По своето успение, Пресвета Богородица му го даде својот појас на апостолот Тома. Тој појас подоцна беше пренесен во Цариград и чуван во запечатен ковчег во црквата на Пресвета Богородица во Влахерна, што ја изгради царицата Пулхерија.

Овој ковчег никогаш не се отвараше, сè до времето на царот Лав Мудриот (886–912). Сопругата на Лав, царицата Зои, душевно се разболе, и според некое таинствено видение посака врз неа да го положат појасот на Пресвета Богородица.

Царот го помоли патријархот, па го отворија ковчегот, го извадија појасот и го положија врз болната царица. Таа веднаш оздраве.

Во спомен на тоа чудо се востанови овој празник. Дел од тој појас се наоѓа во Грузија, во Зугдид. Имено, ќерката на царот Роман се исцели со помош на овој појас и подоцна, кога се омажи за царот Абухаз Грузиски, таа понесе дел од појасот со себе.

На заповед од рускиот цар Александар I изградена е посебна црква во Мингрелија во Зугдид, каде се чува тој дел од чудотворната облека на Пресветата Божја Мајка.

На само 1.5 км од центарот на Прилеп, компанијата “Специјал градба” започна со реализација на нивната најнова мисија, а тоа е изградба на најсовремениот досега станбен комплекс во градот под Марковите Кули.

Објектот кој веќе е во градба се наоѓа на улица “Круме Беќар”, во населбата “Рид”, на широк простор и според она што може да се види од плановите за изградба, ќе биде нешто за што прилепчани досега само можеа да сонуваат.

Станбениот комплеск – или HILL RESIDENCE располага со 9 типови на станови, чија површина се движи од 50 до 70м2, и истите ќе бидат изградени со целосна енергетска ефикасност.

Идните домови ќе бидат опремени со германски врати и дограма со двојни термопан стакла. Во зима топло, лете ладно, затоа што зградата ќе има изолација од 12цм, а впечатливо е и тоа што секој стан ќе има обезбедено високо ефикасно ладење, греење и најважното – бесплатно гаражно паркинг место.

Со три зборови: УДОБНОСТ, КВАЛИТЕТ И ФУНКЦИОНАЛНОСТ! Сето тоа и многу повеќе ќе добиете, ако HILL RESIDENCE биде вашиот избор за нов дом.

И секако побрзајте! Затоа што HILL RESIDENCE веќе ги доби своите први сопственици на станови, кои едвај чекаат изградбата да заврши и да се вселат во својот дом од соништата. Контактирајте на следниот телефонски број: 073 333 300 и закажете средба.

Плановите од становите и сите останати проекти на “Специјал Градба” можете да ги погледнете ТУКА

ЗА КОМПАНИЈАТА ИНВЕСТИТОР НА HILL RESIDENCE:

“Специјал Градба” e компанија основана во 2011 година, која за време на досегашното постоење, се најде на листата на 200 најуспешни компании, направена од Европската бизнис асоцијација во Македонија.

Компанијата е позната по тоа што во објектите кои ги градат користат градежни материјали со одлични термички, акустични и хидроизолациски својства, и сето тоа исклучиво од лиценцирани произведувачи. Мисија на компанијата е изградба на високо енергетско-ефикасни објекти, се со цел задоволни клиенти преку заштеда на енергија, но и намалување на негативните влијанија врз животната средина, што пак ја покажува општествената одговорност на компанијата.

„Веќе еден месец нешто после 19 часот гори, се шири смрдеа на хемикалии и се чувствува на грлото. Не можеме да отвориме прозорци, неподносливо е, секоја вечер е исто. Сме пријавиле во општина, во инспекција, во полиција, во пожарна… Ништо не се менува“ велат граѓаните кои ги анкетиравме, а на социјалните мрежи се развива дискусија и нагаѓање кој може да биде загадувачот кој што ги труе прилепчани во вечерните и ноќните часови се’ до наутро. Велат дека нема чад, но се шири неподнослива чудна миризба што асоцира на пластика, на смола… – oбјави “РАДИО ПЕЛА”.

Инспекциските служби повеќе денови заедно со полицијата истражуваат кој е „тајниот“ загадувач, посочува Влатко Петкоски, портпарол на Општина Прилеп.

ИЗВОР: “РАДИО ПЕЛА”

Елмер Алварез, бездомник од Њу Хејвен, пронашол пари односно чек од 10.000 долари на улица, по што веднаш одлучил тие пари да ги врати на сопственикот.

Имено, пронајдениот чек ѝ припаѓал на Роберта Хоски, американска милионерка од Њу Хејвен. Таа не верувала во тоа дека некој ќе ѝ ги врати изгубените пари, па одлучила да му се заблагодари на Алварез на посебен начин.

Роберта во живо го пренесувала моментот кога му ги врачила подароците на бездомникот, а таа на почетокот објаснила дека тој нема поим што ќе се случи.

„Не знаеше кој стои зад тој чек. Не си свесен какво срце имаш“, му кажала Роберта на Елмер, а потоа му врачила сертификат.

Милионерката му кажала дека му подарува целосна стипендија за училиштето за недвижности „Outreach“ на кое таа е претседател. Исто така, Роберта му обезбедила на Алварез и часови по англиски јазик како и секое советување за кариерата кое го сака. Таа му организирала и интервју за работа додека не ги заврши своите предавања за недвижности.

Видно запрепастениот Алварез рекол дека добрината на Хоски го инспирирала да се фокусира на создавање подобра иднина за себе и својата девојка.

„Само размислував како се чувствува таа личност која го изгубила чекот“, рекол тој. Доброто со добро се враќа!

Надворешната канцеларија за криминалистички работи Струга поднесе кривична пријава против А.Р.(39) од Прилеп, поради постоење основи на сомнение за сторено кривично дело „измама“.

Во период од мај до јуни 2023 година, во домот на 56-годишник од Струга, дошла пријавената, лажно се претставила и ветила дека со одредени обреди може да помогне за надминување на здравствени проблеми.

Во неколку наврати оштетениот на А.Р. ѝ дал пари и златни предмети во вредност од 80.000 денари, кои по извршените обреди требало да му ги врати, но не му ги вратила – информираат од МВР.

СВР Скопје поднесе кривична пријава против В.А.(24) од Прилеп, поради постоење основи на сомнение за сторено кривично дело „тешки дела против општата сигурност“ во врска со кривично дело „предизвикување општа опасност“. На 08.11.2022 во нас.Влае во Скопје, две кучиња од расата пит бул, сопственост на пријавениот, кои шетале без надзор, го нападнале Б.С.(79) од Скопје и му нанеле тешки телесни повреди – информираат од МВР.

Прехранбена индустрија „ВИТАМИНКА“ АД Прилеп, објавува оглас за стипендирање 4 /четири/ студенти, со потекло од прилепскиот регион, запишани на додипломски студии на Технолошко-металуршкиот факултет во Скопје при УКИМ, насока: Прехранбена технологија и биотехнологија (ПТБ). Стипендијата е наменета за студенти во било која година на студирање.

Рок за аплицирање: 05.10.2023 година.

Потребни документи за аплицирање:

-Молба за добивање стипендија со кратка биографија за кандидатот (со податоци за контакт);
-Копиja од индекс, вклучително и копија од последно заверен семестар;
-Потврда за студирање издадена од ТМФ.
-Изборот ќе се изврши во рок од 10 /десет/ дека од крајниот рок за аплицирање. Компанијата може да одлучи да организира кратки интервјуа за апликантите, во случај да бидат примени поголем број апликации.

Висината на стипендијата изнесува 9.000,00 МКД на месечно ниво и се исплаќа 12 /дванаесет/ месеци во годината. Компанијата доделува и еднократен надоместок во висина од 9.000,00 денари на почетокот на академската година, за набавка на учебни помагала.

Стипендијата се исплаќа под услов студентот редовно да ги исполнува факултетските обврски, што значи на редовна основа да запишува нареден семестар. Со завршувањето на предвидените семестри, престанува исплатата на стипендијата.

Стипендистите ќе имаат уникатна можност да реализираат феријална пракса во компанијата, во договор со квалификувани ментори, како и можност да работат на проектни задачи од интерес за нивното образование и компанијата.

Со изборот, студентот потпишува договор за стипендирање со компанијата.

За дополнителни информации, заинтересираните можат да се јават на тел. 048/407-428, 407-449 или писмено на е-mail: [email protected]

На територијата на општина Долнени активни се следните пожари:

Кај с.Зрзе каде гори во два крака и тоа едниот кон с.Рилево, а вториот кон с.Сливје. Опожарена е ниска вегетација и деградирана шума. Интервенираат ТППЕ Прилеп со 14 пожарникари и 4 ПП возила и ЈП Национални шуми подружница „Црн Бор“ – Прилеп со 4 вработени со 1 теренско возило. Во текот на денот интервенирале и 2 воздухоплови на Дирекцијата за Заштита и Спасување.

Вчера во попладневните часови пожарот се приближил на околу 200 метри од првите куќи во с.Рилево, поради што во гаснењето се вклучило и месното население.

Во атарот на с.Кошино и истиот се шири во правец на с.Сланско (општина Македонски Брод), каде гори ниска вегетација и деградирана шума. Интервенираат ТППЕ Прилеп со 6 пожарникари и 2 ПП возила.

Од вчера активен е пожар на сува трева во атарите на селата Костинци и Зрзе, каде интервенираат ТППЕ Прилеп со 5 пожарникари и 1 ПП возило;

Во текот на вчерашниот ден (11.09.2023), на подрачјата на Секторите за внатрешни работи Битола, Штип и Велес, полициски службеници од овие организациони единици при МВР реализираа низа превентивни активности од областите на заштитата на шумите од пожари, имотните деликти и безбедноста во сообраќајот.

Така, на подрачјето на СВР Битола, односно во Прилеп, Ресен, Крушево и Кривогаштани, беа спроведени превентивни активности од областа на имотните деликти, а во врска со кампањата тематски насловена „Полицијата и граѓаните заедно“, под мотото „Безбедна заедница, мирна заедница“.

И на подрачјето на СВР Штип, поточно на повеќе локации во Штип полициски службеници реализираа средби и разговори со граѓани на тема “Безбедноста на граѓаните-наша обврска”.

Отсекот за превенција при СВР Велес, пак, на магистралниот пат Градско-Прилеп своите активности ги насочи кон сообраќајната безбедност преку разговори и укажувања на граѓаните за почитување на сообраќајните правила и прописи по однос на задолжителното користење на сигурносните појаси и прилагодувањето на брзината на движење.

Актуелниот голман на Шкендија, прилепчанецот Давор Талески, беше дополнително повикан од селекторот Милевски, за да го замени повредениот Столе Димитриевски.

28-годишниот голман од Прилеп, кој зад себе има богато искуство во повеќе домашни клубови, а еден период настапуваше и во Финска и Грција, сезонава е страндарден помеѓу стативите на клубот од Тетово, па останува да видиме дали Милевски го повика како замена на клупата, или ќе го видиме и на теренот.

За потсетување, Димитриевски заработи повреда на грбот за време на дуелот против Италија, а како причина се наведува лошиот терен на арената “Тодор Проески”.

Натпреварот Малта-Македонија се игра денеска со почеток од 20:45 часот, а нашата селекција го дочекува со четири освоени бодови во досегашниот тек на квалификациите.