Фудбалските фанови се во исчекување за најголемото фудбалско натпреварување во светот. Групната фаза на Лигата на шампионите започнува на 19-ти септември а завршува на 13-ти декември.
Денес со почеток во 18 часот беа извлечени и комплетирани групите. Исходот од извлекувањето беше причина за прослава кај некои европски гиганти, но создаде и паника во редовите во некои од фаворитите за титула.
Со настапите на Тропико Бенд, Тијана ЕМ, Ламбе Алабаковски и Миле Кузмановски, утре ќе започне фестивалот на скарата и пивото во Прилеп, кој оваа година го носи името “Prilep Beer Weekend”.
Фестивалот оваа година се одржува 3 дена и ќе трае од 1-3 септември, а новина има и во водителската двојка на фестивалската сцена.
Taква чест организаторите им дадоја на познатиот јутубер Стефан Лазаров и водителката на “Бекстејџ”, манекенката Ева Јовановска.
Фестивалот е во организација на Event Group од Скопје, од каде веруваат дека и покрај краткото време на организација ќе понудат добра забава.
Аца Лукас е најголемото музичко име кое треба да се појави на фестивалската сцена во Прилеп, а неговиот настап е на третата фестивалска вечер.
Во полицискиот билтен на МВР денеска информираат за дури 4 каснувања на граѓани од кучиња скитници.
Дури три жени пријавиле каснување од куче скитник во населбата “Варош”, на ул. “Ладо Лапецот” и ул. “Мирче Најденов”, а каснат бил и 61-годишен жител во населбата “Точилa”.
-На 30.08.2023 во ОВР Прилеп, Ј.М.(61) од Прилеп пријавила дека во населба „Варош“ во Прилеп била касната од куче скитник.
-На 30.08.2023 во ОВР Прилеп, К.Г.(45) од Прилеп пријавила дека на ул.„Ладо Лапецот“ во Прилеп била касната од куче скитник..
На 30.08.2023 во ОВР Прилеп И.К.(30) пријавила дека на ул.„Мирче Најденов“ во Прилеп била касната од куче скитник.
На 30.08.2023 во ОВР Прилеп, К.Г.(61) од Прилеп пријавил дека во населба „Точила“ во Прилеп бил каснат од куче скитник.
-За време на посетата на СН Осигурителен Брокер и СН Сообраќаен центар младите се запознаа и со можностите менторство, практично надоградување и усовршување на млади кадри во соодветните струки. Од СН Групацијата велат дека целта е да се поддржи потенцијалот на младите, нивната креативност и амбицијата за напредување.
Посета на СН Осигурителен Брокер и СН Сообраќаен центар оствари група млади луѓе како дел од иницијативата „Волонтерството е ИН“ на Здружението за меѓународна младинска соработка Интерактив – Битола во рамките на проектот „Млади Хаб – надминување на нееднаквоста помеѓу младите”, чија цел е да ги поддржи и поттикне девојките и младите жени да бидат поактивни во општеството, да креира поеднаков пристап до можностите во јавниот живот, во приватниот сектор и во процесот на донесување одлуки на локално и национално ниво.
Во обиколка на Сообраќајниот центар ги водеше Благица Сековска, со што младите се запознаа со сите содржини кои ги нуди центарот. При тоа тие можеа да видат каде се регистрираат возила и како се врши технички преглед на возилата, по што ги посетија и сервисот за автомобили и автопералната.
Маја Митревска ги запозна со можностите за пракса во СН Осигурителен Брокер АД Битола, како општествено одговорна компанија која во континуитет обезбедува поддршка на младите кадри и отвора можности за нивна доедукација и професионално усовршување.
Митревска ги информираше младите дека како општественo одговорна компанија, СН Осигурителен Брокер АД Битола во соработка со факултетите од Универзитетот „Свети Климент Охридски – Битола“ овозможува менторство, практично надоградување и усовршување на млади кадри во соодветните струки. Од СН Групацијата велат дека целта е да се поддржи потенцијалот на младите, нивната креативност и амбицијата за напредување.
