На 10 ноември 2025 година ја презедов функцијата градоначалник на Општина Кичево. Довербата што ми ја дадовте не ја доживувам како привилегија, туку како обврска — секој ден да работам чесно, одговорно и во интерес на сите граѓани. Граѓаните избраа промена. Избраа општина што ќе биде присутна на терен, институција што ќе слуша и раководство што ќе одговара на преземените обврски, изјави Александар Јовановски, градоначалник на Општина Кичево во отчетот за сработеното кој ви го пренесуваме во целост.

„Нашата цел е Кичево да не се дели по населби, села, етничка, верска или политичка припадност. Општината е наш заеднички дом и секој граѓанин мора да има еднаков пристап, еднаква почит и еднакви можности. По повеќе од десет месеци од мандатот, денес давам прв посеопфатен отчет за сработеното. Не тврдиме дека сите проблеми се решени. Но можеме одговорно да кажеме дека Општината работи, дека постапките се движат и дека проектите од планови постепено стануваат реалност.

Една од областите во кои беше воспоставена особено интензивна динамика на работа е урбанизмот, градежништвото, заштитата на животната средина и комуналните дејности. Само во периодот од март до август 2026 година, во надлежниот сектор се евидентирани повеќе од 2.170 активности и обработени предмети. Во рамките на овој обем на работа се издадени повеќе од 1.500 акти, одобренија, решенија, изводи, потврди, согласности и други службени документи. Меѓу нив се повеќе од 515 изводи од урбанистички планови и 235 акти од областа на градежното земјиште. Преку електронските системи се обработени и издадени најмалку 200 акти во системот Е-одобрение за градење и 180 акти во системот Е урбанизам.

Издадени се и 165 потврди за адреса, 85 решенија за утврдување правен статус на бесправно изградени објекти, 45 урбанистички согласности, 35 известувања за урбанистички опфати, 30 заклучоци за запирање постапки за утврдување правен статус и 14 согласности за користење јавна површина. Покрај тоа, подготвени се потврди за легализација, акти по исправки и повторени постапки, проектни задачи, иницијативи, одлуки на Партиципативното тело и други управни акти од надлежност на Секторот. Дополнително, обработени се повеќе од 400 предмети преку системот Е-катастар, изготвени се 152 дописи до надлежните институции и странките и 45 записници од извршени теренски увиди.

Реализирани се и 56 активности поврзани со летните тераси и користењето на јавните површини, кои опфаќаат теренски увиди, пресметки и издавање соодветни одобренија. Овие бројки не претставуваат само административна статистика. Зад секој предмет стои конкретна потреба на граѓанин, семејство, инвеститор или деловен субјект – решавање на прашање поврзано со дом, имот, инвестиција, адреса, дозвола или долгогодишна управна постапка. Затоа нашата цел не е само да го зголемуваме бројот на завршени предмети. Нашата обврска е да изградиме систем во кој постапките ќе бидат законски, навремени и транспарентни, а граѓаните ќе добиваат точни информации, професионална услуга и еднаков третман.

Особено значајно е што се иницирани споени постапки за парцијално изменување и дополнување на Генералниот урбанистички план, заедно со паралелна изработка, односно изменување и дополнување на деталните урбанистички планови, на вкупна површина од околу 20 хектари. Секторот е во завршна фаза на постапката во која ќе се отпочне оттуѓување/продажба на 40 – тина градежни парцели со наддавање. Со овие постапки создаваме планска основа за натамошниот развој на градот, за реализација на нова и подобра инфраструктура, за привлекување инвестиции и за планско и уредено користење на просторот.

Во изминатиот период завршивме повеќе значајни зафати во градот и во населените места. Реконструиран е локален пат Челопеци-Рабетино-во вредност од 2.187.720,00 денари. Реконструиран е локален пат во село Другово во должина од 250 метри. реконструирани се краци од улици со асфалт во с. Козица со вредност од 1.015.000 денари. Во село Тајмиште е реконструиран паркинг-простор пред училишната зграда и изграден е потпорен ѕид во должина од 30 метри. Завршена е Изградбата на Паркинг површина со бехатон плочки на ОУ Кузман Јосифоски Питу и Интернат со вредност од 3.933.000 денари Завршена е реконструкцијата на улиците во с. Зајас и Србица, реконструиран е локалниот пат во с. Грешница со вредност од 11.850.000 денари како и локалниот пат што ги поврзува с. Колибари и с. Црвивци во вредност од 22.600.000 денари,

