Во Италија расте исчекувањето за тоа кој ќе ја наследи деловната империја на починатиот поранешен премиер Силвио Берлускони.

„Кориере дела сера“ пишува дека како што поминува ден по ден од погребот на Берлускони, кој се одржа со државни почести во средата во Милано, станува се појасно дека централната фигура во оваа приказна за наследување е неговиот сметководител.

Се вели дека Џузепе Спинели (81) од градот Бресо, осум километри северно од Милано, е личноста која ги чува сите деловни тајни што ги оставил Берлускони, со кој имал многу интимни односи.

Testamento di Berlusconi: il ruolo del ragioniere Spinelli, presidente di quattro finanziarie https://t.co/LaDExYeeGn

— Corriere della Sera (@Corriere) June 17, 2023

Тој е претседател на четири финансиски компании основани од Берлускони, кои имаат мнозински удел од 61 отсто во неговата холдинг компанија „Фининвест“, во која спаѓаат медиумскиот гигант „Медиасет“, една од најголемите италијански издавачки компании „Мондадори“ и други компании.  „Кориере дела сера“ наведува дека за семејните сефови покрај Спинели се грижел и Салваторе Саса, сенатор од партијата Форца Италија на Берлускони. Се наведува дека отворањето на тестаментот на Берлускони може да биде одложено за неколку дена и дека не е невозможно да има изненадувања.

Малиот Кристијан има ретка дијагноза Атаксија-телеангиектазија. За неговото лекување се потреби финансиски средства со кои тој би отпатувал за Турција на лекување.

Јутјуберот Стефан Лазаров кој му пружи голема поддршка на детето, информира дека Кико е е добар и дека помошта е итно потребна.

Teлефонските броеви за донација се

А1: 143 471

Телеком: 143 130

ТРАНСАКЦИСКА СМЕТКА: 200004087594930 СТОПАНСКА БАНКА АД Скопје, Катерина Коцева.

Отворена е и сметка na gofundme

Во понеделник, во фоајето на Домот на културата “Марко Цепенков” во Прилеп, со почеток во 19:00 часот (влезот е бесплатен), пред прилепската публика ќе се претстават две млади дами кои се вбројуваат во врвот на најперспективните имиња на класичната музичка сцена во нашата држава и пошироко и тоа, од Прилеп, Анастасија Петреска на пијано и од Охрид, Ана Матеска на флејта.

Нашите сограѓани веќе неколку пати имале можност да уживаат во изведбите на Анастасија Петреска, а сега, за првпат, ќе можат да го слушнат и волшебниот звук од флејтата на Ана.

Дека овие две млади дами се одлични музичари сведочат мноштвото освоени награди на дузина меѓународни и државни натпревари.

ЗА АНАСТАСИЈА ПЕТРЕСКА:

Анастасија Петреска е родена во јули 2006 година во Прилеп. Основното музичко училиште го завршува во “Ордан Михајлоски – Оцка” во Прилеп во класата на професорката Христина Никоска. Своето средно образование го продолжува во Државното музичко училиште во Битола каде моментално завршува втора година во класата на профеосрката д-р Татјана Божиновска. Има земено учество на голем број државни и меѓународни натпревари по пијано и камерна музика каде што има освоено мноштво награди.

Некои од позначајните награди и признанија се:

– Прва награда на државен натпревар (2023)

– Прва награда на меѓународен натпревар “Полихимнија” – Maкедонија (2022,2023)

– Прва награда на интернационален натпревар “GREAT MASTERS” – Шпанија (2021,2023)

– Прва награда на интернационален натпревар “GOLDEN PIANO” (2023)

– Втора награда на државен натпревар (2022)

– Специјална награда на меѓународен натпревар “Artisti I Ri” – Тетово (2021)

-Специјална награда на државен натрпевар на млади музичари (2019,2021)

– Прва награда на меѓународен натпревар во Слобомир, Босна и Херцеговина (2021)

– Прва награда на интернационален натпревар “MOZART” (2021)

– Прва награда на интернационален натпревар “ Luigi Cerritelli” – Милано, Италија (2021)

-Прва награда на меѓународен натпревар за пијано “Accordeon Art Plus” – Сраево, Босна и Херцеговина (2019)

– Прва награда на меѓинароден натпревар “ULЈUS” – Смедерево, Србија (2018,2022)

– Втора награда на меѓународен натпревар “Davorin Jenko” – Belgrad (2018, 2023)

– Прва награда на меѓународен натпревар Гевгелија (2017, 2019)

– Трета награда на меѓународен натпревар “ Охридски Бисери” (2020) како и лауреат за најдобро изведено дело на македонскиот композитор Томислав Зографкси

