Жестоки борби се водат во близина на јужниот израелски град Магена, кој се наоѓа во близина на границата со Појасот Газа.

Безбедносниот кабинет на израелскиот премиер Бенјамин Нетанјаху синоќа објави веона состојба и издаде дозвола за извршување „значајни воени активности“.

Се наведува дека Кабинетот за безбедност одлучил стапи во сила клаузулата 40 од Основниот закон за Владата на Израел. Според таа клаузула, Израел не може да војува доколку не добие одобрение од владата.

Large numbers of Merkava main battle tanks, numbering in the dozens in just this convoy, heading as of right now towards the #Gaza strip from inside #Israel: pic.twitter.com/CM3IQvAhrg

— The STRATCOM Bureau (@OSPSF) October 8, 2023

🚨 #BREAKING Intense battles are currently underway between #Hamas fighters and the #Israel army in Ashkelon. The situation remains highly volatile. 👀

Hamas fighters entered Kibbutz Magen on the border with the #Gaza strip. There is currently a tank battle ongoing between IDF… pic.twitter.com/lkvPR2zgvp

— HumanDilemma (@HumanDilemma_) October 8, 2023

Noa was partying in the south of Israel in a peace music festival when Hams terrorists kidnapped her and dragged her from Israel into Gaza.

Noa is held hostage by Hamas.

She could be your daughter, sister, friend.#BringBackOurFamily pic.twitter.com/gi2AStVdTQ

— Hen Mazzig (@HenMazzig) October 7, 2023

На 08.10.2023 во времето од 00.00 до 01.00 часот од страна на криминалистичката полиција на СВР Битола била спроведена акциска контрола на подрачје на Битола при што извршена е контрола во три угостителски објекти, при што во еден угостителски објект се затекнати двајца малолетници после полноќ, а во друг угостителски објект затекнати се тројца малолетници после полноќ.

По документирање на настаните ќе следуваат соодветни пријави – велат од СВР Битола.

На 07.10.2023 во 19.25 часот на регионалниот пат Р-1311 Битола-Маково, во близина на с.Новаци се случила сообраќајна несреќа помеѓу патничко моторно возило „голф“ со битолски регистарски ознаки, управувано од В.П.(47) од с.Добрушево- општина Могила, и патничко моторно возило „опел корса“ со битолски регистарски ознаки, управувано од Ж.Т.(51) од с. Долно Оризари, битолско.

Од страна на лекар во Клиничката болница Битола, на сопатниците во возилото „опел корса“ М.М.(58) од Битола и С.К.(48) од с.Логоварди, битолско им биле констатирани тешки телесни повреди, додека на двајцата возачи и малолетна сопатничка во возилото „голф“ им биле констатирани телесни повреди.

Увид на местото на настанот извршила екипа од СВР Битола – информираат од СВР Битола.

Илија Несторовски го постигна својот деби гол во новиот тим Асколи. Неговиот гол донесе предност на Асколи во дуелот со Сампдорија, но на крајот тимот кој е предводен од легендата на италијанскиот фудбал, Андреа Пирло, успеа да се избори за бод преку удар од белата точка, кој го реализираше Борини.

Прилепчанецот погоди пред самиот крај на првиот дел, кога најдобро се снајде во казнениот простор со глава по едно нафрлување на Фаласко.

Несторовски во Асколи дојде како слободен играч пред самиот крај на трансфер пазарот летово, а пред навивачите беше претставен како големо засилување.

Погодокот на Иле погледнете го ТУКА

Екипата на Мега Баскет го торпедираше довчерашниот прволигаш Куманово, во првиот натпревар од втората кошаркарска лига. Мега баскетџиите од Прилеп се дебитанти во Втората лига сезонава, откако минатата година со одличните игри повторно ја вратија кошарката во градот под Марковите Кули.

