Воспитувачите во центарот за деца Royal Kids House од Прилеп, освен знаење од различни области, постојано ги учат најмалите на добрите животни навики и морални вредности, а тоа се: правење добри дела, хуманост и ширење радост и среќа.

Една таква убава активност имаа деновиве во паркот кај судот, каде дечињата со нивните наставнички го поставија досега најубавиот штанд кој сте го виделе.

Се продаваа лимонада и колачи по симбилична цена, а детските насмевки и љубов ги примамија сите минувачи.

-Добрите дела се повеќе од неопходни за денешното брзо живеење. Добрите дела не исполнуваат и инспирираат на секој чекор. Споделувањето љубов и внимание ги прави сите во околината среќни, а нас самите уште посреќни. Довербата и зачетокот кон градење подобро човештво и подобри луѓе започнува од мали нозе. Денес ја разбудивме хуманоста и им дадовме пример на децата. Моралните вредности пред се – напишаа од Royal Kids House на нивната Фејсубк страна.

СВР Охрид поднесе кривична пријава против Б.К.(56) од Прилеп, поради постоење основано сомнение за сторено кривично дело „ширење расистички и ксенофобичен материјал по пат на компјутерски систем“.

Тој, на објава на еден портал на социјалната мрежа Фејсбук, напишал коментар со недолична содржина со кој ширел говор на омраза – информираат од МВР.

Во текот на денешниот ден (17.08.2023) во период од 15.00-20.00 часот на подрачје на Прилеп спроведена е локална акциска контрола за санкционирање на прекршоци што ги прават возачите на мотоцикли, при што санкционирани се 19 возачи.

На сите прекршители изготвени им се соодветни поднесоци и ќе се соочат со законски предвидените глоби.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта – информираат од МВР.

Маркукуле преку својата ФБ фан страна пред 2 дена спроведе анкета со прашање: Дали полицијата треба да патролира во секое маало и да го санкционира дивеењето со моторцикли низ улиците, особено во доцните вечер часови, кога се создава огромна бука, пред се од малолетници на веспи? Голем број граѓани го изразија својот револт и побараа полицијата да ги засили контролите.

https://www.facebook.com/photo?fbid=691808259642897&set=a.559920129498378

Македонските православните верници во Италија кои се крстени или венчани од струмичкиот свештеник Боро Милчев се изманипулирани, информираат од МПЦ-ОА. Тие потсетуваат дека свештеникот бил расчинет уште во 2021 година, а дека во меѓувреме пред Македонците во Италија се претставувал дека е расчинет само од Струмичката епархија, но дека служи со „благослов“ на самиот Архиепископ.

Ги информираме излажаните верници да го контактираат единствениот канонски свештеник на МПЦ – ОА во Пјаченца, отец Климент Мишањ, или пак, во епархиите на МПЦ – ОА во нашата татковина од каде што потекнуваат, да се крстат и венчаат во Православната Црква, оти не може во име на Црквата да прави ништо оној што отпаднал и е надвор од Црквата, како што е Боро Милчев. А, што се однесува до оние што свесно го креираат тоа расколничко дувло и го потпомагаат овој расколник, по соодветниот допис од Европската православна епархија на МПЦ – ОА, во нашата Црква ќе бидат третирани исто како и расчинетиот Боро Милчев, сѐ додека не се покајат и вратат во послушание кон МПЦ – ОА.

МПЦ уште еднаш ја објави одлуката и решението за расчинување на Милчев потенцирајќи дека се што направил тој во меѓувреме нема легитимност од Црквата односно децата што ги крстел остануваат некрстени, а венчаните остануваат невенчани.

Под влијание на топла воздушна маса, во следните денови времето ќе биде многу топло. Дневната температура во најголем дел од земјава ќе надминува 35 степени, соопшти УХМР.

Утринските температури ќе бидаат во интервал од 13 до 24, а максималните дневни ќе достигнат до 39 степени.

Изолирана појава на пороен дожд и грмежи ќе има утре претежно во западните делови во попладневните часови и во сабота од средината на денот. Во недела и понеделник особено долж Повардарието ќе засилува северен ветер.

На 16.08.2023 околу 17.00 часот и во 18.20 часот, по преземени мерки и активности, во близина на с.Плетвар и во с.Ропотово, прилепско, полициски службеници од ОВР Прилеп и Полициското одделение Ропотово пронашле осум кубни метри бесправно исеченo огревно дрво.

Дрвото било предадено на Јавното претпријатие „Национални шуми“ за понатамошна постапка.

Се преземаат мерки за расчистување на случајот – стои во соопштението од ОВР Прилеп.

