со поранешни професори и сугестии како да се превенира и намали насилството меѓу децата и младите од училишна возраст.

„Секоја пријава ќе се истражи и ќе се преземат соодветни мерки“, соопштија од МОН.

Министерството за образование и наука ќе и предложи на Владата итна проценка на состојбите и безбедносните ризици, со цел намалување на сите можни ризици и закани за безбедноста на учениците и наставниците во училишна средина.

Министерството веќе изработува протоколи и насоки за стручните служби на училиштата и наставниците, поврзани со употребата на социјалните мрежи во училишна средина.

Причина за тоа се случувањата во соседна Србија со цел намалување на сите можни ризици и закани за безбедноста на учениците и наставниците во училишна средина, информираше вчера Министерот за образование Јетон Шаќири.

Во средата 13-годишен ученик од основното училиште „Владислав Рибникар“ во Белград уби осум ученици и еден работник од обезбедувањето во тоа училиште, а повреди уште шест ученици и еден наставник.

Во селата кај Младеновац, 21-годишен маж во петокот уби осум лица, а повреди 14. Во меѓувреме денеска во Белград е приведена малолетничка која на ТикТок објавила видео во кое се потсмева со жртвите од основното училиште „ Владислав Рибникар“ во Врачар.

Tри девојки од Боречкиот клуб “7-ми Мај Златна рака” од Прилеп, ја претставуваат Македонија на Балканското првенство за кадети кое се одржува во Сер, Грција.

Откако вчера Ангела Трајкоска со неколку победи и еден пораз за Прилеп освои бронзен медал, денеска во категорија до 40кг, таа се закити со злато, а друштво и праеше Елена Дејкоска, која го освои третото место во категорија до 43кг.

Третата девојка, Тамара Цветкоска, за жал загуби во борбата за трето место. Честитки за освоените медали и желби за уште поголеми успеси во иднина. БК “7-ми Мај Златна рака” уште еднаш покажа дека е вистински спортски амбасадор на Прилеп и Македонија.

На 25 и 26. 04. 2023 год. во просториите на ФИНКИ во Скопје, се реализира 26-тата Македонска олимпијада по информатика. Натпреварувачите се натпреваруваа во два дена.

Гимназијалецот Благој Рујаноски Стојановски освои сребрен медал, а Михаил Живковиќ доби пофалница за успешно учество.

Ментор на учениците им е профeсорката Анета Стојческа.

Со постигнатиот резултат, гимназијалците ја продолжуваат традицијата на постигнување на високи успеси по информатика.

Чкембари веќе ја слават титулата во ракометната Супер лига, откако вечерва нивниот миленик Еурофарм Пелистер го совлада Вардар со резлутат 26:23 и на две кола до крајот од сезоната има предност од 3 бода.

Вечерва во Битола ќе се слави до доцна во ноќта, а има и зошто! Битолчани се на прагот на освојување на првата ракометна титула после сезоната 2004/05.

Погледнете дел од атмосферата: