Голем број прилепчани во недела ги посетуваат вечните почивалишта на своите блиски во недела, а денеска биле запрепастени од сликата на Новите градски гробишта.

Тревишта високи и до метро, обраснати патеки, страв да те фати да зачекориш – стои во дописот кој ни го испрати наша сограѓанка, која бара од Јавното комунално претпријатие “Комуналец”, да почне да си ја врши работата.

Погледнете ги фотографиите во продолжение:

Ни претставува задоволство што во нашиот тим во иднина ќе настапува уште еден европски шамшион. Алжирскиот репрезентативец и долгогодишен учесник во Лигата на шампионите, Калифа Гедбан е нов голман на Еурофарм Пелистер – информираат од шампионот на Македонија.

26-годишниот голман на алжирската репрезентација доаѓа како слободен ракометар, а последната сезона ја помина во првакот на Романија и учесник во Лигата на шампионите, Динамо Букурешт. Гедбан потпиша договор на една сезона, со опција за уште една. Калифа ќе им се приклучи на Урбан Лесјак и Марко Кизиќ на голманската позиција во нашиот клуб.

Гедбан е висок 200 сантиметри, а тежок 110 килограми и веќе пет сезони е дел од европскиот ракомет. Две сезони мина во Вардар 1961 и стана шампион на Европа. По добрите настапи во Македонија се пресели во култниот шпански клуб Адемар Леон, а неговите добри настапи му донесоа трансфер во Динамо Букурешт. Во последните две сезони со успех го носеше дресот на романскиот гигант.

Калифа Гедбан деновиве доаѓа во Македонија и веднаш ќе му се приклучи на екипата на подготовките во Маврово. Неговото официјално претставување е предвидено на почетокот од месец август. Алжирскиот голман е шесто засилување на Еурофарм Пелистер оваа сезона по Цехте, Борзаш, Нилсен, Петровиќ и Ѓорговски.

За потсетување, тренер на голманите во македонскиот ракометен шампион е прилепчанецот Ице Соколески.

На 22.07.2023 во 17.45 часот било пријавено дека на излез од Градските гробишта во Прилеп, Е.М.(33) од Прилеп, управувајќи мопед „соник“ со прилепски регистарски ознаки, изгубила контрола и паднала на коловозот.

Во несреќата таа се здобила со тешки телесни повреди, констатирани во Градската болница Прилеп. Извршен бил увид од увидна екипа од Полициската станица Прилеп – информираат од ОВР Прилеп.

Со головите на Иве Трифуновски и Јасин Казимоски, новајлијата во Втората лига, ФК Новаци, ја совлада Победа во пријателски натпревар кој се одигра на градскиот стадион “Гоце Делчев” во Прилеп.

Победа поведе со голот на младинецот Давид Дебрешлиоски, кој донесе рано водство за прилепчани, но тимот предводен од поранешниот тренер на победашите, Дарко Крстески, успеа да направи подвиг и да им одржи лекција на црвено-белите.

Ова беше прв подготвителен натпревар за Победа пред стартот на сезоната во Втората фудбалска лига. Следниот натпревар прилепчани го играат во Струга против Караорман за три дена.

Полициски службеници од Одделението за внатрешни работи Прилеп, при СВР Битола, во рамки на активностите од проектот „Безбедно лето 2023“ во текот на минатата ноќ до раните утрински часови (22/23.07.2023), односно во периодот од 21.00 до 03.00 часот спроведоа акциска контрола за присуство на малолетни лица во спортски обложувалници, казина и на јавни простори после полноќ.

Притоа, беа извршени контроли во 22 спортски обложувалници, 10 казина и еден угостителски објект, како и контрола на парковите во централното градско подрачје на Прилеп, при што биле затекнати 13 малолетници без надзор на родител после 24.00 часот и тие биле предадени на нивните родители, по што ќе следат соодветни поднесоци.

Инаку и во Битола ноќва околу 01.00 часот од страна на полициски службеници при СВР Битола во близина на месноста „Јени Џамија“ биле затекнати лицата З.И., Ѓ.М., Љ.М. и С.Џ, сите од Битола, кои што непристојно се однесувале на јавно места. Истите биле лишени од слобода и ќе следуваат соодветни поднесоци. Исто така, во угостителски објекти на подрачјето на Битола со инструмент фонометар била вршена проверка на јачината на бучавата, при што бил констатиран прекршок во угостителски објект во централното градско подрачје и ќе следува соодветен поднесок.

На ден 22/23.07 2023 во временскиот период од 23.00 до 04.00 часот ваква контрола била извршена од полициски службеници на СВР Скопје, во угостителски објекти и казина на подрачјето на Центар, Кисела Вода и Аеродром, при што извршени се прегледи на 20 лица, а констатиран е еден прекршок од Законот за приватно обезбедување.

Вчера (22.07.2023) во периодот од 08.00 до 14.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 91 возачи . Од вкупно 91 возачи 65 возачи ја пречекориле брзината во населено место, а 26 надвор од населено место. На сите прекршители изготвени им се соодветни поднесоци.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Не престануваат да пристигнуваат фотографии до нашата редакција, откако ја објавивме нашата нова рубрика: “Пријави комунален проблем, испрати фотографија или видео”.

Најновите фотографии се од населбата “Рид”, поточно од скалите над скривниците, ако воопшто се гледа дека тука има скали.

Граѓаните од овој дел на градот бараат комуналните служби најитно да интервенираат и да го исчистат просторот од тревата, која достигнува над 1 метар висина.

Со оглед дека Македонија е во портокалова фаза, апелираме ЈКП Комуналец Прилеп своите екипи да ги испрати во раните утрински часови, или во периодот после 17 часот.

Синоќа после концертот на српската турбо фолк пејачка Теа Таировиќ, што се одржа на отвореното Ракометно игралиште во Битола се случил немил крвав настан.

-На 22.07.2023 полициски службеници од СВР Битола ги лишиле од слобода С.Б.(19), Д.Ј.(18) и Б.А.(18), сите од Битола, а на службен разговор во полициска станица се повикуваат и други лица поради сомнение за инволвираност во физичка пресметка, која е пријавена околу 00.47 часот.

Според пријавеното, на ракометното игралиште во Битола дошло до меѓусебна физичка пресметка помеѓу две групи, меѓу кои и малолетници, во која бил употребен и остар предмет, а две малолетни лица и еден 19-годишник со повреди биле пренесени во Клиничка болница Битола за укажување на лекарска помош.

По целосно расчистување на случајот ќе следуваат соодветни поднесоци – информираат од СВР Битола.