На 25 август 2023/ петок/ од 20.00 часот во ЦК „Марко Цепенков“ ќе се одржи концертот „30 прсти“, на кој ќе се претстават пијанистите Весна Ангелова, Марија Вршкова и Петар Макариевски.

Програма:

Ј.Крас – Свита – „Детски души“

– Чисти

– Наивни

– Мистериозни

Р. Рамазанов – Свита

– Салса Ритам

– Мала Рапсодија

– Пролетно расположениe

Б.Иин – „АлисиОС“

Д.Темков – „ Y to my gti turbo pride“

Пијано трио „30 прсти“

Марија Вршкова, од Битола, дипломирала на ФМУ во Скопје со највисока оценка на универзитет „cum lauda“ во класата на проф. Т. Светиев, каде и ги завршува магистерските студии по пијано. Добитник е на повеќе награди во поранешна Југославија, а најзначајна и е нагрдата Трети ноември на меѓународниот натпревар на млади пијанисти во Рим. Учествувала на бројни семинари по пијано и камерна музика, а неколку пати е единствен претставник на Македонија во Светскиот младински оркестар. Вршкова има посебен афинитет кон современата музика, совладувајќи ги најновите пијанистички техники. Реализирала преку 50 светки премиерни изведби на солистички и камерни дела, не само од македонски туку и од странски автори. Настапувала во голем број земји, а е дел од меѓународни музички манифестации. Моментно работи како вонреден професор на ФМУ Скопје.

Весна Ангелова Христов, дипломира на ФМУ Скопје во класата на проф. Борис Романов. Магистрирала на интепретација на пијано на ФМУ под менторство на реномираната пијанистка Рита Кинка. Добитник е на бројни државни и меѓународни награди. Била учесник на меѓународни мастер класи кај познати пијано педагози, настапува како солист и камерен музичар низ Македонија. Бугарија, Хрватска, Франција, Германија, Чешка, САД….  Настапувала на бројни музички фестивали во земјата и во странство. Повеќе пати настапува со Македонската филхармонија. Нејзиниот афинитет кон камерната музика ја води кон оформување на пијано трио и пијано дуо, а најчесто настапувала со виолинисти, поддржувајќи млади музичари. Моментно работи како професор по пијано и камерна музика во ДМБУЦ„Илија Николоски – Луј“ во Скопје.

Петар Макариевски, во 2001 година дипломирал на ФМУ Скопје во класата на проф. Јасминка Чакар.Од 2001 до 2003 посетува магистерски студии во Софија, а од 2011 година добива асистентско место на Државниот универзитет во Атланта, САД и паралелно завршува магистерски студии кај проф. Серѓо Гало.  Додека престојува во САД активно реализира концерти и работи како хонорарен пијано соработник на универзитетот.  Макариевски настапува и во Македонија и со Макеоднската филхармонија. Во 2005 г. со Весна Ангелова го формираат камерното дуо пијано. Работел на повеќе места, а од 2019 година е уметнички соработник пијанист на ФДУ во Скопје.

УХМР најавува дека и натаму продолжува периодот на многу топло време со активно жолто ниво на опасност од висока температура. Но, од утре во попладневните часови наместа ќе има појава на нестабилна облачност со пороен дожд, грмежи и засилен ветер.

Локално процесите ќе имаат форма на невреме со интензивен пороен дожд, електрични празнења, силен ветер и појава на град.

Според УХМР, краткотрајно постабилно ќе биде во петок.

Во случај на појава на електрични празнења се препорачува поголема внимателност, да не се престојува на отворен простор и под осамени дрвја.

Вчера три заклучоци на состанокот на Извршниот комитет. Прво беше благодарност до пратеничката група на ВМРО-ДПМНЕ и коалицијата затоа што сите пратеници останаа доследни и истрајни на ставот кој што заеднички го донесовме, а тоа е дека не можеме да прифатиме уставни измени, а тоа беше потврдено во петокот при изгласување на дневниот ред, вели Александар Николоски пратеник и потпретседател на ВМРО-ДПМНЕ во денешното гостување во емисијата Клик Плус на ТВ21, по вчерашната седница на Извршниот комитет на партијата.

Николоски истакна дека донеле заклучок на седницата и барање до Џафери веднаш да се стави точката за уставни измени на гласање, а не да се одлага, бидејќи владата на СДС И ДУИ сама ја закажала седницата на 18 август, се со цел да се види волјата на пратениците.

