На 11.11.2023 во 22.30 часот во Прилеп од полициски службеници е лишен од слобода Р.Р.(51) од Прилеп, затоа што кај него биле пронајдена и одземена прашкаста материја.

По целосно документирање на случајот ќе биде поднесен соодветен поднесок – информираат од ОВР Прилеп.

Во емисијата „Слободен печат“, Вицепремиерот за економски прашања Фатмир Битиќи уште еднаш истакна дека владините мерки даваат резултат, а инфлацијата е на ниво како пред кризата.

– Мерките што ги преземаме даваат резултат. Кажавме дека до крајот на годината ќе ја завршиме на висина со скоро исто ниво на инфлација како што имавме и пред кризата. 3.5% последната инфлација, последниот месец, порача вицепремиерот за економски прашања Фатмир Битиќи.

Тој напомена и дека последниов месец има зголемување на цените во малопродажбата за само 1 процент, што укажува на минимална промена. Понатаму, Битиќи најавија зголемување и на минималната и на просечната плата, при што минималната плата во март ќе достигне 22.500 денари.

Во текот на изминатата вечер (11/12.11.2023) во периодот од 22.00 до 04.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол. При контролата санкционирани се 48 возачи.

Од нив 34 на територија на Прилеп, по 5 во Битола и Македонски Брод, 2 Ресен и по еден во Демир Хисар и Крушево. За време на контролата биле санкционирани и 48 други видови прекршоци.

Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи.

Ракометарите на РК Прилеп го претрпеа и седмиот пораз во Супер лигата, откако попладнево загубија од фенерџијата на табелата, екипата на Вардар Неготино.

Ако во пресрет на натпреварот сите ракометни вљубеници во Прилеп очекуваа лесен триумф, а во тоа веруваа и самите ракометари, екипата на Боби Мојсов повторно разочара.

Крајниот резултат на семафорот беше 32:28 (18:12 на полувремето), резултат кој најблаго речено е срамен, особено за екипа која во пресрет на стартот на првенството ветуваше дека ќе се бори за плеј-оф разигрувањето.

За една недела Прилеп гостува во Скопје, кај другиот Вардар, а пред плеј-аут разигрувањето ќе игра уште со Мулти Есенс на домашен терен и кај Голден Арт.

На подрачје на Демир Хисар, Битола и Прилеп полициски службеници од Отсекот за превенција, криминалистичката полиција, како и од Отсекот за компјутерски криминал при СВР Битола, ОВР Демир Хисар и ОВР Прилеп, денеска и вчера реализираа превентивно – едукативни активности посветени на основците и средношколците.

Притоа, во средното училиште „Крсте Петков Мисирков“ во Демир Хисар во соработка со Црвениот крст спроведоа едукативно предавање на тема „Кажи не на дрогата, да на животот“. Во рамки на предавањето, учениците беа запознаени со законските реперкусии, но и последиците по здравјето кои произлегуваат од користење дрога.

Исто така, инспектори од Отсекот за превенција, криминалистичка полиција и компјутерски криминал при СВР Битола на учениците од осмо и деветто одделение при основното училиште „Даме Груев” во Битола им укажуваа за ризиците кои произлегуваат преку користењето на социјалните мрежи, како и начините за нивно навремено препознавање и превенирање, како и за ризиците и опасностите кои произлегуваат од користењето на недозволени супстанции.

Покрај ова, во средното општинско училиште „Ѓорче Петров ” во Прилеп, полициски службеници од ОВР Прилеп реализираа предавање на тема “Не користи дрога и алкохол”.

Со историја која датира од 1972 година, Авто Мото Друштво Прилепец е најстарата авто школа во Прилеп. Тие се пионери во областа на стручно оспособување на возачи во нашата општина и таа традиција продолжува и денес.

Но, за разлика од пред 50 години, денеска Авто школа Прилепец располага со супер модерни автомобили за оспособување на возачи за сите категории (АМ, А2, А1, А, Б, Ц, ЦЕ, Д).

Со оглед дека модерниот начин на живеење налага управување со автомобил, а вработувањето во компаниите, особено за младите, е често врзано со поседување возачка дозвола, тогаш порано или подоцна во животот, обуката за возачка дозвола е повеќе од неопходна.

Покрај обуки за возачки дозволи, во АМД “Прилепец” ќе добиете најповолни услови за регистрација и технички преглед на вашето возило. На едно место ќе добиете услуги за зелен картон, осигурување, меѓународна возачка дозвола, атест, сервис на вашето возило, а кога ќе затреба и шлеп услуги.

