Преку 15 000 посетители вчера вечер уживаа во фантастичната атмосфера на првата вечер од Културното лето на Општина Кисела Вода. Настанот го отвори DJ Mats кој со својот добро познат стил го подигна расположението кај сите присутни. Час и половина хип хоп, најпопуларните хитови на кои се играше и пееше на преполниот простор пред салата Расадник, уште еднаш покажаа зошто DJ Mats беше одличен избор за отворањето на неделата во која Кисела Вода го слави и својот 68-ми роденден и новото Културно лето.

Веднаш по него незаборавен концерт одржаа 2 Бона, чии песни наизуст ги пееше целата публика. Во редици се чекаше за фотографија со ѕвездите на вечерта кои во моментот работат на химна за Кисела Вода. Паркот во Расадник ечеше од добра музика и одлично расположение по кое ќе се памети оваа вечер.

Градоначалникот Орце Ѓорѓиевски кој беше присутен во публиката веќе најави дека вакво расположение и посетеност се очекува сите 4 фестивалски вечери кои од синоќа до 29 јуни ќе се одвиваат на две локации.

Денес, петок 23 јуни, Културното лето на Општина Кисела Вода продолжува на Три Круши, во Драчево, со фолк вечер. Од 20 часот настапуваат КУД Китка, од 21 часот Сузана Спасовска, додека од 22 часот се’ до крајот на вечерта концерт ќе има Миле Кузмановски.

Во “Бескрајната приказна која станува се’ подобра” во сабота ќе се запишат и Жаре Бербер и хрватскиот романтичар Петар Грашо, а следниот четврток и групата Нокаут, на која ќе претходи музички сет на DJ Mats.

Младите од Прилеп веќе гласно бараат една ваква алтернативна вечер, на овогодинешното 20-то по ред издание на фестивалот на скарата и пивото во Прилеп.

Значи, порака до организаторот, ДОНЕСЕТЕ ГИ 2 БОНА!

На 22.06.2023 во ОВР Прилеп, Р.Ј.(49) од Прилеп пријавил дека на место викано „Плетвар“, прилепско, при ископ на темел за викенд куќа пронашол артилериска граната калибар 75 мм од Првата светска војна.

Гранатата била безбедно подигната од пиротехничар од Дирекцијата за заштита и спасување за понатамошна постапка.

Не за пет, туку за две години покачување на платите во администрацијата – Ова е новото решение кое Владата ќе го стави на маса пред синдикатите на следниот социјален совет , идниот четврток, два дена по крајниот рок кој го дадоа од УЈП пред да стапат во штрајк . На прашањето зошто фунцкионерите добија покачување веднаш, а вработените во УЈП и Царина треба да чекаат, Битиќи топката ја префрли во Собрание. Ако Парламентот потврдел дека УЈП и Царина треба да добијат покачување како другите вработени во финансии немал никаков проблем тоа да се гласало на Влада – oбјави “АЛФА ТВ”

-Ние понудивме период од 5 години, сега го кратиме на две и пол гоини . Они нека го видат предлогот , и тоа се делови од новиот предлог . За да нема превирања , ќе ги повикаме медиумите . Ние сме овде да најдеме системско решение, сите вработени да знаат на што сме . Тој модел ќе осигура покачување , рече Битиќи.

Дали граѓаните ќе останат без плата, буџетот без даноци, а граничните премини со спуштени рампи ? Министерот за финансии не бил официјално известен дека се подготвува штрајк во царина и УЈП, тој тврди дека и да имало штрајк ќе имало плати за граѓаните, а границите ќе биле отворени . Тој како и Премиерот смета дека требало да има ветинг за сите вработени во јавната администрација.

Целиот прилог погледнете го ТУКА

Маче три дена беше заглавено над бутикот JOXX во центарот на Прилеп, па прилепчани бараа начин како да му помогнат на кутрото животно.

Кога најпосле се најде кран за мачето да биде спасено, се случи следното:

Виена повторно е прогласена за најдобар град за живеење во светот. Според годишното рангирање на „Економист Интелиџенс Јунит“ („Economist Intelligence Unit“), австриската престолнина по четврти пат во последните пет години е рангирана на првото место, објави австриската јавна радио и телевизија OРФ.