-Второ работа која што ја побаравме е да не се одлага гласањето за уставните измени, односно веднаш да се стави во Собрание и да не се одлага овој процес затоа што на крајот на денот 18 август како термин за условно кажано, изгласување или неизгласување беше определено од власта. Тие самите ја закажаа седницата без да консултираат никого и без да прашат, така што ако самите ја ставиле на 18 август, фер е да се стави на гласање за да се види јасно волјата на пратениците, потенцираше тој.

Потпретседателот Николоски нагласи дека имајќи во предвид дека владата не може да го испорача она кое што го ветила а тоа се почеток на преговори со Европската унија најлогично е да се распушти собранието и да се оди на брзи предвремени парламентарни избори, додавајќи дека ВМРО-ДПМНЕ е подготвена да се откаже од техничката влада.

-И третата работа имајќи во предвид дека власта нема двотретинско мнозинство за уставни измени, а целокупната приказна околу власта, ако сакате и силување на демократијата која се случи после локалните избори, за која што многу сум зборувале, беше околу некаков почеток на преговорите со ЕУ. Очигледно власта не може да испорача и имајќи во предвид дека не може да испорача, најлогично е да се оди на брзи предвремени избори кои што ние повикуваме да се случат час поскоро, да се распушти собранието и во законски предвидениот род од 50 до 50 дена да одиме на предвремени парламентарни избори. При што и ние сме спремни и ние да направиме отстапка а тоа е да се откажеме од таканаречената Пржинска или техничка влада. Односно ВМРО-ДПМНЕ доброволно се откажува од двајца министри и тројца заменици министри од таа техничка влада за спроведување на избори, дециден е Николоски.

И оваа година на Широк Сокак во Битола ќе се одржи традиционалната “Бела ноќ”.

Забавата која повторно ќе го обои градот на конзулите во бело се одржува по 11. пат, а годинава е закажана за 25. и 26. август.

На плоштадот “Гоце Делчев“ свој настап на 25. ќе имаат “Нокаут” и The Groove, a на 26. битолчани и сите гости ќе уживаат во сетот на еден од најдобрите диџеи, Дејвид Моралес.

Затоа резервирајте си навреме маса во некој од битолските локали и поминете одлично време со вашите блиски и пријатели.

Некогаш беше природна воздушна бања, а денес спокоен бисер во прегратките на планината

Манастирот Св. Никола во прилепското село Прилепец е едно од најубавите светилишта во околината на Прилеп. Сместен на 10тина километри од градот, манастирот претставува духовно светилиште кое мами со мирот и спокојот кој го нуди.

До манастирот се пристигнува брзо и лесно по асфалтиран пат. Низ годините манастирот постојано се обновуваше и осовременуваше, за денеска да биде едно прекрасно место каде може да поминете прекрасен ден со вашето семејство, да преспиете и да уживате во прекрасната природа и чист воздух.

Во време на Втората светска војна манастирот бил засолниште на партизаните. За тоа сведочи и споменичното обележје, кое е малку десно од манастирот, а е посветено на деветмина загинати партизани, кои се бореле против бугарските окупатори во 1942 година.

Во конакот има 15 соби. Во празници е полн. Не само млади туку и повозрасни го посетуваат, затоа што тука можат да си приготват и храна, оти ги има сите услови. За престојниот празник Успение на Пресвета Богородица, во манастирот ќе биде весело, ќе се служи света литургија (на ден 27.08, недела со почеток од 19:00 часот, а на ден 28.08, понеделник утринска литургија со почеток од 08:00 часот) и ручек за сите гости.

Портите на манастирот ќе бидат отворени за сите добронамерници кои ќе дојдат да запалат свеќа, да се помолат за здравје и да уживаат во празничниот ден.

Се покануваат сите верници да присуствуваат на литургијата и забавата која ќе следи со Оливер Лозаноски и неговиот бенд – стои во поканата од управата на манастирот.

По примерот на повеќе други општини, и малото Кривогаштани од оваа година ќе има свој фестивал. Градоначалникот на општината, Николче Мискоски го најави “Фестивалот на пиперката”, кој ќе се одржи на 27. август, а на истиот гостите и жителите од општината ќе имаат можност да уживаат во богата музичка програма.

