На 08.07.2023 во 01.55 часот во СВР Битола е пријавено дека на пат А-3 Прилеп-Ресен, во близина на место викано „Петилеп“, патничко возило удрило во пешакот А.А.(43) од Прилеп и го напуштило местото. По несреќата пешакот А.А. бил пренесен во Клиничка болница Битола, каде му биле констатирани тешки телесни повреди.

За случајот е известен Јавен обвинител, а увид на местото на несреќата извршила екипа од СВР Битола – информираат од СВР Битола.

Денеска (07.07.2023) во периодот од 15.00 до 21.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 109 возачи.

Од вкупно 109 возачи, 43 возачи ја пречекориле брзината во населено место, а 66 надвор од населено место. На сите прекршители изготвени им се соодветни поднесоци.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Новинарот oд Прилеп, Сунаи Сабриоски, упати жестока критика кон министерот за здравство Меџити, кој деновиве го нарече шоумен младиот пациент Игор Пехчевски, кој боледува од цистична фиброза.

– Министре Меџити па имате ли образ? Ако Пехчевски, пациент со цистична фиброза, е шоумен прашањето ми е кој тоа го доведе Пехчевски да се претвори според вас во шоумен? Министре Меџити, дали пациентите со ЦФ кои неколкупати протестираа се исто така според вас шоумени и дали на тие протести како и тој на Пехчевски гледате како на приредено шоу во кое пациентите молат за лек кој постои? Министре, добивте 78% покачена плата и фотелја, наместо да етикетирате пациенти седнете запотете ја таа удобна фотелја и дајте им го на овие пациенти тоа што го бараат за да продолжат да живеат! Какво недолично и ниско однесување во отсуство на конкретни одговори, вели новинарот во својата фејсбук објава.

– Кога не ви одговараат новинарите ги ставате во кош на манипулативни и дрски, во недостиг на одговор фрлате камења со кои самите може да се погодите, ама како ќе се погодите кога сте презаштитени. Крајно одвратно е да се каже за било кој пациент, во случајов Игор Пехчевски дека правел шоу преку медиумите за јавноста! Од тоа, според вас шоу на Пехчевски, голем дел од јавноста дозна за проблемите на овие пациенти, транспарентот на Пехчевски „САКАМЕ ТРИКАФТА“ беше одраз на неспособноста на севкупниот систем да им се даде тоа што впрочем го заслужуваат! Покрај тоа шоу за кое велите дека го приредил пациентот Пехчевски во февруари дознавме и за Благојче кој не напушти чекајќи да го дочека лекот! Ништо не добивате ако фрлате камења по овие пациенти, седнете и скратете си од удобноста и комфорот бидејќи Игор и останатите пациенти со ЦФ немало да се тоа што вие велите шоу за јавноста ако им биде дадено тоа што впрочем постои а е лек! Најмалку што можете е да им се извините на пациентите со цистична фиброза, за другото јавноста ќе ви пресуди! Министре размислете дека и вие и јас утре може да се претвориме, според вас, во шоумени и да молиме за помош и лек преку медиумите ама со кој образ ќе го направиме министре тоа ако претходно не сме помогнале на тие кои имале потреба од вас како министер и од нас како новинари? Борбата на Пехчевски е одраз на ова загноено општество потонато во комфор! – вели новинарот во својата реакција кон министерот за здравство.

Синоќа, 7.07.2023, во Ликовната галерија од ЦК”Марко Цепенков” – беше отворена изложбата – инсталација “Метаморфози на просторноста” од уметникот Јован Наумоски, кој вели дека просторот е димензија во која што човекот се движи, работи.

-Воведувањето на оптичка илузија на двојна перспектива е само еден дел од проблемот со кој се занимавам преку моите објекти низ кои ја претставувам повеќедимензионалноста, раслоеноста и преобразбата на просторноста, при што секој елемент е дел од една мозаична целина, но истовремено води кон различна перцепција на “другата просторност” на сосема поразличен начин комбинирајќи ги со другите, така сочинувајќи повеќе паралелни нарации во рамките на решението – вели авторот.