На второто место е данската престолнина Копенхаген, потоа двата австралиски града – Мелбурн и Сиднеј и канадскиот Ванкувер. Цирих, кој минатата година беше на третото место, сега е на шестото место.

Телевизијата забележува дека нема германски град во првите десет. Штутгарт отишол многу напред и се наоѓа на 25. место. Пред него е Париз. Според авторите на студијата, големите демонстрации против пензиската реформа го спуштиле рангирањето на француската престолнина, која минатата година беше 19-та. За споредба, Лондон годинава се најде на 46. место, а Њујорк на 69. место.

Рангирањето на градовите се базира на 30 критериуми како стабилност, здравствен систем, култура и животна средина, образование и инфраструктура. Виена нуди идеална комбинација од петте фактори, се вели во студијата. Единствено недостигаат големи спортски настани.

И оваа година во затворот во Тетово е отворена летната сезона.

Затворениците имаат базен, а директорот на тетовскиот затвор Ќефаил Хавзију најави дека овие објави не ги прават за рекламирање дека е добро во затворот, туку да ги утешат членовите на семејствата.

„Овие објави не ги правиме за рекламирање и за да намамиме некого дека вака е добро во затвор, далеку од тоа мислење, туку за да ги утешиме членовите на семејството дека секторот за ресоцијализација работи секојдневно со нивните роднини, со едукативни методи кои по напуштање на затворот бидете подготвени и ресоцијализирани да продолжат со нормалниот живот со своите семејства кога ќе ја напуштат оваа институција, организираат часови за разни кривични дела, приредуваат и спортски игри и натпревари.Потсетуваме и на мислењето дека осудените не само што се казнуваат туку и имаат нивните законски права,каде што воспитувачите работат со нив прво за да се прилагодат од почетокот на реченицата на правилата на куќниот ред како и да се ресоцијализираат и да се подготват по завршувањето на реченицата за да се покајат за направените грешки за да не бидат повеќе повторувачи. на делата и да го продолжат нормалниот живот со своите семејства, бидејќи во животот секој може да згреши“, напиша Хавзију.

ВИДЕО: ТВ СИТЕЛ

Oткако обезбеди пласман во Втората фудбалска лига, Вардар Неготино полека го гради тимот за идната сезона.

Второлигашот денеска соопшти дека потпишале договори со Дарко Алексовски и Мартин Димовски, или попознати по прекарите Пеле и Робен.

Двајцата досега настапуваа за екипата на Детонит.

Доколку премиерот Ковачевски би се нашол на црната листа на САД, тој тоа би го сметал за најголем пораз во неговата кариера, рече денеска премиерот Димитар Ковачевски запрашан за коментар откако името на градоначалникот на Струга, Рамиз Мерко, се појави на црната листа на САД.

„Јас да се најдам на црната листа на САД, како човек којшто дел од своето образование го завршил во САД, не што ќе си дадам оставка, јас тоа ќе го сметам за најголем пораз во мојата лична и професионална кариера“, рече Ковачевски.

-Општина Кавадарци во соработка со Сојуз на спортови и Општински сојуз на училишен спорт и оваа година продолжува со организирање на бесплатна школа за пливање за деца на возраст од 7 до 10 години. Школата ќе започне со обука во петок на 23.06., заедно со отворањето на Градскиот базен. Сите заинтересирани дечиња кои сакаат да учествуваат на овие обуки можат да се пријават во петок во 9:30 часот на градскиот базен – напиша на ФБ градоначалникот на општина Кавадарци, Митко Јанчев.

Општина Штип ќе обезбеди над 2.000 униформи за учениците од сите основни училишта до 5то одделение, со цел да се намалат разликите меѓу нив, а родителите да немаат оптоварувања во семејниот буџет – напиша на Фејсбук штипскиот градоначалник Иван Јорданов.

-За овој пилот проект општината во 2023 година издвои над 3.5 милиони денари, а за наредната година се предвидува проектот да се прошири и за учениците во погорните одделенија.

Дизајнот на униформите е во соработка со Универзитет “Гоце Делчев” и СОУ “Димитар Мирасчиев”, со цел да овозможиме учениците да имаат удобен престој во училиште – пишува градоначалникот на општина Штип.