„Младите се незаменлив дел од работењето на секоја успешна компанија.
СН Осигурителен Брокер АД Битола го препознава и вреднува потенцијалот на младите кадри и нашата цел е преку менторски програми и пренесување на вредни искуства да им дадеме дополнителна поддршка во процесот на едукација.“-велат од СН Осигурителен Брокер, поддржувајќи ги ваквите иницијативи кои што имаат за цел зајакнување на младинските капацитети и отворање на поголеми можности за нивно професионално усовршување и напредување во поглед на кариерниот развој.
Од младинското здружение „Интерактив“ велат дека соработката со стопанскиот сектор е од исклучителна важност. “Многу ни е важна соработката со компаниите како што се СН Осигурителен Брокер АД Битола и Сн Сообраќаен центар кои што имаат изразено чувство на општествена одговорност и долга традиција на поддршка на младите кадри во процесот на едукација и практична работа. Тоа се компании со висока свест за потребите на младите и за нас е многу значајно што се отворени за соработка и за поддршка на младите кои што сакаат да се запознаат со нивното работење и да изведуваат пракса.
Ова беше можност младите одблиску да ја почуствуваат работната атмосфера. Уште поважно за нас е што за време на посетата можевме да се запознаеме со практиканти кои што во овој период се на пракса во СН Осигурителен брокер, така што младите од нашата група можеа директно да се информираат за бенефитите од практикантската работа.“-изјави Мартин Николовски од здружението „Интерактив“.
Од таму додаваат дека големо е значењето на практичната работа во процесот на вработување на младите и затоа сметаат дека е важно да се развие јавна дискусија преку која ќе се промовира практичната работа кај младите и бенефитите кои произлегуваат од тоа во процесот на барање на работа. Во заедничка корелација со сите чинители, беше утврдено дека практиканството мора да биде дизајнирано за да им овозможи на младите практично познавање и користење на изучуваните дисциплини, професионален развој и запознавање со понатамошната работа.
Владеачката партија започна со нов карван, сличен на оној пред неколку години кога се променуваше името на државата. Овојпат карванот им е насловен како “Ние сме Европа”. Ќе одат по сите градови, а започнаа вчера од Скопје. Интересно беше тоа што синоќа пред говорницата, покрај Ковачевски, Маричиќ, Бектеши и амбасадорот на Шпанија, застана и Генералната менаџерка на прилепската компанија “Комфи Ангел”, Ирена Јакимоска.
Пред цела Влада во прв ред, Јакимовска меѓудругото го порача следново:
“Ни “Комфи Ангел” сам, па ни Европа може да ни ја зголеми бројката на БДП, таа ни е 2,4. Така? Таа е реалноста! Да се запрашаме и да бидеме реални пред себе и да се видиме во огледало, дали на Европа и треба земја која што прави 2,4? Не. За да може овој народ да осети дека Европа дошла тука, без 7% БДП… Премиере, единствен начин тоа да го направите, е да изградите мост помеѓу бизнис заедницата, и оние кои што го креирате државниот апарат или законските регулативи. Ако тој мост не го изградиме сега овдека, одма, утре, иди време на поплави. Реката меѓу нас е се поголема и поголема. Во таква Македонија ја сакам да живеам”.
Целото обраќање на Јакимовска на трибината можете да го проследите од 57:43 минута од видеото во продолжение:
Во прилепските црковни храмови денеска се служеше молебен за благословен почеток на училишната година. Храмовите беа преполни со дечиња кои внимателно ги слушаа свештениците.
Во продолжение преубави фотографии од храмот Св. Петка во населбата “Точила” кои зрачат со радост и топлина.
По пауза од 4 години, возбудливиот турнир “КГЈ 3х3” повторно се одржa во Прилеп.
Изминатиот викенд на спортското игралиште во ООУ “Кире Гаврилоски-Јане” се одржа 13-то издание на популарниот турнир во кое имаше пријавено над 20 екипи од Прилеп.
Она што можеше да се забележи двата дена од турнирот беше присуство на голем број млади луѓе, кои на едно место се забавуваа и уживаа во одлични баскет натпревари.
