Денеска е Раѓање на св. Јован Крстител – Иванден.

Именден празнуваат: Иван, Ивана, Иванка, Јанко, Јане, Јана…

На свети Јован Крстител црквата му посвети неколку празници, и тоа не случајно. Овој светител беше наречен најголем меѓу родените од жена, со што е потврдено неговото посебно место во човечката историја.

Тој, заедно со пресветата Дева која ни го роди Бога е врската на стариот и новиот свет, врската на Стариот и Новиот завет.

Инаку, денес се празнува почетокот на благовеста за Христос, со што се определува и посебната врска меѓу Синот Божји и последниот пророк на Стариот завет.

За тоа зборуваат стиховите од тропарот, кои гласат: се разреши немоста на татковците, т.е. почна непосредната проповед за Христовото доаѓање.

Секоја година иста приказна. Несовесни граѓани во Прилеп и летово ги уништуваат липите низ градот. Не постои човек кој нема да ја разбере борбата со сиромаштијата и тешкиот живот, но едно е тоа, а друго е да се кршат гранки и да се уништуваат децениски дрвја.

Само што процутеа и ги раширија своите големи зелени крошни, како по обичај овие дрва се уништуваат заради цветот кој го “берат”, ако ова може да се нарече берење, дел од нашите сограѓани.

Овие дрва кои ги има на многу локации низ Прилеп, секоe лето се уништуваат до последно, а нивните крошни го губат целиот раскош.

Сликата е иста во сите паркови и низ градските булевари. Апел до граѓаните кои го собираат плодот на овие дрва, да го прават тоа на начин на кој доликува и да не им ја одземаат ладовината на останатите своите сограѓани. Ваквата слика е срамна и дава неубав изглед на целиот град.

Ако барате совршен рецепт за вкусен локум, веднаш ќе ви кажеме дека нема да најдете. Мајсторите рецептот го чуваат во најсторга тајност и го пренесуваат од генерација на генерација.

Затоа не мачете се залудно и за ова вкусно задоволство чија традиција е вековна, обратете се кај луѓето на кои правењето локум им е традиција и идентитет.

Ќе погодите од прва, ве водиме во Крушево во можеби најстарата слаткарница “Тагас-Балкан”, која неодамна прослави еден век постоење.

Локумот на Тагас ги има прошетано сите светски континенти. Од него се сладеле луѓе од сите краишта од планената, уживале дипломати, пробал и секој еден кој го посетил прекрасното Крушево, и сите, буквално сите, биле воодушевени од сладкиот и единствен вкус.

Крушевските мајстори сега го промовираа и нивниот најнов производ, локум со кокос и лешник, кој сега е достапен во Тагас-Балкан SWEET GIFT SHOP, а можете да го добиете и по порачка по карго до секое место во Македонија.

Да не ги заборавиме, тука е и традиционалниот локум со и без ореви, и секако целувките. Нарачајте на ФБ страната, или на телефонскиот број: 071 692 154.

УЖИВАЈТЕ!

ЕВН денеска информираше дека дефектот во Слупчане ќе се санира за скоро време, по добиените гаранции од страна на министерот за економија Крешник Бектеши, кој заедно со градоначалникот на Липково се договорил со жителите да не ги спречуваат екипите на електродистрибуција да работат и да започнат со проектот за реконструкција на мрежа и поставување нови мерни системи кои ќе овозможат точно мерење на електрична енергија.

Претходно, како што информираше ЕВН, во вчерашните доцни часови, лица од Слупчане насилно и противзаконски отвориле голем енергетски објект во припадност на електродистрибуција во обид сами да го вратат напојувањето со електрична енергија во селото, при што ги оставија жителите на соседните села, Оризаре, Ваксинце и Лојане без електрична енергија.

Од компанијата кажаа дека ќе го санираат дефектот кога ќе има гаранции да се влезе во селото.

