На ден 13.05.2023 во Скопје се одржа Вториот меѓународен турнир во џудо “Скопје Опен” – 2023. На овој турнир учество зедоа околу 250 џудисти од 25 клубови од 8 држави: Албанија, Бугарија, Црна Гора, Косово, Македонија, Србија, Грција и Молдавија.
Џудо клубот Сеишин-Прилеп на овие првенства зеде учество со 25 џудисти, а освоени 19 медали (4 златни, 7 сребрени и 8 бронзени).

Резултати поединечно:

Помлади Пионери-ки:

1. Софија Ѓорѓиоска 1 во место
2. Јана Ангелевски 1 во место
3. Матеја Николоска 2 ро место
4. Илиоски Димитар 2 ро место
5. Марио Конески 2 ро место
6. Владан Стрезовски 3 то место
7. Ване Ацески 3 то место
8. Ангел Стојовски 3 то место
9. Марко Марковски 3 то место

Пионери-ки:

10. Тамара Илиоска 2 ро место
11.Теодора Илиоска 3 то место
12. Немања Џагадуроски 2 ро место
13. Марко Ацески 2 ро место
14. Благојче Мантароски 3 то место

Кадети-ки:

15. Теа Настоска 1 во место
16. Никола Магдески 1во место
17. Михаил Стојановски 2 ро место
18. Јован Стојановски 3 то место
19. Борис Џагадуроски 3 то место

Одлични борби прикажаа и Теона Настоска, Мартин Петкоски и Михаил Димоски кај кадетите, Дарио Нанески кај Пионерите, Марко Тошески и Андреа Кнежевски кај помладите пионери, кои не успеаја да изборат место на пиедесталот.

Екипата ја предводеа тренерите: Марио Тошески, Мартин Ристески и Дејан Мицкоски. ЏК Сеишин-Прилеп во наредниот период продолжува со настапи на меѓународни турнири и првенства.

Во текот на изминатата вечер (13/14.05.2023), во периодот од 22.00 до 04.00 часот, на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 27 возачи. Од нив по 5 на територија на Битола и на Македонски Брод, 6 во Прилеп, 7 во Ресен и 4 во Демир Хисар. За време на контролата биле санкционирани и 15 други видови прекршоци.

Акциските контроли продолжуваат и во наредните денови. Апелираме до граѓаните да ги почитуваат сообраќајните правила и прописи, заеднички да придонесеме за поголема безбедност во сообраќајот.

На 12.05.2023 во 17.00 часот во ОВР Прилеп, М.Р.(32) од Р.Албанија, а со престој во с.Бучин пријавила дека околу 13.45 часот во автобус кој сообраќал во Прилеп, била физички нападната од Ш.Б. од с.Бела Црква.

На 12.05.2023 во 15.00 часот во Полициска станица Македонски Брод, Т.Д.(56) од Прилеп пријавил дека околу 02.30 часот на место викано ,,Доголеде“, атар на с. Слатина, Македонски Брод, бил физички нападнат од Г.С. од с. Грешница и уште едно лице.

Се преземаат мерки за расчистување на двата случаи – информираат од МВР.

По завршувањето на куп финалето меѓу Вардар и Еурофарм Пелистер се случи инцидент. Во една мешаница припадник на полицијата од Охрид со пендрак го удри играчот на Вардар Филип Талески по главата.

Македонскиот репрезентативец тргна да се пресмета, но беше спречен од соиграчите.

Во тој момент некој извика – „што правиш бе будала еден“, по што полицаецот се повлече.

https://fb.watch/kvJkwbB1sn/?mibextid=Nif5oz

Екипата на Мега Баскет од Прилеп е нов кошаркарски второлигаш, откако вечерва по втор пат го совладаа Маџари, кој е предводен од легендата на македонската кошарка, Перо Блажески.

По високата победа во Скопје, прилепчани вечерва забележаа нов триумф вечерва пред својата публика и први стигнаа до две победи во плеј-офф серијата за пласман во повисок ранг.

Крајниот резултат на семафорот беше 78:66 (46:31 на полувремето). Со ова младата екипа на Мега баскет ја оствари својата цел и наредната година ќе игра во далеку поквалитетно натпреварување.

Прилеп треба да слави, Прилеп треба да биде горд на овие дечки! Прилеп заслужува квалитетна кошарка!

Во текот на денешниот ден (13.05.2023) во периодот од 12.00 до 18.00 часот спроведена е акциска контрола на територијата на СВР Битола за санкционирање на прекршоци што ги прават возачите на мотоцикли, при што санкционирани се 12 возачи.