Еден одличен турнир и организација кои заслужуваат во иднина поголема поддршка и афирмација низ целата држава!
ФОТО: МОТION MEDIA
Српскиот ракометен репрезентативец и поранешен европски првак, Богдан Радивојевиќ, е нов член на Еурофарм Пелистер.
Од РК Еурофарм Пелистер информираат дека десното крило Радивојевиќ потпиша едногодишен договор со македонскиот ракометен шампион, а во Битола доаѓа како етаблиран ракометар кој 13 години по ред игра во Лигата на шампионите.
Радивојевиќ во својата ракометна кариера настапувал за ПИК Сегед, Партизан, Флензбург и Рајн Некар Левен.
Официјалното претставување на Радивојевиќ е предвидено на почетокот на месец септември
На 5 локации во Кавадарци поставени јавни тоалети – објави на ФБ градоначалникот Митко Јанчев.
-Пуштени во функција новите 5 тоалетни кабини и предадени на ЈП Комуналец за тековно одржување. Локации на истите: 1. До спортска сала Партизан, 2. Спортски центар Јасмин (кошевите), 3. Ул. Наца Пинџурова, 4. Локалитет 12 Ваташки Другари, 5. Село Брушани, во дворот на Црквата – напиша Јанчев.
Во театарот „Војдан Чернодрински“ се подготвува претставата „Хамлет“ од Шекспир, во режија на Бранко Брезовец. Премиерата на претставата, поддржана од Министерството за култура, ќе биде на средината на октомври.
„Хамлет“ е врвно дело на англиската и светската литература, во кое се говори за опседнатоста на данскиот принц Хамлет со идејата да се одмазди за смртта (убиството) на својот татко. Режисерот Бранко Брезовец вели дека му e голем предизвик да го постави „Хамлет “ на сцената и дека му е трета соработка со прилепскиот театар.
– Првата наша соработка „Антица“ беше многу успешна, а ја работевме опуштено и со взаемно разбирање. На оваа битова драма и пристапивме мошне спектакуларно, со модерен сценски јазик, а гостуваше во Загреб и во Лајпциг. Следната соработка беше „Глембаеви“ од Мирослав Крлежа, врвен текст на хрватската драмска книжевност. Одлична претстава со врвни актерски интепретации со која театарот гостуваше неодамна во Загреб, при што публиката беше фасцинирана. Тоа покажа дека нашата заедничка доверба има цврст темел. И, сега, со Хамлет се подигаме на врвот во драмската писменост. „Хамлет“ претходно го работев со ансамблот во Турскиот театар во 1995 година и таа претстава имаше извонреден ориентален призвук.
Хамлет не може да верува во задгробните пораки од татко му. Мора да види непосредно убиство, за да реагира, а не, некој да му раскажува за тоа. Сега овде во Прилеп имаме одлична поделба која се темели на Глембаеви, а Глембаеви се некоја варијација на Хамлет. Тука ќе биде помал нагласокот на проблемот на осветата, таа тема, во овие краеви, за среќа почна да се расплинува на почетокот на 2000 -та. Во нашата претстава се работи за проблемот на честа. Честа која за Хамлет е врвен морален принцип, овде, јасна работа не е отфрлена, но е релативизирана и како да се укажува на некои компромиси.
„Да се биде или не„ како да се разлева во истовремено: и да се биде и да не се биде. Се работи за приближување на некој нов идентитет за кој веќе зборувал Ибсен кога човекот го споредил со кромид, а како што знаеме кромидот се состои само од лушпи и нема цврсто јадро. Така и претставата нема да биде врзана за своето матично јадро, сцената, туку ќе се разлева низ целиот театар и ќе можете да уживате во микро играта, во стеснатите простори и во вистинската патетика и благородна ширина на актерските гести по должината на целото гледалиште и сцената.
„Хамлет“ ќе биде претстава на жестока колективна игра, на цврста актерска екипа и заедничко уметничко разбирање, па не барајте од мене некого да издвојам – вели режисерот Бранко Брезовец.
