Александар Волканоски, Австралиецот со македонско потекло, по петти пат ја одбрани титулата во лесна категорија во УФЦ, совладувајќи го Мексиканецот Јаир Родригез.

До победата Волканоски дојде преку нокаут во четвртата рунда и сега има скор од 26 победи и само 2 порази во кариерата.

Со тоа тој само го потврди статусот легенда во УФЦ.

#ufc290 is fck amazing
One of the best cards in the last time.
And yeah #Volkanovski is from another planet.
Next level!! pic.twitter.com/apo025THSG

— P.P (@djapesamodjape) July 9, 2023

На просечно македонско семејство му биле потребни 48.543 денари, или 790 евра за „крпење“ на минималните животни потреби во јуни, покажуваат редовните месечни пресметки што ги прави Сојузот на синдикатите на Македонија.

Притоа, забележано е мало намалување на вредноста на синдикалната кошничка во однос на мај, кога изнесуваше 49.025 денари. Сепак, нагласуваат од ССМ, во јуни има раст на трошоците за храна и пијалоци, за што биле потребни минимум 19.805 денари.

Понатаму, за покривање на режиските трошоци се пресметани 13.416 денари, додека за превоз најмалку 3.720 денари, а за хигиена 3.252 денари.

Германија планира на претстојниот самит на НАТО во Вилнус на 11 и 12 јули да инсистира Украина да не добие членство во НАТО, пишува британскиот весник „Телеграф“, повикувајќи се на извор од Алијансата.

Истиот извор наведува дека Берлин планира да побара од останатите членки на НАТО да се фокусираат на безбедносните гаранции за Киев, а не на членството, за да се избегне ризикот од влегување во конфликт со Русија.

Според „Телеграф“, Америка, Британија и ЕУ во моментов работат на „Букурешт плус“, серија билатерални безбедносни понуди за Киев, наместо членство во Алијансата.

„Поединечните понуди за безбедносни гаранции за Киев потоа ќе бидат измешани со договор како чадор или „Меморандум за разбирање“ прифатен од НАТО и ЕУ“, пишува весникот и наведува дека тоа ќе биде „најдобрата понуда“ за Киев.

На 07.07.2023 во 16.46 часот во СВР Битола било пријавено дека во отворениот Олимписки базен во Битола се удавил С.С.(22) од Шпанија.

Смрт констатирал лекар, а увид на местото извршила екипа од СВР Битола.

По наредба на јавен обвинител телото е предадено на обдукција – информираат од СВР Битола.

Уставните измени наскоро во собраниска процедура, Референдум за Иловица, нов Организациски секретар на СДСМ.

Денеска се одржа седница на Централниот одбор на СДСМ, онлајн, преку дигитална платформа. Членовите на Централниот одбор дискутираа за повеќе актуелни теми и се донесоа повеќе одлуки и заклучоци.

1.Беше оценето дека скрининг процесот во рамки на преговорите со ЕУ се одвива добро и наскоро ќе финишира успешно. Владата предводена од СДСМ, заедно со коалициските партии останува посветена на реформите потребни за продолжување на европскиот пат на земјата и остварување на стратешката цел, членство во ЕУ.

Европската интеграција на земјата треба да биде обврска на секоја политичка партија. Затоа сите релевантни парламентарни партии и сите пратеници коишто иднината на земјата ја гледаат како полноправна земја членка на ЕУ треба да ги поддржат уставните измени.

Во наредните 2 недели, амандманите на Уставот ќе бидат разгледани од страна на Владата и јавно објавени. Потоа што ќе бидат доставени до Собранието по што ќе следи и процес на дискусија согласно собраниската процедура.

2.По спроведените економски мерки како одговор на глобалната економска и енергетска криза, македонската економија продолжува да расте во позитива, економската активност се зголемува, инфлацијата бележи константно намалување со месеци и веќе е сведена на едноцифрени 9%.

Ова се охрабрувачки податоци и потврда за успешност на економските политики на Владата предводена од СДСМ и Димитар Ковачевски.

До крајот на годината очекуваме овој тренд да продолжи, економијата да продолжи да расте, да остане трендот на зголемување на инвестициите, новите работни места и платите.

3. СДСМ го реафирмираше ставот на партијата даден пред граѓаните на Босилово, Василево и Ново Село, во однос на постапката за отворање на рудник во Иловица, започната од Владата на Никола Груевски и ДПМНЕ, во време кога Мицкоски беше негов советник.

Без консултација и одобрение од граѓаните, од локалното население, без запазување на целата постапка и без исполнување на сите стандарди за животна средина согласно постојното законодавство, усогласено со европското, нема да се даде дозвола за отворање на рудник.

Оттука, ставот на СДСМ е дека само граѓаните на југо-источниот плански регион, во општините Струмица, Босилово, Василево и Ново Село, можат да одлучат и треба на референдум да се произнесат за ова важно прашање.

Заштитата на животната средна, здравјето на луѓето и развојот на земјоделието се приоритети на СДСМ.

4.По предлог на генералниот секретар Миле Зечевиќ Вардарски, за нов Организациски секретар на партијата членовите на ЦО едногласно го избра Митко Трајчулески.

Трајчулески е Магистер по меѓународна политика и дипломатија, има 43 години, член е на СДСМ од 1996 година и има долгогодишно работно, професионално и партиско искуство. Претседател е на партиската Комисија за транспорт и врски на СДСМ. Моментално ја извршува функцијата Државен секретар во Министерството за транспорт и врски, бил поранешен Шеф на Кабинет во министерството, за време на професионална кариера работел во Секретаријатот за Европски прашања во Сектор за подготовка на националната верзија на правото на ЕУ.

Централниот одбор и раководството на партијата му се заблагодари на досегашниот организациски секретар, Вангел Андрески, за досегашниот ангажман и даден придонес.