Реконструиран е локалниот пат Мамудовци-Стрелци со вредност од 6.250.000 денари, завршена е реконструкцијата на локалниот пат во с. Србица во вредност од 35.400.000 денари, Завршена е реконструкцијата на корито од отворен атмосферски канал во с. Стрелци во вредност од 7.800.000 денари, улицата Маршал Тито од Мост на река Сушица до регионален пат Кичево-М.Брод со вредност од 26.700.000 денари, реконструиран е крак 1 и крак 2 на ул. 4-ти Јули со вредност од 13.500.000 денари, локалниот пат во с. Вранештица во вредност од 25.000.000 денари и должина од 2.8 км, локалниот пат до манастирот „Св. Богородица Пречиста“ во должина од 4.0 км и во вредност од 34.000.000 денари, а во тек е реконструкцијата на улицата „Тренко Тасески“ во должина од 750 м и во вредност од 18.600.000 денари а се работи на реконструкцијата на објектот од Територијалната противпожарна единица во Кичево вредност од 27.500.000 денари, се работи и на реконструкција на ОУ „Санде Штерјоски„ за спроведување на мерки за енергестка ефикасност со вредност од 15.000.000 денари.

Започната е изградбата на новопроектирана улица во просторот околу поранешната „Штрафара“, со уличен профил широк 13 метри и должина од 265 метри. Во истиот комплекс се очекува изградба на тротоари со широчина од 2,5 метри во должина од 135 метри, како и тротоари со широчина од 1,5 метри во должина од 237 метри. Од проектите кои се во тек, а инвестирани од Општина Кичево може да ги наброиме и Реконструкцијата на ул. Тане Цалески и крак на Јанко Михајлоски со вредност од 4.600.000 денари, реконструкција на ул. Цар Самоил со вредност 2.500.000 денари, реконструкција на локален пат во с. Србјани со вредност од 696.000 денари., реконструкција на локален пат во с. Свињиште со вредност од 450.000 денари, реконструкција на ул. Димитар Влахов со вредност од 400.000 денари.

Реконструкција на ул. 4ти Јули-крак од 11 Септември на кај Ламели, Реконструкција на крак на ул.4-ти Јули кај Интернат, изградба на детски рекреативни паркови со вредност од 2,500,000 денари во тек е иградбата на паркинзите во рамки на блокот “Воени“ згради со капацитет од преку 80 возила и со вредност од 3.500.000 денари се очекува и почеток на реконструкцијата на ул. „4-ти Јули“ и крак од ул. „4-ти Јули, два локални патишта во с. Бигор Доленци со вредност од 2,300,000 денари, локален пат с. Србјани со вредност од 500.000 денари, локален пат во с. Ново Село со вредност од 1 милион денари.

А при крај е изградбата на детски парк со димензии 40 на 17 метри. Во селата Иванчишта и Ново Село се очекува почеток на изведбата на резервоари за снабдување со питка вода. Наскоро се очекува да започне и вториот дел од улицата „Рудничка“, во должина од 200 метри. Пуштен е во употреба современиот систем за греење и климатизација на СОУ„ Мирко Милески„ и „Дрита„ во Општина кичево со вредност од 25.000.000 денари. Во контекст на изградба на фекална и атмосферска канализација и водоводна мрежа инвестирани со буџет на општината Кичево се изработени, фекална канализација во с. Грешница со должина од Л=350 м во вредност од 850.000 денари. Атмосферска канализација во с. Зајас Челиковци со должина од Л=57 м во вредност од 350.000 денари, фекална канализација на ул Партизански Одреди-Осој со должина од Л=80 м во вредност од 250.000 денари водоводна линија на ул. Партизански Одреди-Осој со должина од Л=80 м во вредност од 70.000 денари.

Во областа на животната средина и комуналните дејности се спроведоа субвенции за доделување на ваучери за инвертер-клими. Подготвен е извештај со процена на штетите од поплавите, доставен до Советот и до Владата. Реализирана е дезинсекција, изготвен е план за дератизација, а постапката за изградба на прифатилиште за згрижување на бездомните кучиња е во завршна фаза на јавна набавка. Конечно доаѓаме и до завршна фаза и во решавањето на деценискиот проблем со депонијата за што општината обезбеди дополнителни 10 милиони денари кои ќе се искористат за изнесување на сметот во регионална депонија. Се постапува по барања за еколошки дозволи, се вршат теренски контроли и се работи на катастарски карти за повторна процена на данокот на имот. Со тоа ја уредуваме евиденцијата, ја зајакнуваме правичноста и создаваме подобра основа за сопствени приходи на Општината.