Јован Наумоски досега има реализирано повеќе самостојни и групни изложби. Неговиот опус во творештвото е разновиден. Дејствува на повеќе полиња на уметноста, во графиката сликарството, скулптурата, фотографијата, дизајнот. Моментно е активен на полето на графичкиот дизајн и визуелните уметности.

На 07.07.2023 од страна на полициски службеници од криминалистичката полиција при СВР Битола спроведена е акциска контрола на повеќе локации на подрачјето на Битола во рамки на “Безбедно лето 2023”. Во текот на контролата во парк лоциран во близина на Саат Кулата во Битола, беа затекнати С.С.(38), М.Н.(63), М.Ж.(60) и С.М.(66), сите од Битола, како играат комар, при што кај нив биле пронајдени пари и други предмети. По документирање на настанот против нив ќе биде поднесена соодветна пријава.

На ул.”8″ во Битола, пак, од страна на полициски службеници од криминалистичката полиција лишени од слобода се Џ.М.(21) и Т.В.(23), двајцата од Битола, бидејќи кај нив биле пронајдени и одземени марихуана и дробилка.
По документирање на случајот против нив ќе биде поднесена соодветна пријава.

На 08.07.2023 во времето од 00:00 до 01:00 часот од страна на полициски службеници од криминалистичката полиција од СВР Битола извршена е контрола на угостителски објект лоциран на ул.„Фуштани“ во Битола, при што се затекнати 7 малолетници. Тие со потврда се предадени на родителите.

Ноќва во периодот од 00.00 до 03.30 часот извршена е контрола во 5 угостителски објекти во Битола, при што во два објекти се констатирани прекршоци кои ќе бидат соодветно санкционирани – информираат од СВР Битола.

Игралиштето во ООУ “Гоце Делчев” Прилеп – кратка хорор приказна! Секоја чест за исклучоците, воспитаните деца и млади, ама ваква раја, со ваква култура и домашно восипитување, не заслужува ништо подобро од турски камшик.

ЖАЛНО! БЕДНО! СРАМНО!

Еве како размислува просечен Слупчанец: Не плаќаат струја затоа што тоа е репарација за 2001, како Германија што и плаќа струја на Белгија.

ВИДЕО: Makfax.com.mk

Новиот директор на Царинската управа, Стефан Богоев, на денешниот настан на граничниот премин Ќафасан беше запрашан дали ќе се откаже од зголемената функционерска плата по судски пат за 78 отсто, на што тој одговори дека уште не знае колку изнесува неговиот месечен доход.

– Плата не сум примил и две недели сум само директор, ниту сум прашал колкава ми е платата. Фокусиран сум на реорганизација, ефикасност на средствата, а кога сме кај плати, пред се, сум фокусиран на зголемување на плати на колегите.

Ако се откажам, ќе ве известам. Не знам ни која е платата. Треба да ја видам и да ви кажам, искоментира Богоев.

-По подолго време, ,,Комуналец”, го оспособува и ќе го стави во функција езерцето со фонтани во населбата Точила. Од оперативната служба велат дека оштетувањата се големи, како од човечки фактор така и од временските услови и рехабилитацијата ќе потрае една недела – пишуваат од ЈКП Комуналец Прилеп.

На 06.07.2023 година во 18.20 часот било пријавено дека во Прилеп, на локалниот пат од с.Дупјачани кон с.Небрегово, прилепско, се случила сообраќајна несреќа помеѓу патничко возило „пежо“, управувано од А.С.(25) од Прилеп, кое влечело патничко возило „голф“, управувано од Д.Д.(21) од Прилеп, двете со прилепски регистарски ознаки и мотоцикл „хамачи“, управуван од О.Ј.(40) од с.Дупјачани.

Во несреќата О.Ј. се здобил со тешки телесни повреди, констатирани во Градската болница Прилеп.

Извршен бил увид од увидна екипа од ОВР Прилеп – информираат од МВР.