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

Во некои места било обичај на Преображение жени и девојки да станат пред сонце и „малку да поработат од секоја женска работа“, бидејќи се верувало дека Бог ги преобрати (преобрази)да бидат вредни, а после не работат ништо цел ден.

Министерката за труд и социјална политика не даде надеж за линеарно зголемување на пензиите и покачување на минималната пензија, како што бараат пензионерите преку протести. Минималната пензија од септември ќе изнесува 13.300 денари, најави таа.

Таа очекува до крајот на годинава да се најде соодветно решение како да се определи минималната пензија која би била над прагот на сиромаштија. Таа додава дека барањето на пензионерите за минимална пензија од 18.000 денари е многу нереално, бидејќи во државата минималната плата е 20.000. Ова може да го оптовари пензискиот фонд и по неколку месеци да нема пари за исплата на пензиите за 330 илјади пензионери.

Во меѓувреме, пензионери од цела држава пред два дена протестираа во Скопје. Главните барања се минимална пензија од 18.000 денари и Владата да им ги зголеми пензиите линеарно за 3.500 денари.

Министерството за труд и социјална политика денеска до Уставниот суд ќе поднесе иницијатива за прашањето за линеарното зголемување на пензиите, а врз основа на мислењето добиено од работната група што ќе се формира ќе се донесат конкретни одлуки и политики. Во него се додава дека е неправедно да се поистоветуваат луѓето кои имаат 15 години работен стаж и оние кои имаат 40 години работен стаж.

Престојниот викенд, на 19 и 20 август, во Крушево по деветти пат ќе се одржи фестивалот на отворено „Крушево низ корија“, кој во своите содржини ќе опфати: кампување на Мечкин камен со сите придружни содржини: планински велосипедизам, планинарска тура низ крушевската корија, тандем летови со параглајдер, дегустација на крушевски специјалитети подготвени од здружението “Крушевска жена”, како и голема журка во Крушевската корија, низ која ќе не’ водат DJ SLAVE и ROOTBOY SELECTOR.

Фестивалот е во организација на Форумот за Авангардна Креативност (ФАК) од Прилеп во соработка со Општина Крушево.

Велосипедската тура ќе се вози на 20.08. (недела) на три патеки:

Мала МТБ тура „Крушево низ корија„ – Турата е со должина од 15км и елевација од околу 300 метри…. категоризирана е како лесна тура за лица со нормална физичка подготвеност, препорачлива за секој рекреативец.

Средна МТБ тура „Крушево низ корија“ – Турата е со должина од 30 км и елевација од 700 метри… категоризирана како средно тешка тура 7/10 за лица со просечна физичка подготвеност.

Голема МТБ тура „Крушево низ корија“ – Турата е со должина од 40 км и елевација 1000 метри категоризирана како тешка тура.

Тандем летови со параглајдер ќе има во сабота и недела, 19 и 20.08, од 10.00ч – 19.30ч .

Планинарска тура во недела, 20 август, е со почеток во 10.00ч, и истата ќе се одвива на релацијата Мечкин Камен – Крушево, во должина од 14 км.

Турата е класифицирана како средно тешка тура, која може да ја изоди секој од 7 до 77 години.

-Во 80% од патеката се движиме низ крушевската корија која изобилува со сенка, што е мошне пријатно за топлите августовски денови. Во текот на турата ќе се посетат двата манастири св. Василиј и св. Спас (каде што ќе има пункт со освежување). Во текот на патеката има пивка вода за пиење. Турата завршува во Крушево каде учесниците ќе можат да ги посетат културните знаменитости – стои во соопштението од организаторот од каде ги повикуваат сите вљубеници во природата да дојдат и да уживаат во убавините што ги нудат Крушево и крушевската корија.

Осум лица се затруле со јаглерод моноксид додека црпеле вода од подрумот на Домот на културата во Чрна на Корошкем.

Меѓу нив има и седум војници кои превентивно се пренесени на лекување во болница, јавува РТВ Словенија.

Главниот медицински офицер на словенечката армија Роберт Карота соопшти дека на гасот биле изложени 32 лица, од кои 18 припадници на македонската армија, шест припадници на словенечката армија и осум пожарникари.

Сите се надвор од животна опасност, а на превентивно лекување во болницата се испратени пет припадници на словенечката армија, двајца припадници на македонската армија и еден пожарникар.

Словенија на почетокот на август беше погодена од силни поплави, во кои загинаа шест лица. Сто припадници на македонската армија беа испратени да помогнат во погодените подрачја во Словенија.