Паралелно со тековните работи, подготвуваме и поголем пакет капитални проекти. Нивната индикативна вредност надминува 470 милиони денари, односно повеќе од 7,5 милиони евра. Меѓу приоритетите се спортските терени во комплексот „Горица“, заедно со решение за атмосферските води; резервоарот „Осој“ со капацитет од 500 кубни метри кј ќе биде наменет за с. Раштани и с.Осој но и како дополнителен резервоар за градот Кичево; реконструкцијата, проширувањето и урбаното уредување на градскиот плоштад, со проценета вредност од околу 2,5 милиони евра; воведувањето паметни водомери; локалните патишта кон Ехловец, Иванчишта, Лешница, Кладник и кракот кон Кладник, со вкупна вредност поголема од 2 милиони евра; како и улици и потпорни ѕидови во Белица. Нашиот пристап е јасен: проектна документација, обезбедување извори на финансирање и реализација по утврдени приоритети. Не сакаме проекти што постојат само на хартија, туку проекти што ќе бидат видливи и корисни за граѓаните.

Одговорното работење не се мери само преку бројот на реализирани проекти, туку и преку внимателно и домаќинско управување со буџетските средства. Кај ученичкиот превоз, во 2024 година биле исплатени 42 милиони денари, во 2025 година 21 милион денари, а во текот на 2026 година, до периодот опфатен со овој отчет, 7.120.000 денари. Овие податоци ја покажуваат потребата трошоците постојано да се следат и да се планираат врз реални основи. Во 2026 година Општината нема ангажирано надворешен адвокат, со што се избегнува претходен годишен трошок од околу 650.000 денари. По основ на присилна наплата и извршни налози, во 2024 година биле исплатени 18.500.000 денари, во 2025 година 17.700.000 денари, а во 2026 година, до периодот опфатен со отчетот, 5 милиони денари.

Нашата цел е обврските да се сервисираат навремено и да се намалуваат дополнителните трошоци од камати и извршување. Од буџетската ставка за јавна чистота не се ангажирани лица, со што е остварена заштеда од приближно 6.700.000 денари. Во тек е повторна процена на имотот, која ја спроведуваат општинската даночна единица и надворешни лица платени според сработеното. Целта е да се воспостави поправедна и ажурна даночна евиденција и да се зголемат сопствените приходи на Општината.

Донесен е и нов правилник за плати во Територијалната противпожарна единица. Основната плата е поставена на ниво на самостоен референт, со законски предвидено зголемување од 20 проценти. Со ова се надминуваат дел од долгогодишните незадоволства и се намалува ризикот од нови судски постапки. Во рамките на социјалната поддршка, доделени се 99 годишна финансиска помош за лица со попреченост, во вкупен износ од 4.752.000 денари.

Во учебната 2025/2026 година работевме на административни, финансиски и инфраструктурни прашања во училиштата. Подготвени и доставени се документи до Министерството за стариот и новиот модел на финансирање, постапувано е по барања и именувања вршители на должност директори, а обезбедена е поддршка за децата со попреченост по 4000 илјади денари месечно во целокупното траење на мојот мандат. Обезбедивме ваучери за првачињата и награди за учениците што постигнаа резултати на државни и меѓународни натпревари. Се работи на проект за фасада и инфраструктурни зафати во ООУ „Санде Штерјоски“, на паркингот кај ООУ „Кузман Јосифоски-Питу“, како и на санитарен блок во ООУ „Наим Фрашери“ во Јагол. Отворени се дневни центри во училиштата „Санде Штерјоски“, „Кузман Јосифоски Питу“ и „Христо Узунов“ во Другово, а покрената е и иницијатива за проширување на детската градинка „Олга Мицеска“. Завршени се работите во објектот „Агрокоп“, со што се создадени услови за активностите на Црвениот крст сега непречено може да ги обавуваат своите активности во нова зграда.

