Унгарскиот премиер Виктор Орбан денеска за унгарското национално радио изјави дека светот е поблиску од кога било до уште една светска војна.
Орбан истакна дека лидерите на западниот свет се „погодени од вoeна треска“, и дека држат говори во кои повикуваат на победа во вojната и испраќаат сè поопасно opyжје во Украина, пренесува агенцијата МТИ.
„На Унгарија и требаат ефективни вoopyжени сили, а владата работи на зголемување на бројот на вojници, нивната посветеност на татковината и нивниот повик, нивното ниво на обука и нивниот јавен углед“, рече Орбан.
„Фактот дека сме за мир не значи дека треба да бидеме беспомошни“, рече Орбан.
Орбан најави дека Унгарија ќе продолжи да става вето на мерките кои би предизвикале „најнепосредна штета“ на економијата на земјата, пишува Telex.hu.
„Ако Европската унија утре ги укине санкциите против Русија, инфлацијата веднаш би се преполовила, а потоа постепено би се вратила на 2-3 отсто“, заклучи Орбан.