Исто така Анастасија Петреска поседува и сертификати за активно учество на семинари по пијано кај предавачите: Karl Andreas Kolly (Швајцарија), Katarina Krpan ( Хрватска), Дино Имери (Македонија), Ана Гацева ( Македонија), Марија Ѓошевска (Македонија), Туту Ајдиноглу (Турција)

За АНА МАТЕСКА

Родена e во Охрид на 02.01.2007 година. Основно образование го завршува во ООУ “Христо Узунов”, додека основно музичко образование го завршува во ОМУ “Методи Патче” во класата на професорката Нина Момировска. Нејзината љубов кон музиката ја натера музички да се образова и средното образование да го продолжи во ДМУ Битола во класата на професорот Александар Стефановски. Во досегашниот период има учествувано на повеќе музички настани и натпревари и има постигнато забележителни резултати и бројни награди, како што се:

• Први места на државен натпревар 2021,2022;
• освоени Специјални награди на државен натпревар 2019,2023,
• Први места на меѓународни натпревари како:
• Полихимнија – прва награда 2019;
• Охрид Те сакам Прва награда 2019,
• Специјална награда 2021 и прва награда 2022
• Охридски бисери трета награда 2023.

Ја има претставувано Македонија на фестивалот “Мала Ноќна Музика” во Крагујевац, Србија 2023г. па се до учество на  многу семинари и концерти во кој има учествувано како солист, но и како дел од камерен состав и оркестар.

Вандалите не мируваат и се додека нема строго казнување на вакви постапки ќе биде вака. Фотографиите се направени денеска кај прилепското вештачко езеро, локалитет кој во изминатите години повторно стана атрактивно место за одмор и рекреација, како за помалите, така и за повозрасните.

Но, се чини дека тоа на некого му пречи, па ова не е прв пат да се уништува урбаната опрема. НЕ БЕ КОПУЦИ, ова не е направено со парите од татко ви, па вака да се однесувате. Која е таа ваша потреба да уништувате нешто вредно и убаво за сите? Дали тоа ве храни? БЕДНИЦИ!

Па и не е толку ваша вина тоа што МВР спие и речиси никогаш не ги пронајдува ваквите сторители. А државата конечно треба да размисли и ваквите дела да ги стави како посебно кривично дело во Кривичниот законик.

Регионалниот ЦУК Прилеп известува дека по јавување на граѓанин за оштетување на коритото на „Дабнички канал“ на ул. „Кеј 19 –ти Септември“ наспроти објект – зграда 3 и е направена дупка што е проширена до работ со асфалтот од улицата.

На лице место веднаш е излезено од вработените во РЦУК Прилеп и е утврдено истото и дека тоа претставува опасност за непретпазливи минувачи и евентуално пропаѓање на асфалтот при минување на потешки возила.

„ВМРО-ДПМНЕ е државотворна партија чии темели се засноваат токму на постоењето и на работењето за подобра Република Македонија. Ние сме вистински показател како се работи со душа и со срце, и како се сака Република Македонија“, истакна Орце Ѓорѓиевски, градоначалник на општина Кисела Вода на вчерашната трибина на ВМРО-ДПМНЕ на тема „33 години ВМРО-ДПМНЕ и Македонија“.

Ѓорѓиевски посочи дека владата нема компас подолг временски период. И затоа се потребни на Република Македонија итни и неодложни промени односно избори час поскоро и нов премиер, а тоа е Христијан Мицкоски. Токму Христијан Мицкоски ќе покаже како државата се сака со дела, а не со празни зборови и криминал како што тоа го прави Социјалдемократскиот сојуз години наназад.

„Јас наследив општина која што не четири туку повеќе години беше во еден зимски сон практично во хибернација. Општина која што имаше огромни проблеми поврзани најмногу со подземната инфраструктура и надземната инфраструктура. Општина која што јас ја затекнав со над 3 ипол милиони евра долг, морам да потенцирам над 3 ипол милиони евра долг“, нагласи градоначалникот на Кисела Вода.

Тој додаде дека од денешна перспектива Општината денес нема долг. А, патем има реализација на проекти како никогаш досега во општината.

„Кога сме кај подземната инфраструктура морам да истакнам дека за година и половина колку што јас и мојот тим ја администратираме општината Кисела Вода имаме изградено канализациони системи и мрежа на над 6 километри. Водоводна мрежа над 4 ипол километри, и една бројка импозантна која што Владата ја нема сработено за години наназад, а тоа е во однос на средување на патната инфраструктура и асфалтирање за година и шест месеци имаме асфалтирано над 40 километри улици во Кисела Вода. Нешто што не се случило во општината 30 години наназад и нешто што Владата не успеа за седум години“, нагласи Ѓорѓиевски.