Посетете го тимот од АМД Прилепец на ул. “Моша Пијаде” бр. 230, или контактирајте со нив на еден од телефонските броеви: 073/444-100, 070/316-281 и 073/444-200 и искористете ја можноста за плаќање и до 12 рати.

На 10.11.2023 во 22.00 часот во Полициска станица Битола Р.Д.(44) од Прилеп пријавил дека од семејниот дом се оддалечила неговата ќерка Е.Д.(16), која што според пријавеното се наоѓала кај нејзиното момче во Битола.

Се преземаат мерки за пронаоѓање на лицето – информираат од СВР Битола.

На 10.11.2023 во 11.00 часот во ОВР-Прилеп, С.В. (62) од Прилеп вработен во Македонија Пат – Прилеп, пријавил дека во временскиот период од 20.06.2023 до 06.11.2023 година на регионалните патишта Р-1303 делница Прилеп-Македонски Брод од 3-ти до 30-ти километар, на Р-1306 делница Прилеп-Крушево од 6-ти до 31-ви километар, на А-3 делница Прилеп-Тополчани од 97-ми до 117-ти километар, на А-1К1 делница Прилеп-Фариш од 25-ти до 50-ти километар, непознат сторител одзел 76 сообраќајно-патни знаци.

Се преземаат мерки за расчистување на случајот – стои во соопштението од ОВР Прилеп.

Чудни огласи ќе најдете на социјалните мрежи. Еден од нив е и овој кој го споделуваме денеска. Девојка, бара две девојчиња да истепаат трета девојка….

-Тие влегоа да ме реанимираат. Бев над моето тело. Можев да го видам мојот сопруг Дени во аголот на собата. Можев да ги видам како прават компресии на градите, сите медицински сестри наоколу. Ги мирисав најубавите цвеќиња, најубавото нешто што некогаш сум го видел. Потоа слушнав музика. Кога ги отворив очите знаев каде сум. Знаев дека сум во рајот, започна таа.

Во 2019 година Шарлот Холмс отишла на рутински преглед, но била итно хоспитализирана поради висок крвен притисок. Состојбата и се влошила, а во еден момент лекарите ја реанимирале.

-Не можеш да си одиш дома. Мораме веднаш да те хоспитализираме, да ти го намалиме притисокот или ќе добиеш мозочен удар или ќе добиеш срцев удар, рекол докторот.

Нејзиниот крвен притисок се покачил од 134 на 234, по што срцето застанало и била клинички мртва 11 минути.

Шарлот го сподели своето неверојатно искуство, тврдејќи дека била надвор од своето тело и била сведок на нејзината реанимација.

-Тие влегоа да ме реанимираат. Бев над моето тело. Можев да го видам мојот сопруг Дени во аголот на собата. Можев да ги видам како прават компресии на градите, сите медицински сестри наоколу. Ги мирисав најубавите цвеќиња, најубавото нешто што некогаш сум го видел. Потоа слушнав музика. Кога ги отворив очите знаев каде сум. Знаев дека сум во рајот, започна таа.

-Погледнав наоколу во убавината. Можев да ги видам дрвјата, ја видов тревата. Сè се нишаше во ритамот на музиката. Сè на небото му се поклонуваше на Бога. Не можам да ви кажам како изгледаше рајот, бидејќи е надвор од она што можеме да го замислиме, тоа е милион пати подобро. Нема страв. Чувствувате чиста радост. Кога ангелите ќе ве преземат, нема страв. Одите дома и тоа е чиста радост, објаснува таа.

Како што изјавила, видела починати членови на семејството, никој не изгледал стар или болен и сите биле убави.

-Видов мало дете. Помислив: „Кој е ова?“ Потоа го слушнав татко ми, мојот небесен татко, како ми кажува дека тоа е мое дете. Го изгубив моето бебе во петтиот месец од бременоста, тоа беше момче. Се прашував како е тоа можно. Ми рекоа дека тие продолжуваат да растат во рајот, но таму нема време, тоа е вечноста. Значи, поминаа 48 години и еве го моето дете, нашето дете, го споделува своето искуство жената.

Како што изјавила „Господ ја однел до работ на пеколот“, а таму мирисало на гнилеж и трулеж, имало неподнослица смрдеа и сите врескале.

-Ми рече: „Ти го покажувам ова за да ти кажам дека ако некои од нив не го сменат својот начин, ќе живеат овде. Имаш време да се вратиш и да го споделиш тоа со луѓето“, раскажува Шарлот.

По неколку недели, Шарлот целосно се опоравила и ја споделила својата приказна со многу луѓе.