Во саботата во Скопје се одржа Интернационалниот натпревар STAGE SKOPJE 2022 каде учество во повеќе категории зедоја и од прилепскиот танцов клуб NEW GENERATION и направија вистински бум на сцената.
Сите три формации освоија први места и тоа: прво место во стрит денс од 6-8 години, во кореографија на Оливер Богојевски, освои групата “КИDS DANCERS”.
Непобедените досега HAPPY GIRLS го освоија првото место во ХИП ХОП за деца, по кореографија на Андреа Мицеска, и прво место по кореографија на Ивана Богојевска, во категорија на стрит денс јуниори, освои групата D.S.N.G.
Покрај групните награди, прво место освои и Андреа Мицеска во ХИП ХОП, Дора Алексоска беше втора во стрит денс за деца, а Христина Силјаноска втора во стрит денс за јуниори.
Инаку, STAGE SKOPJE е врвен натпревар каде учествуваат најдобрите танц групи во Европа и секоја година се одржува во Националната опера и балет.
Со најновите успси NEW GENERATION како танцов клуб ја оправдаа Третоноемвриската награда, кој ја добија по повод Денот на ослободувањето на Прилеп.
