Времето утре во Македонија ќе биде претежно сончево. Во јужните подрачја претпладне ќе има мала до умерена облачност, а преку денот ќе биде претежно сончево со слаб ветер. На повисоките места и на планините ќе дува умерен ветер од северен правец.
Утринската температура ќе се движи од минус девет до минус еден, а дневната од четири до девет степени.
Во наредните денови ќе преовладува сончево време. Дневната температура ќе биде во постепен пораст, особено во четврток кога ќе биде најтопло, а утринската температура ќе биде релативно ниска. Од петок и за време на викендот ќе има услови за појава на магла по котлините и по речните долини.