Американската централна разузнавачка агенција (ЦИА) објави листа на земји според годишната потрошувачка на чист алкохол по лице.

Според анализираните податоци од 2019 година, Куковите Острови се на прво место со просечна потрошувачка на чист алкохол од 12,97 литри. На второ место е Летонија (12,90 литри), потоа Чешка (12,73), Литванија (11,93), Австрија (11,90), Антигва и Барбуда (11,88) и Естонија (11,65).

Словенија е на 10 место (10,72 литри), Хрватска на 25 (9,64), Србија на 55 (7,45), Босна и Херцеговина на 80 (5,56), а Македонија на 97 место со 3,90 литри годишно по лице.

Четвртообвинетиот во случајот „Софтвери“, Даниел Станчев, среде судница ја побара својата девојка за жена, откако му пресудија 4-годишна затворска казна. Неговата девојка се согласи да му биде жена.

Емотивна беше атмосферата во судница, имаше солзи и плачење, пишува Пресс24.

За потсетување, денеска паднаа пресуди за случајот Софтвери. Првообвинетиот Драги Рашковски е осуден на единствена казна затвор од осум години. Второобвинетиот Ивица Димитровски доби пет години казна затвор. На Игор Христов му е одредена казна од пет години и шест месеци. Четвртообвинетиот Даниел Станчев е осуден на 4 години. Ирена Ивановска доби три години и шест месеци, а хонорарците Игор Ивановски и Маја Силјановска добија три години затвор. Казните ги изрече судечкиот совет, чиј претседател е судијката Фанка Јанчулева Михаиловска.

Во текот на денешниот ден, членови на ПСД “МОМАТА” заедно однесоа вреќи со цименто до Планинарскиот дом “Томе Темелкоски” на Селечка планина и ги санираа скалите пред Планинарскиот дом со нов слој цемент.

Ова е уште една работна акција на планинарите од ова здружение, кои неодамна заедно со членови од здружението “Прилепски планинарски авантуристи”, успеаја да искачат два шпорети на дрва, поставија соларен рефлектор и ја бојадисаа дограмата на домот.

Луѓето се за пофалба и заслужуваат поддршка како од надлежните, така и од сите вљубеници во природата кои сакаат ова култно планинарско збиралиште да продолжи да живее.

Кога се сака, се може се’: Планинарски здруженија од Прилеп денеска качија два шпорети, и го обновуваа планинарскиот дом “Томе Темелкоски” (Фото галерија)

Министерот за образование и наука Јетон Шаќири најави дека за десет дена МОН ќе излезе со став дали ќе има поместување на почетокот на учебната година од стандардниот термин 1 септември. Најави дека наредната недела пред Комисијата за човечки ресурси ќе ги претстави трите предлози за почеток и завршување на учебната година.

-Ќе бидат вклучени униите на средношколците, но исто така и синдикатите за мислењата да ги слушнат членовите на Комисијата. Мислам дека во рок од десет дена ќе имаме конечен став кој од предлозите ќе биде прифатен, изјави Шаќири одговарајќи на новинарски прашања пред почетокот на Форумот за реорганизација на училишната мрежа.

Првиот предлог до МОН е учебната година да почне како и досега – на 1 септември, вториот е да почне на 11 септември, без пролетен распуст, и да трае до средината на јуни, третиот предлог е да почне на 1 септември, да има пролетен распуст од пет дена и учебната година да заврши во средината на јуни.

Во врска со реакции во јавноста и кај наставници дека во новата наставна програма по предметот Македонски јазик за шесто одделение е изоставена темата за историјата на македонскиот јазик односно дека таа ќе се изучува во погорните одделенија, Шаќири одговори дека до неговиот кабинет не е стигната реакција.

-Но, од овој момент штом има проблем, јас ќе ги повикам. Но на истиот состанок ќе треба да бидат присутни и претставници од Бирото за развој на образование, како институција која ја има предложено програмата за тој предмет, рече министерот Шаќири.