Во спортот продолжи финансиската поддршка за клубовите, а Општината ја поддржа и манифестацијата „RUN Кичево“, односно кичевскиот маратон Посебно место има културата. Во рамките на проектот „Град на културата“, со кој се закитивме во 2026 година со поддршка од Министерството за култура во износ од 4.000.000 денари и со средства од општинскиот буџет од преку 6.000.000 денари до септември се реализирани повеќе од 100 културни активности. Кичевската публика имаше можност да проследи настани со Македонскиот народен театар, „Танец“, „Мизар“, „Леб и сол“ и бројни локални уметници. Програмата беше повеќејазична, мултиетничка и отворена за сите, а културните активности продолжуваат и во преостанатиот дел од годината. За потребите на општата Болница во Кичево набавен и ставен во употреба е Ултразвучен 4 Д ехо апарат за рана детекција на карцином на дојка, кој е во целост финансиран од општина Кичево.

Почитувани сограѓани, Овој отчет е резултат на заедничка работа. Им благодарам на општинската администрација, јавните претпријатија, Советот, училиштата, институциите, здруженијата, културните работници, спортските клубови и на сите граѓани што со предлози, критики и поддршка придонесуваат Кичево да оди напред. Ништо не се менува преку ноќ. Но ниту еден проблем не смее да биде игнориран. Нашата обврска е плановите да ги претвораме во проекти, проектите во градилишта, а градилиштата во подобри услови за живот.

Ќе продолжиме со обезбедување средства, подготовка на проектна документација, подобрување на административната ефикасност и воспоставување финансиски ред. Нашите цели се јасни: функционална и услужна општина; уреден и модерен град; подобра инфраструктура во секоја населба; квалитетно образование и грижа за секое дете; поддршка за културата, спортот и младите; еднакви можности за сите; Кичево во кое младите ќе остануваат, ќе работат и ќе создаваат семејства. Промената не е само изборен резултат. Промената е секојдневна обврска. Довербата не се добива еднаш засекогаш — таа се заслужува секој ден. Ќе продолжиме заедно, без поделби, со почит кон секој човек, со отчетност за секој денар и со јасна цел, достоинствен живот за сите граѓани на Општина Кичево“, изјави Александар Јовановски, градоначалник на Општина Кичево.

-ОВР Прилеп поднесе кривична пријава против Б.М.(34), Г.М.(33), А.М.(26) и Е.М.(38) од Струмица, поради постоење основи на сомнение за сторено кривично дело „насилство“. На 22.09.2026 во с.Кривогаштани, Општина Кривогаштани, пријавените физички го нападнале В.З.(39) од истото село и му нанеле повреди, информираат во полицискиот билтен на МВР.

Денес ќе соопштиме уште една голема и значајна вест за македонската економија – нова инвестиција на германската компанија „Кромберг и Шуберт“, нови 2.000 работни места и производство на делови за германскиот автомобилски гигант „Ауди“. Ова го напиша на социјалната мрежа Фејсбук, премиерот Христијан Мицкоски.

-Ова е важна вест за нашата економија, но уште поважна за граѓаните, бидејќи зад секое ново работно место стои нова можност, поголема сигурност за семејствата, нова надеж и подобар живот. Ова е нашата програма, ова се нашите цели и вака ја градиме иднината. Со работа, инвестиции и конкретни резултати. Додека ние отвораме нови работни места и создаваме можности, програмата на опозицијата, наместо со проекти и решенија, е исполнета со деструкција, лаги и политички опструкции, напиша Мицкоски.

Во постот Мицкоски додава дека разликата постои и секој ден станува сè повидлива.

– Ние продолжуваме да се бориме за секое работно место, за подобар живот и за нашата заедничка иднина!, вели тој.

Младиот прилепски боксер Матеј Чатлески ќе настапи на „Balkan Boxing 13“ во Неготино, настан што ќе го следи публиката низ Балканот и пошироко. Отворен е повикот до општествено одговорните компании да го поддржат неговиот настап и да го промовираат својот бренд пред широка телевизиска публика.

На 31 октомври, спортската сала „Младост“ во Неготино ќе биде домаќин на „Balkan Boxing 13“ – голем регионален настан посветен на професионалниот бокс, кој за првпат ќе се одржи во Македонија под промоцијата „Balkan Boxing“, во партнерство со Здружението „Про Бокс Македонија“ (ПБМ) и Општина Неготино.

Особено внимание привлекува настапот на Матеј Чатлески, млад професионален боксер од Прилеп, кој досега има три професионални настапи и три победи. На претходното издание на „Balkan Boxing 7“ во Бор, тој славеше против Милош Јањанин, а претходно ги совлада и Срѓан Зариќ и Стефан Марич.

