На 14.01.2024 во 09.15 часот во ОВР Прилеп било пријавено дека на крстосница од бул.„Гоце Делчев“ и ул.„Прилепски бранители“ во Прилеп, патничко возило „бмв“ со прилепски регистарски ознаки, управувано од Д.Ѓ.(36) од Прилеп, удрило во ограда од патот.

Во несреќата со тешки телесни повреди се здобил возачот, констатирани во Градската болница Прилеп.

Извршен бил увид од увидна екипа од Полициската станица Прилеп – информираат од ОВР Прилеп.

Светот никогаш не бил толку блиску до избувнувањето на Третата светска војна, изјави поранешниот американски претседател Доналд Трамп обраќајќи им се на своите поддржувачи во Ајова.

„Мислам дека никогаш не сме биле во таква опасност од трета светска војна како што сме сега. И како што велам во секој говор, ќе ја спречам третата светска војна, ги познавам сите овие луѓе“, рече тој, пренесува РИА Новости.

Според политичарот, САД под управата на неговиот наследник Џозеф Бајден станале „слаба и неефикасна држава“ чие мислење не се зема предвид на светската сцена.

„Бајден е крајно неспособен. Единственото нешто во што е добар е мамењето на изборите. Тие (демократите – уред.) се добри во лажирање изборни резултати, а исто така се одлични и во прогонот на нивните политички противници. Нема ништо друго што можат да направат “ – нагласи поранешниот американски претседател.

Трамп тврдеше дека Третата светска војна, доколку започне, нема да биде вообичаено бојно поле меѓу армиите и воената опрема на двата противници.

„Ова воопшто не е исто како Првата и Втората светска војна. Тоа беше страшно, но оваа ќе биде многу поголема, ќе има уништување“, додаде политичарот.

Веќе една година прилепчани имаат шанса да си ја пробаат среќата во еден поинаков амбиент. КАЗИНО ВЕГАС викендов прослави 1 година постоење во градот под Марковите Кули. Роденденот го прославија со сечење на роденденска торта и голем број изненадувања за играчите.

ВЕГАС КАЗИНО е единственото место каде љубителите на слот игри имаат можност да се забавуваат, а истовремено да освојат некој од вредните џек потови, кои само таму растат со неверојатна брзина.

ВЕГАС КАЗИНО нуди еден куп изненадувања, особено во викендите, кога играчите можат да освојат некој од вредните бонуси кои се паѓаат на секој час.

Среќен роденден на КАЗИНО ВЕГАС, а вие играјте со стил и играјте ОДГОВОРНО!

СДСМ континуирано вложува во унапредување и модернизација на здравството, со капитални инвестиции во објекти и опрема, како и со покачување на платите на здравствените работници – велат од владеачката партија.

Во продолжение интегрален текст од соопштението:

Само изминатите неколку денови во употреба се пуштени голем број нови реновирани здравствени објекти, како и нова опрема ширум медицинските центри во државата.

Скопската Клиника за хируршки болести „Св. Наум Охридски“, е модернизирана со набавка на нови апарати, во вредност од 1 милион евра, обезбедени од Владата предводена од СДСМ.

Набавен е нов современ апарат за литотрипсија, нов апарат за мамографија со томосинтеза, и лапароскопски столб за изведување на минимално инвазивни хируршки процедури, кој веќе е ставен во функција во оваа Клиника.

На Клиниката за ортопедија е пуштена во употреба комплетно реновираната современа хируршка сала. Со инвестиција од 15.000.000 денари, средства обезбедени од Фондот за здравствено осигурување и од донации, се овозможува Клиниката да има зголемен број на операции за 20% на годишно ниво, а со новата опрема за пациентите се обезбедува современа и комплетна грижа.

Новата Клиника во Козле, од институт за белодробни заболувања прерасна во клиника каде се овозможува и специјалистичка нега на терцијално ниво.

Набавени се голем број на нови апаратури во клиниката за гастроентерохепатологија со комплетно реновиран нов оддел, потоа одделот ендокринологија, Клиниката за токсикологија, како и Одделот за педијатрија во Општа Болница Гостивар.

Граѓаните од Сарај за прв пат по 50 години добија модерен поликлинички центар, вреден 1,3 милиони евра.

Од друга страна СДСМ ги покачи платите за здравствените работници и лекарите.

Реформите и инвестициите во здравство се еден од најважните приоритети, а тој процес не застана ниту во време на најголемата светска здравствена и економска криза.

СДСМ продолжува со унапредување на здравството, за подобри услови за лекување на граѓаните.

Бигорскиот манастир бара извинување од организаторите на Вевчанскиот карневал, за, како што пишуваат, исмевањето на Господ.