Тимот е речиси истиот, но желбата за натпреварување е уште поголема, па така синоќа во спортската сала на ООУ “Добре Јованоски”, прилепчании буквално ги растурија кумановчани. Крајниот резултат на семафорот беше 121-67, на огромно задоволство на вљубениците во кошарката.

Прилепчани беа како тим од НБА лигата за Куманово кој воопшто не наликуваше на тим кој играл во најелитното кошаркарско друштво кај нас.

Во следното коло Мега Баскет гостува во Штип кај екипата на Соколи.

Уште еден успешно реализиран проект во ООУ “Климент Охридски” Прилеп и уште едно ремек дело, на задоволство на вработените, учениците и нивните родители.

Директорот на училиштето информира дека и последниот парк доби целосно нов лик, а ова совршенство е плод на целата посветеност, трудољубивост и макотрпна работа која се вложува во оваа образовна институција.

Погледнете во продолжение и уживајте! Не случајно секој родител во моментов сака неговото дете да учи во ова училиште:

Повеќе од половина од испитаниците сметаат дека ниту една од постојните партии нема капацитет да реализира најдобра економска програма. Сепак, најголем дел од граѓаните имаат доверба дека тоа може да го стори ВМРО-ДПМНЕ, партијата која според ова истражување ако утре се одржат изборите ќе победи во сооднос 2,5:1 со владеачката партија СДСМ. И рејтингот на лидерот на ВМРО-ДПМНЕ Христјан Мицкоски е во пораст и е речиси четири пати поголем од рејтингот на претседателот на СДСМ и премиер Димитар Ковачевски.

Ова се дел од резултатите од телефонската анкета спроведена на 1.200 испитаници од агенцијата Маркет вижн од 18 до 25 септември, а по нарачка на редакцијата на МКД.мк.

Над две третини или 69,7% од испитаниците немаат доверба во ниту еден лидер на политичка партија на македонската политичка сцена. Додека од оние кои се изјасниле, во Христијан Мицкоски доверба имаат 12,3%, во Димитар Ковачевски 3,5%, во Димитар Апасиев 3,1% и во Али Ахмети 3,7% од испитаниците.

Целото истражување погледнете го ТУКА

Од наредната година се најавува раст на минималната плата, која се очекува да биде над 23.000 денари односно речиси 400 евра, со ова се очекува да продолжи растот на сите плати, а значително ќе скокне и просечната плата.

Минималната плата која во 2012 беше 8050 денари, а во 2016 изнесуваше нешто над 10.000 денари, денес изнесува над 20.175 денари, а од следната таа ќе биде над 23.000 денари.

Натпреварот во излежување во селото Брезна во Црна Гора заврши откако педесеттиот ден двајца натпреварувачи одлучија дека е готово.

Во финалето се пласираа Филип од Мојковац и Лидија од Никшиќ, а како што беше речено на свеченото прогласување на победникот, Филип решил победата и медиумското внимание да и ги остави на Лидија.

Лидија освоила 1.000 евра, а исто толку во еден момент и понудиле од семејството само за да стане и да го прекине натпреварувањето.

Лидија Марковиќ има 23 години, од Никшиќ и е козметичар. Претходно за време на натпреварот таа за ТВ Прва изјави дека на натпреварувачите им е дозволено се, освен дека мора да легнат.

– Во осум часот стануваме, имаме пауза од 15 минути. Првата пауза ја користам во 10 часот за туширање, втората пауза во 18 часот за миење на косата, а потоа се враќам во кревет да ја исушам косата. Се снаоѓам лежејќи. Паузата после полноќ ја користам за тренинг. Тогаш ја користам можноста да трчам што повеќе – раскажала Лидија како изгледа нејзиниот ден.

На 06.10.2023 во 18.00 часот во ОВР-Прилеп С.М.(27) од Прилеп пријавила дека околу 14.30 часот додека била на своето работно место како обезбедување во банка во Прилеп, била физички нападната од едно женско лице.

Се преземаат мерки за расчистување на случајот – информираат од ОВР Прилеп.