За Чатлески, настапот на овој регионален боксерски спектакл претставува нова можност да го покаже својот квалитет во рингот, да го претстави Прилеп и да продолжи да гради кариера во професионалниот бокс.

Компаниите можат да инвестираат во спортот и да го промовираат својот бренд

За подготовките и настапот на еден млад спортист потребна е поддршка. Затоа, се упатува повик до сите општествено одговорни компании, бизниси и поединци кои сакаат да поддржат млад спортски талент и да станат дел од неговата спортска приказна.

Спонзорите ќе добијат можност да го промовираат својот бренд преку поставување лого на спортската опрема на Матеј, вклучувајќи ги боксерските шорцеви и дресот, како и на промотивните маички.

Настанот ќе се пренесува преку Arena Fight, во соработка со Arena Channels Group, како и преку платформата Rutube. Тоа отвора можност брендот на спонзорите да добие видливост пред љубителите на боксот во Македонија, на Балканот и пошироко.

Зад секој спортски настап стојат многу труд, тренинзи, посветеност и финансиски средства. Поддршката од домашните компании може да биде значаен чекор за Матеј во неговиот спортски развој, а за компаниите – можност преку конкретна општествена одговорност да го поврзат своето име со младоста, спортот и успехот.

Бидете дел од приказната на Матеј Чатлески!

Сите компании и поединци кои сакаат да помогнат во подготовките на Матеј за „Balkan Boxing 13“, да го поддржат неговиот настап и да го промовираат својот бренд преку оваа спортска приказна, можат директно да го контактираат преку неговиот Instagram профил.

На 31 октомври, погледите ќе бидат насочени кон рингот во Неготино. Ова е можност прилепските компании да застанат зад својот сограѓанин, да инвестираат во спортот и заедно со него да го претстават Прилеп на регионалната боксерска сцена.

Во најавата за најновта колумна за општествено-политичките случувања во Прилеп, а прва после летните одмори, новинарот Зоран Момироски ќе пишува и за состојбата со уличното осветлување во Прилеп, кое е еден од најголемите проблеми на прилепчани во изминатите месеци.

-Тендерска битка меѓу една стара и нова фирма за сервисирање и за одржување на уличното осветлување е причина што делови од градот сеуште се во темница. Околу 25.000 домаќинства без дуќанџии и фирми за улично осветлување плаќаат по 184 денари без ДДВ на месечните сметките за струја, пишува Момироски во најавата.

Колумните на новинарот од Прилеп, можете да ги читате ТУКА

Премиерот Христијан Мицкоски денеска ќе присуствува на потпишување договор за нова инвестиција на компанијата „Кромберг и Шуберт“.

Договорот ќе биде пиотпишан во Свечената сала на Владата.

По потпишувањето предвидено е Мицкоски и претставници на „Кромберг и Шуберт“ да одржат заедничка прес-конференција.

Џез Фактори Фестивалот Битола по третпат учествува на Меѓународниот уметнички фестивал во Шангај, Кина и во активностите на меѓународната мрежа за соработка на уметнички фестивали на Патот на свилата. Како претставник е директорот на фестивалот проф.Сашо Поповски. Ова трето учество претставува значаен чекор во континуираното градење културни мостови меѓу Македонија и Кина, промоцијата на македонската џез-сцена и развојот на долгорочни меѓународни партнерства преку музиката и уметноста.

„Посебен акцент во нашата презентација ќе биде ставен на Националната џез-платформа на Македонија, нејзината улога во развојот, поврзувањето и промоцијата на македонската џез-сцена, како и на можностите за унапредување на соработката со кинеските културни институции, фестивали и музичари. Во рамките на нашите активности, посебно внимание ќе посветиме и на можностите за академска соработка и универзитетска размена, преку поврзување на Музичката академија при Универзитетот „Гоце Делчев“ – Штип со сродни високообразовни институции во Кина. Целта е да се отворат нови перспективи за размена на студенти и професори, заеднички едукативни и уметнички проекти, работилници, мастер-класови и истражувачки активности во областа на џезот и современата музика. Веруваме дека ваквите академски партнерства ќе придонесат кон унапредување на музичкото образование, меѓународната мобилност и долгорочното поврзување на македонската и кинеската музичка и академска заедница“, истакнува проф. Поповски.

