Изминатиот викенд во Прилеп се одржа фестивалот на скарата и пивото, кој оваа година беше насловен како PRILEP BEER WEEKEND. Градоначалникот Борче Јовчески вели дека фестивалот бил успешен.

-Можеби со многу скептицизам и неверување, но, сепак Прилеп, заедно со организаторите покажаа и докажаа дека знаат да приредат добра програма, одлична забава, секогаш вкусна скара и многу ладно пиво.А, сите гости и посетители со својата позитивна енергија, одговорија дека ваков Фестивал во Прилеп секогаш е добредојден и посакуван па макар и на крајот од летниот период.Фактите говорат дека трите дена од 1-3 септември, Фестивалот помина во најдобар ред без никакви инциденти, задоволни учесници, задоволни посетители, многу испијано пиво и изедена скара. Во името на Општина Прилеп изразувам огромна благодарност до сите што учествуваа, до сите кои што го посетија и до сите што помогнаа и придонесоа Прилеп да биде епицентар на одличната забава – напиша Јовчески на Фејсбук.

РАСПОРЕД на богослужбите по повод празникот Св. Фануриј во црковните храмови: Свети Кирил и Методиј Параклис и Света Петка Точила

08 септември (петок) – 🕔17:00 часот – Празнична вечерна
09 септември (сабота) – 🕖 07:00 часот – Празнична утрена со Света Литургија
09 септември (сабота) – 🕔17:00 часот – Вечерна богослужба

* после завршување на службите ќе се изврши и режењето на празничниот колач – фануропита, кој во негова чест го принесуваат верниците.

Во Свето Благовештение (Стара Црква) колаците (фануриите) ќе се прережуваат:

На вечерна Богослужба во петок и сабота (08ми и 09ти), од 16. 00до 17.30 часот и

на утринска со литургија во сабота (09ти), од 07.30 до 09.30 часот.

Во Свето Преображение (Грчка Црква), после Богослужбите.

ДА СЕ ПОМОЛИМЕ ЗА МАЈКАТА НА СВЕТИ ФАНУРИЈ, ТА И ТОЈ ДА БИДЕ НАШ МОЛИТЕЛ ЗА НАШИТЕ ПОТРЕБИ ПРЕД БОГА.

Според преданието, мајката на свети Фануриј била блудница и свети Фануриј им ветил на сите дека ќе им помага во неволјите на сите оние кои ќе се помолат за душата на неговата покојна мајка.

Од овој настан особено се развива и култот на светителот, па така сите православни христијани подготвуваат колач – фануропита, која ја посветуваат во негова чест.

Фануропитата се носи во црква, каде што свештеникот ја благословува со одредени молитви за тоа. После добиениот благослов, додека јадиме од неа, се молиме за мајката на светиот Фануриј, но исто така и за онаа наша духовна и телесна поткрепа за која и сме ја посветиле. Амин.

Денеска (05.09.2023) во 06 часот во с.Митрашинци, беровско, по добиена судска наредба од Основен суд Кочани, извршен е претрес во домот на Б.Б. (63) во с.Митрашинци.

При извршениот претрес во куќата во која што тој живее, пронајдени се 22 пакувања со експлозив (околу два килограми) и 9 м бавногоречки фитил. Б.Б. е лишен од слобода и по целосно документирање на случајот, против него ќе биде поднесен соодветен поднесок – информираат од МВР.

Во кругот на Витаминка, повеќе од 300 деца на вработени во компанијата го обележаа почетокот на новата школска година и роденденот на омилената закуска Стоби флипс.

Пред 45 години во прилепска Витаминка беше направен првиот Стоби флипс, флипсот што и денеска е омилен за повеќе генерации а посебно за децата како нивен верен придружник низ школските години. Стоби флипс преку слоганот „Back to school“ гоодбележува секој септември со разни мотивациски активности со кои ги поттикнува учениците на потрага по нови знаења и жед за учење.

За таа цел и овој септември Витаминка за децата на возраст од 3 до 13 години организира едукативен, забавен и интерактивен настан со повеќе елементи.

Беше изведена претставата „Изненадувања“ како иновативен и уникатен концепт на презентација и едукација со музика изведена во живо на сцена од страна на професионални музичари и актери. Целиот концепт на претставата, со адаптација на музика и текст на поводот и со наменски креирана костимографија е осмислен и креиран тематски од Продукција ТРИАНГЛ Пулс. Дополнително, дворот на Витаминка и местото на создавање на Стоби флипс беше место за попладневна забава, исполнето со аниматори на штули и пантомимичари, жонглерско шоу, музика, игра и смеа.

„Со создавање на овој настан сакавме да ги споиме оние моменти од секојдневието што се важни за нас како компанија и што се инкорпорирани во нашата деловна стратегија но и општествена одговорност, а тоа се зацврстување на семејните врски кај младите и кај нашите вработени, поттикнување на образованиот процес и создавање вистински вредности за сето она што е важно во животот. И затоа веруваме дека овој настан што обележува не само почеток на нова школска година тука и нова животна етапа за некои, секогаш ќе се поврзува со убави, позитивни и среќни моменти“ велат од Витаминка.