Од нив, 4 возачи не користеле заштитна кацига за време на возење, 3 возеле без возачка дозвола, 3 мопеди биле нерегистрирани, еден возач бил под дејство на алкохол… За време на контролата санкционирани се и други видови на сообраќајни прекршоци.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

По вчерашната помпезна најава за почеток на градежните работи за изградбата на контроверзната автопатската делница Прилеп-Битола од Коридорот 10д, денеска сосема спротивна слика. Овде, активностите како да се одвиваат со брзина на желка. На локацијата од каде Владата вчера го означи стартот на се’ уште непостоечкиот автопат, бидејќи нема ниту конечен проект, ниту означена траса, ниту пак се знае до каде е експропријацијата на земјиштето во плодната Пелагонија, утринава беше празно – објави “АЛФА ТВ”

За волја на вистината, нешто подалеку од вчерашната локација, на едната страна, среде нива, имаше паркирано багер, а на сосема спротивната пак, во непосредна близина на фабриката Гентерм, имаше и некаква механизација и неколкумина работници. Која и каква беше нивната улога, не успеавме да дознаеме.

Инаку, како што веќе е познато, вчера, со откривањето на фамозната табла и со кревање на зелено знаменце, премиерот Ковачевски даде знак за стартување со работа на градежната механизација. Ама, механизацијата по само два часа беше повлечена од „градилиштето“. Најодговорниот пак, за овој таканаречен национален стратешки проект, првиот вице-премиер Артан Груби, порача дека овој проект сега немало никој да го запре и дека оваа иста Влада ќе била онаа која што по пет години ќе ги пресече лентите за пуштање во употреба на овој Коридор.

„Овој проект продолжува и сите влади, а следната Влада секако ќе биде истата која што е и оваа денес, ќе го заврши овој проект, ќе ги пресече лентите и сите граѓани ќе се возат по нив. Така како што демонстриравме дека е дојден крај на заложништвото и блокадата, така од денес, при изградба на вакви инфраструктурни проекти, најголеми во историјата на нашата земја, упатувам порака дека е дојдено време од денес да ставиме стоп, крај и на блокадата на нашето европско интегрирање“, кажа Артан Груби, прв вицепремиер.

Наспроти ова пак, веќе неколку дена од Европската канцеларија во земјава отврено реагираат за обидите на оваа власт со злоупотребата на европското знаменце да ги протурка измените на законите, поврзани со овој, по многу нешта скандалозен и контроверезен проект, притоа изарзувајќи и силна загриженост, што може негативно да се одрази и на нашиот пат кон ЕУ.

Инаку, автопатската делница од Коридорот 10д треба да биде готова за 57 месеци и според пресметките, за 39,3-те километри, по цена на чинење од 12 милиони евра од километар, таа би чинела околу 472 милиони евра.

Каролина Дурло

Од годишниот завршен концерт на Државното музичко училиште од Битола. Настап на двајцата млади виртуози од Прилеп, Арсениј Ангелески на пијано и Леонардо Димоски на виолина.

Двајцата се едни од најнаградуваните ученици на сите домашни и меѓународни натпревари. Затоа уживајте!

По вселенската глупост на заменик-министерката за правда од СДСМ, Викторија Аврамовска-Мадиќ, која ги спомна и Егејците за вклучување во Уставот покрај Бугарите, „бисер“ и од устата на нејзиниот сопартиец и пратеник Мартин Костовски во Комисијата за европски прашања, кадешто Прилеп го смести во – Полог?!

Дај бе нека му каже некој дека Прилеп е у Пелагонија, а не у Полог??? pic.twitter.com/rV46pgVDoW

— Brane Petrushevski (@belichMacedonia) May 12, 2023

На 07.05. во промотивниот центар на Саемот на книгата, во спортскиот центар „Борис Трајковски“, книгоиздателството „Бата прес“ беше промовирана книгата „Добрите девојки се враќаат дома пред полноќ“ од младата писателка Лина Димоска од Прилеп.

Оваа книга е новела за обидот на младата хероина да се соочи со минатото и траумите од детството, да ја открие слободата и да ги улови можностите за да има еден поинаков и поубав живот.

Анисија е млада девојка од мал град, полн со предрасуди. По смртта на нејзиниот татко, одлучува да започне со психотерапија, но на една од сеансите со психологот се отвара ново поглавје од минатото на Анисија – врсничкото насилство што го преживувала додека била тинејџерка.

Има само еден вистински пријател, Емил, кој е заедно со неа во сите предизвици со кои таа треба да се соочи. Анисија е реален лик. Делото е само мал исечок за тоа низ што сѐ поминуваат и со какви предизвици се соочуваат жртвите на врсничко насилство.

Лина Димоска е родена во 1995 година во Прилеп. Основно и средно училиште завршува во Прилеп. Дипломирала на Економскиот факулетет во Прилеп.

Ова е прв роман на Лина Димоска, има освојувано награди за ораторство и литературно творештво, а нејзини творби се објавени во „Зборникот на прилепски автори“.