Изборот на нов Организациски секретар на СДСМ доаѓа откако Андрески поднесе оставка на оваа позиција поради нов професионален ангажман во ново основаното општинското претпријатие, ДОЕЕЛ Енергија Центар.

Центар за комуникации со јавноста на СДСМ

Пациентот Игор Пехчевски кој боледува од цистична фиброза, а за кој министерот за здравство Фатмир Меџити во интервју за „Макфакс“ кажа дека правел шоу сликајќи се во болница со транспарент преку кој бара лек, им порача на институциите: „Нема и не ви дозволувам да ме умрете млад“. Пациентот побара јавно извинување од Меџити, но досега не го доби. Побара и итна набавка на лекот „трикафта“ кој исто така не го доби.

„И покрај потешкотиите со болеста што ја имам, нема да се предадам ни на болеста ни на вас. Дај Боже вие министер Фатмир Меџити да го доживеете истото шоу, на вас и на вашите најблиски. Да молиш за лек, а да нема воопшто лек. Па да видиш што е болка“, напиша Пехчевски.

Министерот за здравство, Фатмир Меџити не признаваше дека нема „трикафта“ за сите пациенти со цистична фиброза. Тој тврдеше дека дури сега се финализира протоколот кој ќе треба да покаже кои пациенти ќе треба да го примаат овој лек кој го стопира прогресирањето на болеста. Зборуваше и за случајот на пациентот Игор Пехчевски кој постојано бара терапија со „трикафта“, кого го обвини дека правел шоу.

Со првата правосилна пресуда, изречена за кое било дело, судот мора да го засмета во изречената казна затвор дотогаш одредениот притвор, односно куќниот притвор и неговото времетраење, вели во изјавата за МКД.мк академикот Владо Камбовски, професор по кривично право, за случајот со затворската казна за Миле Јанакиески во случајот Титаник.

Научното толкување на законите е важен и значаен прилог кон правилната примена на законите и во сушинска смисла влијае врз нивното толкување од страна на судовите, особено кога се работи за комплексни случаи, вели Камбовски во писмената изјава која ја пренесуваме во целост.

„Во случајот на Јанакиевски се битни две клучни околности од кое треба да се води системското и телеолошкото толкување на одредбите од Кривичниот законик за казната и засметувањето на притворот во изречената казна, во светлина на одредбите и на Законот за кривичната постапка.

Целиот текст прочитајте го ТУКА

На 08.07.2023 во 01.55 часот во СВР Битола е пријавено дека на пат А-3 Прилеп-Ресен, во близина на место викано „Петилеп“, патничко возило удрило во пешакот А.А.(43) од Прилеп и го напуштило местото. По несреќата пешакот А.А. бил пренесен во Клиничка болница Битола, каде му биле констатирани тешки телесни повреди.

За случајот е известен Јавен обвинител, а увид на местото на несреќата извршила екипа од СВР Битола – информираат од СВР Битола.

Денеска (07.07.2023) во периодот од 15.00 до 21.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 109 возачи.

Од вкупно 109 возачи, 43 возачи ја пречекориле брзината во населено место, а 66 надвор од населено место. На сите прекршители изготвени им се соодветни поднесоци.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Новинарот oд Прилеп, Сунаи Сабриоски, упати жестока критика кон министерот за здравство Меџити, кој деновиве го нарече шоумен младиот пациент Игор Пехчевски, кој боледува од цистична фиброза.

– Министре Меџити па имате ли образ? Ако Пехчевски, пациент со цистична фиброза, е шоумен прашањето ми е кој тоа го доведе Пехчевски да се претвори според вас во шоумен? Министре Меџити, дали пациентите со ЦФ кои неколкупати протестираа се исто така според вас шоумени и дали на тие протести како и тој на Пехчевски гледате како на приредено шоу во кое пациентите молат за лек кој постои? Министре, добивте 78% покачена плата и фотелја, наместо да етикетирате пациенти седнете запотете ја таа удобна фотелја и дајте им го на овие пациенти тоа што го бараат за да продолжат да живеат! Какво недолично и ниско однесување во отсуство на конкретни одговори, вели новинарот во својата фејсбук објава.

– Кога не ви одговараат новинарите ги ставате во кош на манипулативни и дрски, во недостиг на одговор фрлате камења со кои самите може да се погодите, ама како ќе се погодите кога сте презаштитени. Крајно одвратно е да се каже за било кој пациент, во случајов Игор Пехчевски дека правел шоу преку медиумите за јавноста! Од тоа, според вас шоу на Пехчевски, голем дел од јавноста дозна за проблемите на овие пациенти, транспарентот на Пехчевски „САКАМЕ ТРИКАФТА“ беше одраз на неспособноста на севкупниот систем да им се даде тоа што впрочем го заслужуваат! Покрај тоа шоу за кое велите дека го приредил пациентот Пехчевски во февруари дознавме и за Благојче кој не напушти чекајќи да го дочека лекот! Ништо не добивате ако фрлате камења по овие пациенти, седнете и скратете си од удобноста и комфорот бидејќи Игор и останатите пациенти со ЦФ немало да се тоа што вие велите шоу за јавноста ако им биде дадено тоа што впрочем постои а е лек! Најмалку што можете е да им се извините на пациентите со цистична фиброза, за другото јавноста ќе ви пресуди! Министре размислете дека и вие и јас утре може да се претвориме, според вас, во шоумени и да молиме за помош и лек преку медиумите ама со кој образ ќе го направиме министре тоа ако претходно не сме помогнале на тие кои имале потреба од вас како министер и од нас како новинари? Борбата на Пехчевски е одраз на ова загноено општество потонато во комфор! – вели новинарот во својата реакција кон министерот за здравство.