-Ве очекуваме на ФЕСТИВАЛ НА ПИПЕРКАТА на 27ми август со почеток во 17 до 02 часот во општина Кривогаштани. За вас подготвивме:

-изложба на пиперки и производи од пиперка, примоција на производи од нашите произведувачи, изобилство и разновидност на производи

-Музичка програма – Игор Џамбазов и Гуру Харе бенд, Андријана Јаневска, Драган Темелковски Џони, Елена Велеска, нашите локални изведувачи Рубин Благадуша и Кико и Тикса Бенд, а ќе има и спектакуларно ДЈ шоу предводено од ДЈ Љубиша и РобиЛеј ЛедРобот.

-Детска програма – детско катче за најмладите кои ќе се запознаат со патот на пиперката од фарма до трпеза, со едукативна програма, изненадувања и подароци

-Локална Храна – промоција на извонредниот вкус на локалната храна од Кривогаштани

Зачувајте го датумот и придружете ни се заедно да ја славиме нашата култура и традиција – напиша Мискоски на ФБ.

Лионел Меси го одведе Интер Мајами до првиот клупски трофеј во историјата, откако неговата екипа славеше против Нешвил во финалето на регионалниот Лига куп.

Во седум натпревари за Мајами, Аргентинецот погоди дури 10 пати, а погодокот од синоќа е вистинска мајсторија, каква ретко се гледа било каде во светот.

Меси му донесе рано водство на Интер Мајами во 24. минута, а беше прецизен и во пенал рулетот, откако натпреварот заврши 1:1 во регуларните 90 минути.

Just listen the reaction of commentator as soon as Messi got the ball. The commentator knew what was coming.pic.twitter.com/l8Ohedn0Om

— Tulip (@tulipfcb) August 20, 2023

При кревањето на трофејот Меси направи уште еден убав потег и уште еднаш ја покажа својата големина, откако наместо да го крене тој, трофејот му го даде на Једлин.

Leo Messi gives Yedlin the armband and asks him to lift the trophy with him!

Just shows why Leo Messi is the most humble person in the world!#Messi𓃵 #InterMiamiCFpic.twitter.com/7axUXDVMlH

— 𝐒𝐭𝐞𝐯𝐞𝐧 (@SRKsSteven) August 20, 2023

Овој Лигс куп е прв трофеј за Меси во дресот на Интер, а со него стигна до бројката од 44 освоени трофеи во кариерата, со што го собори рекордот на Дани Алвес (43) и стана најтрофејниот фудбалер во историјата.

Сите интересни моменти од натпреварот во продолжение:

Кошаркарскиoт клуб “Декса” од Прилеп ја информира јавноста дека за прв пат досега во градот под Maрковите Кули, клубот пријави екипи во две младински категории – девојчиња до 12 и 14 годишна возраст, кои ќе се натпреваруваат во младинските лиги на КФМ.

Од клубот упатуваат и повик до сите девојчиња на возраст до 14 години, кои сакаат да тренираат кошарка и да се натпреваруваат, да се пријават на телефонските броеви: 078345533 и 071369567.

На 20.08.2023 во 16,30 часот во ОВР Прилеп било пријавено дека на крстосницата од ул.„Тризла“ со ул.„Петар Ацев“ се случила сообраќајна незгода помеѓу возило „опел“ со прилепски регистарски ознаки, управувано од М.С. (59) од Прилеп и возило „фолксваген“ сопственост на МВР, а управувано од полициски службеник од ОВР Прилеп.

Притоа, со телесни повреди се здобиле С.Ј., М. Ј., М. Ј. и М.С., констатирани во болницата во Прилеп. Увид на местото извршила екипа од ОВР Прилеп – стои во соопштението од ОВР Прилеп.

Во соопштението на МВР нема информација дали во сообраќајната незгода се повредени и полициски службеници. Според информациите на МАРКУКУЛЕ, на лице место интервенирала и екипа на Територијалната противпожарна единица – Прилеп, бидејќи М.С. бил приклештен во автомобилот.

На 20.08.2023 во 17.59 часот во ОВР Прилеп, од Општа болница Прилеп било пријавено дека кај нив со повреди бил донесен Ш.Ф.(54) од с.Дебреште, прилепско. Полициски службеници извршиле службен разговор со лицето, при што било констатирано дека околу 17.30 часот во с.Дебреште, при семејна веселба, Ш.Ф. од огнено оружје испукал неколку куршуми во воздух.

Потоа додека се превезувал со патничко моторно возило „фолксваген голф“ со прилепски регистарски ознаки испукал еден куршум во неговото десно стапало.

Увид на местото бил извршен од екипа од ОВР Прилеп и се преземаат мерки за расчистување на случајот – информираат од ОВР Прилеп.