„Длабоко повредени од непристојноста и од богохулното исмевање на Божествената Личност на Господ и Бог и Спасителот наш Исус Христос, воедно и на Сечесниот Крст, на т.н. Вевчански карневал, гласно повикуваме на јавно извинување од организаторите и од учесниците во тоа несреќно светогрдие, како и на превенирање на слични случувања во иднина. Се сеќаваме дека кога во минатото токму на овој карневал се случи поигрување и со чувствата на верниците од исламска вероисповед, што предизвика бурна реакција на муслиманите во Македонија, се воспостави една своевидна практика да се избегнуваат маски со содржини коишто ќе предизвикуваат навреда кон верските чувства – нешто што како апел беше упатено и од општинската власт во Вевчани. Оттука, се прашуваме зошто, имајќи го предвид негативното искуство од минатото, сега некој решил да ги злоупотреби и христијанските симболи, и тоа на еден најпонижувачки и најнедостоинствен начин? Секако, според нас, поигрувањето и исмевањето со верските чувства на која било верска деноминација е злодело за кое се одговара не само пред Божјиот, туку и пред државниот суд. По овој немил повод, би сакале повторно да напомнеме за карактерот на овие световни манифестации, со коишто на еден потполно туѓ на нашиот менталитет начин, се одбележува споменот на Св. Василиј Велики и почетокот на Новата година според Јулијанскиот календар“, се вели во реакцијата од Бигорскиот манастир.

Сопственикот Клејтон оставил пари на шанкот во кујната и половина час подоцна го нашол својот миленик како ужива во најскапиот оброк во својот живот. Сопствениците повикале ветеринар, кој ги советувал да го надгледуваат кучето, а кога Сесил почнал да го исфрла она што го изел, тие се обиделе да ги залепат уништените банкноти.

Имено, тие пари ги издвоиле за реновирање во куќата, но нивниот миленик успеал да ги најде, пренесува CBS Pittsburgh.

За среќа, повеќето од залепените банкноти успеале да ги разменат во банката, но сепак изгубиле околу 450 долари.

Фејсбук статус на Протоереј Љупче Петрески

-СВ. ВАСИЛИЈ НЕ БИЛ БУРЕКЏИЈА
Зошто православните вртат бурек(лепче) со паричка на Василица? Од верски побуди и во чест и спомен на СВЕТИ Василиј Велики, нели?

Е па тогаш, убаво е да се знае дека Василиј Велики не бил бурекџија ами СВЕТИТЕЛ, а светителите во православната црква се чествуваат така што, верниците одат на богослужба во храмовите.

Вртењето бурек или лепче со паричка е убава традиција од преданието на Црквата и треба да се зачува, но ја губи смислата ако верните не присуствуваат на богослужба.

Патем, автор на денешната Литургија е токму Свети Василиј Велики и се служи само десетина пати во годината.

И сега, вртевте бурек во спомен на СВЕТИТЕЛОТ Василиј Велики или на Васил бурекџијата?

Во наредните години во светот би можело да се креира ново бојно поле, во однос на кое серијата воени конфликти што започнаа во последната година може да изгледаат како ситница.

Ова го пишува британскиот Дејли Меил, кој потсетува дека во 2023 година имаше нагло зголемување на конфликтите во светот. Спомнувајќи ја војната меѓу Израел и Хамас, како и војната меѓу Русија а Украина која трае две години.

Истовремено, во субсахарска Африка продолжуваат судирите меѓу владините сили, паравоените формации и екстремистичките организации, а во земји како Мјанмар и Судан беснеат граѓански војни.

На тоа ново бојно поле, кое, според британскиот весник, ќе ги засени сите тие конфликти, глобалните сили ќе се борат меѓу себе како никогаш досега во трка за контрола и превласт на Северниот пол.

Регионот се вели дека е подложен на невидени промени предизвикани од климата, при што топењето на мразот го отвора патот до огромна нова граница и отклучува ризница од досега недопрени природни ресурси, нови трговски патишта и стратешка надмоќ.

Но зошто е важен Арктикот?

Арктикот, некогаш само ледена дивина, брзо станува жариште на геополитички маневри, првенствено поради неверојатните природни ресурси скриени под неговата замрзната површина.

Американскиот геолошки институт проценува дека Северниот пол содржи 90 милијарди барели нафта, или околу 15 отсто од неискористените конвенционални ресурси на црното злато во светот, како и околу 40 милијарди барели природен гас, што е околу 30 проценти неискористени конвенционални извори на тој извор на енергија.

Новак Ѓоковиќ со многу мака стигна до второто коло на Австралија опен, а на мечот против хрватскиот тенисер, Дино Прижмиќ, Србинот доби неочекувана понуда – предлог за брак!

Имено, во текот на четвртиот сет, во моментот кога Ѓоковиќ водеше со 4:1 и сервираше, една девојка извика од трибините:

– Омажи се за мене!

Новак се насмеа, а потоа со потсмев одговори:

– Јас сум оженет!