Важен дел од активностите во Шангај се и подготовката за јубилејното, 10-то издание на Џез Фактори Фестивал Битола, кое ќе се одржи од 13 до 18 април 2027 година.

Во рамките на средбите планирано е потпишување договор за соработка, како и упатување официјална покана до кинески џез-артист за настап на јубилејното издание на фестивалот. Оваа иницијатива претставува значаен чекор кон продлабочување на културната размена меѓу Македонија и Кина, поврзување на џез-сцените на двете земји и создавање нови можности за заеднички уметнички проекти.

Посебно место во презентацијата ќе има и едукативната програма Jazz Factory for Kids, преку специјалниот проект:
„Jazz Bridges for Inclusive Futures – A European Model for Music, Diversity and Intercultural Collaboration“.
Проектот ја истакнува моќта на музиката како универзален јазик што ги поврзува децата, ги поттикнува инклузијата и креативноста и создава простор за прифаќање на различностите и меѓукултурен дијалог.

„Преку овој проект ја споделуваме нашата визија за европски модел на музичко образование што промовира еднакви можности, активно учество и пристапност за секое дете, без разлика на неговите способности, потекло или културна припадност. Веруваме дека музиката има моќ да ги надмине границите, да ги поврзе заедниците и да придонесе кон поинклузивно и поотворено општество“, додава Поповски.

За Џез Фактори Фестивалот Битола, меѓународните средби не се само можност за претставување на досегашните активности и резултати, туку и простор за создавање нови партнерства, размена на знаења и искуства и развивање иницијативи што оставаат долгорочен културен, образовен и општествен придонес.

Од Битола до Шангај, преку џезот, музичкото образование, академската размена и културната соработка, Џез фактори фестивалот продолжува да гради мостови меѓу Македонија, Кина и Европа – заедно со уметниците, институциите, академската заедница и новите генерации.

Две култури, една универзална музичка приказна – поврзани преку џезот.

Жителите добиваат бесплатни канти и упатства за правилно селектирање на пластиката, а првата фаза од проектот започна со доброволно вклучување на домаќинствата од улицата „Филип Втори“.

Во општина Кривогаштани започна спроведувањето на селекцијата на отпадна пластика во домаќинствата, како дел од активностите за воспоставување регионален систем за управување со отпадот во Пелагонискиот и Југозападниот регион.

Активностите започнаа во ЈП „Пелагонија“, каде што, во присуство на претставници на SALAR International од Шведска, беше склучен првиот договор за селекција на отпадна пластика. Во првата фаза доброволно се приклучија и жители од улицата „Филип Втори“.

Со склучувањето на договорите, домаќинствата добиваат бесплатни канти наменети за отпадна пластика, како и флаери со упатства за правилно селектирање на отпадот.

Како што информира градоначалникот на општина Кривогаштани, ова е следен чекор во воспоставувањето на регионалниот систем за управување со отпад, кој ја опфаќа и идната регионална депонија во Новаци.

По обезбедувањето ново возило за потребите на ЈП „Пелагонија“, општината продолжува со воведување практики за селекција на отпадот директно во домаќинствата.

Градоначалникот упати благодарност до SALAR International за поддршката, до вработените во ЈП „Пелагонија“ и до граѓаните кои доброволно се вклучија во почетната фаза, повикувајќи ги и останатите домаќинства да го следат нивниот пример.

Воведувањето на селекцијата на пластика претставува чекор кон поодговорно управување со отпадот, а успехот на оваа иницијатива ќе зависи и од активното учество на граѓаните и нивните секојдневни навики.

Летните гуми си ја завршија работата. Но кога температурите паѓаат, а утрата стануваат сè постудени, време е и автомобилот да биде подготвен за новата сезона. Затоа што возењето во новата сезона носи свои предизвици, а добрата подготовка започнува уште пред зимските денови.

Во понудата на Mint Store можеш да разгледаш зимски гуми од различни брендови и да го пронајдеш моделот што одговара на димензиите и потребите на твојот автомобил.

Избери зимски гуми што одговараат на твојот автомобил

Без разлика дали веќе знаеш кои гуми ти се потребни или допрва ги разгледуваш опциите, на Mint Store можеш да избереш од понуда на зимски гуми од познати брендови како:

• Dunlop,
• Pirelli,
• Michelin,
• Toyo Tires,
• Continental,
• Riken.