Фејсбук статус на Ане Димитриеска Апостолоска – млада скопјанка која го раскажа нејзиното искуство на Онкологија во текот на вчерашниот ден

-Нема само убави слики ,уживање и насмевки,не знаеш животот што ќе ти приреди ,не знаеш какво искушение ќе ти донесе. Затоа живејте го секој ден со многу љубов во него, упорност (без разлика на последиците) и смирение .
Денес Онкологија не знаеа кај тераат…..наведнати глави …никој компас нема, како да се прв пат на работа, на три места ме преместија ….ПРИЧИНА ,,требало да го прашаат докторот каде ќе им дозволи да примаат пациенти,,. Чекај малку докторе твоја е болницава или се ќе си беше добро додека не те откриеа …..кој знае по кои дупки сте местеле кревети за поголем профит. Тешко на тој што си има мака. *Ако можат би го продале Бога а нив само еден ќе им суди*
Господ е голем 🙏 П.С.Со исклучок на мојата ѕвезда водилка – Спец.Др Даниела Попоска, без која ќе бев на дното. Жената која има не едно, туку три срца.

https://www.facebook.com/photo?fbid=3710601325843337&set=a.1556823011221190

На 04.09.2023 во 14.00 часот во Кавадарци полициски службеници од ОВР Кавадарци лишиле од слобода 15 – годишен малолетник од Кавадарци.

При претрес во неговиот дом, извршен со судска наредба, биле пронајдени и одземени осум велосипеди различна марка, за кои постои сомнение дека потекнуваат од кражби, извршени во периодот од 28.06. до 04.09.2023.

Лицето било задржано во полициска станица, а по целосно документирање на случајот против него ќе биде поднесена соодветна пријава – информираат од МВР.

На 04.09 2023 на Плоштад „Александрија“ во Прилеп, полициски службеници од ОВР Прилеп ги лишиле од слобода И.Ѓ.(22), Д.С.(19), И.Т.(18), Ѓ.Н.(20) и Д.Р.(21), сите од Прилеп, затоа што нарушиле јавниот ред и мир со меѓусебна физичка пресметка.

На 04.09 2023 од Плоштад „Александрија“ во Прилеп, полициски службеници од ОВР Прилеп го лишиле од слобода С.Т.(28) затоа што го нарушил јавниот ред и мир со агресивно и недолично однесување.

На 04.09.2023 во ОВР Прилеп, М.Г.(18) од Прилеп пријавил дека на ул.„Сотка Ѓорѓиоски“ во Прилеп бил физички бил нападнат од С.Т. од Прилеп.

По документирање на сите настани ќе следуваат соодветни поднесоци – информираат од ОВР Прилеп.

Летово повеќе граѓани реагираа до Маркукуле дека коњи и магариња се пуштени од нивните сопственици да пасат низ прилепските населби. Животните најчесто можат да се забележат во Типската населба, како и овој коњ кој е фотографиран во текот на вчерашниот ден.

Ќе го наречеме “рециклирач”, затоа што на зелена површина до него, тој муцката ја брцнал во котејнер. Шегата на страна, во Прилеп има голем број несовесни сопственици на домашни животни, кои без грам совест ги пуштаат да лутаат по улиците, без притоа да водат грижа дека истите можат да предизвикаат опасност во сообраќајот и штети врз приватните имоти.

На претходните објави, општина Прилеп преку комуналните инспектори реагираше со записник, а потоа ЈКП Комуналец Прилеп ги отстрани животните од јавните површини.

СВР Битола поднесе кривична пријава против П.П.(35) од Македонски Брод поради постоење основи на сомнение за сторено кривично дело „недозволено изработување, држење, посредување и тргување со оружје или распрскувачки материи“.

На 09.02.2023 во Македонски Брод, полициски службеници извршиле претрес во неговиот дом , при што пронашле и одзеле пет куршуми калибар 7,9 мм, седум рамки од автоматска пушка и 90 куршуми маневарска муниција калибар 7,62 мм – информираат од МВР.

Новинарката на Слободен печат Мирослава Симоновска, која со месеци известува дека една иста медицинска сестра, младата А.О. од Скопје (која на Клиниката за Онкологија е вработена од својата 18-та година), била пријавена за кражба на цитостатици на Клиниката за Онкологија, е мета на притисок од медицинската сестра да не објавува повеќе за нејзиниот случај и ја обвинува новинарката за психолошка тортура, објави редакцијата на печатениот и електронски медиум.

И двете пријави за сестрата немаат судска завршница. Во меѓувреме таа ја обвинува нашата новинарка за психолошка тортура и врши притисок во иднина да се внимава како и што се објавува.

Целата статија на СЛОБОДЕН ПЕЧАТ можете да ја проитате ТУКА.