Тој рече дека над 400 дечиња чекаа да бидат запишани во градинки, сега во моментов по отворање на две нови градинки за година и половина списокот е намален на само 110 деца. Во тек е нова реконструкција на еден објект, а за два месеци од денес започнуваме со изградба на уште една градинка.

Претседателот на ВМРО-ДПМНЕ, Христијан Мицкоски на вчерашната трибина „33 години ВМРО-ДПМНЕ и Македонија“ истакна дека наредните избори нема да бидат само порака од народот за тоа што тој мисли за уставните измени, туку многу повеќе од тоа, порака од народот за оваа власт што тој мисли за реалниот живот кој е тежок, сиромашен, и многу несигурен.

– Овие избори ќе бидат многу повеќе порака од народот до власта за скапиот живот, инфлацијата која е двоцифрена и највисока во Европа, за немањето на здравствен систем, за корупцијата по судовите, обвинителството, за врските-непотизмот, криминалните тендери. Ова ќе биде и порака на оние добри луѓе кои со месеци молат пред вратите на институциите и се уште го немаат лекот Трикафта. Овие избори ќе бидат и порака на младите на кои им ги одземаа сите шанси, порака на докторите, медицинскиот персонал кој го обезвреднија, на земјоделците чија мака е неплатена, на невработените, но и вработените со ниски плати, на родителите кои треперат за своите деца, на сите оние храбри луѓе кои пред налетот на тешкиот живот им удираат по достоинството, на успешните луѓе кои ги прават со сила да се чувствуваат губитници, на пензионерите со кои си поигруваат, порака на сите нив на кои треба да им кажеме готово е, доаѓа крајот, изјави Мицкоски.

Мицкоски посочи дека готово е, ова мора да заврши со убедлив триумф на ВМРО-ДПМНЕ и Коалицијата на следните парламентарни избори

– Се запрашал ли секој од вас каде одат парите. Зошто тие се толку богати, а народот толку сиромашен. Зошто секој тендер на државата има однапред добиен понудувач. Зошто има пари за службени возила, а нема за нови клупи на училиште. Зошто има пари скапи државни прослави, разни државни форуми, а нема пари за грижа за болните од ретки болести. Зошто тие живеат во хациенди, а народот нема ни за сметки за струја. Одговорот е јасен, затоа што тие се богатат со потта и над несреќата на овој народ. И доаѓа времето за она што се вика одговорност. Време е за одговорност, рече Мицкоски.

Тој нагласи дека дојде времето кога мора да се порамнат сметките со оние кои краделе и се богателе на грбот на овој народ.

– Одговорноста не е закана, туку мое ветување и нужен процес за секого, без разлика на вера, нација или било каква припадност или неприпадност, рече Мицкоски.

Во полицискиот билтен на МВР денеска информираа за тепачка која синоќа околу 1 часот полноќ се случила на плоштадот “Методија Андонов-Ченто” во Прилеп.

-На 17.06.2023 во 04.50 часот во ОВР Прилеп е пријавено дека околу 01.00 часот на плоштад во Прилеп бил нарушен јавниот ред и мир со физичка пресметка помеѓу К.Р.(19) од Прилеп заедно со уште неколку лица од една страна, и С.Л., О.Ш. и уште едно лице, од друга страна – стои во соопштението од МВР.

Маркукуле неофицијално дознава дека еден од актерите во синоќешната тепачка бил и полицаец од Житоше.

Се шпекулира дека биле провоцирани малолетни девојчиња, и тоа било причината за поголем инцидент.

Еден од актерите, како што коментира чаршијата, денес бил повикан од командирот на ПС Прилеп и му било наложено да го врати оружјето, кое го имал задолжено на своето работно место.

Интензивните врнежи од дожд кои во изминатото деноноќие го зафатија поголемиот дел од државата, во Прилеп повторно го преполнија вештачкото езеро, а со тоа и коритото на Градска Река.

Водата одново носеше се’ пред себе, а настрада и едно од пешачките мовчиња во горното течение на реката.

Новиот директор на Тутунскиот Комбинат во Прилеп и претседател на општинската организација на партијата, Зоран Пачешкоски, во видно расположение со сопартијци, го следеше натпреварот помеѓу Македонија и Украина на aрената “Филип Втори”, или “Тоше Проески” по ново.

На фотографијата се и новиот директор на Царина, Стефан Богоев, како и пратеникот Дарко Каевски, кои заедно со Пачешкоски сигурно навивале за Македонија, или за “Северна”, како што тие милуваат да ја нарекуваат…

Расположението веројатно им се расипало, откако Македонија загуби со 2:3 од Украинците, иако водеше со 2:0 на полувремето.