Различни димензии, различни модели и избор за различни потреби и буџети. Најважно е да ги пронајдеш гумите што одговараат на твоето возило и на условите во кои најчесто возиш.

Подготовка со дополнителна заштеда!

Изборот на гуми е само еден дел од подготовката. За правилно поставување и балансирање, важни се и професионалната монтажа и соодветната проверка.

А еве уште една причина да не ја одложуваш подготовката: искористи го попустот од 30% за балансирање и монтирање во салоните на Мотоцентар!

Така, покрај изборот на зимски гуми преку Mint Store, добиваш и можност да заштедиш при подготовката на автомобилот за зимските услови.

Не чекај сезоната да те изненади!

Подготви се навреме и избери зимски гуми што ќе одговорат на твоите потреби.

Зимата доаѓа. Твојот следен чекор е едноставен: избери гуми, заштеди 30% на балансирање и монтажа во салоните на Мотоцентар и биди подготвен!

Разгледај ја понудата на зимски гуми на Mint Store, избери ги соодветните димензии и искористи ги актуелните поволности.

Mint Store – твојот online трговски центар.

Има места каде што храната е многу повеќе од оброк, таа е уживање во вкусот, мирисот на свежо подготвените специјалитети и задоволството што доаѓа со секој залак. Токму со таква идеја, Gyro Street</a> во Прилеп ја градеше својата приказна, нудејќи автентично грчко гиро, подготвено со внимание кон секој детаљ. А сега, на веќе препознатливата гастрономска понуда ѝ додаваат уште една причина за посета, ново мени со богати, вкусни и големи пици за сечиј вкус!

Зад Gyro Street стои Сашe Темелкоски, прилепчанец со повеќе од 20 години искуство во угостителството, кој низ работата во Македонија и во странство го надградувал своето знаење, запознавајќи различни кујни, вкусови и начини на подготовка. Токму тоа искуство, заедно со љубовта кон гастрономијата и желбата на прилепчани да им понуди нешто квалитетно и поразлично, е основата врз која ја гради приказната на Gyro Street.

Препознатливи по своето гиро, каде што сочноста на месото, свежите состојки и внимателно подготвените сосови создаваат вистинско гастрономско доживување, од Gyro Street сега одат чекор понатаму. Новитетот во менито се пиците, подготвени за сите оние кои сакаат добар вкус, богата комбинација на состојки и вистинско уживање во омилениот италијански специјалитет.

Од класичните комбинации до пици за љубителите на поинтензивни и поинакви вкусови, новото мени на Gyro Street носи разновиден избор. Тестото е еден од главните адути, со одлична текстура и вкус, а пиците се големи, богати со состојки и создадени за да го оправдаат задоволството на секој љубител на добра пица.

Во понудата се наоѓаат добро познатите Маргарита, Капричиоза, Мови, Пеперони, Фунги, Везувио, Стелато, Кватро формаџи, Туна, Вегетаријанска и Мексиканска пица, а за оние кои сакаат нешто поинакво, тука се и Гиро пицата и House пицата, избор што одлично се вклопува во гастрономската приказна на Gyro Street.

Без разлика дали сте љубител на класичната Маргарита, сакате пица со богати месни додатоци, уживате во комбинации со сирења или, пак, претпочитате полесни и вегетаријански варијанти, во новото мени има опција за различни вкусови и желби.

Она што дополнително ја прави понудата привлечна се пристапните цени, со идеја добрата храна да биде достапна за секого – од брз оброк во текот на денот до опуштено дружење со семејството или пријателите.

Покрај пиците, на менито сега има и печени сендвичи, пастрмајлија и топено сирење, специјалитети што ја надополнуваат разновидната понуда и овозможуваат секој да го пронајде својот омилен оброк.

Токму во тоа е идејата на Саше, да создаде место каде што квалитетот, разновидноста и вкусот одат заедно. Искуството стекнато низ годините е важен дел од таа приказна, но подеднакво важни се и вниманието кон подготовката, изборот на состојките и желбата секој гостин да си замине задоволен.

Ако сè уште не сте го пробале нивното гиро, сега имате уште повеќе причини да го посетите Gyro Street. А ако сте љубител на пици, можеби токму некоја од новите комбинации ќе стане вашиот следен омилен вкус!

Посетете ги на ул. “Цар Самоил” наспроти Економското средно училиште во Прилеп, или јавете се и нарачајте на телефонскиот број: 078 533 692

НАЗДРАВЈЕ!