Во текот на вчерашниот ден полициските службеници од СВР Битола -ПО Ропотово спроведоа низа на превентивни активности со претставниците на месните заедници, жителите на населените места, ловни здруженија и групи на граѓани околу проблематиката со малото и лесно оружје.
Притоа, полициските службеници уште еднаш ги презентираа законските промени во делот од Законот за оружје со кои е предвидено задолжителна замена на дозволите за оружје најдоцна до крајот на задолжителниот рок – 04.06.2023.
Исто така, на жителите им беше поделен и печатен едукативен материјал во насока на доследно почитување и примена на законските одредби.
